حنا برصاويات خلينا منها راهي رياليست جبرية .....انوثة في الكوما

[لاجودان شاف]

السلام عليكم

صباح الخيرات
كأنو الساعة راهي 6 صباحا عندكم !!!..... ما شاء الله شحال ناشطين ^_^
علابالك خويا بلي عندك الحق ف بزاف حوايج قلتهم
يعني بزاف بنات يدزوا رواحهم ف البالو و يلعبوها يفهموا .....ولو انو كاين لي يفهمو بصح المشكلة انو "مش خارجة عليهم "
و قليل لي تلقاها تقولك ما نهتمش، كي تكون ف جو تع هدرة على البالو ...يعني حتى و ما تعرفش تلقاها حافظة أسماء الشابين تع البالو و هذاك هو الأهم من المهم عندها
ههههههه الصيف لي كان فيه كأس العالم ...كنا حنا نقراو مساكن ... ايا و كنا نتفرجو الماتشات مع بعض...كانت معانا وحدة _لا علاقة بالبالو_ عجبها الحارس تع المكسيك ههههههه.... فجأة نلقاو الطفلة تشجع بصوت عالي ( يا ريت تبقى الكورة غي ف جهتو و الكاميرا ما تبعدش عليه )هههههههههههه
أما بالنسبة لمعشر الرجال ..... فكاين لي صح مبالغين ف "ريالي"ولا"بارصاوي"
اما الأسئلة لي طرحتهم :
نقولك انا مودية بزاااااااااف....يعني على حسب المزاج .... مرات يغيضوني الريال . نتعاطف معاهم ...و مرات ينارفوني نقلبها ديراكت مع البارصا ...ههههههه
اما الأفرقة - ان صح الجمع-تع جزائرنا ....فلا علاااااقة هههه
علابالي راني طولت ....بصح واش ندير .... حنا راه الصباح عندنا و : الصباح = نشـــــاط
شكــــــــــــرا

اه :ما قتلناش انت : برصاوي ولا ريالي ؟!؟​

ههههههه ونتي ما شاء الله عليييييك شحااااااااااال تكتبي بزاف هههه
+
ههههههه كيما قلتي حافظين غير اسامي الزينين
والفقراء والله والو ولوكان كانو مارادونا وخوه
والدليل حكاية الحارس هذا تاع المكسيييك
+
انا ماني رايالي ماني برصاوي
انا فايسبوكاوي i-o:
يعطييييك الصحة
:re_gards:​

 

[لاجودان شاف]

السلام عليكم

يعطيك الصحة على الموضوع بويسك صح هذي هي العقلية لي راهي تدور هاذو ليامات ,تلقى بنات مايفهمو فيها والو يتفرجو الماتش على جال كريستيانو ولا فابريغاس
وياويلك تسمعك قلت حاجة على لاعبها المفضل تقوم الدنيا وماتقعدش هههههه
نرجعو للمفيد ..
انا عن نفسي متبعة البالون من زمــــــــــــــان يعني من ايام البريمار هههههههههههه احلل واناقش المباريات والنتائج احمم ومهتمة بالانتقالات الشتوية والصيفية هههه واللاعبين نعرف عليهم كللللش من وزنو لطولو لعدد اولادو لاسم مرتو خخخخ يعني تفاصيل حياتو ههههه
اما عن الفرق لي نسيبورتيها كاين بزاف عندي البرصا والمان يونايتد ونابولي وفرق ميلان (في زوج )هههه وساعات نسيبورتي الريال (حسب المزاج ) وبلا ماننسى السد القطري والجيش والنصر السعودي ووووو
في الاخير هاذو كامل كانو بكري هههه بويسك اعتزلت البالون (تقريبا ) ودورتها رياضة اخرى ههههههه مشكور وبارك الله فيك ​

