حتى نتوما شفتو اللقطة هذي ولا غير أنا ؟؟؟

[ماكانش]

و الله غي تاع الصح حيرتني و انت تحكي ..اف اف اف في جزاير عندنا هكدا ؟؟؟؟؟؟؟ انا وين نسكن جامي ويلا شفت طفلة في طريق تكوبي " كيما قلتلها انت " جامي صرات و علابالي كون ديرها طفلة وحدها دير stop prq خويا خزرات الناس ما تخليهاش تكمل كوبة وحدة بلا ما تلصقلها ..الله يحفظ و يستر ..

انا مرة دخلت مع صاحبتي لحانوت يكري cd d jeux و هو جاي في زنقة إيزولي شوية امنوني كامل لي داخل لي خارج يشوف فينا و مبعد حشمنا على رواحنا و خرجنا ليه ليه .. و من داك اليوم جامي ندخل حانوت فيه رجال بلا ما يكون معايا راجل ( خويا ،بابا ،راجلي ...المهم ما نستعرش من روحي )

اما ندخل قهوة هادي جامي و لاتخيلتها صح انا ما نشرب قهوة ما يضرني راسي بصح حتى لو كنت نشرب كاين دارنا ...و + طفلة تقرا في ليسي واش من قلقة راهي فيها ؟؟؟؟؟ واش من مزيرية حتى يضرها راسها ؟؟ ياك يماتنا راهم يسحوسوا في بناتهم غي يقراو برك و راني سير بلي خلات tea ف دار و جات تزيد فيها برك ..




عيش تشوف تاع الصح لازم نبداو نأمنو بيها ..ربي يجيب لي فيه الخير

أهلا بيك إقبال
يعطيك الصحة يا بنت الرجال والأصل
مليحة الطفلة ماتدخلش حانوت فيه الرجال الا مع راجل صح
ولا يكونو فيه النساء للداخل ...
رانا ولينا نشوفو امور كثر من التاي وكثر من كلش
ربي جيب الخير ويبعدهم علينا
يعطيك الصحة اقبال ...
​

راكم روطار علينا بزززززززززززززززاف وان شاء الله تقعدو روطار واحنا كون غير جات على لاتاي هنا تكمي نورمال حنا وبلا فخر دوزيام باري

هههههههههههه
صح رانا بعاد بزواف عليكم ...​

 

[هدى 17]

ههههههههههههههههه
شكرا
​

 

[ماكانش]

]​

كيما الطفل كيما الطفلة ر بي يستر نا من هذي لفعايل لدير و فيها

اميييييييييييين ....​

اهلين اخي

كيفك ...ان شاء الله بخير؟؟
انا ما بعرف لأنو مانيش ثما ف الجزائر.... بس انظن انو حاجة أنورمال بالنسبة لمجتمعنا
بس اذا نحكيلك على هنا وين رانا ... حاجة عادي ... بس على حسب المكان لي أخذت منو التاي ولا.....
و بالنسبة للتاي ....حنا صحاب الصحرا نعرفوه على أصولو هههههه ...اذا حاب ما يطعلكش مالح قولي نمدلك لاغوسات ههههههه

مرسي على الموضوع ​

أهلا بيك وردة
صح على حسب المكان
وحنا ماعندناش بلاصة مخصصة للتاي للنساء
غعير للرجال
ايه وجديلي لاروسات راني عييت نخرج تاي مليح ههههه​

 

[اعيش راضية]

ههههههههههه
السلام عليكم
موضوعك حلو و شباب
ايوااااااااااه التاي برا
والله اول مرة نسمع بيها
مليحة هادي ما عندناش كامل في بلعباس
لا خويا ماشي نورمال هادي مرأة ترفد قهوة و لا شاي معاها و تشرباه برا
يعني نورمالمو شوية طايحة
و الله اعلم
تقبل مروري
ملاحظة:
انت اوموا سييت طيبه انا بنت و ما نعرفش هههههههه​

 

[soussou.31]

ههههههههههههه

نتخيل في روحي في بلاصتها

كون ندير كيفها ماندخلش لدارنا


ماشي مليح هكا ولاو البنات يدخلو للقهوى

 

[souhila_95]

هههههههههههههههههههههههههههههه التفنيين قاتلها

 

[دعاء الحق]

ههههههههههه انا ثابت مزالت ملحقتش عندنا هاذي الموضة

 

[ماكانش]

يعطيكم الصحة
لي رجعة

 

[ماكانش]

hadhi lmara atay m3a lyam tel9aha doukhan w
f dz kol chi momken
قعدوا يقلدو في كل حاجة ايجابية ولا سلبية
المغلوب مولع بتقليد الغالب

أهلا بيك سالي
كيما قلتي كلش يجي بالتدرج
يامات يدخلو للقهاوي من بعد يامات يوليو يتقهاوو ويامات تبدا الكارطة والدومينو ههههه
يعطيك الصحة
​

الشايب هذي سيربمون من جماعة الباك هههههههه

قالولهم يزيدلكم فالميموار 1go ههههههه وينشطلك الذكاء
يخي زمن رانا فيه
ربي يهنينا
شكرا على الموضوع​

أهلا بيك خويا
ههههههه
قالولها ينشطك ومليح كاس قبل المات هههه
يعطيك الصحة​

 

[ماكانش]

اواه هادي اللقطة راحت عليا مشفتهاش مي غدوة في طريق الليسي مع الامتحانات نضرب طلة على القهوة و نشري لاتاي و نشرب في الطريق

