حنا برصاويات خلينا منها راهي رياليست جبرية .....انوثة في الكوما

[sali-sali]

انا ديما نقول هوما رابحين ولا خاسريين خالصين
انا علاش نكسر راسي
ونقولك والله مانتفرج كورة وتبقى غير هيا
​

 

[***سوسن الجزائرية]

الموضوع ديالك عجبني بزاف .
نرجع للسؤال ديالك :
واش نتبع ؟ وحد المرة كنت قاعدة مع وليد خالي قالي نتي واش تسيبورتي قلتلو والو قالي أنا البرصا قلتلو خلاص راني معاكـ بصح والله العظيم جامي شفت الماتش تع الريال والبرصا وعلى فكرة نعرف من اللاعبين الخارجيين غير ميسي وكريستيانو وتعرفت عليهم غير كي طلعنا للمونديال برك صح نحب البالون بصح مانتبعوش ماعلاباليش علاه؟
اخيرا نقلك أشكرك على هد الموضوع الباهي الله يخليكـ ديما باهي هكدا.​

 

[إنسانة ما]

صح وجهو كامل شعر وداااير قابسة شمة في فمو تقولشي gروناد
لعيفاوي مسكين واحد ما يشجعو
+
صح كيما قلتي كاين لي يشجع فريق علاجال لاعب واحد برك
ههههههههه
تيعف برصاويات ورياليات ويتعشاو مقرونة في لاسيتي :scared:
المهم مشكوووورة
:re_gards:​

العفو، لكن لاحظت أمر:

100 غرام زيتون ...100 غرام فرماج...ايترا لبن....بففف انوثة في خطر

حنا برصاويات خلينا منها راهي رياليست جبرية .....انوثة في الكوما

الأنوثة كانت في خطر والآن هي في الكوما، المرة الجاية ما هو مصيرها؟؟؟ تموت ولا تمنع وتخرج من المستشفى؟؟؟
وش يلزمها حتى تخرج من الإنعاش: صعقة كهربائية؟؟؟ ولا إزالة جميع الأجهزة؟؟؟


​

 

[═♥.ЈŪšť_ màn.♥═]

خـــو .. صراحــة
انتــ و الله غير انتيكــ !!!!
راااااااااااكــ قستهاااا بزااااااااااف،، !!!^^
عجبني الموضوعــ بزاااااااااااف بزاااف ههههههههههههههههه
و الله يا خــو غير كيمااا قلتــ
برصاااويااتــ و ريالياااتــ
و حنــا يااا حصــراااا لوكان غير بقاااتــ في الهدرة
و اللبســـة ... و التصااور
و و و و و
ههههههههههههه تقولي الرجااال يحبســوااا البااالو و يخليوهاالهمــ
مااارسي خـــو ...
موضوعــ انتيكــ سورتــو الطريقــة
دمتــ بخير ..
+ احلأأأ تقييمــ
لاحلــى جوداااااااااااااااااان
:shay:
​

 

[dahbito]

وعليكم السلام
والله صراحة كلامك في محلو اخي
انا نشجع البرصا ولكن تشجيع عادي مانديرش الحوايج هادو نتاع الجياح
انا اخي الكبير هو اي خلاني نحبها ونبعها مي ماشي دائما ساعات
اما النتخب المحلي مانتبع واوا اصلا خاطيني حاجة سموها كرة ولا رياضة
مرسي خويا ع السوجي الباهي
ربي يهدينا
​

 

[ماكانش]

نشجع أمل مروانة ههههههه​

 

[الحق سلاحي]

ههههههههه

الخلاصة
​

كيما الجنس الخشن =) يحاول انو يجذب الجنس اللطيف=) .... ثاني كاينة في البنات





​

 

[la_safa]

الســــــلآآم

صح البنآت زودوهآ فوق الحق
خويآ عندكـ حق الحآلة ماتعجبش ولات حآلة هستيرية
وصلت انو وحدة تقول مارآجعتش ماعنديش وقت بت نتفرج في المآتش
مي حبيت نذكر بركـ انو البنت عندهآ حق تتفرج و تتآبع المبآريآت كيفهآ كي الذكور
و كيمآ نشوفو المشكلة لي رآهى البرآ و المنآوشآت و القتل و الجرح تجي كلهآ من الذكور و مش من البنآت ؟؟
ولآ حتى هنآ عندهم حق ؟؟
لآ نظن انو هآذي الكآرثة تخص الجنسين في زوج
و مآ يبقى في يدنآ الا ندعيو ربي يهديهم و يهدينآ
​

 

[souhila_95]

السلام عليكم ورحمة الله وبراتك
وعليكم السلام ورحمة الله وبركاته:shiny:
أهلا بجميييييع ناس اللمة الناس لملاح وان شاء الله راكم بخير
بخير والحمد لله:shiny:
اليوم حبيت نجغبلكم شوي على واحد المووودة راهي نتشرت بزاف
منعرف تقدرو تسموها مودة ولا معاندة ولا vide ولا ثقافة صح
i-o:i-o:i-o: موضة
كيما علابالكم كامل من يومين فات اكبر حدث كروي في العالم
وهو الكلاسيكو بين البرصا والرياااال :sheer:
تحيا الريال ههههههه راني غير نتمسخر
وكيما تعرفو هاذ الكلاسيكو راهو حرب كبيرة بين الفريقين والانصار تاع الفريقين هاذو..
مالا قاعد نتبع في كل ماهو جديد من بعد الماتش هذا في المنتدياااات تع العرب
لقييييييت بلي راهي وااااااقعة حرب كبيرة بين لعرب على جال الريال والبرصا
والله ولد مدريد لي جد جدو زايد فيها مش محن روحو كيما هوما
ولوكان غير حبست الحرب هاذي في الرجااال برك
ايه سماوها الحرب العالمية الثالثة ...العرب دايما يتلهاو بالحوايج الجايحة:schmoll:
والله دخلو فيها حتى الجنس اللطييييف:shay: .....بففففففف
ههههههههههههههههههه :sheer:
لبنات رجعو ديكلون في بعضاهم بيناتهم حسايف ورونكيل
حقا قحاحقا
قالك هاذوك ما يتفاهموش مع هاذوك
هاذوك دي بارصاويات وحنا رياليات....واااو
وحدة تقابضت مع راجلها كيعاد ضربها
لما سبت ختو - يعني سلفتها - كيعاد هي برصاوية ولخرى ريالية
هههههه:scared:
هههههههههههههههههههههههه هايلة هذي نتاع حنا رياليات وهوما برصاويات:shiny:
وحدة هجرت صاحبتها لانتيم كيعاد قاتلها ضربناكم ب3
:sheer::sheer::sheer:في البرنابيوووووووو:sheer::sheer:

:sheer:
هههههههههههههههههههه هجرت صحبتها:scared::scared::scared:
وشي هاذا يا لبنات
:schmoll::schmoll: واش بيك تفاجات:schmoll: ..مازال الخير لقدام
ولثم تفكرت واحد التصويييرة ديما نشوفها في الفايس بوك
في Les murs تاع لبنات ....لما نضرب طلة نتوقب عليييهم
البنااات كامل تاع الجزاير حاطين فريقهم المفضل يا البرصا يا الريال
ونتا واش داك لي مير نتاع البنات i-o:i-o: ههههههههه غير نتمسخر
وقاتلييين رواحهم بتصاور كيغستيانو وميسي وفابغيgاس وتشافي
وغير لي زالبوم فوطو تاع الريال والبرصا
اواه كريستيانو خير:shiny:
وشبيكم يا بنات المستقبل وش حكايتكم مع البرصا والريال والبالون أصلا:scared::scared::scared:
تبعتنا وحسدتنا منتبعوش البالون تاني هههههههه
ولا راهي ثقافة وعلم ومووودة لازمة في 2012
اواه اللي ماتبعش البالون ماهيش بنت القرن الواحد والعشرين
وزيد قالك ماجاتش غير في البرصا والريال
قالك ولاو البنات من اشد المتتبعين للبطولة الجزائرية المحلية
فيف وفاق سطيف هههههههههه:re_gards:
وكي داها حشود لاعب وفاق سطيف كأحسن لاعب شهري
يويوويويويوويويوييييييييييييي في خاطرو زغريدةi-o:
سكنولو في لاباج تاعو في الفايس بوووك
وحدة تكتبلو لو نعطيك 3 زهرات لمن تمد وحدة:shay:
هههههههههههههههههههه ماشفتهاش هذي ههههههههه:shiny:
وحدة تحكي على النيمرو:schmoll: ...وحدة وين راح تروح في الميركاتو الجاي
بففففففففف
بفففففففف خخخخخخخخخ سمطتها هذي:schmoll:
والله عيات تخشلي راسي وعييت نتخيلها
شابة باهية وزينة ولابسة مليح ووهازة بورطابلها في وذنها
ومركزة مليح ..تسمع شحال دارت النهد -نصر حسين داي -
مع بجاية وخايفة وخلعانة وحاكمة قلبها
هههههههههههههه يالطيف:scared::scared: راك مثقف بالحكايات الله يبارك
ولا وحدة في عمرها 23 سنة كل يوم يجيو يخطبوها الرجالة وتعيط لصاحبتها تقولها اسمعي كي تمارمي بارادو بيبلي
ههههههههههههههههههههههههههههههههههههههههههههههههi-o:i-o: لحقت بيها لهذي الدرجة
خطراكش هي تشتي mca وراهم في نفس الرتبة
مع asmo مالا بارادو لازم تمركي 4
ولازم asmo تخسر 2-1 خارج بلادها
ههههههههه شفت حتى بالتفاصيل_o:
ههههههههههه ........ياخي معيشة ياخي
انا نقولكم غير التااو بقرايتكم وانوثتكم هههه
أواه انا نحب البالون الله غالب نتابع أخبارها بصح ما نحبش هذيك المظاهر نتاع الجياحة والتبهليل
ميسي كل عام يدي فيها بالون تاع ذهب
ونتوما اقتلو بعضاااكم
لا جامي أنا نكره ميسي حتى النخاع :schmoll:
والبطووووووووووولى الوطنية ماربحووش عليها الرجال
يعني راح تربحو عليها نتووما ههههههه
لالا مش البطولة الوطنية شوية النيفو هابط:shay:
وفي الأخير عندي اسئلة للجنس اللطيف برك
والرجال ما يغيضهومش الحال بيسك هوما نورمال
يتبعو البالو على رواااحهم ومن حقهم
اواه راح نتابعك قضائيا بتهمة ممارسة :cra_zy:العنصرية بلاد الشعبية الدمقراطية :shiny:
1- شكون تشجعي الريال ولا البرصا
تحيا الريال
...وعلاه
انا نحب اسبانيا بزااااااف وما تسقسينيش علاش راك زودتها:shiny:
...ومن وكتاه
أصبر نتفكر اممممممممم مني كان يلعب زيدان فيها:sheer::sheer:
...وكيفاااه ...؟؟؟؟
كيفاش كيفاه هذي الريال خير من البرصا تاريخا11-1 غني عن التعريف هههههههه
2-شكووون ليكيب تااعك في البطووولةالوطنية
وفاق سطيف
وشكرا
عفوا
​

الموضوع عجبني بزاااااااااااف وفتحلي شهية الكتابة مرسي ليك :shiny:بصح دير في حسابك بلي راك رايح تدخل البويتة بسبة هذا الميضوع هههههههه:re_gards:

 

[barca.moha]

احم احم درك يا شريكي البنات يفلحو في كلش
طفرت فينا احنا

​

 

[═♥.ЈŪšť_ màn.♥═]

العفو، لكن لاحظت أمر:​

100 غرام زيتون ...100 غرام فرماج...ايترا لبن....بففف انوثة في خطر​

حنا برصاويات خلينا منها راهي رياليست جبرية .....انوثة في الكوما​

الأنوثة كانت في خطر والآن هي في الكوما، المرة الجاية ما هو مصيرها؟؟؟ تموت ولا تمنع وتخرج من المستشفى؟؟؟
وش يلزمها حتى تخرج من الإنعاش: صعقة كهربائية؟؟؟ ولا إزالة جميع الأجهزة؟؟؟​

..
اممممممممممممم
صعقـــــــــــــــــة كهرباااائيــة
و الله غير حاااااالة
اممممم ....
علابالكــ ختــو ...
جيل اخر الزمااااااااااااااااااااااااان
لاينفعــ شيء
:cra_zy:​

 

[ђĩหđǿĉħǻ]

اااه شوف خويا انا نحب البرصا علاخطر اللي تلعب مليح
ماشي نحبها ليها وعلاه كيش تجيني بلاد جدودي؟؟
نحب الماتش برك
​

 

[أم راضية ~_]

