قطعتلي قلبي

[نجاة40]

السلام عليكم
والله قلبي وجعني من قصة صرات اليوم
جاتنا جارتنا كان توفى راجلها عندو 5 سنين عندها 2 ولاد
هي اهلها يسكنو في غير ولاية كي توفى راجلها ولدها لكبير كان في عمرو 19 والصغير 16
جاو خاوة الام داوها بحكم انو اهلها في ولاية اخرى
ودارهم لي هنا قفلوها مدة 3 سنين حتى كملو خلصوها الجيران
العام لي فات جات عندنا ودموعها على خدها قاتلنا ولادي ضاعو حبسو لقراية
ورجعو يطايشو برا مالغري كنا نضربو بيهم المثال فالتربية والاخلاق
كي يهدرو في دارهم والله ماتسمعهم من كثرة الاحترام
واليوم زادت جات مسكينة طل علينا
قاتلي والله توحشتكم
طليت على ولدها حشم هبط راسو قتلو ادخل قالي خلي برك
قتلو واش حسبت روحك كبر ادخل لا نجيك
مازال بنفس التربية ونفس الحشمة رغم ظروفو
هدرة وراء هدرة بدات امو تحكي وتفضفض
قاتلي كان عندي خويا انا لي ربيتو
وكلتو ورقدتو حذايا وراجلي وقف معاه ومدلو دراهم حل حانوت
وانا اختو بعت ذهبي ومديتلو
كي مات راجلي قالي ماعندك ما تسالي لا انتي لا ولادك
وذرك ولادها ام يشفو واحد منع عليه الطبيب الخدمة
او واحد كي يروح يخدم عند خالو كرهلو حياتو دار عليه حرب نفسية
ذرك 5 سنين هو من بلاصة لبلاصة
تعرفو كي حكاتلي قلبي تقطع قلتلها ماتخافيش او كاين ربي
ولي كلا مال ليتامى ربي او ماهنيهش في حياتو
اذا ماشي ليوم غدوا واذا ماشي غدوا بعد شهر ولا بعد عام
مال ليتامى يخرج في ولادو ولا في صحتو في مالو ولا في اخرتو
سكتت وتبكي مرة وحدة وتقولي كاين ربي كاين ربي
ولدها قالها ماتخميش ا ما لي كلالنا حقنا والله مانسمحولو دنيا واخرة
مسكينة
ادعيولها ربي يفتح عليها وعلى ولادها
والله قاستني حكايتها وعلمتني بلي الثقة فالوثيقة حتى مع خوك
​

 

[سلفي والحمد لله]

الله المستعان اختي واعر لي ياكل حق ليتامة
ربي يفرج عليهم وربي يرزقهم من حيث لا يحتسبوا
قال تعالى
(إن الذين يأكلون أموال اليتامى ظلماً إنما يأكلون في بطونهم ناراً وسيصلون سعيراً) [النساء: 10]
وفي الصحيحين عن أبي هريرة أن رسول الله صلى الله عليه وسلم قال: "اجتنبوا السبع الموبقات، قيل: يا رسول الله وما هن؟ قال: الشرك بالله، والسحر، وقتل النفس التي حرم الله إلا بالحق، وأكل الربا، وأكل مال اليتيم، والتولي يوم الزحف، وقذف المحصنات الغافلات المؤمنات"
قال السدي، يبعث آكل مال اليتيم يوم القيامة ولهب النار يخرج من فيه، ومن مسامعه وأنفه وعينيه، فيعرفه كل من رآه بأكل مال اليتيم
الله المستعان​

 

[نجاة40]

الله المستعان اختي واعر لي ياكل حق ليتامة
ربي يفرج عليهم وربي يرزقهم من حيث لا يحتسبوا
قال تعالى
(إن الذين يأكلون أموال اليتامى ظلماً إنما يأكلون في بطونهم ناراً وسيصلون سعيراً) [النساء: 10]
وفي الصحيحين عن أبي هريرة أن رسول الله صلى الله عليه وسلم قال: "اجتنبوا السبع الموبقات، قيل: يا رسول الله وما هن؟ قال: الشرك بالله، والسحر، وقتل النفس التي حرم الله إلا بالحق، وأكل الربا، وأكل مال اليتيم، والتولي يوم الزحف، وقذف المحصنات الغافلات المؤمنات"
قال السدي، يبعث آكل مال اليتيم يوم القيامة ولهب النار يخرج من فيه، ومن مسامعه وأنفه وعينيه، فيعرفه كل من رآه بأكل مال اليتيم
الله المستعان​

امين خويا من فمك لربي
والله حرت اذا مازال كاين ناس كيما هك مايخافوش ربي
ويعيشو باموال ماشي من حقهم
شكرا على مرورك وربي يسمع منك
​

 

[ام أمينة]

لا حول ولا قوة الا بالله العلي العظيم
الله يسترنا كثرو الناس لي ياكلو الحقوق و لا يبروفيتيو منك و كي تقصدهم يردوك
الله يعفينا من دا الوقت

و هاد المرأة ربي يفرج عليها و على ولادها
​

 

[نجاة40]

لا حول ولا قوة الا بالله العلي العظيم
الله يسترنا كثرو الناس لي ياكلو الحقوق و لا يبروفيتيو منك و كي تقصدهم يردوك
الله يعفينا من دا الوقت

و هاد المرأة ربي يفرج عليها و على ولادها
​

الله يهنيك اختي لعزيزة
وربي يسترنا كيما قلتي
​

 

[bachboucha]

كلشي غير اليتيم ياختي واش نقولك فكرتيني فحكايات الارت و اليتامى ربي يهدي ماخلق و يلحق النهار اللي يخلص هاد السيد

 

[سارة 196]

شكرا لك اختي على رقتك ونقلك لقصص حقيقية
وربي عمرو ما يضيع حق اليتيم
كاين ربي
وربي يفرج عليهم

 

[hadil2044]

يا ربي وش ها الدنيا لا حول ولا قوة الا بالله

 

[iktimel]

ولله مالقيت مانقول
ربي يهدينا ان شاء الله
و كيما قلتي هاديك حاجة باينة ماهمش راح يربحو لا دنيا لا اخرة
راهي دور ليام و يصرالو كيفها ولا حتى كتر
لا حول ولا قوة الا بالله

مشكوررررة ختي على الطرح المميز
​

 

[FATO222]

هدا حال الدنيا اوخيتي مي كاين ربي
​