وعذرا على الاطالة :re_gards:​

صحيحة ختي
وعلابالك كاين نساء عقولهم صغار صح
وما يعرفوش يتمنار
تبانلها صح رح تتحقق الامنية تاعها وراح يجي يوم ويجي فابرغاس ولا كريستيانو يخطبها:scared:
ورح تعيش معاه في الجزاير ورح يسكنو في باطيمة:scared:
+
مليييييييييييييييح راكي تعرفي تسيبورتي غير لي ستار
كشما خليتي البرصا ونابولي فريقي الاسطورة مارادونا
والميلان والانترناسيونال دو ميلان فريقي النجوم
المهم
مشكوووووووووووووووووووووووووووورة والسلام
:re_gards:​

 

[لاجودان شاف]

نورمااااااااااااااااااااااااااااااااااااال

كترونا برك من هاد المواضيع بويسك كنت غايب على خاطر المواضيع كانو عيانين داما ذرك وقيل اني راح نقعد معاكم ​

ههههههههههه
اقعد برك معانا ذرك نزهيييوك خو​

 

[virus2015]

مودة ولا معاندة ولا vide ولا ثقافة صح

تقدر تقول مودة ومعاندة وvide بصح ماشي ثقافة على خاطر مافيهاش شطيح ورديح :sheer: :sheer: :sheer:​

والله ولد مدريد لي جد جدو زايد فيها مش محن روحو كيما هوما :schmoll:
ههههههههههه ​

وحدة تكتبلو لو نعطيك 3 زهرات لمن تمد وحدة:shay:​

يمد واحدة ليماه ووحدة لجداه ووحدة يغرسها في دراهم ههههههه​

ميسي كل عام يدي فيها بالون تاع ذهب
يصيبهم في عقوبتو يذوبهم ويخدم بيهم مقايس ومناقش ويبيعهم في الدلالا هههههههه​

وفي الأخير عندي اسئلة للجنس اللطيف برك
والرجال ما يغيضهومش الحال بيسك هوما نورمال
يتبعو البالو على رواااحهم ومن حقهم :showoff:​

صحيت على الموضوع خويا
تستاهل تقييم​

 

[عاصفة الورود]

صحيحة ختي​

وعلابالك كاين نساء عقولهم صغار صح
وما يعرفوش يتمنار
تبانلها صح رح تتحقق الامنية تاعها وراح يجي يوم ويجي فابرغاس ولا كريستيانو يخطبها:scared:
ورح تعيش معاه في الجزاير ورح يسكنو في باطيمة:scared:
+
مليييييييييييييييح راكي تعرفي تسيبورتي غير لي ستار
كشما خليتي البرصا ونابولي فريقي الاسطورة مارادونا
والميلان والانترناسيونال دو ميلان فريقي النجوم
المهم
مشكوووووووووووووووووووووووووووورة والسلام​

:re_gards:​

بارك الله فيك
والله عجبتني هاذي تع ميعرفوش يتمناو هههههههههه
تقول راك داخل في عقول لبنات ياسبحان الله _o:
واش نقولك ياو لاربيتر ومطلقوهش :scared: + منديهاش في روحي بزاف زعما نعرف نسيبورتي خخخخ :showoff:
المهم يعطيك الصحة
ومقلتلناش نتا واش تسيبورتي i-o:
آ نسيت تستاهل تقييم :re_gards:​

 

[اقبال1]

موضوع بزاف فور لي مديتو خويا .تاع الصح لبنات في جزاير اما " ميسي و لا " رونالدو" واحد منهم مشي ثالث العقلية ولات نحب الريال و نموت ع البارصا و....

انا علي نتبع مرات الفوت كي نكون جماعة نتفرج هكدا و خلاص حتى ما نقعدش وحدي بصح مشي بسكو نحب الفوت ..وين كنت عندهم غي السلة لي يحبوها و تلقى لبنات كامل غي نحي ب هذا و غي هدا لي نزوج بيه و...
بصح الحق يجيني راني نضيع في وقتي ف lvide كي نقعد حاطة مع اي jeux على هدا تقلاني ديما متزاعفة مع حباباتي بسكو كامل كامل يتابعو من قلوبهم الريال و " رونالدو " في لحق حتى وليت بسيف عليا نقول انا معاكم غي باه ما يزعفوش ..بسكو انا خاوتي ما علابالهمش كامل باصل وجد الكرة مين خلقت جامي لقيتهم يتفرجو في لفوت ..

