انت جزايري؟؟... $$ شــوف كيــفاشــ يشــ وفلك غيركــــ $$

[وردة رمال الصحرا]

اييييييييوه

الا عاد دك غي لي جا نقولو حلو و عسل
معناتها الكلمات الشابين خلاصو لي لازم نقولوهم لمواليهم
في رايي الجزائريين مش معدومين عندهم هاد المجاملات
يجاملو غي لي يستاهل
............................
مي هاد الهدرة راني قاصد بيها الجزائرييييييييييين
مش الجزائريات
نتوما لازم تكون عندكم رقة فالمعاملة تاعكم
..............................​

اهلييييييييين
لا الكلام الحلو ما يخلاصش
هوما صح مش معدومين (و الدليل انت هههه).... بس حنا حابينهم معمريييين ههههه
اييييييييييوه صار البنات لازم يجاملو و انتوما غي لي يستاهل ؟؟؟
نورت الصفحة بوجودك
مرسي ​

 

[اقبال1]

موضوع بزاف هايل و يدما نتقاش عليه مع حباباتي ،احنا مشكلتنا نعيطو ف الهدرة بلا سبة و بسبة ..طبيعة راحت فينا خلاص ،تقول رانا ندداقو كي نولو نهدرو مشي جات غي ف " عسل و قمر " لالالا حتى في ابسط كلماتنا ..

انا اختي مزوجة بفلسطيني بصح المشكل المطروح ديما عندو هو لهجتنا يقولها " نحسك باغية تقتليني كي تولي تتناقشي معايا " و صح باسكو احنا والفنا نعيطو مين نكونو نهدرو مي هو لالالا يهدر بالشوية و بالعقل حتى و هو يهدر لهجتنا حتى ديما مين يهدر احنا نسكتو بسكو طريقتو الحلوة ف الهدرة تأوبليجي علينا نسكتو و نسمعو ..

واحد الوقت ما كنتش عايشة ف جزاير و كانت سورية جارتنا تقولي بصح انتي علاه ماكيش عايشة ف الجزاير و تهدري كيما هكدا ؟؟؟؟؟ قصدها سير انو هدرتنا مشي حنينة و نعيطو ف الهدرة تحسب رانا نداقو و لهجتي جزايرية 100 % قلتلها الله غالب اختي كبرت بين ببابا و ماما و.... كامل الجزايريين

بصح تاني نحب نقول انو صح هدرتنا شوية ماهيش نورمال مي تاني شابة يعني اذا حبيت نقلك صباخ الخير كي نكون فرحانة نقول " صباح النور حنونة و اش راكي ،كي صبحتي ؟؟؟ظظظ ماعلاباليش بصح عندنا هدرة حنينة و انا ما نتوقعش نهار راجلي نلقاه يهدر مع الناس برا " قمر و عسل و حنون و..... " نهبل و يطير عقلي واش بيك ؟؟؟؟؟؟

الراجل راجل اختي و هادي الحنية انا نسمعها من عند راجل في هدرتو ( من غير مرتو و امو و اخواتاتو ) تبانلي grave ..

عجبني بزاف بزاف واش كتبتي ربي يحفظك اختي

 

[ماكانش]

ايا مليح كي لحقت هذي هههه

ههههههههه
هذي اكيدن وكيما قاتلك يلديز نحن الصح مخبيينو هههههه

ايه صح ... بس ف رايك البنات الجزايريات كيف تعاملهم؟؟؟

بالنسة لنا الجزائريين تعامل عادي ههه...

​

شكـــــــــــرآآآ


نورتــــــ صـــفحتِــــــيـــــِ​

ربي يحفظك وردة

 

[pixau_dz]

hhhhhhhhhh mawdou3 chbab n'est 3sal n'est 7elw vive sbou3a

 

[وردة رمال الصحرا]

موضوع بزاف هايل و يدما نتقاش عليه مع حباباتي ،احنا مشكلتنا نعيطو ف الهدرة بلا سبة و بسبة ..طبيعة راحت فينا خلاص ،تقول رانا ندداقو كي نولو نهدرو مشي جات غي ف " عسل و قمر " لالالا حتى في ابسط كلماتنا ..
ههههههههه جبتيها قدقد

انا اختي مزوجة بفلسطيني بصح المشكل المطروح ديما عندو هو لهجتنا يقولها " نحسك باغية تقتليني كي تولي تتناقشي معايا " و صح باسكو احنا والفنا نعيطو مين نكونو نهدرو مي هو لالالا يهدر بالشوية و بالعقل حتى و هو يهدر لهجتنا حتى ديما مين يهدر احنا نسكتو بسكو طريقتو الحلوة ف الهدرة تأوبليجي علينا نسكتو و نسمعو ..
ههههههههه ايه مام انا عندي صاحبتي غي كيما تخطبت بواحد أردني ... وهي تعاملها جزايري ع الطبع هههههه ....قتلها الله يعين راجلك معاك هههه.... قاتلي هو راهي عاجباتو هدرتنا بزاف حاب يتعلمها ....

