حنا برصاويات خلينا منها راهي رياليست جبرية .....انوثة في الكوما

[لاجودان شاف]

السلام عليكم ورحمة الله وبراتك
أهلا بجميييييع ناس اللمة الناس لملاح وان شاء الله راكم بخير
اليوم حبيت نجغبلكم شوي على واحد المووودة راهي نتشرت بزاف
منعرف تقدرو تسموها مودة ولا معاندة ولا vide ولا ثقافة صح
كيما علابالكم كامل من يومين فات اكبر حدث كروي في العالم
وهو الكلاسيكو بين البرصا والرياااال :sheer:
وكيما تعرفو هاذ الكلاسيكو راهو حرب كبيرة بين الفريقين والانصار تاع الفريقين هاذو..
مالا قاعد نتبع في كل ماهو جديد من بعد الماتش هذا في المنتدياااات تع العرب
لقييييييت بلي راهي وااااااقعة حرب كبيرة بين لعرب على جال الريال والبرصا
والله ولد مدريد لي جد جدو زايد فيها مش محن روحو كيما هوما
ولوكان غير حبست الحرب هاذي في الرجااال برك
والله دخلو فيها حتى الجنس اللطييييف:shay: .....بففففففف
لبنات رجعو ديكلون في بعضاهم بيناتهم حسايف ورونكيل
حقا قحاحقا
قالك هاذوك ما يتفاهموش مع هاذوك
هاذوك دي بارصاويات وحنا رياليات....واااو
وحدة تقابضت مع راجلها كيعاد ضربها
لما سبت ختو - يعني سلفتها - كيعاد هي برصاوية ولخرى ريالية
هههههه:scared:
وحدة هجرت صاحبتها لانتيم كيعاد قاتلها ضربناكم ب3
:sheer::sheer::sheer:في البرنابيوووووووو:sheer::sheer::sheer:
وشي هاذا يا لبنات
ولثم تفكرت واحد التصويييرة ديما نشوفها في الفايس بوك
في Les murs تاع لبنات ....لما نضرب طلة نتوقب عليييهم
البنااات كامل تاع الجزاير حاطين فريقهم المفضل يا البرصا يا الريال
وقاتلييين رواحهم بتصاور كيغستيانو وميسي وفابغيgاس وتشافي
وغير لي زالبوم فوطو تاع الريال والبرصا
وشبيكم يا بنات المستقبل وش حكايتكم مع البرصا والريال والبالون أصلا:scared::scared::scared:
ولا راهي ثقافة وعلم ومووودة لازمة في 2012
وزيد قالك ماجاتش غير في البرصا والريال
قالك ولاو البنات من اشد المتتبعين للبطولة الجزائرية المحلية
وكي داها حشود لاعب وفاق سطيف كأحسن لاعب شهري
سكنولو في لاباج تاعو في الفايس بوووك
وحدة تكتبلو لو نعطيك 3 زهرات لمن تمد وحدة:shay:
وحدة تحكي على النيمرو:schmoll: ...وحدة وين راح تروح في الميركاتو الجاي
بففففففففف
والله عيات تخشلي راسي وعييت نتخيلها
شابة باهية وزينة ولابسة مليح ووهازة بورطابلها في وذنها
ومركزة مليح ..تسمع شحال دارت النهد -نصر حسين داي -
مع بجاية وخايفة وخلعانة وحاكمة قلبها
ولا وحدة في عمرها 23 سنة كل يوم يجيو يخطبوها الرجالة وتعيط لصاحبتها تقولها اسمعي كي تمارمي بارادو بيبلي
خطراكش هي تشتي mca وراهم في نفس الرتبة
مع asmo مالا بارادو لازم تمركي 4
ولازم asmo تخسر 2-1 خارج بلادها
ههههههههههه ........ياخي معيشة ياخي
انا نقولكم غير التااو بقرايتكم وانوثتكم هههه
ميسي كل عام يدي فيها بالون تاع ذهب
ونتوما اقتلو بعضاااكم
والبطووووووووووولى الوطنية ماربحووش عليها الرجال
يعني راح تربحو عليها نتووما ههههههه
وفي الأخير عندي اسئلة للجنس اللطيف برك
والرجال ما يغيضهومش الحال بيسك هوما نورمال
يتبعو البالو على رواااحهم ومن حقهم
1- شكون تشجعي الريال ولا البرصا ...وعلاه...ومن وكتاه ...وكيفاااه ...؟؟؟؟
2-شكووون ليكيب تااعك في البطووولةالوطنية
وشكرا​