و في البطولة انا كنت نسمع يقولو aso على هدا في أول كنت نحب نعرف واش دارو واش ما دروش حتى نعيش عادي بيناتهم بصح مبعد قلت راني نخسر في وقتي باطل ..و حبست نعرف حتى حاجة على aso

ربي يستر نا و يهدينا ..ربي يحفظك خويا على الموضوع لي تاع الصح ولا مودا للبنات في هدا الوقت

 

[kazawa]

قاع البنات سمعوا بلبالون من ايمات ام درمان خليكم في قرايتكم و مسلسلاتكم التركية و مهند

 

[♥SaMoù Là MoDèsTe♥]

نعرف بلي كي يدخل البالون يتماركا بيت هههه


​

عجبتيني في هآذي الجملة تـــــآع الصح
وضحكتيني تاني
عندك أحلى وأروع و أصدق تقييم
​

 

[♥SaMoù Là MoDèsTe♥]

اللي بعثلي تقييم ربي يحفظو ههههه​

ديجآ رآهم بعثولك تقييم
كنت حاسبة أنآ الأولى اللي بعثتلك
صح واش قلتي والله لا كلام عجبني تاع الصح

أيآ سلآم وما نطولش باش ما يقولوش راكم دايرين دردشة
​

 

[ISMA.dz]

عجبتيني في هآذي الجملة تـــــآع الصح
وضحكتيني تاني
عندك أحلى وأروع و أصدق تقييم
​

الله يحفظك حنونة​

ديجآ رآهم بعثولك تقييم
كنت حاسبة أنآ الأولى اللي بعثتلك
صح واش قلتي والله لا كلام عجبني تاع الصح

أيآ سلآم وما نطولش باش ما يقولوش راكم دايرين دردشة
​

هههه تقييمك هو الرابع في هاذ الموضوع ربي يخليك


وانتي تستاهلي تقييم اروع :re_gards:

 

[Melia azedarach]

1- شكون تشجعي الريال ولا البرصا ...وعلاه...ومن وكتاه ...وكيفاااه ...؟؟؟؟

هههه أصلاً أنا لا علاقـة بالبالو ..يعني منعرف والو ..ومنفهمش فيها ..
تكفيني قرايتي برك ...
2-شكووون ليكيب تااعك في البطووولةالوطنية

هههههه منعرف والو غيــر زياني شفتو مرة في بورطابل عمي وقالي اسمو وشوية المرتزقة نتاع الفريق الوطني عفوا اللاعبين ..
أنا منسيبورتيش البالو ..

 

[امورة المنتدى]

انا حالي حال ختي اسومة مانعرف حتى حاجة فالبالون ني كحلة ني زرقة ومانتبعوش اصلا غير مع ليامات تع ليكيب ناسيونال ههه الروح الوطنية

بإختصار انا والبالون منتفاهموش​

 

[لاجودان شاف]

السلآمـ عليكم

شآ نقولك خويآ
الموضوع هذآ اللي هدرت عليه رآهو موضوع آلسآعة
خآصة عند الشيرآت
ونظن الأغلبية تآع الشيرات يتفرجو لي مآتش غير مبآهآت وفخر
زعمآ احنا دي فوتبوليست وكلشي ​

نرجعو للأسئلة تآوعك :

​

- شكون تشجعي الريال ولا البرصا

مآ نشجع لآ الريآل ولآ البرصآ

​

مرآت برك نتفرجهم بمآ أنني البنت الوحيدة بين 4 ذكور
إذن لآزم نتفرج معاهم للمتعة فقط​

-شكووون ليكيب تااعك في البطووولة الوطنية ​

أكيد aso chlef​

هآذي هي ليكيب تآعي المفضلة اللي نشجعهآ
وكي نشجعهآ عندي سبب
لأنه ممثل الولآية تآعي ​

