اليوم تزوجوا ......بعد اسبوع طلقوا؟؟؟

[اعيش راضية]

السلام عليكم و رحمة الله وبركاته
كيراكم يا ناس اللمة ... ان شاء الله تكونوا بخير و على خير
ندخل في الموضوع بدون مقدمات
شحال من مرة تبالي صراتلكم و انا صراتلي بلا حساب نسمع بنت فاميليا او جيران او احباب او من بعيد لبعيد
بنت تزوجت و العرس فات شباب و الناس فرحت و من بعد اسبوع شهر 2 شهرين تسمعهم طلقوا
و ما يخفاكومش باللي راهو كتر الطلاق بزاف ماشي غير في الجزائر و لكن في العالم العربي كله
و حنا نتكلموا اكتر على الجزائر بحكم انو هذا المجتمع اللي نعرفوه اكثر و نعرفوا الواقع تاعو
لوكان نجو نشوفوا الاسباب
و حسب ما شفت و سمعت
كاين اسباب رئيسية و عناوين عريضة تقف وراء الطلاق
اولاها البنت ما تفاهمتش مع دار راجلها
و هادي تصرا بزااااااف بزاااف و نعرف عليها حالات كثيرة و ديما نفس المشاكل البنت تقولك امه اخته و العريس يقولك هي و الام تقولك امها ....و الفايدة خالوطة كبيرة ما تفهم الصح من الغالط
و ثانيها العقم عند احد الزوجين و حتى هذه منتشرة بزاف الا انه الطلاق يتم فيها بالتراضي و ما تنوضش فيه مشاكل بزاف
و ثالثها ماضي الزوجة و هادي حقيقة شحال من مرة يتزوجوا من بعد يكتشف على زوجته اشياء و يطلقها و نفس الشيء بالنسبة لماضي الرجل
اما رابعا المرأة عندما تكتشف الزوجة انو زوجها مدمن و هادي صراحة ابشع سبب لانه فعلا يدمر عدة اسر
في الاخير سامحوني اذا ركزت على البنت بزاف لانو فعلا انا نشوف باللي كتير من البنات يتزوجوا ما يصبروش ياخي الزواج تضحيات و مسؤوليات.تلقاهم يضحيوا مرات بطفل صغير عاد جاي لدنيا و يدخلوا في متاهات الطلاق
هذا راي في طلاق اليوم واش رايكم انتوما؟
في بالكم واش هي الاسباب وراء الطلاق؟
و في رايكم شكون هو ضحية الطلاق؟​

 

[ماكانش]

أهلا بيك اعيش راضية
كيما قلتي أسباب وأسباب
ومن اهم الأسباب ألي نشوفها انا مؤخرا العلاقات قبل الزواج من اكبر أسباب الطلاق
يعرفو بعضاهم عامين 3، هذا إذا صدقو
يعرفو عقلية بعضاهم دارو كلش ...
كي يزوجو يلقاو الجديد غير المسؤوليات والزيت وليكوش والتريسيتي ياخي يبداو المشالك ووو ....
وهذ السبب درت عليه موضوع من قبل ...
يعطيك الصحة​

 

[إنسانة ما]

وعليكم السلام ورحمة الله
أهلا بيك أختي ..
موضوعك قيِّم جدًا ..
السبب الرئيسي في رأيي أن الآن لا الرجل ولا المرأة عندهم حس المسؤولية، البنات الآن أغلبهم يظنوا الزواج هو نفس العلاقة لي كانت قبل الزواج، والزواج بالنسبة ليهم هو برك الشهر الأول لي يسموه شهر العسل. يعني زينة وتحواس وضحك ولعب وخلاص. وزيدي متأثرين بالمسلسلات ويظنوا أن كل الرجال كيما تع المسلسلات، والواقع أن الرجل الجزائري خصوصًا ما عندوش هاذيك الرومانسية لي تشوفها في المسلسل. فتظال البنت تبني أحلامها على مسلسل ولما تروح للواقع تلقى حاجة أخرى. وحاجة أخرى البنات تقريبًا الآن ما يعرفو يطبخو وما يديرو شغل البيت مليح ما والو، فلما تتزوج تلقى مسؤولية كبيرة تستنى فيها. والراجل أكيد مش رح يقبل يبقى ياكل غير في الفاسد فود. وهنا توقع المشاكل.
ومن ناحية الرجال ثاني الآن أغلبهم ينقصهم حس المسؤولية، لما يتزوج يلقى روحو من نهارو مسؤول على عائلة ومصروف يستنى فيه، جيب هاذي جيب هاذي. هنا ما يفهم والو فتوقع المشاكل ويروحو للطلاق.
الفرق كبير بين الجيل تع ذرك وجيل بكري.
ربي يقدر الخير، والله الزواج مسؤولية كبيرة ومش كيما يظنها بعض الناس.
اسمحيلي طولت شوي، بصح موضوعك مليح ياسر ..
ربي يحفظك
+ تقييم