واحد الوقت ما كنتش عايشة ف جزاير و كانت سورية جارتنا تقولي بصح انتي علاه ماكيش عايشة ف الجزاير و تهدري كيما هكدا ؟؟؟؟؟ قصدها سير انو هدرتنا مشي حنينة و نعيطو ف الهدرة تحسب رانا نداقو و لهجتي جزايرية 100 % قلتلها الله غالب اختي كبرت بين ببابا و ماما و.... كامل الجزايريين
انا عندي قريب 5 سنوات بالامارات ...و كيما تعرفي الامارات مخلطة بالناس ...واكثرهم جماعة الشام .... بصح مزالني نحصل ف هدرتي معاهم ...و هذيك السورية خليتها هي تتعلم مني ههههه
بصح تاني نحب نقول انو صح هدرتنا شوية ماهيش نورمال مي تاني شابة يعني اذا حبيت نقلك صباخ الخير كي نكون فرحانة نقول " صباح النور حنونة و اش راكي ،كي صبحتي ؟؟؟ظظظ ماعلاباليش بصح عندنا هدرة حنينة و انا ما نتوقعش نهار راجلي نلقاه يهدر مع الناس برا " قمر و عسل و حنون و..... " نهبل و يطير عقلي واش بيك ؟؟؟؟؟؟
هههههه اكيد ما نتوقعوهاش انو راجل جزايري يقول عسل و قمر لصحابو ... يا اختي حتى و غلط قالها ... ما تجيش عليه ... بس حنا جماعة الصحرا حتى حنونة و بالسيف تلقايها ههههه

الراجل راجل اختي و هادي الحنية انا نسمعها من عند راجل في هدرتو ( من غير مرتو و امو و اخواتاتو ) تبانلي grave ..
ايه صح ... بس مش لازم يقولها الراجل لصحابو ... قصدي مليحة لوكان تكون هكا هدرة بين البنات .... و لا بين افراد العايلة ... بس حنا حتى ف داخل عوايلنا يبينو الرجولة تاعهم ...صح ولا راني غالطة ؟؟؟

عجبني بزاف بزاف واش كتبتي ربي يحفظك اختي

امين ...و ربي يخليك
و انا ثاني عجبني ردك ...كثير مميز ... اضفتي لموضوعي بزاف حوايج
مرسي يا أحلى من العسل ههههههههه

 

[وردة رمال الصحرا]

ربي يحفظك وردة

ياك هذي مش مجاملة ؟؟؟
المشكلة خويا انو صح راكم مخبيينو .... بس يا خوف يقعد متخبى و ما يطلعش قع ههههههه
شكرا ليك اخي
تحياتي

 

[وردة رمال الصحرا]

hhhhhhhhhh mawdou3 chbab n'est 3sal n'est 7elw vive sbou3a

وجودك هو الشباب
و الله يحفظ السبوعا تاوعنا هههههههههههه
مرسي خويا

 

[*Sarah*]

زعما رانا ناشفين خلاص و منرطبوش
و الله غير كاين شوي ترطاب و حنية مي منحبوش المجاملة و النفاق صح
حنا حرار معدن حر مش مخلط رانا فور...


انا كون تجيني وحدة تقل لي يا سكر نحسها كلمة غريبة جامي سمعتها ههه
و الله لو نشوف طفل قال صاحبو واش بيك طالت غيبتك يا قمر بلا بيك ظلمة .. نحبس في بلاصتي
متطيحش علينا الهدرة و المجاملة
ديجا ساعات تلقاي واحد يهدر مع صحبتو يقل لها نموت عليك يا المزعوقة
يقل لها المهبولة نتاعي



و تلقايها عادي و عاجبتها و طايرة من الفرحة
ايا و تسمعها وحد لبنانية من صاحبها ياو تتعقد و تروح تنتحر
يا حسراه حنا خير شكون كيفنا ما يولفني و ما يتلفني كما يقولو لعجايز