فريق يلعب مليح وفوووور
و يستحق التشجيع و أصلآ من صغري نشجعهم ​

وشكرا
..::.. شكر متبآدل ..::..​

..::..مع تحيآتي

..::..
​

كلامك صحيح ختي
زعما غير بيهم حنا نعرفو كلشي
+
هههههههههه بصح كاين واحد تكرهيه فيهم
شكوووون هو ؟؟؟؟
+
الشلف فريق يستحق التجيع لعام لي فات كان قاوي بزاف
مشكووورة
:re_gards:
​

 

[لاجودان شاف]

بغيت نعرف حآجة شكون هآذي لي كيب جآمي سمعت بيهآ

asmo​

نظن بلآ
m​

لا ختي نظن كاااينة
هي جمعية واهران
asm- oran​

 

[لاجودان شاف]

صباح الخير

والله يا شاف انا مانتبعهم مانعرفهم نسمع بيهم صح مي شكون هوما ولا شكون يلعبلهم واااااااااااااالو وهذي ساعة راني غير مع national geographic abo dhabi أنا الوحش ومسجون في الغربة وعلوم القتال ههههههه
ومانكذبش عليك انا نسيبروتي وفاق سطيف بصح مش لدرجة نعادي على جالهم ومانكذبش عليك ثاني هههه كنت مهبولة صح بليكيب ناسيونال تاعهنا مي من بدا يهز ب4 حبست ههههههه

سلام:sheer:​

هههههههههه أهلا نوال
مليييح مالا نتي غير نتاع ثقافة برك
يعطيك الصحة
زيدي حاولي تتفرجي بزاف حصص تاع طبخ باه تتعدل الماكلة تاعك
راهي مالحة بزاااافi-o:
+
ماشي غير نتي كامل كنتو مهبولات بليكيب ناسينوال
كيعاد معبية بشابيش
يعطيييييك الصحة
:re_gards:
​

 

[لاجودان شاف]

هذا ما خصني غير الكرة المحلية الله يرحم ايامك يا شيخ سعدان

على كل حال هذا وين كنت نقرا موضوع مشابه في قسم النقاش بصراحة كنت احب متابعة مباريات الاندية الاوروبية لكن لا اشجع اي فريق ما نوجعش قلبي الي ربح نصفقلو هههههههههه
اما الان الحمد لله بعيدة كل البعد عن مشاكل كرة القدم
شكرا على الموضوع الله يهدي البنات والشباب عموما​

هههههههههه
وعلاه مليح البالون تاع الجزاير
قالك دوري منحرف هههه
مالا تهنيتي منهم
شكرا
:re_gards:​

سلام

واش راك يالاجودان صافا شوية ،الحمد لله
ههههههه راك كيما انا نفس الفكرة دور في راسي
الناس تلعب وتدي في الصوارد والعرب ياكلو في بعضاهم ،معليش ناس قالو ياخويا مكانش بالو في بلادنا وزيد تسلية فقط هههههههه،بصح ياخويا واحد يقتل في خوه على جال ريزيلطا نتاع بلوطة هههه هادي لي مفهمتش !!!؟؟
والكارثة البنات ودخلهم هدا الفيس نتاع البالون ،سبحان الله ،نهار هدا الكلاسيكو كيما يقولو جاني وليد اختي مراهق قالي خالو معليش درنا الماتش نتاع ،زعمة عندي دنــgــل ههههه مجبتش الخبر كيفاش دفرتو برجلي ،نوض تقعد تقرى بركة من التمسخير ،ودوما نقتدي بخير خلق الله اذ قال :[SIZE=2.5]حتى لو دخلو جحر ضب لدخلتموه....
[SIZE=2.5]الله يجيب الخير ،سلامي اليك مستر[/SIZE]

[SIZE=2.5][/SIZE][/SIZE]​

صحيت آعادل
هههههه خلي الطفل الصغير وعلاه تحقر
كيما قلت القيس تاع البالو هذا ولا واعر
دخل حتى للبنات
فيهم برصاويات ورياليات وميلانيات وشينويات
منعرف في 2013 وش راح يعودي يشتيو
تبالي الرييييgبي
يعطييك الصحة​