​

 

[bachboucha]

الزواج مختلف على علاقة اللي قبل الزواج و الناس ماتميزش و ما تفرقش ربي يحفضنا و يبعدنا على الطلاق و مشاكلو​

 

[اعيش راضية]

أهلا بيك اعيش راضية

كيما قلتي أسباب وأسباب
ومن اهم الأسباب ألي نشوفها انا مؤخرا العلاقات قبل الزواج من اكبر أسباب الطلاق
يعرفو بعضاهم عامين 3، هذا إذا صدقو
يعرفو عقلية بعضاهم دارو كلش ...
كي يزوجو يلقاو الجديد غير المسؤوليات والزيت وليكوش والتريسيتي ياخي يبداو المشالك ووو ....
وهذ السبب درت عليه موضوع من قبل ...

يعطيك الصحة​

و بك اهلا اخ مكانش
هذا سبب كاين منه بزاف صراحة و الحاجة اللي تبدا بالحرام اكيد تكمل بالحرام و العياذ بالله
صحيت اخي
مشكور على المرور الطيب​

 

[اعيش راضية]

وعليكم السلام ورحمة الله

أهلا بيك أختي ..
موضوعك قيِّم جدًا ..
السبب الرئيسي في رأيي أن الآن لا الرجل ولا المرأة عندهم حس المسؤولية، البنات الآن أغلبهم يظنوا الزواج هو نفس العلاقة لي كانت قبل الزواج، والزواج بالنسبة ليهم هو برك الشهر الأول لي يسموه شهر العسل. يعني زينة وتحواس وضحك ولعب وخلاص. وزيدي متأثرين بالمسلسلات ويظنوا أن كل الرجال كيما تع المسلسلات، والواقع أن الرجل الجزائري خصوصًا ما عندوش هاذيك الرومانسية لي تشوفها في المسلسل. فتظال البنت تبني أحلامها على مسلسل ولما تروح للواقع تلقى حاجة أخرى. وحاجة أخرى البنات تقريبًا الآن ما يعرفو يطبخو وما يديرو شغل البيت مليح ما والو، فلما تتزوج تلقى مسؤولية كبيرة تستنى فيها. والراجل أكيد مش رح يقبل يبقى ياكل غير في الفاسد فود. وهنا توقع المشاكل.
ومن ناحية الرجال ثاني الآن أغلبهم ينقصهم حس المسؤولية، لما يتزوج يلقى روحو من نهارو مسؤول على عائلة ومصروف يستنى فيه، جيب هاذي جيب هاذي. هنا ما يفهم والو فتوقع المشاكل ويروحو للطلاق.
الفرق كبير بين الجيل تع ذرك وجيل بكري.
ربي يقدر الخير، والله الزواج مسؤولية كبيرة ومش كيما يظنها بعض الناس.
اسمحيلي طولت شوي، بصح موضوعك مليح ياسر ..
ربي يحفظك
+ تقييم​

و بك اهلا انسانة ما
منورة الموضوع بوجودك
السبب اللي ذكرتيه اختي مهم جدا البنت و الولد صارو يدخلوا في عصبة الزواج دون اي دراية بالمسؤوليات المترتبة عنه
البنت من جهة تبني احلام وردية و تقضي الوقت في احلام اليقظة بدل ان تقضيه في تعلم اساسيات مستقبلها
والولد لا يخطط و لا يحسب لمسؤوليات العائلة و البيت
و ربي يحفظنا و يبعد علينا مشاكل الطلاق
طولي و زيدي كلامك كله فائدة
يحفظنا ربي اجمعين
مشكورة على التقييم​

 

[اعيش راضية]

الزواج مختلف على علاقة اللي قبل الزواج و الناس ماتميزش و ما تفرقش ربي يحفضنا و يبعدنا على الطلاق و مشاكلو​

مشكورة على المرور الجميل بشبوشة
اكيد كيما قلتي الزواج شيء و علاقات بعد الزواج شيء اخر تماما و كيما يقول المثل "العشرة فتاشة"
يحفظنا الكل يا رب​

 

[zagane]

