حسينة + حسين و encore تحوس على التقلاش الزين و النهاية....

[اعيش راضية]

السلام عليكم
يعطيكم الصحة على الموضوع الزين
ما عنديش بزاف من اللي كنت نحكي مع صحبتي على هاد الشيء المرا تهمل زوجها مسكين و يوصلوا الى ما يحمد عقباه
انا تبالي البنات راهم دايرين في راسهم زواج هو عرس و لبسات و ليلة شابة ايا و خلاص ما عمبالهمش بالمسؤولية الكبيرة و اللي لازم المراة تاخذها بعين الاعتبار
الله يرزقنا الرزانة و الوجابة و المسؤولية​

 

[مابقاش بزاف.Dz]

الزواج ماشى غير لاروب بلونش الزواج مسؤولية

مى لقراية ما عندها حتى علاقة بمعرفة و شطارة الطفلة فى الكوزينة اللى تحب تشتاطر و تتعلم ياو لوكان ملقراية ما تخرجش و اللى ما تحبش لوكان تقعد حياتها كامل فى الدار ما تتعلم والو

ميييييييرسى يعطيكم الصحة​

اهلا بيكـ ختيتو
لا اوافقكي الراي ختي في انو الطفلة كي تكون تقرا ديفوا تصيبيها ما تلقاش الوقت باه تعمل اي حاجة غير القراية و احيانا وين تلقى اوقات فراغ هادا الي يقراوا صح
عموما ميرسي عليك على الرد و التفاعل

 

[مابقاش بزاف.Dz]

السلام عليكم

يعطيكم الصحة على الموضوع الزين
ما عنديش بزاف من اللي كنت نحكي مع صحبتي على هاد الشيء المرا تهمل زوجها مسكين و يوصلوا الى ما يحمد عقباه
انا تبالي البنات راهم دايرين في راسهم زواج هو عرس و لبسات و ليلة شابة ايا و خلاص ما عمبالهمش بالمسؤولية الكبيرة و اللي لازم المراة تاخذها بعين الاعتبار

الله يرزقنا الرزانة و الوجابة و المسؤولية​

و عليكم السلام
منورة خيتو
اكيد لازم كل وحده تحط في بالها الي عليها بزاف حوايج لازم تقوم بيهم بعد الزواج
يعطيك الصحة

 

[randa serine]

kisa chaba w tasawar waki3ana
sah ya khtito zwaj s3ib bzf mahouch fchoch w taklalach w chhal el 3sal w 3arss b chi el folanni raho masooliyat w binaa osra salima
rabi ynaraw tarikna nchallah
​

 

[souhila_95]

هههههههههههههههههههههه والله النهاية نتاع المسلسل توقعتو هههه تستهل بصح اسمحلي ياربي ماحقيش نششفى فيها هههههه صح عندكم الحق اللي موالفة بتقلاش تتصدم ...بصح حنا لي ماشي موالفين ماتخميش نسلكو ريوسنا ههههههههه نرجعو للميضوع المسؤولية واعرة ولازم كل واحد يكون قدها .والانسان لازم يمشي لحساب العمر نتاعو يعني كل مرحلة من العمر عندها مسؤوليات وهذاك لي كبير وجايح أكيد راح يتفاجأ بالحقيقة المرة

 

[مابقاش بزاف.Dz]

kisa chaba w tasawar waki3ana

sah ya khtito zwaj s3ib bzf mahouch fchoch w taklalach w chhal el 3sal w 3arss b chi el folanni raho masooliyat w binaa osra salima
rabi ynaraw tarikna nchallah​

اهلا بيك سيرين
مضمون القصـــــــة ان شاء الله يدوا قع منو عبرة و لا نصيحة
امين ان شاء الله الكل يولوا واعيين و داتريين بالمسؤوليات الي بعد الزواج و ما يخمموش كيما جات
ميرسي ختيتو

 

[مابقاش بزاف.Dz]

هههههههههههههههههههههه والله النهاية نتاع المسلسل توقعتو هههه تستهل بصح اسمحلي ياربي ماحقيش نششفى فيها هههههه صح عندكم الحق اللي موالفة بتقلاش تتصدم ...بصح حنا لي ماشي موالفين ماتخميش نسلكو ريوسنا ههههههههه نرجعو للميضوع المسؤولية واعرة ولازم كل واحد يكون قدها .والانسان لازم يمشي لحساب العمر نتاعو يعني كل مرحلة من العمر عندها مسؤوليات وهذاك لي كبير وجايح أكيد راح يتفاجأ بالحقيقة المرة