موضوع شباب
سلامو
​

 

[hannsg]

ههههههههه الهدرة تاعهم فيها جياحة شوي ههههه
زيد تسماط كي يعود يسربي فيها ههههه انا نحير في المشارقة النسا كامل حبيباتهم اواه يلزم شوي قدر
حنا راجل كي يهدر مع طفلة يقولها اختي و هوما يطيحو عليها عسل قمر حبيبتي و مش عارف وش هههههههه
انا هدرة هذه نقولها ان شاء الله غير لمرتي :shay:ههههه يعني حاجة حميمية مش نسربيها على الغاشي ههههه

 

[الظل الطويل]

هــو صح عــلى ـالعموم المغرب ـالعربي بكلوا مختلف في نبرة ـالصوت
و ـاللهجة عن ـالمشرق
لهجتنــا فيها نوع من ـالجدية لكـــن هي مش
قضية لي قلبنا في لسانا
قضيـــة لباقة .. مش نفاق انكــ واحد تحررلو
ـالرترحيب ـاو سلــام
يعني بكــل ـاختصار هم ـاكثر
لباقة منا حنــأ

ـأما ـالعصبية هذيكــا خليها وحدهــا ..
ـالدم سخون من عند ربي ههههه
​

 

[وردة رمال الصحرا]

زعما رانا ناشفين خلاص و منرطبوش

و الله غير كاين شوي ترطاب و حنية مي منحبوش المجاملة و النفاق صح
حنا حرار معدن حر مش مخلط رانا فور...
راكي قلتيها اختي (شوي)ههههه
و أظن انو حنا ثاني عدنا النفاق ... و ماناش حنا لي احرار برك ..صح؟؟
​

انا كون تجيني وحدة تقل لي يا سكر نحسها كلمة غريبة جامي سمعتها ههه
غريبة لأنو ما كيش موالفة تسمعيهاش ههههه
و الله لو نشوف طفل قال صاحبو واش بيك طالت غيبتك يا قمر بلا بيك ظلمة .. نحبس في بلاصتي
مام انا راح نحبس .... بس مش لازم يقولو قمر و عسل ...انا هذو ضربتهم مثال برك
متطيحش علينا الهدرة و المجاملة
ديجا ساعات تلقاي واحد يهدر مع صحبتو يقل لها نموت عليك يا المزعوقة
يقل لها المهبولة نتاعي
هههههههههه هذي عجبتني بزااااااااف
والله عندك الحق فيها
​

و تلقايها عادي و عاجبتها و طايرة من الفرحة
ايا و تسمعها وحد لبنانية من صاحبها ياو تتعقد و تروح تنتحر
يا حسراه حنا خير شكون كيفنا ما يولفني و ما يتلفني كما يقولو لعجايز
اه يعني ...حالتنا ميئوس منها :schmoll:
​

موضوع شباب
سلامو​

ردك هو الشباب ..... حنونة= ياك هذي ماهيش غريبة =
شكرا جزيلا
و عليكمو السلامو ​

 

[وردة رمال الصحرا]

ههههههههه الهدرة تاعهم فيها جياحة شوي ههههه
زيد تسماط كي يعود يسربي فيها ههههه انا نحير في المشارقة النسا كامل حبيباتهم اواه يلزم شوي قدر
حنا راجل كي يهدر مع طفلة يقولها اختي و هوما يطيحو عليها عسل قمر حبيبتي و مش عارف وش هههههههه
انا هدرة هذه نقولها ان شاء الله غير لمرتي :shay:ههههه يعني حاجة حميمية مش نسربيها على الغاشي ههههه

اه هذي وجهة نظر بزاف منطقية
و بزاف عرفت تعبر على حالة الشعب الجزايري
خلاص راح نحفظ كلامك خويا و نرد بيه على جماعة المشارقة هههههه
ملاحظة صغيرة برك : ف بلاصة (انا هدرة هذه نقولها ان شاء الله غير لمرتي ) نحط ( راجلي ههههه)+:shay::shay::shay:
هههه شكرا جزيـــــــــــــــــــــــــــــــلآ​

 

[وردة رمال الصحرا]

هــو صح عــلى ـالعموم المغرب ـالعربي بكلوا مختلف في نبرة ـالصوت

و ـاللهجة عن ـالمشرق
لهجتنــا فيها نوع من ـالجدية لكـــن هي مش
قضية لي قلبنا في لسانا
قضيـــة لباقة .. مش نفاق انكــ واحد تحررلو
ـالرترحيب ـاو سلــام
يعني بكــل ـاختصار هم ـاكثر
لباقة منا حنــأ​