السلام عليكم
هادي من نتائج الحب قبل ال زواج
حسب سبر الآراء و جدو أنا 90 % من الزواج الذي تم بحب قبل زواج نهايته طلاق
لأن قبل زواج كدب و نفاق و كلهم يصفون ب الكمال نساء و رجال و بعد الزواج تضهر الحقيقة

 

[اعيش راضية]

السلام عليكم
هادي من نتائج الحب قبل ال زواج
حسب سبر الآراء و جدو أنا 90 % من الزواج الذي تم بحب قبل زواج نهايته طلاق
لأن قبل زواج كدب و نفاق و كلهم يصفون ب الكمال نساء و رجال و بعد الزواج تضهر الحقيقة

ربي يخليك على المرور الطيب اخي
صحيح الحب قبل الزواج نفاق و كذب مما يؤدي الى فشل مؤكد للزواج​

 

[حكاية احاسيس]

ايه و الله غير عندك الصح انا عندي وحدة تقربلي اتزوجت بواحد مي مكانتش عارفة بلي عاوج الطريق مي هي مفكرتش في الطلاق حاولت ترجعوا للطريق المسقيم و دايمن تعدلو ا و على فكرة اهلوا ماكانوش قابلين تكون مرتوا كانوا حابين الزواج يكون غير بين العايلة نعطيك مثال يعنيبنت خال تتزوج بوليد خال و ..
ايا كي قربت تسقموا و تعدل شوي كشغل عايلتوا خافوا اذا تديهولهم و ما يوليش كيما بكري (هم فاني معوجين الطريق)
مانيش عارف كاش ما خلطوا فيه و كاش ما دارولوا و دارولها ايا النهاية كانت بالطلاق هي دركا كملت قرايتها و راهي تخدم و و جاوها خطابة ناس يشكروهم بزاف و هي راهي تخمم اذا تقبل و اللا لا اما هو راه في الحبوسات يدور بعيد الشر علينا و عليكم
و اللي راهي قاوية ماضي المرة و الراجل اكثريتها المرأة
و كاين اللي يمشي معاها 3 سنين بحال باش يتعرف عليها مليح ة هي تاني و كي يتزوجا يلقاو قاع واش كانوا يقولوا كذك في كذب و دوامة من الاكاذيب
يعيطك الصحة على الموضوع الرائع

 

[اعيش راضية]

ايه و الله غير عندك الصح انا عندي وحدة تقربلي اتزوجت بواحد مي مكانتش عارفة بلي عاوج الطريق مي هي مفكرتش في الطلاق حاولت ترجعوا للطريق المسقيم و دايمن تعدلو ا و على فكرة اهلوا ماكانوش قابلين تكون مرتوا كانوا حابين الزواج يكون غير بين العايلة نعطيك مثال يعنيبنت خال تتزوج بوليد خال و ..
ايا كي قربت تسقموا و تعدل شوي كشغل عايلتوا خافوا اذا تديهولهم و ما يوليش كيما بكري (هم فاني معوجين الطريق)
مانيش عارف كاش ما خلطوا فيه و كاش ما دارولوا و دارولها ايا النهاية كانت بالطلاق هي دركا كملت قرايتها و راهي تخدم و و جاوها خطابة ناس يشكروهم بزاف و هي راهي تخمم اذا تقبل و اللا لا اما هو راه في الحبوسات يدور بعيد الشر علينا و عليكم
و اللي راهي قاوية ماضي المرة و الراجل اكثريتها المرأة
و كاين اللي يمشي معاها 3 سنين بحال باش يتعرف عليها مليح ة هي تاني و كي يتزوجا يلقاو قاع واش كانوا يقولوا كذك في كذب و دوامة من الاكاذيب
يعيطك الصحة على الموضوع الرائع

شكرا اختي على مرورك الطيب
و مشكورة ايضا ان دعمت الكلام بمثال حقيقي و اللي يمثل اللي كنا نحكوا عليه
ان شاء الله ربي يتلطف في صورة قريبتك و يعطيها ولد الحلال اللي يسعدها
و ربي يهدي الناس
و العلاقات قبل الزواج خلاص عرفناها و فهمنا حقيقتها كذب في كذب
ربي يحفظك​

 

[hiba14]

