على الساعة 00:00 .... 31appelle manques et 2 sms .... قالكbonne anneé

[إيمان قلب]

ما تفكرنيش خويا لاجودان شاف

ياااي ماتبكوش ماعنديش منين نجيبلكم لي بابي مشوار​

ههههههههههه
ياخي راح ندي التقاعد ونخليو لبلاصة للجيل الصاعد هههههه
ان شاء الله يقولونا مبروك الزواج لعقوبة للذرية ههههههههههه
ربي يحفظك إيمان ...
​

اممم التقاعد ندوه معاكم يامحاينك هههه
واه العام الجاي فالبوناني يبعثولك يقولولك مبارك الفاتحة وفي اجوان يقولولك مبارك العرس هههه
هاني فيكسيتلك لي دات
ان شااااء الله يارب كي نهار اليوم نفرحو بيك​

​

 

[إيمان قلب]

اهلا حتى انا عندي مدة مشفتش هدا الركن
عن نفسي عيطلي واحد صاحبي في ريفيون نتاع وهران
عيطلي اسمعت الحس والغنى وقلتله خلينا نرقدو وكوبيت
ومن غيره مكاش اللي يتفكرك
صحابي ماهمش نتاع لي بوناني والفتيات يعطيهم ضربه ههه

كل عام وانت بخير يا البلاد

​

وقيل غادي ندو قاع التقاعد من هاذ الركن ايا معليهش
يااااي ريفيون والحس والغنى منهم صح ..؟؟ الناس تعبد في ربي في ذاك الوقت وهوما يعصو فيه
ربي يهدي والله , صح قلال لشاشرة اللي علبالهم بهاذ العفايس بوناني ومنعرف واش وعلاش شيرات مسكينات تعطيهم في ضربة :sad:
ويجعلو عام الخير والهنا عليك ولد البلاد
ربي يحفظك , نورت​

 

[إيمان قلب]

شفتي ختي حالتي راهي تشف :sad:
ههههه راني غير نقصر. ربي يفتح علينا جميع
ربي يحفظك ختي
وشكرا للتفاعل الطيب:re_gards:

​

علابالي خويا بالعكس راهي تهنية من تكسار الراس مش حالة تشف , آميييين يارب​

ههه واه ماتعيطيليش نتي نا عندي نجمة خخخ تخافي ههه
ماعنداك نزعق حبيبة ...اني عارفاتك متفكرتني :shay:
ها عيمانتي الي يتفكرك غي نهار 01-01
فاصيه ملبورتابل ههه
​

هههههه فضحتينا يامشعالة هههه
وواش نفاصي مانفاصي , دجا هوما مافيهم مايصلح وقيل نفاصيهم قاع و نخلي غي ربعة ولا خمسة هههه ماتخافيش راكي منهم
شكرا جيميتي مينوشتي
​

 

[عفاف الجزائرية]

وراس عزيزتي غير وصيت اللي نعرفهم كامل قلتلهم ما تبعثولي ما تخسرو لكريدي نتاعكم
لبارح لحقت 9 ضغطت على القفل الاحمر اللي في الهاتف
قصدي غلقت التلفون
ما يوصلني لا بوناني لا كل عام لا نتمنالك لا ما نتمنالكش
اللي يتمنى يروح يتمناها لروحو ما يتمناليش انا
سبحان الله 11 شهر و 29 يوم ناسيك ويجي اخر نهار من العام زعمى تتفكرك

وحطيتها حتى في توقيعي باه واحد ما يبعثلي
والحمد لله
نخلي الخط لفلانات وفلانين اللي مزالو يعبرو..
مشكورة عزيزتي
​

 

[سلفي والحمد لله]

بارك الله فيكم على الموضوع
هيه صح لبارح حنا مالفين نسهرو وحدنا بصح البارح لغاشي سيركولاصيو تبان منعرف وشيه حرنااا
وزيد ليميساج لي عندي في ريبارتوار كامل باللحية هههه لوكان تزلق تبعثلو بون اني يكفرك هههه
شكراااااليييييييييييييك

 

[AWDIESL]

مرحبا
الاحتفال اكيد مرفوض
لكن واحد يقولي مبروك العام الجديد مافيها والو
يعني انا نشوف واحد يتمنى سنة مليحة وووو ......بصح الاحتفال و الطقوس هادوك هوما لي مرفوضين
--------------------

