غاضتني لاكاخت ميمواغ فيها تصاوري في العرس ...

[السلطانة]

وعليكم السلام
:tears::tears:
سرقولي العام لي فات بورتابلي
ومزية ماكنتش فيه لاكارت ميموار
من هاداك النهار درحت
غير لي فوطو لي ميتبعونيش
بقيت نتصور لوكان كانو كاينين
وطاحو في يد الشر هاداك
:surrender:
لوكان راني اعدمت من قبل تاع دارنا ​

صحيتي سفيان على هاد الموضوع لي فيه عبرة كبيرة
تقدر تكون اي وحدة فينا في بلاصة هادي الطفلة وتما التبهديلة الكبرى ​

الله يسترنا
تقبل مروري
تحياتي
ولاتزال شوشو ترد
سوى على الناس لعزاز والمواضيع التي تستحق ​

 

[اقبال1]

عندك الصح خويا في كل كلمة قلتها ...بصح تاني لبنات مشي قضية زوخ و نش لاكاخت ميمواغ بصح مرات تحب تقسر مع صحاباتها ع تصاور و هادي مافيها والو .. بصح من باب الخوف و السرقة و ... لازم كل وحدة تاخذ حذرها و تخلي تصاورها في بيتهم خير لها و حتى لو ما دارهمش السراق في الفايس و اليوتوب ( كيما قلت انت خاطيهم كامل الانترنت و بني عمو ما يعرف لا يشعل و لا يطفي ميكرو ) مي غي كي يشوفهم و يقعدو مقسر عليهم مع صحابو ..عيب و اللع غي عيب و قاوي انو براني يدي تصاورك

بصح تاني حبيت نقول حاجة انا نأمن بيها بزاف السراق يعرفو واش يسرقو بسكو مرات تقلى طفلة في وسط طريق رافدة بورتابلها و تهدر و.... هي اصلا كيما راهي تأتيري السراق حتى يسرقها و مرات تلقى وحدة تمشي الحيط الحيط و ترفد البورتابل كي تحتاجو تاع الصح و تهدر بصح نورمال ما يديهش السراق ...تقدر تفهمني علاه ؟؟؟؟؟

بسكو البنت المربية جي باينة ..هدا رايي انا ++++ mrc خويا على الموضوع و ربي يستر ع الطفلة و يكثر خيرك لي نبهتنا لهادي النقطة

 

[بلد المليون]

هدي اللي يخاف منها لواحد .....
متعرف كيفــاه تصرى بصح الناس الله غالب مزالهم شاتيين تليفونات
ياو موترول قرلوا و يكاسوك فيه تسمى السرقة فيها فيها
انا الحمد الله تليفوني عندوا عفسة gاوريــة ما يعرفها الا انا و هو
واش تحب
هدوا هوما لعبــاد بصح والله ما يربح بيه سيرتوا اذا دراهموا دراهم حلال يعيا و يولي ليها
هك احنا صاري عندنا كوشمار بسرقة
..........
"وفاء"
شكرا لي صاحب الموضوع​

 

[ღحنين الروحღ]

السلام عليك الاخ ماكانش
يخي اسمك ماكانش مي راك هنا
نتمنى تكون بالف خير
نرجعوا للموضوع
مي عندك حق
ناس بزاف وخاصة البنات لانهم اكثر عرضة للسرقة من طرف الشباب واكثر عرضة للتهديدات بسبب الصور العائلية او الفردية للبنات في منازلهم او في الاعراس
وهذا اكثر شئ تخاف منه البنت ان تقع صورها في ايد خبيثة
فموضوعك كنصيحة للبنات
فمن تريد الستر ومن لا تحب المشاكل عليها ان تحتفظ ب *الكارط ميموار*في المنزل
حفظا لعفتها وكرامتها
فمن يحاذر لن يقع في المشاكل
شكرا لك على الموضوع
وعلى النصيحة يا ماكانش
مي حبيت نسقسيك نشيط هالايام خمسة وخميسة عليه فعلاش ماتبدلش اسمك الى *السيد نشيط*

الله يحفظك يارب
ويزيدك اكثر واكثر
موفق
+التقييم
​

 

[secret de coeur]