​

ربي يستر خويا زمن لعجب هدا
مع احتراماتي ليك
سلامو​

أهلا بيك سارة
ههههه
بصحتك التاي
مناعليهش إذا سخفت بصح تشربو ثم ثم ماشي تتكسل وتتمشا بيه
يعطيك الصحة وربي نجحك ...​

 

[ماكانش]

ya khoya normal ila da5let chira lel salon de thé w ga3dat charbet hadi normaaal méé c pas normaal temchi bih bara w tev=chreb 3ayb wlleh ​

أهلا بيك ختي
المشكل حنا ماعندناش صالو دو تي كيما راكي تقولي
ألي كاينين ماشي ملاح
والمشكل كي تمشي بيه لبرا
لوكان قعدت ولا اداتو معاها ماعليهش
يعطيك الصحة​

 

[ماكانش]

ماحيرنيش طفلة كيفاش تشرب التاي
biensure mathirch psk normal tofla touchroub tea w ida kan 3andak problem fi had lhaja c"est ....
وزعما كيفاش راح تشربو في الطريق ؟؟؟ تكوبي منو بالشوي ؟؟؟ ههههه
machi sure rahya tachrbou balak tdih ldar balak balak balak..... Hna win 3labalna
وبلاك راهم يدخلو للقهاوي ويهزو قهوة في جوتابل وأنا ألي مازال ماشفتهاش ؟؟؟[/
makalah ngonfliw

نتا بنيت لحكم نتاعك على نصف ملاحظة يعني شفت طفلة شرات تاي رجعتها حاجة bizar
على العموم عندك الحق قلة ادب الطفلة تشرب في الطريق

أهلا بيك ختي
انا شفت وعلابالي ونتي راكي تهدري برك
بلاك وبلاك وبلاك
مابلاكش هازاتو تشرب فيه في الطريق ...

 

[ماكانش]

ربي يجيب الخير خونـــا​

مبقاش بزاف يولو يدرفدو القهوة في جوطابل :=​

أهلا بيك قيصر
كون غير تحبس فالقهوة والجوتابل
المشكل جايا للدخان والدومينو هههه​

 

[ماكانش]

yààw haja norml hadi
mch9ach tkhammam
jat fi rsha tchab ahay mn bara c' touuuuus

أهلا بيك ختي
ايه الله يسهل عليها
شوي اللقطة جاتني ماشي تاع طفلة برك ...
يعطيك الصحة​

 

[ماكانش]

ههههههههههههههههههههههههه
عفساتك ملاح خو
ديما نقرى الجديد معاك
باااااااااااااااااااااااي

أهلا دعاء
ربي يحفظك ويخليك​

 

[ماكانش]

يــــآه يآ سفيان خخخخخخخخ

رانا شفنا العجب وين بقات نتاع التاي والقهوة برا
هادي اوموا راها أرحم من وحد المشاهد نشوفوها يوميا
اللهم تشرب قهوة وتاي ومانيش عارفه برا وماتديرش حاجه قد راسها
انا نحشم نموووت باش نشرب ولا ناكل برا في الطريق زعما
غيـر خطره تقدرت علينا على 12 مارحناش لديارنا انا وجماعتي فطرنا برا نضربو في الساندويش ورايحين للسي كي نشوف كاش واحد جاي نديره مورايا نخزنه زعما مانيش ناكل معاهم هههههههه

مرسي ​

أهلا بيك فاتي
ههه
صح الرحمة في التاي والقهوة من واش رانا نشوفو
والحشمة راهي من عند ربي سبحانو
مام انا مانقدرش ناكل لبرا خلاص
وخرين لاحشمة لاوالو قدام العباد كامل وفي طريق معمرة غاشي وهوا ياكل عادي
نحير فيهم ومن صحة وجهم ...
يعطيك الصحة ​

 

[ماكانش]

احم احم اولا مشكوور اخي ماكانش على الموضوع​

ثانيا كيما قالو لوخرين ماتتفاجئش مهما تشوف رانا ف2012 وكل شيء ممكن ​

ربي يهدي ماخلق نشالله ​

صحيت خويا على الموضوع الرائع رانا نستناو فالجديد​

أهلا بيك امورة
عيش تشوف ومازلنا نشوفو ونعيشو ...
يعطيك الصحة وربي يحفظك​

 

[ماكانش]

ههههههههههههههههه

شكرا​

عفوا ....

 

[ماكانش]

ههههههههههه

السلام عليكم
موضوعك حلو و شباب
ايوااااااااااه التاي برا
والله اول مرة نسمع بيها
مليحة هادي ما عندناش كامل في بلعباس
لا خويا ماشي نورمال هادي مرأة ترفد قهوة و لا شاي معاها و تشرباه برا
يعني نورمالمو شوية طايحة
و الله اعلم
تقبل مروري
ملاحظة:

انت اوموا سييت طيبه انا بنت و ما نعرفش هههههههه​

أهلا بيك أعيش راضية
هههههههه
ياه وانا راني نحوس على ألي يعلمني نطيبو هههه
انا بانتلي اللقطة تاع التاي برا حنا ألي رانا روطار هذا وين وصلتنا هههه
ربي جيب الخير
يعطيك الصحة اعيش راضية​

 

[ماكانش]

ههههههههههههه

نتخيل في روحي في بلاصتها

كون ندير كيفها ماندخلش لدارنا


ماشي مليح هكا ولاو البنات يدخلو للقهوى

اهلا بيك سوسو
ههههه
شتي كيفاش
راهو جاينا وقت تولي اللقطة هذي تبانا نورمال هههه
يعطيك الصحة​