قلت في قلبي هذي ذرك يقادرها الواحد ؟؟؟

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
أيا الصباح هذي ركبت في البيس تاع الدولة هذوك، أيا لقيت زج كراسى اللخرين قعدت فيهم، زمان طلعو 3 بنات يبانو تاع ليسي​

​

..​

أيا بقيت قاعد وهوما واقفين قدامي وبديت نتوسوس وتفكرت الموضوع هذاك ألي دااتو وحدة هنا تبهدل فلولاد ألي مايوقفوش للبنات فليبيس ههههه
قلت نوقف مانوقفش مافهمتش، قلت نوقف يقلك شوف هذاك المخلوع شاف بنات وقفلهم ياخي شيتة ياخي هههههههه
قلت مانوقفش عيب بنات واقفين وانا قاعد، أيا وقفت وقلتلها تفضلي ختي قاتلي لالا أقعد برك قلتلها لالا أقعدي برك ههههه
أيا زمان نفس الطفلة ألي قاعدة أطيح في الهدرة دارت لصاحبتهم الثالثة وقالتلها " لافوط في من، لافوط في من ؟؟؟ اهدري اهدري ياخي لافوط في ملاك ؟؟؟​

​

"​

المهم كلمة زوج طعتيها بهدرة تعيف أو حرت
بديت نهدر مع روحي قلت يعني هذي ذرك الواحد يقادرها ويخليها تقعد ؟؟؟
ندمت على وقفت لوجه الشر هذي هههه
أيا قلت في بالي ماعادش نوقف لوحدة غير ألي تبان حشامة ، ولا كي يكون لحشر والضيق​

​

...​

انا هكذا كنت ودرت في بالي نوقف غير للي مايقدرش يوقف، أما ألي يقدر يوقف مانوقفلوش ولو كثر مني​

​

...
مانعرف توافقوني في رايي هذا و لالا ؟؟؟
الله غالب ماحملتش كيفاش وقفت لوحدة هكذاك هههههههه


ملاحظة:
ليبيس تاع الدولة راني في قريب عام مانخلصش كي نركب
هذاك ما بقا نزيد نمد الدراهم لأويحيى هههه
ساعات نقلو ماعنديش بتشنيفة تاع راك علابالك بلي عندي وانا علابالي بلي راك علابالك ههههه
وساعات نشنف ونبقى نشوف مع الكارو يفهم روحو ههههههه
​

​

 

[nawal 88]

اروووووووووح توخذت فيك وانت واقف ههههه تستاهل
ايماجيني تهاوشو في ثلاثة على لبلاصة هذيك واش دير انت هههه
نوصيك منوجاي اوقف غير لمرا كبيرة ولا شيخ واش داك نتا لبناويت
+
اويحي دراهم كامل مكفاوهش وطامعلنا في ألف ماكانش ههههه
​

 

[هآجر]

سلام عليكم

والله يامكانش

كفاش متخلصش ا مصيبة ؟؟؟؟؟؟؟ نومال نخلص لاه هدوكمهمش خدامين كما منخلصش معنها ميمدلهمش الشهرية في جرتنا

اما لبنات هدوك
اييييييييييييييييه مشفتي والوا

تحياتي​

 

[SAFA-94]

مالا تحشاتلك غير انت
هاذي توصي الجاية ههههههههههه
​

 

[لاجودان شاف]

​

​

ملاحظة:
ليبيس تاع الدولة راني في قريب عام مانخلصش كي نركب
هذاك ما بقا نزيد نمد الدراهم لأويحيى هههه
ساعات نقلو ماعنديش بتشنيفة تاع راك علابالك بلي عندي وانا علابالي بلي راك علابالك ههههه
وساعات نشنف ونبقى نشوف مع الكارو يفهم روحو ههههههه​

​

تطيااااااااح لبنات لهدرة ولات حاجة نورمال
تهدر معاها تسمعلك وسخ وذن
+
ههههههههه
حكاية ماتسلكش هاذي لازم نخبط بيها في ميضوع
قالك شي البايلك
ههههه
​

 

[adel-mz]

سلام
اخي عينك هي ميزانك ، شيخ ولا عجوزة ولا معوق ولا بنت محترمة لا لا تنوض وراسك مرفوع ويستاهلو كل الاحترام ،مي اذا كانت فتيات وقحات (حاشا خواتاتي ) هادو لا عيننا رات ولا اذن سمعت ،وانت درت الخير بنية صادقة بعد علمك انها في غير محلها ،معليش جعلها الله في ميزان حسناتك ،
بارك الله فيك
​

 

[ماكانش]

شكرا لقبول الموضوع

 

[سلفي والحمد لله]

هههههههههههههههههه فكرتني في تبسة نهار راح نتقابضو مع هذاك الروسوفار
بصحتو سلك علينا زوج مرات

 

[nina bonoise]