هههههههه مالا قفزتي للنهاية و لا عرفتيها وحدكـ ممم
المهم كيما قلتي في ردك ختي انو لازم كل واحد يحط فبالو المسؤوليات الي راح تجيه سواء للبنت و لا الدكر كيف كيف و الا فالنهاية راح توقعلهم صدم ةووووو
ميرسي عالمرور

 

[يسرى 2008]

يعطيك الصحا اختي على الموضوع عجبني بزاف وفعلا عندك حق في كل كلمة قلتيها درك تلقاي الطفلة متحبش تقدي مع امها مكسرة محصرة وكيما حسينة مدلعة من عند والديها
وحتى كي تحب وتعشق قال وش حاطة الحكاية كاملة حبني وحبيتو ونتزوجو مي معلابالهاش المغبونة بلي الزواج ماشي نحبك وانا تاني الزواج تشمير اليدين وقدية وفحولية
وكيما قلتي لازم فيها شوي تبياش مي ماشي تنسا روحا وتشوف روحا في اوتيك 5 etoile
تسنا في الراجل يخدمها ويحطلها الغداء بالعكس الدلع والرقاد متلقاه غير عند المالين فوقهم مكان حتى واحد يشفق عليك لا راجلك لا ماليه

 

[jolie عاشقة كوريا]

الــــــــــــزواج مســــــؤلية
اوبيلجـــــــــي باش تكون قـــــادرة للموسؤلية تاع الدار
ماشي ارواح وتزوج ....ميرســــــــــــــــــي
علـــــــــى الموضوعــــــــــــــــــــــ......^^​

 

[nina bonoise]

لي كانت مدللة في دار باباها تتصدم في دار راجل
و الله يا سوسو مكسرة اليدين
راحت فيها بزوج عضمات هههههههه

 

[لاجودان شاف]

السلام عليكم
هههههه عييت نفهم غير قلش ...يقلش...مقلشة
ههههه وشمن لغة هاذي بوذية ولا شاوية كلاسيك
المهم كلامكم صحيح
بنات الجزائر كامل راهة حسينات وسوسوات
ماجاتش غير فيها
وراجل ربي يعوضو خير
شكرا​

 

[prncess fifi]

علاش يااختي ما لقيتي غير اسمي ديري عليه قصة هههههه
على كل حال موضوع شباب يعطيك الصحة​

 

[♥SaMoù Là MoDèsTe♥]

أشكركم جزيل الشكر وآحدآ بوآحد
أعتذر لأني لم أقتبس ردودكم الرآئعة
بـ سبب غيآبي عن المنتدى" المحتم "

أسعدتني كثيرآ أرآءكم ، أتمنى أن يكون هذآ الموضوع محل إفآدة ولو بنسبة قليلة

أختي العزيزة مآ (بقآش بزآف-dz) ، أتهلآي في الزوآر هنآ
واسمحيلي محتمة عليآ نغيب على المنتدى


​

 

[♥SaMoù Là MoDèsTe♥]

علاش يااختي ما لقيتي غير اسمي ديري عليه قصة هههههه
على كل حال موضوع شباب يعطيك الصحة​

الله يسلمك ، الموضوع شبآب بـ تدخلآتكم الرآئعة

و
(اسمحيلي بزآف اختي العزيزة
أنآ مآ كنتش قآصدة نقيس حتى وآحد
و الكل علابالو بلي مآشي قآع الي سموهم (حسينة) هكذآ )


​

 

[مابقاش بزاف.Dz]

السلام عليكم

هههههه عييت نفهم غير قلش ...يقلش...مقلشة
ههههه وشمن لغة هاذي بوذية ولا شاوية كلاسيك
المهم كلامكم صحيح
بنات الجزائر كامل راهة حسينات وسوسوات
ماجاتش غير فيها
وراجل ربي يعوضو خير

شكرا​

و عليكم السلام
ههههه كيما حبيت سميها المهم فالتقلاش و خلاص
ان شاء الله ربي يهدي كامل بنات و رجال الجزائـــــر
يعطيك الصحة على المرور

 

[مابقاش بزاف.Dz]

علاش يااختي ما لقيتي غير اسمي ديري عليه قصة هههههه


على كل حال موضوع شباب يعطيك الصحة​

هههههههه ما قصدتش يا حسينة لول

 

[أم راضية ~_]