ـأما ـالعصبية هذيكــا خليها وحدهــا ..
ـالدم سخون من عند ربي ههههه​

ايه والله صح راك جبتها تماما
مش لازم يكون نفاق اذا تكلمنا مع الغاشي كلام حلو
و كأنو حنا ملائكة ... كي نقولو (لي ف قلبنا على لساننا)
هي صح حنا ناقصين لباقة .....للأسف الشديد طبعا
و قضية الدم سخون ............. ثاني عندك فيها الحق
كلامك كثير مرتب
شكرا جزيلا ​

 

[Badech]

... وش نقلك - سيرتوا انتوما بناتنا متأثرين ياسر بالبرى
ملقري تو ... الهدرة الفرشة هاذيك ماشي مليحة و الي قالك مليحة كذبيه
في انا معاك الهدرة الطيبة و المعاملة الحسنة مي ماشي الهف و التنافيق ( غير فلوجه ):cra_zy:
ارجوا ان تتقبلي مروري​

سلام ’,
A.hak - badech​

 

[Black-Blossom]

خلينا أختي هدرتنا كلها مليحة و مجاملاتنا معقولة أصلا كي تقوليلها 'أختي' برك هاذي راهي وحدها قمة الظرافة و الإحترام..هوما يزودوها ياسر
حتى التمعسيل ياسر ماشي مليح
قمر و عسل و منعرف ..غير هف برك
والعبد مش لازم يستعار من اللغة تاعو كيما هوما يحكو هكذا بالطريقة زعما "المعسلة ههههه"
حنا نحكو بجدية و إحترام
و اللي يقلقك هو معظم الجزائريين كي يستعاروا بلغتهم البرا و يبداو غير يخلطوا و يدخلوها سوري لبناني دزيري و هاي ماشية...

 

[hannsg]

اه هذي وجهة نظر بزاف منطقية
و بزاف عرفت تعبر على حالة الشعب الجزايري
خلاص راح نحفظ كلامك خويا و نرد بيه على جماعة المشارقة هههههه
ملاحظة صغيرة برك : ف بلاصة (انا هدرة هذه نقولها ان شاء الله غير لمرتي ) نحط ( راجلي ههههه)+:shay::shay::shay:
هههه شكرا جزيـــــــــــــــــــــــــــــــلآ​

اه مالا الاخت في الغربة
هههههه اوك مي ما يكونش براني هههه:cra_zy:
زيتنا في دقيقنا ههههههه :yaw:

 

[hiba14]

ههههههههه اييييييييييه شحال تعجبني هدرة جماعة الغرب ....اصلا ما تجيش عليكم الحنية ف الهدرة ههههههه

الله يعينكم مع رجالتكم و الله يعينهم معاكم هههه

مرسي حنونة ​

يا كيتي هوما بالا ربي يعينهم معانا بصح تبانلي الهدرة تاعنا جي على الرجال اكتر يعجبوني فيها اكتر منا احنا النسا خشينة علينا بصح هوما تزيد فيهم النص

 

[Coeur de l'Océan]

jazayriya w nedreeeb tabla w ngoulha jazeyriya w ma3labali b3arbi nif welhamaaa yebgho wla yakarhooo ​

 

[ماكانش]

​

ديجا ساعات تلقاي واحد يهدر مع صحبتو يقل لها نموت عليك يا المزعوقة
يقل لها المهبولة نتاعي
و تلقايها عادي و عاجبتها و طايرة من الفرحة​

ههههههههههههههههه
والله قتلتني بالضحك هذي هههههههههههه

 

[بنـ MaPa ـت]

وعليكم السلآم

والله يا اختي شحال من مرة جي في راسي نقول علاش الدزيريين مايهدروش بالظرافة ويجاملو في الكلام؟؟
هوما يعرفو كيفاش يكسبو محبة الناس وياتيريوهم غير بالكلام
حنا لا افعال ولا اقوال اور شون هههه

مي تبالي كاين لي يستحي يقول هكدا شغل يحس لي يقولو عليه مجامل ولا مبلعط ههه
وانا وحدة منهم نستحي نجامل للاهل ولا للحباب

باسكو دزيـــــــــــريـــــــــــــــــــة واش راح نديرههه

تحياتي
​