 

[إنسانة ما]

وعليكم السلام ورحمة الله
سبحان الله وكأن توارد أفكار صرا بينك وبين الأخت:
الكلآسيكو في مدريد و الافرآح و الاحزآن في الجزآئر
المهم الكرة كنا نتابعوها بكري لما كانت حلوة وكان يتبعوها الناس لي تفهم كرة مش مثل الآن. 13 سنة ولاعبها بلاتيني وإلا بيلي، فنى عمرو في البالو. يحلل ويناقش ويعطي وجهات نظر.
الآن المشكل أنهم يشجعو فريق من أجل لاعب، يعني الناس الآن لي تشجع البرصا أجزم أنهم يتابعوها علاجال ميسي ولو من غدوة ميسي يروح للريال الناس كامل تصبح من مشجعي الريال.
في أحد المنتديات البنات شكلو فريقين واحد سموه البرصاويات والآخر الرياليات وقريب تصرا مقتلة بينهم.
بالنسبة للبطولة الوطنية ما نظنش البنات يتبعوها لأن أغلب اللاعبين ينقصهم شوي جمال وأناقة. إلا لاعبي الفريق الوطني لذلك البنات هبلت على الفريق الوطني وزادت عندهم الروح الوطنية.
للعِلم: بكري كنت جبرية يعني نشجع الريال (حسب عنوان موضوعك)، وعندي تقريبا أربع سنوات ما شفتش ماتش تع الريال.

​

 

[bachboucha]

ههههههههههههههههه صح لاجودان موضوع زين و حنون المفيد انا ما عندي حاجة لا برصا لا ريال لا كاب لا بوبية انا مواطنة عادية ههههههه مي البنات يتبعو من لفيد اللي قتلهم لفيلمات دوكا حفضوهم وقت البالو​

 

[secret de coeur]

وعليكم السلام ورحمة الله وبركــآته
موضوعكــ يتوشي العقلية الي راهي تمشي فــ2012 ههه مي السوجي فوور قتلني بالضحك وفيه مغزى مليييحة
آهــآ نــآتـآني نتبع الفوت مي مش نتعارك مع صحبآتي _o: لالا جامي + مانباغتاجي ليفوطو تاع لي جوار ..نستمتع باللعب برك ياك نورمال
ايا نبدى نجاوب ع أسئلتك خير ومانكثرش الهدرة :shiny:
1- شكون تشجعي الريال ولا البرصا
نشجع البــآرصــآ
...وعلاه:: باسكو يعجبني اللعب ديالها ...ومن وكتاه:: ملي كــآن في عمري 12 سنــة ...وكيفاااه:: من صغري نتبع الفوت باسكو كبرت قريبة لخآوتي لولآد بزاف مم وكنت متأثرة بيهم نتفرج معاهم فوت ههه ومرات مام البوكس خخخ ..ودرك فوت وتنس بس :shay: ...
2-شكووون ليكيب تااعك في البطووولة الوطنية
زعمــآ ليكيب تاع ولايتي مي مانتفرجلهاش ماتش وعلاش نكذب مايعرفوش يلعبو خلااص °°ودآآد تلمسان
وشكرا
العفوووو الشكر ليك ع السوجي..مرسي :re_gards:
​

 

[كوني طيبة]

انا مانحبش هك
ونلاحظ بلي المراهقات برك لي يعملو هذو الامور
وخطيني كرة القدم الاروبية ولا حتى المحلية
مشكور يا لاجودان​

 

[إنسانة ما]

ههههههههههههههههه صح لاجودان موضوع زين و حنون المفيد انا ما عندي حاجة لا برصا لا ريال لا كاب لا بوبية انا مواطنة عادية ههههههه مي البنات يتبعو من لفيد اللي قتلهم لفيلمات دوكا حفضوهم وقت البالو​

أضحك الله سنك أختي بشبوشة
مليح السجع هذا
ربي يحفظك ويخليك مواطنة عادية

​

 

[سلفي والحمد لله]

انا نسيبورتي الاتحاد السعودي
زعمة اخ نسيبورتي السعودية خهههه
​

 

[وردة رمال الصحرا]

السلام عليكم
صباح الخيرات
كأنو الساعة راهي 6 صباحا عندكم !!!..... ما شاء الله شحال ناشطين ^_^
علابالك خويا بلي عندك الحق ف بزاف حوايج قلتهم
يعني بزاف بنات يدزوا رواحهم ف البالو و يلعبوها يفهموا .....ولو انو كاين لي يفهمو بصح المشكلة انو "مش خارجة عليهم "
و قليل لي تلقاها تقولك ما نهتمش، كي تكون ف جو تع هدرة على البالو ...يعني حتى و ما تعرفش تلقاها حافظة أسماء الشابين تع البالو و هذاك هو الأهم من المهم عندها
ههههههه الصيف لي كان فيه كأس العالم ...كنا حنا نقراو مساكن ... ايا و كنا نتفرجو الماتشات مع بعض...كانت معانا وحدة _لا علاقة بالبالو_ عجبها الحارس تع المكسيك ههههههه.... فجأة نلقاو الطفلة تشجع بصوت عالي ( يا ريت تبقى الكورة غي ف جهتو و الكاميرا ما تبعدش عليه )هههههههههههه
أما بالنسبة لمعشر الرجال ..... فكاين لي صح مبالغين ف "ريالي"ولا"بارصاوي"
اما الأسئلة لي طرحتهم :
نقولك انا مودية بزاااااااااف....يعني على حسب المزاج .... مرات يغيضوني الريال . نتعاطف معاهم ...و مرات ينارفوني نقلبها ديراكت مع البارصا ...ههههههه
اما الأفرقة - ان صح الجمع-تع جزائرنا ....فلا علاااااقة هههه
علابالي راني طولت ....بصح واش ندير .... حنا راه الصباح عندنا و : الصباح = نشـــــاط
شكــــــــــــرا
اه :ما قتلناش انت : برصاوي ولا ريالي ؟!؟​

 

[عاصفة الورود]

السلام عليكم
يعطيك الصحة على الموضوع بويسك صح هذي هي العقلية لي راهي تدور هاذو ليامات ,تلقى بنات مايفهمو فيها والو يتفرجو الماتش على جال كريستيانو ولا فابريغاس
وياويلك تسمعك قلت حاجة على لاعبها المفضل تقوم الدنيا وماتقعدش هههههه
نرجعو للمفيد ..
انا عن نفسي متبعة البالون من زمــــــــــــــان يعني من ايام البريمار هههههههههههه احلل واناقش المباريات والنتائج احمم ومهتمة بالانتقالات الشتوية والصيفية هههه واللاعبين نعرف عليهم كللللش من وزنو لطولو لعدد اولادو لاسم مرتو خخخخ يعني تفاصيل حياتو ههههه
اما عن الفرق لي نسيبورتيها كاين بزاف عندي البرصا والمان يونايتد ونابولي وفرق ميلان (في زوج )هههه وساعات نسيبورتي الريال (حسب المزاج ) وبلا ماننسى السد القطري والجيش والنصر السعودي ووووو
في الاخير هاذو كامل كانو بكري هههه بويسك اعتزلت البالون (تقريبا ) ودورتها رياضة اخرى ههههههه مشكور وبارك الله فيك ​

وعذرا على الاطالة :re_gards:​

 

[sahiko hamza]

نورمااااااااااااااااااااااااااااااااااااال
كترونا برك من هاد المواضيع بويسك كنت غايب على خاطر المواضيع كانو عيانين داما ذرك وقيل اني راح نقعد معاكم
​

 

[nawal 88]

انا نسيبورتي الاتحاد السعودي

زعمة اخ نسيبورتي السعودية خهههه​

:shiny:هايلة هذي هههههه​

 

[♥SaMoù Là MoDèsTe♥]

السلآمـ عليكم
شآ نقولك خويآ
الموضوع هذآ اللي هدرت عليه رآهو موضوع آلسآعة
خآصة عند الشيرآت
ونظن الأغلبية تآع الشيرات يتفرجو لي مآتش غير مبآهآت وفخر
زعمآ احنا دي فوتبوليست وكلشي

نرجعو للأسئلة تآوعك :
​

- شكون تشجعي الريال ولا البرصا

مآ نشجع لآ الريآل ولآ البرصآ
​

مرآت برك نتفرجهم بمآ أنني البنت الوحيدة بين 4 ذكور
إذن لآزم نتفرج معاهم للمتعة فقط



-شكووون ليكيب تااعك في البطووولة الوطنية
​

أكيد aso chlef

هآذي هي ليكيب تآعي المفضلة اللي نشجعهآ
وكي نشجعهآ عندي سبب
لأنه ممثل الولآية تآعي

فريق يلعب مليح وفوووور
و يستحق التشجيع و أصلآ من صغري نشجعهم
​

وشكرا
..::.. شكر متبآدل ..::..
..::..مع تحيآتي..::..
​

 

[nawal 88]

صباح الخير
والله يا شاف انا مانتبعهم مانعرفهم نسمع بيهم صح مي شكون هوما ولا شكون يلعبلهم واااااااااااااالو وهذي ساعة راني غير مع national geographic abo dhabi أنا الوحش ومسجون في الغربة وعلوم القتال ههههههه
ومانكذبش عليك انا نسيبروتي وفاق سطيف بصح مش لدرجة نعادي على جالهم ومانكذبش عليك ثاني هههه كنت مهبولة صح بليكيب ناسيونال تاعهنا مي من بدا يهز ب4 حبست ههههههه
سلام:sheer:​

 

[♥SaMoù Là MoDèsTe♥]

بغيت نعرف حآجة شكون هآذي لي كيب جآمي سمعت بيهآ
asmo

نظن بلآ
m
​

 

[إنسانة ما]

السلام عليكم
ولو انو كاين لي يفهمو بصح المشكلة انو "مش خارجة عليهم "
​

وعليكم السلام ورحمة الله
هذا هو الصح أختي، جبتيها يعطيك الصحة
مش خااااااااارجة عليهم

​

 

[صفية الروح]

هذا ما خصني غير الكرة المحلية الله يرحم ايامك يا شيخ سعدان
على كل حال هذا وين كنت نقرا موضوع مشابه في قسم النقاش بصراحة كنت احب متابعة مباريات الاندية الاوروبية لكن لا اشجع اي فريق ما نوجعش قلبي الي ربح نصفقلو هههههههههه
اما الان الحمد لله بعيدة كل البعد عن مشاكل كرة القدم
شكرا على الموضوع الله يهدي البنات والشباب عموما


​

 

[لاجودان شاف]

وعليكم السلام ورحمة الله

سبحان الله وكأن توارد أفكار صرا بينك وبين الأخت:
الكلآسيكو في مدريد و الافرآح و الاحزآن في الجزآئر
المهم الكرة كنا نتابعوها بكري لما كانت حلوة وكان يتبعوها الناس لي تفهم كرة مش مثل الآن. 13 سنة ولاعبها بلاتيني وإلا بيلي، فنى عمرو في البالو. يحلل ويناقش ويعطي وجهات نظر.
الآن المشكل أنهم يشجعو فريق من أجل لاعب، يعني الناس الآن لي تشجع البرصا أجزم أنهم يتابعوها علاجال ميسي ولو من غدوة ميسي يروح للريال الناس كامل تصبح من مشجعي الريال.
في أحد المنتديات البنات شكلو فريقين واحد سموه البرصاويات والآخر الرياليات وقريب تصرا مقتلة بينهم.
بالنسبة للبطولة الوطنية ما نظنش البنات يتبعوها لأن أغلب اللاعبين ينقصهم شوي جمال وأناقة. إلا لاعبي الفريق الوطني لذلك البنات هبلت على الفريق الوطني وزادت عندهم الروح الوطنية.
للعِلم: بكري كنت جبرية يعني نشجع الريال (حسب عنوان موضوعك)، وعندي تقريبا أربع سنوات ما شفتش ماتش تع الريال.​

هههههههه
ههههههههههههه
ههههههههههههههههههه
صح وجهو كامل شعر وداااير قابسة شمة في فمو تقولشي gروناد
هههههههههههههههههههههههههذ
+
صح كيما قلتي كاين لي يشجع فريق علاجال لاعب واحد برك
ههههههههه
تيعف برصاويات ورياليات ويتعشاو مقرونة في لاسيتي :scared:
المهم مشكوووورة
:re_gards:​

 

[adel-mz]

سلام
واش راك يالاجودان صافا شوية ،الحمد لله
ههههههه راك كيما انا نفس الفكرة دور في راسي
الناس تلعب وتدي في الصوارد والعرب ياكلو في بعضاهم ،معليش ناس قالو ياخويا مكانش بالو في بلادنا وزيد تسلية فقط هههههههه،بصح ياخويا واحد يقتل في خوه على جال ريزيلطا نتاع بلوطة هههه هادي لي مفهمتش !!!؟؟
والكارثة البنات ودخلهم هدا الفيس نتاع البالون ،سبحان الله ،نهار هدا الكلاسيكو كيما يقولو جاني وليد اختي مراهق قالي خالو معليش درنا الماتش نتاع ،زعمة عندي دنــgــل ههههه مجبتش الخبر كيفاش دفرتو برجلي ،نوض تقعد تقرى بركة من التمسخير ،ودوما نقتدي بخير خلق الله اذ قال :[SIZE=2.5]حتى لو دخلو جحر ضب لدخلتموه....
الله يجيب الخير ،سلامي اليك مستر
[/SIZE]​

 

[βǻŋǾừŧά ₡ǖŦё]

السلام عليكم ورحمة الله
الحقيقة عندي هذي حاجة عادي يعني نورمال يعجبك
فريق شجعو ماش على اساس نتعارك مع صديقاتي
على جال لاعب ولا فريق هذي جامي تصير
اما الاجابة على اسئلتك هي
من تشجعين/البرصا
لماذا/باسكو اللعب تاع اللعبين تاعها يعجبني بزاااف
مند متى/مالعام اللي فات يعني كي كان عندي 13 سنة
الفريق المفضل فالبطولة الوطنية/حقيقة ماعنديش فريق
اصلا عندي قداه ماشفتش الكرة الجزايرية وعلاه نكذب
لذا ماعنديش فريق
وشكرا لك اخي على الموضوع الرائع
​

 

[amoulita@mosta]

نشجع ريال مدريد
نحبو ملي كنت صغيرة نشفى على روحي كنت نقرى في البريمار
لافامي نتاعي كامل يشجعو الريال خوالي و اولادهم عمومي و اولادهم
انا علاه؟كبرت معاهم نشجع ريال مدريد...
اما ليكيب نتاعي في البطولة الوطنية هي aso علاخاطرك اختك شلفية(شلف)
وتحياتي...ليك يا لاجودان شاف