السلام وعليكم والله الموضوع شبااااااااااب بزاااااااااااف يعطيكم الصحة
ايييييه مزية مانيش نحوس نتزوج حاليا , تخلاص عليا في الغسيل و اللبسة و الحطة و ههههههههه :shiny: :shiny: نضحك برك اغلب البنات يخممو يعيشو هكدا حاطين في بالهم حياتنا راهي حلقات تاع المسلسلات اللي يتبعوهم ياخي ياخي :schmoll:
مي ماشي الكل طبعا كاين اللي تقرا و تطيب و تغسل وكلش وشاطرة الله يبارك عليها
والله لو جات غير فالطياب و الشغل نقولو ماعليش نبلعوها رغم مرارتها ; مي راهم ما يفهموش واش معناها اسرة و تكوينها ما علابالهومش واش حاب يقول يبنيو دار و يجيبو ذراري
الله يصلح احوالنا
و اللي حاب(ة) ي(ت)زوج لازم يعرف باللي تكوين اسرة ماشي حاجة ساهلة وماشي لعب
:re_gards:

 

[la_safa]

اووووه موضوع هآآيل با لبنآت يعطيكم الصحة
عجبتني القصة مع لول وين كمل شهر العسل بركـ ههههـ
سي فري الكلام لي قلتوه الزواج ماشي لعبة تقدر تعيشها اي وحدة
الطفلة لازم ماتخرج من دار باباها غير تعرف كلشي و اون بليس
لازم تكون كاملة في عقلها اي رزينة ماتتغشش على اتفه حاجة
لانها راح يتبدل عليها كلشي تعيش مع عايلة جديدة و العادات مش كيف كيف
وكلشي مختلف
بآركـ الله فيكم اسومة و وئاموو .. ْ~|
​

 

[مابقاش بزاف.Dz]

اووووه موضوع هآآيل با لبنآت يعطيكم الصحة
الله يسلمك صفصف منورة

عجبتني القصة مع لول وين كمل شهر العسل بركـ ههههـ
هههههه اكيد مينداك و غيرو كاين غير المشاكل
سي فري الكلام لي قلتوه الزواج ماشي لعبة تقدر تعيشها اي وحدة
الطفلة لازم ماتخرج من دار باباها غير تعرف كلشي و اون بليس
لازم تكون كاملة في عقلها اي رزينة ماتتغشش على اتفه حاجة
نعم و مشكورة على اضافة انها لازم تكون رزينة و كبيرة في عقلها باه تكون على قدر كاف من المسؤولية
لانها راح يتبدل عليها كلشي تعيش مع عايلة جديدة و العادات مش كيف كيف
وكلشي مختلف
هدا ادا كان ازوجت في منطقة ماشي كيما الي كانت فيها
بآركـ الله فيكم اسومة و وئاموو .. ْ~|
​

و فيكي بارك الله عزيزتي
منورة الموضوع بالرد المميــــــــز
زبي يحفظك صفصف

 

[مابقاش بزاف.Dz]

السلام وعليكم والله الموضوع شبااااااااااب بزاااااااااااف
و عليكم السلام اهلا بيك ييلديز
يعطيكم الصحة
الله يسلمك حنونة .....
ايييييه مزية مانيش نحوس نتزوج حاليا , تخلاص عليا في الغسيل و اللبسة و الحطة و ههههههههه :shiny: :shiny:
هههههه بالاك صــــــــح
نضحك برك اغلب البنات يخممو يعيشو هكدا حاطين في بالهم حياتنا راهي حلقات تاع المسلسلات اللي يتبعوهم ياخي ياخي :schmoll:
نعم سبب وجيه في هاد الشي صح راهم ديرين حالة هاد المسلسلات حاطين الزواج تبياش و رومنسية فرات ..........
مي ماشي الكل طبعا كاين اللي تقرا و تطيب و تغسل وكلش وشاطرة الله يبارك عليها
نعم مي ما نظنش انو بنات درك هكدا الا من رحم ربي هههه قع خايبات نقسر برك
والله لو جات غير فالطياب و الشغل نقولو ماعليش نبلعوها رغم مرارتها ; مي راهم ما يفهموش واش معناها اسرة و تكوينها ما علابالهومش واش حاب يقول يبنيو دار و يجيبو ذراري
الله يصلح احوالنا
آميــــــــــن هاداك ما نقولوا و علاه مالا كتر الطلاق بنسبة عالية ........:shiny:
و اللي حاب(ة) ي(ت)زوج لازم يعرف باللي تكوين اسرة ماشي حاجة ساهلة وماشي لعب
:re_gards:نعم مشكورة

مشكورة ييلديز اتلرائعة على المشاركة و الرد المميز يعطيك الصحة ختيتو
و ربي يصلح الاحوال :re_gards: