هاذي هي عقليتنا في الدار ............... ونتوما؟؟؟؟؟؟؟؟؟

[سلفي والحمد لله]

هههههههههه

وفي الصباح طل عليه الشمس

وتقولو اخرجو يا ولاد الحرام​

تضحاك؟؟؟
ذك نقك نتى علاش راك تضحاااك نتى لاخاطر منوضكش ليفونكلييييف
حمد نوضو باباها العربية ومايرعفاهش مليح​

 

[سلفي والحمد لله]

+ربي يحفظلك والديك ويديم لمتكم ان شا الله

اللهم امين بارك الله فيكم​

احنا تاني هك لازم يكون الجميع حاضر سينو حاجة ما تتمس باستثناء خويا هداك يحب ياكل وحدو بصح نظن انو هك خير بسكو الماكلة في اللمة عندها بنة خير ما تاكل وحدك.عموما بصحتك اللوبيا بالكرعين.يعطيك الصحة​

يعطيك الصحة ختي وربي يحفظكم كامل
بصح يا ختي لعدس عدس يا لوكان تاكلو مع لافامي كامل
ولي زونتر كوت ولا ستاكات
كوليهم وحدك ولا مع مهبول بنان بنان هههه
شكرا لكم​

 

[سلفي والحمد لله]

آمين ان شا الله
ربي يحفظك خويا
ههههه ايه نقولك فكرة كول برا وكي تدخل العبها تستنى وخلاص i-o: ههه
بلا مزيتي خويا،، موضوعك يستاهل التقييم:re_gards:

ههه هاذيك هي المشكل لواحد راهو مفيط ليامات هاذو يعني ذراع عليك تسنى هههههه
ربي يحفظكم ختي شكرا لكم​

 

[*امينة*]

يعطيك الصحة على المرور اختي وربي يحفظلك خاوتك وباباك وداركم كامل
يا ختي بصح ماي مليحة ما والو ههه
تبقاي تشوفي غير بالعين وماتقدريش تاكلي وش ملاحة في هاذي؟؟؟ههه​

آآآآآمين اخي ونتوما تاني ربي يحفظكم
وااه صح مافيها حتى فايدة ههه
مداك نطولوا باش نتجمعوا تجيني حاجة بيزاار
وزيد تاني نقعد نشوف في الهدوء لي على غير العادة نحس روحي راني ندير في فيلم



​

 

[meriem150491]

هههههههههه اي حنا في الدار اللي غاب غاب سهمو سيرتو لا جا خويا الكبير عليا شويا هداك كي يجي ينسف كلش انا وقريب ياكلني ههههه كي يكون في الدار لازم كل واحد يقفز على روحو لا يعشي ضارب الحليب والخبز اصلا لا لقا الحليب والخبز + انتوما لازم ترجعو كيفنا هههههههه اللي يحكم خوه يشعلو ههههههه اي فيق ولازم طيح نظام الحاج ههههههه:sheer::sheer:
+ ازربو ازربو ازوجو انت وسفيان دك نديرولكم ملمة نزوجوكم هههههه نتهناو منكم شويا​

 

[nawal 88]

انا نطيب غدايا ونحط نعيطلهم جاو جاو ماجاوش والله مانستنا واحد
​

 

[اقبال1]

ههههههه يعطيك الصحةختي على المرور

بصح القانون هذا فوق الجميع ولا لالا
يعني لو كان مثلا ماتجيش نتي يسناوك ولا يقولوك ماقولتنا الشهيرة في الدار لي غاب غاب سهموهههه

ان شاء الله كي نزوج هاك نديرلهم نولي نجيهم على 1.30 مكرى ههه نخلف وش دار فينا الحاج بابا هههه​

الله يسلمك ..

بصح واه خويا في دارنا يستناوني مرات نكون في الدار عند مالين راجلي و نكون متعشية مي نلقاهم يستناو نورمال ..

بصح في دار راجلي جامي خويا يستناو هكدا عقليتهم معلاباليش وعلاه ..

بصح عندنا في دارنا قبل ما نوصل كي نقلك راني جاية اليوم مام بابا و ما يفطرش حتى نجي و ناكلو مع بعض ..بصح الميسيو تاع راجلي انا ديما يتمسخر يقولي " واشنو هادي العقلية راكم ف العكسر ول " ههههههههههه كي يحب نتزافو يجبد هادا السوجي نورمال

بصح انت كون كانت الحاجة امك عارفة انو عندك صوالح تفطرك سير قبل ما يجي باباك مي باسكو راهي عارفة راك فارغ تقول انت قاعد قاعد قعد حتى نفطرو مع بعض صح ؟؟؟؟؟؟

ربي يحفظنا و يستر ولادك منك مساكن ههههههه

 

[nawal 88]

مرا ت الماكلة تسماط وانت تستنا نقلك الصح​

 

[l'espoire.h]

السلام عليكم و رحمة الله تعالى و بركاته
و الله احنا تاني عندنا نفس الشيء، لو كان ما يتلموش كامل على الطابلة و على راسها بابا العزيز:santa_1: ربي يخليهلنا يا رب و يحفظه و يعطيه صحته، ما نتغداو ما نتعشاو، لازم الكل على الطابلة و لي يدير روطار "ياليله و سواد عينه"

ههههههه تسمع غير وين راكم نجو نحاولوكم و لا كيفاه ههههههه، نقولك حاجة هاديك هي البنة تاع الصح، و الله نهار يغيب واحد فينا شغل ناقصة حاجة فوق الطابلة. ربي يحفظك أخي على طرح هذا الموضوع ، و اسفة على الاطالة و سامحوني اذا كان فيه اي ازعاج.

​

 

[الخيزران]

دبرتوها ياخويا زكي
روح جرب كاش مرة كل قبل ما يجي الوالد والله ما تحلالك الماكلة
الوالد هو لي يفتح النفس للاكل ويعطي للشهية والقعدة صفة اخرى وبنة مميزة
تعيا تولي اب وتفهم الحكاية لو كان ما تشوفش اولادك ملمومين الماكلة ترميها وراك
علاه نشوفو ظرك كلشيء رجع صامت على خاطر راحت اللمة العائلية وكل واحد رجع وحدو
الله لا يقطعها عادة وربي يخلي ديما باباك هو لي يقول الاول باسم الله يا بن عمي هذي راهي نعمة ,
صح غداكم .

 

[la_safa]

السلآم خويآ

هههههـ مليح لي ديت ضربة على يدك ماش على راسك ههههـ
والله يا خويآ هي صح مليحة كي تتلم العايلة في الماكلة ولا
ربي يطرح البرآكة كيمآ يقولو ناش بكري
مي حنآ نقدر نقلك نتعشآو مع بعض مي لغدآ مانكونوش في الدار كآمل
وآحد يخدم و لوخر يقرى و وو
نضطر اني نتغدى وحدي ..

صحيت خويآ عالموضوع ..
و ربي يحفظلكـ الوآلدين ..
​

 

[لحن الذكريات]

حنا هالعادة ما عدناش نستنوا بابا ل12.00 اذا ما جاش تقلى الجماعة الكل تطالب بالفطور وماما ما تكونش من العاطلين ههههههههههه
ربي يعينك اخونا السلفي على هالوضع ويخليك ولديك

 

[ђĩหđǿĉħǻ]

انا تاني ههههههههههه

نكون جيعانانبدا غير ندوق
​

 

[مابقاش بزاف.Dz]

السلام عليكم
حنا ما عندناش هاد العقلية فالدار الي يجي يحط ياكل وحدو قليل وين نتلموا مع بعضنا
شكرا على الموضوع

 

[جزائرية روحها فلسطين]

نحنا نتلاقاو غير في رمضان مي ساير ليام نحن النساء نتغداو
وكي يجو الرجال نحطولهم
وعلاه نموتو بشر حتي يجو
ميرسي وهذي دارناااااااااااااااااااااااا
حقا عجبك البورغرام ولالالالا​

 

[βǻŋǾừŧά ₡ǖŦё]

احنا تاني تقعدو ناكلو مع بعض فوق الطابلة مي احنا
ساعات ساعات يتاخر بابا احنا
مانسناوش كيما يجي ياكل وحدو
هذي عقليتنا​

 

[كوني طيبة]

نقرا وميتة بالضحك
هذا الكل على كرشك
انت كي يقرب وقت الغدا هز حاجة كولها صبر بيها روحك وخلاص
باه اذا طول الوالد تقدر تتحمل ههههههههههه
حنا في الغدا عادي
بصح في العشا نحبو ناكلو كيف كيف خير
ربي يخليكم لبعضاكم
ويحفظلك والديك​

 

[دروب الرحمة]

حنا عندنا عقلية اللخر مايلحقش ههه واش من نسنى بابا ومنعرف واش
ربي يصبركم​

 

[at home]

انا بابا من نهار بدات الثورات العربية مازدتش شفتو ياكل معانا يخاف كون يجي معانا يراطي كاش حدث مهم

 

[نجاة40]

حتى حنا هكاك مي قالنا بابا كي نطول عليكم كولو ماتستناونيش ولينا كي نشوفوه طول ناكلو
​