السلام عليكم
و ي شا قلتو بصح في الحقيقة اغلب قصص الطلاق تكون عدم التوافق فلو كانوا متوافقين قاع و يصراو مشاكل يتجاوزوهم لكن تصيبه هو قاري و هي لا او العكس او تصيبيها بنت فاميلا و هو خارج الطريق او العكس مام في العقليات تصيب الراجل تاع مسؤولية و المرا لا او العكس دايمن المهم ماكاش توافق اي كان نوعه و تاني الصبر يا اختي راه قليل وما شي غي المرا اللي يلي تضحي لازم شوي من عندو و شوي من عندها و الكبار تاني دروك ولاو يديرو المشاكل اكتر من الصغار
و حاجة اخرى مع اني ضد العلاقة قبل الزواج لكن نشوف بلي كي يكونو يكدبوا هوما اللي ما ينجحوش بصح يلا كانت علاقة صريحة من قبل ما شكيتش

 

[جوانا]

kayen w kayen w had ga3 maktoub men 3and rabi sebhano
kayan li yatzawjo 3an tari9 hob w yanjah jwajhom normal w kayan maya3rafha ma ta3arfo w tkon nihaya hia talak
rabi yahfadna w yjirna men had tri9
merci pour le sujet

 

[nawal 88]

كاثرة صحيح هذي لحالات أنا تبالي تبدى المشكال بين الطفلة وراجلها كي تبدا تقلو منعيشش مع داركم ومن ومنهيه وخاصة كي يكون هو ماينجمش يلبيلها كل رغباتها
اما الضحية شكون تبالي ولا واحد ماهو لاتي بلوخر مابقات الطفلة تحبر على الطلاق كيما بكري والله أعلم​

 

[--MiDou--]

هذا كامل من المفهوم الجديد لي دخل علينا
قالك لازم الحب قبل الزواج
و المفهوم لي كان سائد قبل هو الحب بعد الزواج
تحب زوجها لانو زوجها كيما تحب ولدها لانو ولدها
انا نشوف في المراة عادت تزوج الراجل يا اما على جال مالو و اما على خاطر كانت تحبو متحوسش تفهم دينو خلقو صلاتو هذا كامل ماعادش يهمها
و بزيادة عادو يشوفو في الزواج احلام وردية و نساو في زوز بانو مسؤولية عظمى
المراة راح تعود عندها دارها و تتصرف فيها وحدها
و لازمها تكون تعرف تطيب و تغسل و تمسح لانو الراجل مش راح يرضى باقل من وش كانت تمدلو امو و مش راح يرضى بماكلة آبشع من تاع امو
و الراجل لازمو يصرف على دار و يحميها
راهي مسؤولية كبيرة و الزواج مش خطوبة و مش شهر عسل
هو دائما و ابدا مسؤولية و تضحية ​

 

[nina usma]

salam:re_gards: pour moi ana n9ol bali almra ida tzawdjat bah tatala9 tou93od f dar babaha 5ir psq 3labalha bali azwadj machi sahal w yalzam tasbar psq ykounu l machakil bla mat7ab (c logic) :closedeyes: w lpourblame assaba fih binzoudj huwa maysa3afch w hiya ktarmanu w la5ratha atla9 :crying: alah yahdihoum

 

[بلادي نبغيك]

والله موضوعك شباب ربي يعطيك الصحة

فعلا ولات ظاهرة عادية تاع الطلاق لدرجة الواحد ولا يدير حساب انو يطلق كثر ملي يدير حساب انو يكمل هذ العلاقة

وفي رايي الاسباب المؤدية للطلاق هي كيما قال الاخ مكانش تخرج معاه 3 سنين ولا كثر

وينخطبو 3 ولا 2 سنين وحدخرى وزيد مين يديرو العرس

هذا غنا هاذي خلطة هاذا شراب وكاين بزاااااااااف لي يشربو في العراس وبزاف من المحرمات

قوليلي الله يرحم بوك هنا ربي كدير يبارك لهم في حياتهم وهي مفيهاش جزء حلال كلشي

من محللات الشيطان هذا تاني سبب

السبب الثالث هو المراة دروك ولات تخدم ولات كيفها كيف راجل يعني تقريبا ضروك والله ولاو يتزوجو على جال الاولاد كي تجيب ولد تقولك الله يسهل على راجل

يعني مفهوم الاسرة ضاع

السبب الرابع هو عدم صبر المراة على المشاكل خاصة تاع الاهل يعني من اول مشكلة تقول ديلي داري وحدي

وتولي ترفض عائلته وهنايا يبداو المشاكل

هاذي المشاكل كلها سببها عدم ارضاء الله في رايي

 

[اعيش راضية]