انت الغالط لي وقفتي لوحدة كيفها
انا نوقف غير لمرا كبيرة ول شايب
قريتي مليح الملاحظة تاعك فهمتيني وش نقصد هههههههههههه​

 

[*عزة الاسلام*]

السلام عليكم
وعلاش تقلق في روحك خويا سفيان
انت درت الي عليك برك هذا ما كاين ماعناتها غاضتك تاع الصح كي وقفت لوحدة كيفها ؟
امالا دير حسابك من اليوم ورايح اعرف لمن توقف
لوحدة حشامة برك الكبار في السن مانحكوش عليهم هذوك لازم عليك
بصح السؤال .....
كفاش رايح تعرفها بلي تستاهل ولا والو؟
شوف نوض لكامل لبنات وخلاص الي تستاهل ولي ماتستاهلش
بويسكت انت اصلا ماراكش تخلص
معناتها ابقى واقف طول وخلي الناس الي تخلص تحكم بلاصتها
ولا واش رايك ؟
نزعق برك بلاك تزعف
​

 

[أم راضية ~_]

سلآآامووو
ههههههه راحت عليك
إيه كاين شي عباد ما يستهلوش ، وحكاية بنات يقولو كلام ..... خلينا منها على خاطر نبدا نذم و ندير هجاء و رثاء وووووو راني هكدا لاباس هههههه الله يهديهم برك ,حاسبين هديك الهدرة شطارة:sad: ياخي ياخي ،
أنا عندي خويا مريض بصح يقدر يوقف نورمال مي ساعات يتفشش عليا مع هو فنيان :shiny: يحب يقعد
واحد النهار البيس معمر , ليجان قاعدين يشوفو فيه يبكي واحد ما ناض أمالا ناض وحد الشيخ كبير مسكين ناض و سقساني واش بيه كاش ما حتجتي ولا , و هوما زعمة خلعهم, قاعدين يشوفو فيه !!!
والله كاين شي ناس لا احترم لا والو و كاين كيما نتا كي تحترمهم يحسبو رواحهم حاجة
أنا نقولك خليك بأخلاقك و اللي ما يستهلش راهو يخسرها غير على روحو المهم نتا أشفى على الفيgورة هههه بآش ما تزيدش توقفلهم ههههههه:shiny:
merci lik

 

[sad5]

سلام
انا شخصيا لا اقف لاي بنت
ممكن لشيخ او عجوز صح
مي وحدة سنها صغير نوعا ما لا
-
المساواة يجب ان تكون في كل شيء حتى المعاناة
مش في الخدمة يقلك المساواة وكي تجي في التعب يقلك اولدي واش بيك راهي بنت ؟؟؟

 

[***سوسن الجزائرية]

1- ماكانش علابالي بلي كاين البيس تع الدولة.
2- معليهش واش عليه كي وقفت مي المرة الجاية كيما قلت أوقف للي يستاهلو
3- تخليهم يقعدو من بعد تقعد تسمع لهدرتهم واش راهم يقولو ولا كيفاه؟
4- شكرا على الموضوع.
5- ......اممممممممممممممممم..........السلام عليكم​

 

[ماكانش]

اروووووووووح توخذت فيك وانت واقف ههههه تستاهل

ايماجيني تهاوشو في ثلاثة على لبلاصة هذيك واش دير انت هههه
نوصيك منوجاي اوقف غير لمرا كبيرة ولا شيخ واش داك نتا لبناويت
+
اويحي دراهم كامل مكفاوهش وطامعلنا في ألف ماكانش ههههه​

ههههههههههه
اهلا نوال
قتلتيني بالضحك تاع ألف ماكانش ههههههههههه
الألف فرنك تاعي يشريها طوبة للقصر تاعو هههههههه
والله يانوال حشمت جاتني عيب أنا قاعد وهوما واقفين، تخيل غير راهم يبهدلو فيا في قلوبهم هههه
يعطيك الصحة نوال​

سلام عليكم​

والله يامكانش​

كفاش متخلصش ا مصيبة ؟؟؟؟؟؟؟ نومال نخلص لاه هدوكمهمش خدامين كما منخلصش معنها ميمدلهمش الشهرية في جرتنا ​

اما لبنات هدوك
اييييييييييييييييه مشفتي والوا ​

تحياتي ​

أهلا بيك راجية الجنة
نورتي الموضوع وعاش من شافك
هذوك ليروسوفار راهم خالصين من عند الدولة سواء خدمو مليح ولا واحد مايركب معاهم
ياطفلة الدولة ماعطاتنيش حقي وخدمة وتزيد تنحيلي الدراهم ؟؟؟
النقل راهو حق من حقوق المواطن
راح نولي نقرا حقوق كيفك ههههه
ربي يحفظك راجية ...​

 

[آمِيْرَتُه]

المرة الجاية نبعيك و نقوله عنذه باه يخلص هههههه

و الله عباد كيما هاك يستاهلو يبقوا واقفين يتعذبوا شوية ههههه
​

 