وعليكم السلــآم خويا
مواضيــعك ديمــآ تقيس الــوآآقع المر الي رانــآ نعيشوه خخخ
ايه يالاكرت ميموار..
هايليهم الا سرقو البورطابل فيها غي لي فوطو تاع النت
الا لقاولي وحدة يجو نمدلهم كادو ههه
مي صح تصرآآآ وتغيض الوحدة ولا حتى كان راجل
وحاط فيها لي فوطو تاع عايلتو
باسكو المجتمع ما يرحمش
مرسييي ع الموضوع مميز كالعادة
+++
​

 

[ملكًة الاحسآس]

وعليكم السلام
اهلا سفيان خوي، قريت وحد الموضوع مرة هنــا يشبهلوو بصح نسيت شكون داروو
mais بيان سووور مواضيعك ديمــا تدير فيهم بهارات سبحان الله الي يشوف العنوان يدخل يجري هه
لاعلينا نرجعوو لموضوع ، ايييه يالكارث ميموار واش دارت فالغاشي ، منكذبش عليكــ اول مرة سعيت فيه بورطابل بلكارث ميموار نتصور ونخليهم تم ـ ثالمو كنت مشتاقة والحالة جديدة عليــا ـ ، بصح امبعد نحيتهم كامل من نهار سرقوو لصحبتي البورطابل وكما هدي الطفلة كانت دايرة دي فوطو تاع عرس دارهم، هداكـ النهار سليكسيونيت كلش وسيبرميتهم ، ودركـ الا حبوو يسرقوووني نقعد ننذب نقولهم غير يديو لكارث ميموار ويجيبولي البورطابل ههه
+
حكاية فيهــا عبرة ،وان شاء الله البنات يديرو احتياطاتهم باش متصرالهاش كما هدي الطفلة
يعطيكـ الصحة على الموضوع
​

 

[جاك المرسول]

سلامت راسها ياو​

 

[الخيزران]

1100بالوانه الجذابة
نديرو ثورة حتى يرجع 1100
اخي سفيان من المفروض منع دخول البورتابلات الميلتيميديا للأعراس
الناس كامل تصور تروح للعرس تندم تقول راك في هوليوود
شكرا على الطرح

 

[اللـــ فراشةـــمة]

وهي تاني ربي يهديها راكي جاية تقراي ولا تحكي في التلفون؟
ياحسراه على هاد الزمان، حابة تحملي بورتابل مايكونش multimidia يكون عادي ويلا سرقوه ماكي خاسرة والو.

 

[أسماء الغالية]

مكانش gد نوكيا لا كاميرا لاهم يحزنون والسراق يحوس غير النوعية الجديدة.... ايا وش داك دير بورطابل تع كاميرا وكارت ميمواغ ومنيش عارفة شني ...ديرها بيديك أيا حلها بسنيك

:sheer:تعيش نوكيا لقديمة ....:sheer:
مرسي على الموضوع البـــــــاهـــــي

 

[ماكانش]

مى لبنات تانيك يحبوا يلعبوها بزاف تلقاها الطريق تاع لافاك كامل حتى لدارهم و هى ماشية تقصر و تضحك فى لبورتابل ماشى يسرقوهولها برك يسرقوها هيا كامل و زيد هاد العفسة تاع لكارت ميموار علاش واش داها تحط تصاورها تجبدهم و تحطهم فى البوم و تشوفهم صباح و عشية ماشى خير
سمحلى طولت شوية يعطيك الصحة خويا

أهلا بيك كبرياء دمعة
كيما قلتي تضحك وتهز صوتها وتتمايل وماتحبش يسرقوها ؟؟؟
ومام ليفوطو تاع العرس عييت نفهم وعلاه حاطتهم في بورتابلها ؟؟؟ عاجبها زينها ولا لاكوب تاعها ولا واش ؟؟؟
يعطيك الصحة كبرياء​

ربي يسترنا انشاءالله ،، حتى أنا قالي خويا ما ننصحكش تحطي التصاور تع لافامي ،، قالي وألا ديري كارت ميموار فيها تصاورك ووحده اخرى خرجيها معاكـ ،، بصح نورمال : انا بعد ما نصور نحط التصاور في الميكرو ونحيهم من البرطابل ،،

ع العموم ،، مرسي على الطرح !

