ادعيلي ربي يفكني ..

[Princess nour]

ربي يفكه من الهم لي فيه

 

[Soumia hadj mohammed]

سلام عليكم
لي رجعة

 

[حلم كبير]

السلام عليكم و رحمه الله تعالى وبركاته
الله يفرج عليه ويسرلو أمورو
بارك الله فيك اخي الكريم على طيبتك
احترامي وتقديري
حلم كبير

 

[محمد التبسي]

المال لا يصنع السعادة اخي
قد يسهل الحياة لكن السعادة والهناء مرتبطة بأمور داخلية في النفس الانسانية
انا مرة جلست على مائدة رجل ثري كان ابنه زميلا لي في الدراسة
يملك 2 فيلا وزوجتين وابناء وعايش مهني ومن المحافظين على الصلاة في الجماعة
لكن في امام مائدة الطعام لا يستطيع ان يأكل سوى الفرماج لانه يعاني من مرض السكري وربما امراض اخرى لا ادري
بالمختصر الفايدة في الصحة والهناء
والمال وسيلة لتسهيل الحياة وليس هو اساس الحياة​

 

[Kimou1992]

الله يفرج على الجميع ويرزقهم من حيث لا يحتسبون

 

[Hakan]

آمين آمين بارك الله في الجميع ​

 

[ضآحكة مستبشرة]

السلام عليكم

ان شاء الله ربي يفرج عليه و يفتح ببيان الخير في وجهو

اخي حكيم انت مثال للرجل الحر
و الطيبة طبعك و هذا من شيم الرجال​

 

[Hakan]

السلام عليكم

ان شاء الله ربي يفرج عليه و يفتح ببيان الخير في وجهو

اخي حكيم انت مثال للرجل الحر
و الطيبة طبعك و هذا من شيم الرجال​

شككرا ختي اسما على اطراائك بارك الله فيك وربي يفتح على العم ان شااء الله ​

 

[Hakan]

الرجل الذي التقيته وصراتلي معاه هذي الواقعة انتقل امس الى رحمة الله
ادعولو بالرحمة ربي يجازيكم ​

 

[cosette]

الرجل الذي التقيته وصراتلي معاه هذي الواقعة انتقل امس الى رحمة الله
ادعولو بالرحمة ربي يجازيكم ​

يالطيف
الله يرحمه
ويغفرله
لا حول ولا قوة الا بالله

 

[Princesse Diyor]

السلام عليكم
على حساب ما فهمت انو المال مش كل شيء في الدنيا هادي
واش راح يدير بالدراهم و هو صحتو مش مليحة
المهم انو رجل طيب حب يدير الخير يعني مزال الدنيا بخير
و ربي جابو ليك لانك انت تاني طيب و قلبك زين
ربي يفك كربو و يفرج عليه
وانت ربي يجازيك و يحفظك
سلام
​

 

[Hakan]

السلام عليكم
على حساب ما فهمت انو المال مش كل شيء في الدنيا هادي
واش راح يدير بالدراهم و هو صحتو مش مليحة
المهم انو رجل طيب حب يدير الخير يعني مزال الدنيا بخير
و ربي جابو ليك لانك انت تاني طيب و قلبك زين
ربي يفك كربو و يفرج عليه
وانت ربي يجازيك و يحفظك
سلام
​

توفي يوم أمس هذا الرجل ونتقل الى رحمة الله ​

 

[بشرى ملاك]

الرجل الذي التقيته وصراتلي معاه هذي الواقعة انتقل امس الى رحمة الله
ادعولو بالرحمة ربي يجازيكم ​

الله يرحمه ويوسع عليه، كنا نتمنوله الشفاء والفرج لكن الله اعلم بالافضل والخيرة دائما فيما اختار الله...

 

[امنيات]