انا جاني ابال مونكي من عند واحدة + مساج تقولي فيه بوناني

شكرا
​

 

[الجندية]

لبـآرح الشعب يعيط ويعاود وانا خابطتها برقده ونحلم
الصبآح كي نضت لقيت البآتري 0000 هادك البورتابل عذبوه بليزابال
لقيت 6 آس آم آس ... غيـر واحد فيهم لي فيه الفال
يعطك الصحه ​

 

[إنسانة ما]

وعليكم السلام ورحمة الله
أهلا بيك أختي إيمان
يعطيك الصحة .. أنا يا أختي تيليفوني عندو عام وشوي وهو مقفول، نحلو غير للطوارئ.
ماجاني لا بوناني لا هابي نيو يير .. واحد ما تفكرني وخلي هك ما يتفكرونيش خير .. ونقولك والله لبارح رقدت قبل حتى ما تدخل 00.00، رقدت على 23.30 :sheer:
والله تحيري صح أختي، لبارح خرجت رحت نقرا في المسجد عديت على وحد المكتبة كيما يقولو راسي حبس :scared:
الهدايا أنواع وهاذوك لي بوني تع باباهم نويل والشجرة كيفاه منصوبة، تحيري. حسبت روحي في كانش بلاد تع كفر.
والناس في هاذيك المكتبة واصلين للباب، تقول مخبزة ويوزعو في الخبز.
ربي يهدي وخلاص
ربي يحفظك إيمان

​

 

[Jeune Sghir Mc]

شوفي الأخت
الدين تاع الكافر رانا نعيشو فيه وماراناش داريين
بيناتنا حنا علابالنا بلي عفايس تاع الكفار
مي نديروها الله غالب ضعاف شخصية
لقينا فيها لذة
مخلوعين بالعفايس تاع الغرب
صا فو دير امعااااااااات اوكي

ونهار أول محرم علاه واحد ماتفكرنا وقاللنا عام سعيد ؟؟؟؟
المهم انتي تتفكريهم ماتقيسيش روحك بالناس
عفايس كيما هاذي تكون بينك وين ربي
ولا نبغيو نتبعو الناس الاخرين ؟؟؟؟
احتلونا فكريا ورجعونا امعات ليهم




فالاخير نقول حاجة ومانخافش
بلادنا شيعة بلاد الاسلام برك
الدين تاع الكافر رانا نعيشو فيه وواحد ما ينكر
صافي واحد مايجي يتمعلم عليا


صحيتووو
​

 

[إيمان قلب]

وراس عزيزتي غير وصيت اللي نعرفهم كامل قلتلهم ما تبعثولي ما تخسرو لكريدي نتاعكم
لبارح لحقت 9 ضغطت على القفل الاحمر اللي في الهاتف
قصدي غلقت التلفون
ما يوصلني لا بوناني لا كل عام لا نتمنالك لا ما نتمنالكش
اللي يتمنى يروح يتمناها لروحو ما يتمناليش انا
سبحان الله 11 شهر و 29 يوم ناسيك ويجي اخر نهار من العام زعمى تتفكرك

وحطيتها حتى في توقيعي باه واحد ما يبعثلي
والحمد لله
نخلي الخط لفلانات وفلانين اللي مزالو يعبرو..
مشكورة عزيزتي
​

واه شفت البارح توقيعك وعجبني بزاف قلت كون لامكاش اللي يتفكرني ويقولي بوناني
سي فري اللي تغيضك قاع مايتفكركش وهاذ النهار يتفكرك معلباليش علاه
والله العام اللي فات فال 14 فيفري بعثتلي واحدة ميساج قالتلي هابي فالنتاين هههههههههههه
ماصبت نبكي ماصبت نضحك شر البلية مايضحك
يعطيك الصحة اختي عفاف على المرور , فرحني بزااف
ربي يحفظك ونستنا الفلانين الاخرين يجو هههه
سلامي​

 

[لاجودان شاف]

ما تفكرنيش خويا لاجودان شاف​

بكيت حتى بكا الدهر عليا **** بتية من الدموع الدموية
وشكوت حالي لأاصحابي **** حتى قالولي لم صواردك وزوج وحدة بدوية​