أهلا مروة
عندو حق خوك، واش من فايدة تخرجي ليفوطو تاعك معاك لبرا ؟؟؟
هكذا تتهناي من الماشاكل والريسك
يعطيك الصحة​

 

[ماكانش]

لاكارت ميموار كي تضيعلك وفيها قاع صوالحك واعرة بزاف

والناس ماراهيش ترحم قادر يلعبولك بخصوصياتك ويفضحوك
الوحدة دير بورتابل للحاجة باه تهدر وصاي
بصح شيرات لوكان ما تعمرهش غنا من كل الاصناف وتعمره تصاويرها وتصاوير قاع لي تعرفهم ما دارت والو
وجيل ما تقدر لا تتحكم فيه ولا تنصحه
امالا خليها هاكا وصاي وكل واحد حر في تصرفاته وفي المصير لي غادي يلقاه كيما صرا
لهادي الشيرة لي قلت عليها
والنصيحة غير مقبلولة في وقتنا خويا الا من رحم ربي
مشكور خويا على الموضوع ربي يحفظك ​

أهلا بيك تاج الجزاير
يعطيك الصحة
كيما قلتي لوكان ماتحطش تصاور وجها ويديها وتصاور عرس بنت خالتها وجارتهم وتصاور حباباتها كامل مايعجبهاش الحال ...
كل وحدة تتحمل مسؤوليتها وراهم عارفين ويعرفو صلاحهم ...
يعطيك الصحة تاج​

ربي يسترنا ويستر بناتنا

امييييييييين أميرتو وحدو ​

 

[ماكانش]

السلام عليكم​

صح خويا سفيان هاذي مشكلة خطيرة خاصة اذا طاح في يد ولد حرام​

انا صراتلي مرة خليت تليفوني عند حبيبتي نساتو فاللونفي​

الدمعة جات حتطيح مسؤولية كبيرة فيه صوري وصور عرس خياتي ودرك راهم برجالهم يعني ياكلولي راسي​

حبطت للطاكسيفون نجري اتصلت ردت عليا اخت قالتلي نتلاقاو في المكتبة​

حتى شافت صوري باش اتأكدت وعطاتهوني​

من يومها ديت عبرة و تليفوني مايمسوش حد ونخاف نحكي برا واذا حكيت للضرورة القصوى كاين الكيت مان​

راني طولت سلامو

أهلا إيسما
ياو سترك ربي، تالي تقتلك أمورة هههه
مزيا طاح في بنت فاميليا، علابالك مام لبنات ولاو يسرقو هههه
وخير وخير تنحي منو ليفوطو تاعك، لنو الواحد مايامنش من السرقة
يعطيك الصحة ايسما نورتي الموضوع ...
​

راك تشوف خويا ديرها بيديها و متقدرش تفتحها حتا بسنيها



قلهم رانا مزالما 30سنه و يا ربي الا وصلنا للحضاره غير خلو بورتابلاتكم عاديه خير من الكاميرا تاع الهم
​

اهلا خويا
والله الحضارة بعيدة علينا بأجيال وأجيال
البارح شفت زوج ولاد يتقابضو واحد يسب في واحد يقلو يا لعور
عرفت بلي الجيل الجاي ثاني ماشي متحضر ...
يعطيك الصحة​

 

[دروب الرحمة]

صح صعيبه بزاف لاكارت ميموار
سورتو اللي يعرف ويرجع لحوايج المفاسيين كارثه تاع الصح
لازم الطفله عالاقل تنحيها وتحطها فالدار قبل ماتخرج
ولا كيما قلت تشري قوطي بزايد عليها
مارسي عليك​

 

[ماكانش]

هاهو ليك لاالبورتابل الكروكودايل

ميرسي على ردك خويا مواضيع كلها حقيقة تعاش في مجتمعنا الذي يحتضر قريب نديرولو جنازة ونقراو الفاتحة عليه مسكين راه قاسمي قلبي لملايين القطع:sadwalk:

ههههههههه
قوليلي نوكيا تاع بكري برك ههههههه
والله رانا رايحين للهاوية ...​

نسيت حاجة تفكرت كي قتلي على القتيلة راهي غير كيما وحد الشهرين ولا ثلاثة في ولايتي واحد ذبح واحد غير عل جال باتري تاع تلفون ذبحو من الوريد للوريد سبحان الله الناس مهيش تخاف ربي سبحانو
راني نتخيل كون جات بلادنا تطبق شرع الله سبحانو القصاص والرجم قطع اليد والجلد كيفاه يكون الحال

ياحصرا أمونة
حنا عندنا واحد قتلوه بساطور على جال 3 ألاف فرنك
كثرت الموت، وليت نحير في الناس ألي تقتل ماعندهاش قلوب ؟؟؟
ولا الحبوب المهلوسة ولا واش ؟؟؟
وربي ماغلطش كي قال " ولكم في القصاص حياة يا أولي الألباب ..."

