سلفيلي كتاااااب.....سلفيلي ستيو خضر....سلفيلي مسطرة....دوك نشري تيو تع غاز وخصو لي يدور بيا

[اعيش راضية]

ههههههههههههه والله راكي نفس المشكل كيفي لكن انا ما ضارنيش هاد المشكل لانو خلاص كبرت بيه ناس تسلف ديما ديما كاين اللي صح خصهم و يجوك غير مرة و بالحشمة و كان اللي سامطين كل يوم و سيرتو الاولاد اللي يجو يديهم خاويين ايا معليش دنيا دايرة هكا​

 

[الحق سلاحي]

ايييييييييييييييييييييييه
تولي تبكي على هادوك الليمات غير سلفيها والبسمة من الشق للشق =)
هههههههههههههههههه
​

 

[sali-sali]

ههههههه انتي عندك غير وحدة ولا زوج يتسلفو
انا تلاميذ كرهولي حياتي
استاذة نتسلف قلم..استاذة نتسلف ممحاة...استاذة ماجبتش كتاب نتسلف
الحصة يدوها غير تسلاف من بعضاهم
​

 

[ISMA.dz]

هههههه السلام عليكم


وسعي خاطرك امروة هههه


انا في عامي الأخير انا وصحبتي كان عندنا ستيلو زرق واحد نكتبو بيه بالدالة هههه

انا حطيت خمسمية وهي خمسمية ويبات عندنا بالدالة

كي نكتب انا بالستيلو هي بالقلم رصاص وهي رايحة هههههه

هاذيك هي حلاوتها مش قضية ماعندناش ولا نحشمو نشروا

كنا نحبوا نتشاركو فكلش ودرك كي كملت القراية الستيلوات بالثلاثة عندي نكتب لي روسات هههه

ماعليه وسعي خاطرك وربي ينجحك

سلام​

 

[chiva.]

كون جات سلفني راهي ولات كاش ما عندك ليزينيتي راحت 100 دينار هههههههههههههه والله عندي غير باش نبيبي

 

[hadil2044]

حتا انا صايرة معايا وراهي تهو الستيلو وما عدتش ترجعو وانتي ابقي اصرفي عليها
عباد يحيرو

 

[NICHA03]

هههههههههههههههههههههه يا مرةو انا وخدوني في حوايجي نشريهم جدد تصوني 10 نرجع على 10.05 منصيب والوااا لاتروس فارغة والله راني في 15 ستيلوااا حتى لضركاا ولا اكثر ما هاذيك تاع التسلاف منحكيلكش هههههههههههه هبولنااااااااااا ​

 

[آمِيْرَتُه]

السلام عليك

هذا هو التلميذ أو الطالب الجزائري الكسول

تساعفيني متزيديش تسلفي
​

 

[om djawad]

ma3lich hanouna...rodihom khatra wala 2 ybatlo
wnzid nehkilek 3la wahda kanet jaretna
gatlek mama ab3thili chwaya: zeit w chwaya tamatich
w chwaya tchicha w chwaya thawm w ma3dnous widha 3andek
tarf ta3 leham wala djaj bach nbanan
wach tgouleha mama:rouhi goulilha dhorka ntayablek lehrira w nab3athehalek
hhhhhhhhhhh.
​

 

[kazawa]

هههههههههه بلعقل من العنوان عرفت بلي راكي معمرة صح الواحد يكره من هاد لعباد زيد كي متسلفيهومش يقولو مشحاحه وهي العكس لانهم هم الي يعرفو غير التسلاف ....ديري ورقة كبيرة في الطابلة تاعك واكتبي فيها ممنوع التسلاف + ممنوع الديرونجمو ولا ننفجر...ههههههه مارسي على الموضوع

 

[nina bonoise]

حكايتك حكايتي
نكره واحد يبقا يسلف من عندي اللولة نمدو الثانبة نمدو حتان يوالفوا
سورتوا في الفاسور ههههه يغلطوا في حرف برك نينا الفاسووووور
مي درك تهيت منهم في لافاك كل واحد حاكم قدروا
تقييم

 

[ماكانش]