 

[إيمان قلب]

بارك الله فيكم على الموضوع
هيه صح لبارح حنا مالفين نسهرو وحدنا بصح البارح لغاشي سيركولاصيو تبان منعرف وشيه حرنااا
وزيد ليميساج لي عندي في ريبارتوار كامل باللحية هههه لوكان تزلق تبعثلو بون اني يكفرك هههه
شكراااااليييييييييييييك

سييير كنت مع سفيان ولاجودان هههه والله غير راني حايرة علاش يعييو رواحهم ؟؟؟
هههه عجبتني تاع ريبارتوار كامل باللحية هههه تهنيت من تكسار الراس هاك
مايبعثولك مايعيفوك
الشكر لييك على المرور الطيب , ربي يحفظك خيي
​

مرحبا
الاحتفال اكيد مرفوض
لكن واحد يقولي مبروك العام الجديد مافيها والو
يعني انا نشوف واحد يتمنى سنة مليحة وووو ......بصح الاحتفال و الطقوس هادوك هوما لي مرفوضين
--------------------

انا جاني ابال مونكي من عند واحدة + مساج تقولي فيه بوناني

شكرا
​

يرحب بيك الخير اختي
علبالي مافيها والوا الواحد يدعيلك فيه بالصح كلمة بوناني بالذات والله غي نكرهها ونحسها خاطيتنا
اونبليس ياااريت الوقت اللي يرسلو فيه لي ميساج ويعيطو ويبيبو ينوضو يصلو فيه ركعتين ويدعو فيهم ويدعو للي راهم تفكروه ولا شا رايك ,,,؟؟
يعطيك الصحة اختي على المرور , نورتي
سلامي​

لبـآرح الشعب يعيط ويعاود وانا خابطتها برقده ونحلم
الصبآح كي نضت لقيت البآتري 0000 هادك البورتابل عذبوه بليزابال
لقيت 6 آس آم آس ... غيـر واحد فيهم لي فيه الفال
يعطك الصحه ​

ماعلباليش علاه غابنين رواحهم بالبيباج وعلى 12 تاع الليل ؟؟؟؟ , انا العام اللي فات كان التليفون هاذ الوقت ماهوش عندي وهاذ العام خلعوني الوغ العام الجاي فال 31 ديسمبر نطفي جدو ونتهنى من تكسار الراس
هيا اختي يعطيك الصحة على المرور , نورتينا​

 

[simou11]

بعثولي لي يقراو معايا كامل
( مش على جال السنة الجديدة على خاطر كان مابعثوش غدوة نقتلهم نقلهم فاكونس كامل متفكرتونيش )
البورتابل ماحبش يسكت
لي ماصوناهش في العام كامل صوناه البارح
و هذي العفسة تاع نسهر لل00:00
ديما نجيبها للوحدة مي البارح كي سهروا الناس رقدت انا
ربي يهدينا و فرات
عدنا نتبعو برك بلا فهامة ​

 

[virus2015]

بكيت حتى بكا الدهر عليا **** بتية من الدموع الدموية​

وشكوت حالي لأاصحابي **** حتى قالولي لم صواردك وزوج وحدة بدوية​

ههههههه
الله يعطيك الخير والربح
نورمالو أبيات كيما هادو يعلقوهم مع المعلقات تاوع امرؤ القيس وجماعتو :re_gards:​

 

[إيمان قلب]

وعليكم السلام ورحمة الله
أهلا بيك أختي إيمان
يعطيك الصحة .. أنا يا أختي تيليفوني عندو عام وشوي وهو مقفول، نحلو غير للطوارئ.
ماجاني لا بوناني لا هابي نيو يير .. واحد ما تفكرني وخلي هك ما يتفكرونيش خير .. ونقولك والله لبارح رقدت قبل حتى ما تدخل 00.00، رقدت على 23.30 :sheer:
والله تحيري صح أختي، لبارح خرجت رحت نقرا في المسجد عديت على وحد المكتبة كيما يقولو راسي حبس :scared:
الهدايا أنواع وهاذوك لي بوني تع باباهم نويل والشجرة كيفاه منصوبة، تحيري. حسبت روحي في كانش بلاد تع كفر.
والناس في هاذيك المكتبة واصلين للباب، تقول مخبزة ويوزعو في الخبز.
ربي يهدي وخلاص
ربي يحفظك إيمان

