ماذا ستطبخين سيدتي ......الجزء العاشر

[رآج ـية العفو]

​

ربي يتقبل منكم وصيآمكم في الجنة ​

 

[ام أمينة]

مساء الخير عليكم
تفضلو
https://www.4algeria.com/vb/showthread.php?t=322241
​

 

[nada242008]

الله يسلمكم يالبنات
اسومة الزينة اهلا بيك .. منورة الموضوع والركن والمنتدى كلو :sheer:

 

[imane27]

صح فطوركم لبنات

 

[رآج ـية العفو]

ربي يخليييييييييييييييك حبيبتي الغآلية أم ندووووش
النور نورك يآ حبيبة وآش رآكي؟؟ أنآ قلت خلآص البيبي
وصل ههههههه

لبنآت هذآ السندويش اللي قلتلكم عليه

وهذآ ديسآر خدمتو البآرح
حلى كآسآت الدآنيت

وهآذي المورآنغ

​

 

[كوثر الوهرانية]

اهلا اسومة الحمد الله كي راكي بخير راهي وصلتني رسالتك و كي جيت هنا باش نكتب لبنات لقيت اللمة مكانش الحمد الله لي راكي بخير
ام ندوشة ايه دا كلوا ايه دا كلوا اله يعطيك الصحة و يباركلك في هدوك اليدين كل شيء هايل الله يبارك
بصحت فطور الصايمات

 

[كوثر الوهرانية]

امم اسومة شهيتني في هداك الديسار الله يعطي الصحة و السوندويتش نضن انه عصبا الي يتباع عند الجزارين
المرانغ روعة بصحتكم يا الزينة

 

[كوثر الوهرانية]

ندوشة هداك اللحم الي فوق لفريت تاع الرقبة
اعطيني طريقتك من فضلك راه يسخف

 

[merieme hassi]

ماشاء الله عليكم ام ندي و راجية العفو بالصحة و الهنا
بصحتكم كامل واش طيبتو كل وحدة باسمها

 

[nada242008]

ندوشة هداك اللحم الي فوق لفريت تاع الرقبة
اعطيني طريقتك من فضلك راه يسخف

اسومة الديسار يشهي امممممم والمورانق ناجحة الله يبارك بصحتكم
--
فريدة الطريقة ساهلة خلاص وصحية والنتيجة هايلة
انا استعملت رقبة كاملة معاها تقريبا راس ثوم كامل
ترابي الثوم في طنجرة الضغط بلا ماتحطي ولا قطرة زيت ومعاه الرقبة وحوالي فنجان خل وملح وفلفل اكحل كمية مليحة وتمرقي بالماء الدافئ بلا ماتقلي
تغلقي الطنجرة وتخليها حتان تنقص كل كمية الما بعد ما ينشف تقلبيه من الجهتين باش يتحمر في ليدام تاعو
تعرفي يطيب زبدة ويذوب في الفم والشحم كامل يروح
ونفس الطريقة نستعملها مع لي كوطلات تجي هايلة وطريةخير من المقلية يابسة ومعمرة زيت
ونكهة الخل ماتبانش خلاص

 

[كوثر الوهرانية]

مشكورة اختي ام ندوشة نجربها ان شاء الله خفت من الخل بصح قلتي ميبانش خلاص
نوعدك نجربها

 

[momoude]

سلام لبنات واش راكم ان شالله لباس
بصحتكم كامل واش طيبتو ربي يكثرها نعمة

 

[momoude]

راجية ممكن طريقة المرانغ وبصحتك

 

[ام منصف]

بصحتكم واش تعشيتوا
اسومة اطباقك كالعادة مميزة يعطيك الصحة حبوبتي
هذا عشانا اليوم

بصحتكم كامل
​

 

[oumsif]

بصحتك ام منصف طاولة تشهي​

 

[ام ايناس]

بصحتكم واش نقول كل وحدة تقول لاختها بعدي لهيه ربي يبارك فيكم
وصح فطور الصايمات

 

[ام ايناس وفاروق]

صح عشاواتكم اخواتي

 

[ام خديجة1]

دخلت متوخرة سمحولي بصحتكم واش طيبتو كامل ما شاء الله عليكم كل وحدة تقول لاختها وخري الله يدومها نعمة تصبحو على خير

 

[imane27]

صح عشاكم
انا درت مثوم لجاج وسلاطة

 

[ibtesem]

امممممم امنصف وايمان الله الله على عشاواتكم اشهو