حكايتك حكايتي
نكره واحد يبقا يسلف من عندي اللولة نمدو الثانبة نمدو حتان يوالفوا
سورتوا في الفاسور ههههه يغلطوا في حرف برك نينا الفاسووووور
مي درك تهيت منهم في لافاك كل واحد حاكم قدروا
تقييم

ههههههههه
حنا بكري
زعما باش يحكي مع وحدة يطلب منها ستيلو هههههههه
وكي تعطيهولو تقتلو السعادة هههههه​

 

[★ ميمي dz ★]

والله صح هادي عادة ما تخلاصش ووين تروحي تلقايها
ولي تزيد تحبسلك مخك الاستاذ(ة) يقولك كل واحد يحكم صوالحو وهادا مايسلف على هادا
من بعد يقولك فلان ستيلو احمر svp .....
لي عندو زوج كتابات في طاولة يجيبلي واحد .....​

ياخي حالة ياخي ههههه
مارسي ع الطرح
تحياتي​

 

[ماكانش]

والله صح هادي عادة ما تخلاصش ووين تروحي تلقايها

ولي تزيد تحبسلك مخك الاستاذ(ة) يقولك كل واحد يحكم صوالحو وهادا مايسلف على هادا
من بعد يقولك فلان ستيلو احمر svp .....
لي عندو زوج كتابات في طاولة يجيبلي واحد .....​

ياخي حالة ياخي ههههه
مارسي ع الطرح

تحياتي​

هههههههههههه
هذي كاينة ههههههههه

 

[INATA LOTUS]

ايه يا اختي عندك الحق ..أنا تاني تصرا معايا بزاف هاد الدربة وراني نوسع في خاطري و راه قريب أنشاء الله اللي يجي توري نتاع الهبال.......مشكوووووووووورة ليك أختي على طرح هذا الموضوع و من عندي ماتعمريش كامل راسك بيهم..........

 

[مابقاش بزاف.Dz]

رانا في الهوى سوى
كرهنا مهاد العقلية
كيما قلتي واش يديروا بدراهمهم

 

[nina bonoise]

ههههههههه

حنا بكري
زعما باش يحكي مع وحدة يطلب منها ستيلو هههههههه

وكي تعطيهولو تقتلو السعادة هههههه​

ههههههههههههه
وي وي نعرفوها
سورتوا الطفل كي تكون عاجباتوا الطفلة ههههههه

 

[Houda Chaouienne DZ]

ياااااااااااا مروة يا سردينة ختي قستيني فالصميم ههههه
انا مانشتيش لي يسلف عليا بزززززاف
ما نشتيش على حوايجي هههههه
كيما انا فلاسيتي .. لي معايا فلاشومبر
نهار كل دقيقة ديكسيونار تاعك دقيقة هاذي
و ديفوا ندخل نلقاها هازة ديكسيونار تاعي بلا مانكون كاينة
ان نقلق نولي ديناصور ههههههه
تعرفي كنت حابة ندير كونكسيون nedjma usb
مي منيش رح ندير على جال هاذ لافار
و الله يردوني سيبار هههههه
....
المهم ليزاراب ما يفهموش رواحهم خلاااااص
كي يلقاو واحد يسلف مرو يلصقو فيه
قالك إذا ولالك خوك عسل ما تلحسوش
مش هكا يا جماعة بالشوي برك هههه
..
واش نقولك مرمر ربي يهديهم هاذ الناس
و ربي يقدرنا نساعفوهم سي نو نهبلو
هههههه
ايا سلاااااام
و مارسي ع الموضوع
​

 

[بنـ MaPa ـت]

شكرا على قبول الموضوع

ويعطيكم الصحة على التفاعل اخوتي نورتو الموضوع
​

 

[امورة المنتدى]

هههههه كاش نهار يقولولك سلفيلنا الفاتشا تاعك

هههههه ونتي علاه ماتقوليهاش ديراكت وبصوت مرتفع

(مانمدش)

ههههههه ياختي انا حالي حالك

كي يكون عندك افاسور الكلاصة كامل تسمع بيك

الصباح سلفتو لوحد الطفلة قاتلي تبحرلي

تتسلف وتزيد تبحّر والله غير شابة

المهم طولت ايا باي شريكتي