​

أهلا وسهلا باالغالية والله
اممم تهنيتي منه وتهنيتي من الهابي نيو يير حتى انا والله رقدت قبلها بالصح كي فطنت تخلعت ايا معليهش
... شفتي هذيك التحضيرات ...؟؟ وهذوك لي بوني تاع باباهم ؟؟؟ اليوم وليد خالتي قال لماما غي تشريلي واحد لولاد قاع لابسينهم , ماعلباليش شا صرالهم العباد , ولا ماكفاوهمش الاعياد توعنا ؟؟؟؟
كيما قلتي راني في بلاد تاع كفر على حساب واش تشوفي من مظاهر , بالصح الحمد لله مازال كاين ناس شادة في أصلها وماتجريش ورا هاذ المغريات
يعطيك الصحة غاليتي على المرور الطيب , الله لايحرمنا من نورك
سلامي​

شوفي الأخت
الدين تاع الكافر رانا نعيشو فيه وماراناش داريين
بيناتنا حنا علابالنا بلي عفايس تاع الكفار
مي نديروها الله غالب ضعاف شخصية
لقينا فيها لذة
مخلوعين بالعفايس تاع الغرب
صا فو دير امعااااااااات اوكي

ونهار أول محرم علاه واحد ماتفكرنا وقاللنا عام سعيد ؟؟؟؟
المهم انتي تتفكريهم ماتقيسيش روحك بالناس
عفايس كيما هاذي تكون بينك وين ربي
ولا نبغيو نتبعو الناس الاخرين ؟؟؟؟
احتلونا فكريا ورجعونا امعات ليهم




فالاخير نقول حاجة ومانخافش
بلادنا شيعة بلاد الاسلام برك
الدين تاع الكافر رانا نعيشو فيه وواحد ما ينكر
صافي واحد مايجي يتمعلم عليا


صحيتووو
​

مرحبا بيك اخي ابراهيم , عاش من شافك
آآآآآه ياخويا خلي البير بغطاه
أصبحنا مجتمع مسلم ينتسب للإسلام بالهوية لا أكثر
ربي يهدي وخلص
وكيما قلت مكانش اللي راه جاهل الامر وكامل علبالنا باللي هاذ الشئ خاطينا ونديرو فيه يعني متجاهلين الامر لا غير إلا من رحم ربي
علبالي بيك قلبك معمر من هاذ الامور , ربي يسترك خويا
ويعطيك الصحة على المرور الطيب , نورتنا​

 

[virus2015]

بارك الله فيكم على الموضوع
وزيد ليميساج لي عندي في ريبارتوار كامل باللحية هههه لوكان تزلق تبعثلو بون اني يكفرك هههه

هههههه ما كان لاه خويا بالناقص عليك ​

 

[لاجودان شاف]

ههههههه

الله يعطيك الخير والربح

نورمالو أبيات كيما هادو يعلقوهم مع المعلقات تاوع امرؤ القيس وجماعتو :re_gards:​

انا الذي نظر الاعمى لعزوبتي***واسمعت نوحاتي من به صمم
وبكا الباكون لشدة محنتي*** وكسرت احزاني كا من به همم
​

​

 

[kazawa]

مرسي على الموضوع
وبوناني لقاع ليزلجيريان.............
الحق انا كنت راقد مابوناني ما والو والبرطابل سلنسي كاين صاحبي حب ينوضني بلي زابال عرفني اني راقد فلخر كره بعث مساج كتب فيه يوفيق بوناني ههههههههه اني لدوك اني حاير كيفاش قعد ساهر هدا المخلوق ..

 

[اعيش راضية]

السلام عليكم
كل عام و انتي بخير
انا كنت سهرانة البارح كاين واحد زوج و لا ثلاثة تفكروني بميساجات وواحدين بيبو و خلاص
ايا المهم الله يهدينا و خلاص​

 

[nina bonoise]

انا ما درت ني بون اني ني عمار بوزور
ال 10 سا راني راقدة
مي كي فقت في الليل لقيت ديزابال و دي ميساج من حباباتي