 

[لاجودان شاف]

السلام عليكم ورحمة الله

الحقيقة عندي هذي حاجة عادي يعني نورمال يعجبك
فريق شجعو ماش على اساس نتعارك مع صديقاتي
على جال لاعب ولا فريق هذي جامي تصير
اما الاجابة على اسئلتك هي
من تشجعين/البرصا
لماذا/باسكو اللعب تاع اللعبين تاعها يعجبني بزاااف
مند متى/مالعام اللي فات يعني كي كان عندي 13 سنة
الفريق المفضل فالبطولة الوطنية/حقيقة ماعنديش فريق
اصلا عندي قداه ماشفتش الكرة الجزايرية وعلاه نكذب
لذا ماعنديش فريق
وشكرا لك اخي على الموضوع الرائع​

مليييح علابالي بلي البارصا لعبها مليح
وكبار الفنيين يهدرو هكذا
وعندك حق
البطولة الوطنية ما فيهاش بالون يتشجع
مشكووووورة ختي
:re_gards:​

نشجع ريال مدريد
نحبو ملي كنت صغيرة نشفى على روحي كنت نقرى في البريمار
لافامي نتاعي كامل يشجعو الريال خوالي و اولادهم عمومي و اولادهم
انا علاه؟كبرت معاهم نشجع ريال مدريد...
اما ليكيب نتاعي في البطولة الوطنية هي aso علاخاطرك اختك شلفية(شلف)
وتحياتي...ليك يا لاجودان شاف

ههههههههه مالا نتوما ديرياليست تاع صح
فاميلة ريالية برناباوية سانتياغاوية هههههههههه
عمامك وخاوالك ثاني ....بابابابا
مليح
+aso
فريق ملييح بزاف
يعطييك الصحة
​

 

[لاجودان شاف]

انا ديما نقول هوما رابحين ولا خاسريين خالصين

انا علاش نكسر راسي
ونقولك والله مانتفرج كورة وتبقى غير هيا​

هههههههههه صح
قتلك ميسي كل عام يربح بالون تاع ذهب
والعربي كل عام يربح بالون تاع gاز في بطنو من الموفيسة
المهم شكرا
:re_gards:​

الموضوع ديالك عجبني بزاف .

نرجع للسؤال ديالك :
واش نتبع ؟ وحد المرة كنت قاعدة مع وليد خالي قالي نتي واش تسيبورتي قلتلو والو قالي أنا البرصا قلتلو خلاص راني معاكـ بصح والله العظيم جامي شفت الماتش تع الريال والبرصا وعلى فكرة نعرف من اللاعبين الخارجيين غير ميسي وكريستيانو وتعرفت عليهم غير كي طلعنا للمونديال برك صح نحب البالون بصح مانتبعوش ماعلاباليش علاه؟

اخيرا نقلك أشكرك على هد الموضوع الباهي الله يخليكـ ديما باهي هكدا.​

ههههههههه
مالا نتي تبعي برك
مالا شوفي
من غدوة لازم تعودي تبعي امل سور الغزلان
راهي تلعب مليح وراح تتأهل لشامبيانز لييغ :scared:
تاع رابطة الابطال تاع الدوري تاع الكأس تاع تونسi-o:
يعطيييك الصحة
:re_gards:​

 

[nawal 88]

هههههههههه أهلا نوال

مليييح مالا نتي غير نتاع ثقافة برك
يعطيك الصحة
زيدي حاولي تتفرجي بزاف حصص تاع طبخ باه تتعدل الماكلة تاعك
راهي مالحة بزاااافi-o:
+
ماشي غير نتي كامل كنتو مهبولات بليكيب ناسينوال
كيعاد معبية بشابيش
يعطيييييك الصحة
:re_gards:​

:shiny:

 

[عاشقة الاسم المفقود]

موضوع شباب مي البالو خاطيني مانتفاهمش معاها
يعني وجه سؤالك لاشخاص غيري
سلام​