يعطيك الصحة امونة​

 

[βǻŋǾừŧά ₡ǖŦё]

لي العودة انشاء الله مانيش قاعدة راني فالمتيحانات

 

[ماكانش]

اهلا سفيان​

والله اسفيان خويا الناس تحضرو حنا مازالنا في حكاية الكارت ميموار والتصاور حرت علاه حنا العرب عامة والجزائريين بصفة خاصة نتسغلو التكنلوجيا لدعاوين الشر منستغلوهاش في الحوايج المفيدة​

واش يصراو مشاكل في جرة العفايس ويرجعو يهددو ومنعرف واش ربي يستر برك​

صحيت سفيان على الموضوع​

ههههههه هيه درت مزية راك مداير نوكيا هداك ولا هز التلفون تاع الدار وتهنا​

أهلا بيك مريومة
ههههه
والله يا ميم لوكان جات التكنولوجيا ألي راهي توصلنا تنفع والله ماتوصلنا
وعلاه ما يوصلوناش تكنولوجيا النووي والطاقة الذرية ومانعرف واش ؟؟؟
بالصح دعاوي الفساد التيليفون ألي يخرج اللخر سمانة يوصلنا ...
يعطيك الصحة
​

 

[ماكانش]

وعليكم السلام

:tears::tears:
سرقولي العام لي فات بورتابلي
ومزية ماكنتش فيه لاكارت ميموار
من هاداك النهار درحت
غير لي فوطو لي ميتبعونيش
بقيت نتصور لوكان كانو كاينين
وطاحو في يد الشر هاداك
:surrender:
لوكان راني اعدمت من قبل تاع دارنا ​

صحيتي سفيان على هاد الموضوع لي فيه عبرة كبيرة
تقدر تكون اي وحدة فينا في بلاصة هادي الطفلة وتما التبهديلة الكبرى ​

الله يسترنا
تقبل مروري
تحياتي
ولاتزال شوشو ترد​

سوى على الناس لعزاز والمواضيع التي تستحق ​

أهلا بيك شوشو
اووو قتلتيني بالقدر بزاف علينا
والله يا شوشو غير نعزك نتي وبعض العضوات بزاااااااف
ربي يحفظكم
شفتي كيفاش أي صراتلك لقطة بصح تعلمتي منها بزاف وسترك ربي من تاع داركم هههه
وتبالي ماعندها حتى معنى الطفلة تهز ليفوطو تاعها معاها
تبالي ولايات الجزاير كامل حواش كبار يعني اطيحي في السراق يعرف خوك ولا بنت خالتك ألي فلافوطو وينشرها بالإسم واللقب ...
يعطيك الصحة شوشو
​

عندك الصح خويا في كل كلمة قلتها ...بصح تاني لبنات مشي قضية زوخ و نش لاكاخت ميمواغ بصح مرات تحب تقسر مع صحاباتها ع تصاور و هادي مافيها والو .. بصح من باب الخوف و السرقة و ... لازم كل وحدة تاخذ حذرها و تخلي تصاورها في بيتهم خير لها و حتى لو ما دارهمش السراق في الفايس و اليوتوب ( كيما قلت انت خاطيهم كامل الانترنت و بني عمو ما يعرف لا يشعل و لا يطفي ميكرو ) مي غي كي يشوفهم و يقعدو مقسر عليهم مع صحابو ..عيب و اللع غي عيب و قاوي انو براني يدي تصاورك

بصح تاني حبيت نقول حاجة انا نأمن بيها بزاف السراق يعرفو واش يسرقو بسكو مرات تقلى طفلة في وسط طريق رافدة بورتابلها و تهدر و.... هي اصلا كيما راهي تأتيري السراق حتى يسرقها و مرات تلقى وحدة تمشي الحيط الحيط و ترفد البورتابل كي تحتاجو تاع الصح و تهدر بصح نورمال ما يديهش السراق ...تقدر تفهمني علاه ؟؟؟؟؟

بسكو البنت المربية جي باينة ..هدا رايي انا ++++ mrc خويا على الموضوع و ربي يستر ع الطفلة و يكثر خيرك لي نبهتنا لهادي النقطة

أهلا بيك إقبال
يعطيك الصحة على ردك الباهي
صح مافيها والو الطفلة تقصر مع صحاباتها بليفوطو تاع العرس ويمنشرو ويعلقو ووو
بصح مليح تاخذ حذرها بزااف
وكيما يقولو الباب ألي يجيك منو الريح سدو واستريح
اما حكاية السراق يعرف شكون يسرق تبالي ماكانش منها خلاص
السراق ألي تواليه وتكون في طريقو وعلابالو مايتحكمش يسرقها
وقادر نقلك العكس، الطفلة كي تكون ماشي مليحة ألي قادر مايسرقهاش لأنو تعرف ناس بزاف كيفو ويخدمو خدمتو وقادر تجبدو ...
نعرف وحدة سرقولها تيليفونها، عيطت لواحد قالتو سرقوهولي في لبلاصة الفلانية ربع ساعة جابهولها لأنو يعرف السراق ألي حاكم السيكتور هذاك ...
يعطيك الصحة اقبال​

 

[ماكانش]

هدي اللي يخاف منها لواحد .....

متعرف كيفــاه تصرى بصح الناس الله غالب مزالهم شاتيين تليفونات
ياو موترول قرلوا و يكاسوك فيه تسمى السرقة فيها فيها
انا الحمد الله تليفوني عندوا عفسة gاوريــة ما يعرفها الا انا و هو
واش تحب
هدوا هوما لعبــاد بصح والله ما يربح بيه سيرتوا اذا دراهموا دراهم حلال يعيا و يولي ليها
هك احنا صاري عندنا كوشمار بسرقة
..........
"وفاء"

شكرا لي صاحب الموضوع​

أهلا وفاء
ههههه موطورولا قرلو ويقتلوك عليه هههه
حنا عندها واحد ال3 سنين كانت لقتيلة كل يومن مي ذرك نقصت شوي الحمد لله
مليح الطفلة ماتهزش ليفوطو تاعها خلاص
ومليحة ألي تعرف العفسة الgاورية هذي ههههه
بصح هكذاك وكاين الريسك لأنو قادرين يفلاشيو تيليفونك ..
يعطيك الصحة وفاء​

 

[ماكانش]

السلام عليك الاخ ماكانش

يخي اسمك ماكانش مي راك هنا
نتمنى تكون بالف خير
نرجعوا للموضوع
مي عندك حق
ناس بزاف وخاصة البنات لانهم اكثر عرضة للسرقة من طرف الشباب واكثر عرضة للتهديدات بسبب الصور العائلية او الفردية للبنات في منازلهم او في الاعراس
وهذا اكثر شئ تخاف منه البنت ان تقع صورها في ايد خبيثة
فموضوعك كنصيحة للبنات
فمن تريد الستر ومن لا تحب المشاكل عليها ان تحتفظ ب *الكارط ميموار*في المنزل
حفظا لعفتها وكرامتها
فمن يحاذر لن يقع في المشاكل
شكرا لك على الموضوع
وعلى النصيحة يا ماكانش
مي حبيت نسقسيك نشيط هالايام خمسة وخميسة عليه فعلاش ماتبدلش اسمك الى *السيد نشيط*​

الله يحفظك يارب
ويزيدك اكثر واكثر
موفق
+التقييم​

أهلا بيك عبير الروح
يعطيك الصحة على ردك الباهي
هههههههه الإسم المقترح عجبني بزاف هههه
كيما قلتي كاين بنات لحد الساعة راهم في الجحيم بسبب تهديدات البعض بصورهن وصور العائلات تاعهم ...
حاجة كيما هذي مليح ماتريسكيش الطفلة بيهم، وتحط تصاورها في غرفتها وراهي تهنات
لأنو موقف السرقة في وقتنا هذي معرضة ليه أي طفلة ...
ربي يحفظك عبير
نورتيلي الموضوع ...​