السلام عليكم
و ي شا قلتو بصح في الحقيقة اغلب قصص الطلاق تكون عدم التوافق فلو كانوا متوافقين قاع و يصراو مشاكل يتجاوزوهم لكن تصيبه هو قاري و هي لا او العكس او تصيبيها بنت فاميلا و هو خارج الطريق او العكس مام في العقليات تصيب الراجل تاع مسؤولية و المرا لا او العكس دايمن المهم ماكاش توافق اي كان نوعه و تاني الصبر يا اختي راه قليل وما شي غي المرا اللي يلي تضحي لازم شوي من عندو و شوي من عندها و الكبار تاني دروك ولاو يديرو المشاكل اكتر من الصغار
و حاجة اخرى مع اني ضد العلاقة قبل الزواج لكن نشوف بلي كي يكونو يكدبوا هوما اللي ما ينجحوش بصح يلا كانت علاقة صريحة من قبل ما شكيتش

صحيح اخت هيبة فعدم التوافق بين الزوجين يؤدي غالبا الى افتراقهما
و التضحية واجبة من المرأة و من الرجل
بصاح قضية العلاقة بين الزوجين قبل رابطة الزواج
فهذا حرام و ما حرمه الله انما حرمه لحكمة لا يعلمها الا هو​

 

[اعيش راضية]

kayen w kayen w had ga3 maktoub men 3and rabi sebhano
kayan li yatzawjo 3an tari9 hob w yanjah jwajhom normal w kayan maya3rafha ma ta3arfo w tkon nihaya hia talak
rabi yahfadna w yjirna men had tri9
merci pour le sujet

مرحبا اختي و شكراع لى مرورك
الزواج يتم يتوافق الطرفين و علاقة قبل الزواج اصلا حرام و الحرام ما يجيبش الخير
و ناس كي ما يكونوش يعرفوا بعضاهم من قبل يتطلقوا اكيد على مشاكل بيناتهم
و الحب قبل الزواج طريق غضب الله
و ربي يحفظك و يحفظنا ان شاء الله​

كاثرة صحيح هذي لحالات أنا تبالي تبدى المشكال بين الطفلة وراجلها كي تبدا تقلو منعيشش مع داركم ومن ومنهيه وخاصة كي يكون هو ماينجمش يلبيلها كل رغباتها


اما الضحية شكون تبالي ولا واحد ماهو لاتي بلوخر مابقات الطفلة تحبر على الطلاق كيما بكري والله أعلم​

عندك الحق كثير من مشاكل الزواج تبدأ كي الطفلة تذمر من عيشتها مع اهل زوجها و يهو تاني يبقا حاير معاها و تكمل الطلاق لانو ما كان حوار ما كان مفاهمة كل واحد حاب يفرض نفسه و يدير رأيه هو
مشكورة على المرور نوال​

 

[اعيش راضية]

هذا كامل من المفهوم الجديد لي دخل علينا

قالك لازم الحب قبل الزواج
و المفهوم لي كان سائد قبل هو الحب بعد الزواج
تحب زوجها لانو زوجها كيما تحب ولدها لانو ولدها
انا نشوف في المراة عادت تزوج الراجل يا اما على جال مالو و اما على خاطر كانت تحبو متحوسش تفهم دينو خلقو صلاتو هذا كامل ماعادش يهمها
و بزيادة عادو يشوفو في الزواج احلام وردية و نساو في زوز بانو مسؤولية عظمى
المراة راح تعود عندها دارها و تتصرف فيها وحدها
و لازمها تكون تعرف تطيب و تغسل و تمسح لانو الراجل مش راح يرضى باقل من وش كانت تمدلو امو و مش راح يرضى بماكلة آبشع من تاع امو
و الراجل لازمو يصرف على دار و يحميها
راهي مسؤولية كبيرة و الزواج مش خطوبة و مش شهر عسل

هو دائما و ابدا مسؤولية و تضحية ​

عندك الحق اخي
الزواج مسؤولية و تضحية
و جيلنا ولا يشوف الزواج حياة وردية فيها غير الرومنسية و حياة المسلسلات
منور الموضوع
شكرا​

salam:re_gards: Pour moi ana n9ol bali almra ida tzawdjat bah tatala9 tou93od f dar babaha 5ir psq 3labalha bali azwadj machi sahal w yalzam tasbar psq ykounu l machakil bla mat7ab (c logic) :closedeyes: W lpourblame assaba fih binzoudj huwa maysa3afch w hiya ktarmanu w la5ratha atla9 :crying: Alah yahdihoum

حبيتي عندك الحق فيما قلت
الزواج فيه فيه مشاكل ماكانش زواج بلا مشاكل و الاحسن انو المراة و الرجل يحضر نفسهم للمشاكل و يحاولوا يكونوا متسامحين اكثر
شكرا على مرورك الطيب​