وعليكم السلام
هههههههههههههههههههههههههههههههههه مت بالضحك من هاد الموضوع
صح عندك الحق يصدر هدا من لبنات !!!
بكري كانو كاينين نسا يفهمو فالفووت بصح مش لدرجة يتضاربو مع بعضاهم على جال شكون ليكيب اللي فييها الشابين _o: هههههههه :shiny:
لا أنا ما نفهم ما نشوف ،، نشفى كي كنت صغيرة كانو خاوتي يشوفو ليماتش كنت نقعد شوية منبعد يضيق خاطري :sad: كي ما نفهمش و نعيا من هداك البالون رايح جاي :sadwalk: نروح و خليهم نروح لماما نلقى السيدة رزقي ( إدا تعرفها ) :sheer: نريح لتم يعجبني لحال :ans_flw:
بصح بيناتنا نحب البآرصا على جال الغنية تآعهم كان خويا دايرها سونغي وحد لوقت
و في لبطولة الوطنية المولودية MCA على جال هدآك ما نعرف غير هي و USMA و بويسك آلمولودية فيها آلأخضر ممالا هديك هيا :thumb_up2: en+ ماما تحبها تاني :shiny:
merci liiiik
:re_gards:

 

[محبة الورد]

اولا السلام عليكم اخي
ثانيا انا لست من مشجعي اي فريق ولا علاقة لي بكرة القد م
لكن الفريق الذي يعجبني هو ريال مدريد واقول يعجبني ولست من مناصريها لدرجة الهلوسة
والله اخي لوكانت كل الدول العربية تتشاجر على فلسطين كيما تتشاجر على الريال والبارصا ياحسراه فلسطين من وقتاش تحررت
تقبل مروري المتواضع ​

 

[SAFA-94]

انا مانحب البالون مانفهم فيها
تفرجت الماتشات نتاع الجزائر فرحونا وقت ومبعد كرهتم
الحمدلله الى ماعنديش انشغالات بحوايج كيما هادوا
شكرا على الموضوع
​

 

[Sẻl Mā]

وعليكم السلام ورحمة الله وبركــآته
السوجي فوور قتلني بالضحك وفيه مغزى مليييحة
آهــآ نــآتـآني نتبع الفوت مي مش نتعارك مع صحبآتي لالا جامي + ..نستمتع باللعب برك ياك نورمال
1- شكون تشجعي الريال ولا البرصا
نشجع الـريـآل
.:وعلاه: باسكو يعجبني اللعب تاعهم...ومن وكتاه:: ملي كــآن في عمري 10سنــين ...وكيفاااه:: من صغري نتبع الفوت باسكو كبرت قريبة لخآوتي لولآد بزاف مم وكنت متأثرة بيهم نتفرج معاهم فوت ههه ..ودرك فوت وباسكات برك...
2-شكووون ليكيب تااعك في البطووولة الوطنية
وفـآآق سطــيـف لعبهم فووور

اصبح الكلام عن الريال والبارصا اكثر من ذكر كلمة "سبحان الله"

وشكرا
العفـوو الشـكـر لـيـكـ ع الـسوجـي..مـرسـي ^^​

 

[LOTFI2044]

آخر الزمان أصحبي
واش تدير
ههههههههههه
​

 

[*عزة الاسلام*]

سلام خويا
نتبع ريال مدريد من لي كان في عمري 14 سنة تقريبا كنت دائما نتبع الفوت
على خاطر انا الصغيرة في الدار قبلي ذكور وبعدي ذكور وتقلدت بتقاليدهم امالا وين يفتحوا التلفزيون
نقعد معاهم
بصح هذا ما يعنيش اني انا وحبيبتي نتفارقوا على جال شي كما هذا
عادي الي خسر خسر ولي ربح ربح الكرة كما يقولوا فوز وخسارة
على فكرة
انا الكلاسيكو الاخير ما جبتش الخبر تاعو حتى سمعت البنات يحكوا وقالو راه البارصا ربحت
معناتها عدت مانتبعهاش كم بكري
وقصة الانوثة هذي ما نضنش تتبع المباريات يمس شي من الانوثة على ما اعتقد
يعطيك الصحة على الموضوع هايل
تقبل تحياتي
​

 

[الخيزران]

 

[hiba14]

هههههههههه انا في الحق نسيبورتي تشيلسي بصح روح برك
1- شكون تشجعي الريال ولا البرصا ...وعلاه...ومن وكتاه ...وكيفاااه ...؟؟؟؟
نشجع البارصا على جال غوارديولا لا خاطر يعجبني زينو هادا ماكان
2-شكووون ليكيب تااعك في البطووولةالوطنية
لا ماكاش بصح روح نصح بالاك شبيبة تيارت يلا تسمع بيها