السلام عليكم خاوتي اللماوين ان شااء الله اموركم بخير وعاافية
اكيد كي تصرى حادثة اول مكان لاستقبال الحكاية هوو اللمة الجزائرية
اليوم خرجت من بيتنا رايح نمشي كي العادة للبلااد نحرك رجلي ونجتمع مع صاحبي
وانا في الطريق فات عليا رجل مع الاولاد نتاعو في سيارة يعني الشارع اللي نمشي فيه يحتم على السيارات تنقص السرعة
المهم فات السيد واولادو بالسيارة وانا قعدت نشوف في السيارة ماعنديش هم في السيارة او غيرها لكن لانو السيد كان مشغل الغناء مع ولادو الصغار استغربت هذا الشي المهم في الجهة المقابلة كان وحد الراجل كبير يكون صاحب 50 سنة هكاك جيت فايت عليه
قالي : علاه ما تشريش سيارة ؟؟
يعني استغرب من السؤال نتاعو مع العلم المسبق انو السيد ما يعرفنيش لكن انا نعرفو بحكم انو من اثرياء المدينة وكي نقول ثري يعني حطو تحتها الف نقطة وتوقعو كل كلمة تصدر من هذا الثراء
قلتو ياعمي السيارة مازال ماجاش الوقت نتاعها والحمد لله كاين الرجلين ويمشي الواحد يحرك رجليه
السيد مباشرة بعد ما قتلو هذا الشي والله ما راكم رايحين تتوقعو واش قالي ..
قالي : نشريلك سيارة ؟؟؟؟؟
انا تعجبت وكي نتعجب من اي انسان صراحة نشوف في عينيه وتعابير وجهو بيسك كي شغل ربي عاطيلي وحد الموهبة في قراءة الوجه
قتلو ياعمي ربي يحفظك
قالي لا اني قتلك نشريلك سياارة وواش تحب
هنا انا ما فهمتش واش ندير يعني قتلو بارك الله فيك لكن كل شيء كي يجي في وقتو زين
ومن بعد قالي ارواح نقلك وكانت المسافة بيناتنا وحد المترين تقدمت ليه وقعد يهمسلي قالي ياوليدي نطلب منك حااجة ونقولك حاجة
الحاجة اللي نقولهالك قالي راني سيريو والحاجة اللي نطلبها منك ادعيلي ربي يفكني
نهار قالي هذا الكلام فهمت كل شيء وكان يبدو عليه التعب والضنك من بعد قتلو ياعمي وانا نقلك حاجة ودرت يدي في صدري قتلو من قلبي نقلك ربي يفكك ونقلك كذالك كل شيء يفوت برك الواحد ما يايئسش ومشت وخليتو في هذيك الحالة وقلت كي نرجع نخبر اهل اللمة ونقلهم ادعولو ربي يفكو لعلي انا ما تقبلش دعوتي ممكن واحد آخر تقبل منو وربي يجازيكم ...
وملاحظة :كي نحكي حااجة لا اهدف انو تصدقوها المهمم برك كي يكون واحد فيكم قلبو بيض يدعي للسسيد هذا وخلاص والسلام ورحمة الله وبركاته ​

 

[امنيات]

يارب ونتلقاو في حياتنا بناس طيبين ومخلصين .لأننا كرهنا من الناس الاشرار

 

[جميلة أنا]

اختي امنيات اعنذر عن تأخري لظروف خاصة

لقد تركت لك رقم الصديقة و اسمها عند الاخت @لؤلؤة قسنطينة و اني كلمت صديقتي عنكي اتصلي بها و ستجدين اجوبة عن اسئلتك اكثر.
باشفاء لكي

 

[جميلة أنا]

اعتذر الاخ @hakim story كنت ابحث عن اخت امنيات و غير لقيتها كتبتلها رد دون النظر اليى الموضوع كام امر مستعجل اعتذر ههههه
اني طالعة نقرا الموضوع انتظر ردي

 

[جميلة أنا]

الرجل الذي التقيته وصراتلي معاه هذي الواقعة انتقل امس الى رحمة الله
ادعولو بالرحمة ربي يجازيكم ​

الله اكبر انا لله و انا اليه راجعون
سبحان الله اخي لكن لربما موته تكون راحة له خير من حياته ربنا لا تجعل المال آخر همنا
فعلا عبرة لنا جميعا متشكر اخي @hakim story

 

[Hakan]

الله اكبر انا لله و انا اليه راجعون
سبحان الله اخي لكن لربما موته تكون راحة له خير من حياته ربنا لا تجعل المال آخر همنا
فعلا عبرة لنا جميعا متشكر اخي @hakim story

آمين هذا غيض من فيض والباطن ربي يعلم بيه
صراحة قصته موجعة للقلب اقصد التي علمت بها حديثا
المهم ربي يغفرلو ويرحمو ويعطيلو احسن من هم الدنيا ​

 

[جميلة أنا]

آمين هذا غيض من فيض والباطن ربي يعلم بيه
صراحة قصته موجعة للقلب اقصد التي علمت بها حديثا
المهم ربي يغفرلو ويرحمو ويعطيلو احسن من هم الدنيا/QUOTE]

آمين و يرحم جميع المسلمين​

آمين و يرحم جميع المسلمين