[كوني طيبة]

اخي الكريم لاتنتظر من احد الشكر او الحمد
انت تصرف باخلاقك ودعك من الاخرين
اذا ملاح لانفسهم واذا مش ملاح لانفسهم ايضا
هناك مثل يقول
" عامل الناس بأخلاقك ولا تعاملهم بأخلاقهم "
وعليك ان تعيش به و ارتح ولا تابه باحد من الناقصين​

 

[Dr.CrAzY]

وعليكم السلام

الغلطة منك ياخويا
اذا بنات صغار وعلاه لعبد يخليلهم لبلاصة ؟؟؟؟؟

شخصيا كي تكون مرأة ولاراجل كبير ننوض لباقي مانشوفش في سبب باين باه نخليلهم لبلاصة
​

 

[ماكانش]

مالا تحشاتلك غير انت

هاذي توصي الجاية ههههههههههه​

أهلا صفصوفة
هههههه
اكي تشوفي عشيت واقف ربع ساعة هههههه
ماعادش خلاااااص ...​

تطيااااااااح لبنات لهدرة ولات حاجة نورمال
تهدر معاها تسمعلك وسخ وذن
+
ههههههههه
حكاية ماتسلكش هاذي لازم نخبط بيها في ميضوع
قالك شي البايلك
ههههه
[/center]

هههههه
واش يا الشيخ حبيت تسمع خليدة ؟؟؟ ههههه
وينا باليك هذا تاع بسكرة ولا اوتال العياشي ههههه​

سلام

اخي عينك هي ميزانك ، شيخ ولا عجوزة ولا معوق ولا بنت محترمة لا لا تنوض وراسك مرفوع ويستاهلو كل الاحترام ،مي اذا كانت فتيات وقحات (حاشا خواتاتي ) هادو لا عيننا رات ولا اذن سمعت ،وانت درت الخير بنية صادقة بعد علمك انها في غير محلها ،معليش جعلها الله في ميزان حسناتك ،
بارك الله فيك​

أهلا بيك خويا عادل
والله انا قبل كنت نوقف غير للعاجز برك حتى ولوكان طفل صغير قل مني
وساعات نحشم نوقف للبنات
بصح كاين كيما قلت وقحات مايستاهلوش الإحترام يعطيك الصحة خويا ​

هههههههههههههههههه فكرتني في تبسة نهار راح نتقابضو مع هذاك الروسوفار
بصحتو سلك علينا زوج مرات

هههههههه
شت هذاك الغلبان
علابالك مازلت نتفكرها ونقول لوكان تعاود تصرالي علابالك ناكلو ... ههه​

انت الغالط لي وقفتي لوحدة كيفها

انا نوقف غير لمرا كبيرة ول شايب​

قريتي مليح الملاحظة تاعك فهمتيني وش نقصد هههههههههههه

أهلا نينا
الله غالب ماعلاباليش قليلة التربية هكذاك تالي مانوقفش
مي بنات الأصل كيما نتي نوقفلهم بلا مزية ...
بصح واش حكيتي على ملاحظتي مافهمتكش ؟؟؟ هههه​

السلام عليكم

وعلاش تقلق في روحك خويا سفيان
انت درت الي عليك برك هذا ما كاين ماعناتها غاضتك تاع الصح كي وقفت لوحدة كيفها ؟
امالا دير حسابك من اليوم ورايح اعرف لمن توقف
لوحدة حشامة برك الكبار في السن مانحكوش عليهم هذوك لازم عليك
بصح السؤال .....
كفاش رايح تعرفها بلي تستاهل ولا والو؟
شوف نوض لكامل لبنات وخلاص الي تستاهل ولي ماتستاهلش
بويسكت انت اصلا ماراكش تخلص
معناتها ابقى واقف طول وخلي الناس الي تخلص تحكم بلاصتها
ولا واش رايك ؟
نزعق برك بلاك تزعف​

أهلا بيك عزة
صار هكدا مانخلصش نوقف ؟؟؟ هههههههه
لالا والله ألي يستاهلو وبنات الأصل باينين، وقليلات التربية والحشمة باينين ...
الواحد عينو ميزانو وخلاص
يعطيك الصحة ...​

​

 

[nina bonoise]

خلي دوك نفهمك ع الخاص منبهدلش بيك هنا هههههههه

 

[crazykhadija]

والله انقولك بنات الحشومية برك اوقفلهم برك ولا تكون في مقام يماك ولا باباك واكبر هكا ولخرين الدنيا متستاهلش
انت درت النية بويسك انت ولد فاميليا وتعرف وتميز انت ما ذبنك والوا هكاك درت لي يديرها اي واحد مليح
على العموم بارك الله فيك
وربي يخليك لوالديك
وهدي التجربة دير في بالك مرة اخرى
سلامو
اختك خديجة
​