الصداقة الحقيقية في مرحلة الابتدائي

[homework]

مساء الانوار عليكم

​

​

​

كل واحد منا كي كان يقرى تعرف على أصدقاء وصديقات في الأبتدائي و هذيك الصداقة راهي هي الصداقة الحقيقية كانت مبنية على الحب الطفولة البراءةو الصدق بعيدا عن الغيرة و الأنانية و حب الذات و المصلحة كنا نحبوا التلميذة لي تقعد معنا في نفس الطاولة كالاخت أو أكثر نتقاسموا معها اللمجة نتاعنا و حتي أبسط الحوايج حلوى ​

و حبيت نذكركم بالأصدقاء الطفولة لانوا نهار لي كنت ستاج كنت نمشي مع حبيبتي نسمع في صوت يعيطلي ( فلانة ) درت قلت وقيل وحدة من الزميلاة في الستاج و اذا بي نلقاها وحد الطفلة كنت نقري معها في الابتدائي سنة الأولي و الثانية وكنت نقعد معها في نفس الطاولة و كنت نحبها كي الاخت نتاعي لكن هما رحلوا كي كنت نقري الرابعة ابتدائي و كنت غير نبكي محبيتش حتي واحد يقعد في مكانها لأني كنت نستني ترجع يوم ما ​

صدقوني امتزجت الحيرة و المفاجئة والدموع و حسيت انوا رجعت سنوات الى الوراء كي كنت نركب المحفظة نتاعي علي ظهري و نجري معها نروحوا للمدرسة و نشريوا الحلوي مع بعضنا ​

تفاجئت و بقيت في مكاني بين الحلم و الحقيقة وقلت وقيل ماهيش معيا و لقيت الطفلة جاي عندي و تقولي ماتقوليليش نسيتيني انا شفتك عرفتك بعد ( 16 سنة ) و سلمنا على بعضنا و تعانقنا و الدهشة حاكمتنا هذا زمان ملي تفارقنا و حكينا على مغامرتنا في الابتدائي و حسيت بوحد الشعور غريب كي روحت لدار حسيت بفرحة شديدة لاني شفتها مرة ثانية بعد ماتفرقنا صغار تلقينا شباب و بقينا على اتصال لحد الان يسلام على أصدقاء الطفولة مهم يتبدل الزمان و المكان يبقي الشعور نفسه ​

- واش رايكم في أصدقاء الطفولة ؟ هل مازلتم على علاقة بيهم والا الزمان كان قادر يفرق و ينسي العشرة نتاع زمان ؟​

-اذا تلقيت باصدقاء الطفولة نتاعك هل يتولد لديك الشعور القديم والا تتفادهم و تعتبرهم ماضي وفات ؟؟

 

[ماكانش]

أهلا بيك هومروك
والله عندي يومين حطيت صوري في الإبتدائي كي كنا نقراو صور تاع المدرسة في ركن الصور ثم حذفتهم وبلاك اليومين هذو نردهم
تلاقيت بزوج صحابي قراو معايا بكري وقاعدين نتفكرو ونحكيو على تلك ليامات وشكون قرا معانا وشكون ماقراش وو
والله الدموع يحبسهم الإنسان في عينيه ...
والله وقت النية صح ووقت البراءة ...
انا أغلب ألي قريت معاهم بكري كانو جيرانا يعني مازلت نشوف بزاف منهم
والبعض من هذاك الوقت ما شفتوش ...
كي نحط صوري نبعثهملك يا فاضلة ههههه​

 

[إنسانة ما]

وعليكم السلام ورحمة الله
بارك الله فيكِ أختي الفاضلة
صدقتِ في كل ما قلتِ، الطفولة من أجمل المراحل لي يعيشها الإنسان لأنها كانت مرحلة صافية، دون غِش ولا خِداع ولا مكر ولا شيء .. الواحد أوقات يقولك يا ريت لو بقيت صغير ..
عن نفسي كل لي درسو معايا في الإبتدائي مازلت نتفكرهم للآن فرد فرد وبأسمائهم وبألقابهم. حقيقة فرقتنا دُروب الحياة وما بقيناش نتلاقو، كل واحد راح في حال سبيلو وكل واحد كون حياة خاصة. رُبما صديقات المتوسط والثانوي هوما لي مازال عندي اتصال بيهم. أما اصدقاء الإبتدائي لا، لأن لما انتقلنا للمتوسط أنا بدلت المؤسسة فما درستش معاهم لهذا انقطع الإتصال. نتذكر مرة برك وحدة كانت من أقرب صديقاتي في الإبتدائي، من سنة 6 ابتدائي ما تلاقيتهاش تلاقيتها لما كنا عام الباك. فرحت ياااسر لما شفتها.
وكاين موقف أثر فيا ياااسر، كانت تدرس معانا وحدة في الابتدائي مسكينة ابتلاها الله بداء السكري وحنا نقراو سنة رابعة. نتذكر مرة تلاقيت أختها وكنت ندرس في الثانوي وقتها، أول ما شفتها قلتلها كيفها فلانة؟ قالت توفت. بففففف كانت صدمة كبيرة والله ونزلت دمعتي من غير ما نشعر. لأني كنت نشفق عليها بزااااف في الصغر لما نشوفها هكاك، حنا نجريو ونلعبو وعايشين حياة طبيعية وهي تمشي بلانسولين. ربي يرحمها.
طولت عليك أختي. بصح نحب مرحلة الطفولة بزاااف ولحد الآن مازال عندي صور الدراسة محتفظة بيهم.
ربي يحفظك أختي ..
​

 

[أم راضية ~_]

السلام و عليكم
أنا من النوع اللي يوالف تم تم , أصدقائي تاع الابتدائي تقريبا كلهم ما زلت على لقاء بيهم ما عدا اللي سافرو و الي رحلو و اللي ساءت سيرتهم و تغير طبعهم ، يعني ما نحسش بوحش كبير ليهم لأنو مازلت على اتصال معاهم ، لكن أشتاق لتلك الأيام الجميلة و قت كانت ماما مشطلي شعري كل يوم مشطة و البنات دايما يسقسوني عليها ، كي كانت البراءة ، فقط كان وحدة رحلت كنت نحبها بزآاف إسمها زينب كنت نحبها من نهار اللي رحلو ما زدتش شفتها نتمنى تكون بخير

 

[القطة الزهرية]

سلالالالالالالام
والله ياختي نص الي قراو معايا في الابتدائي راهم معايا ضك كل يوم نتلاقاهم الحمد لله كلما نتلاقاو نبداو نحكيو على بكري كاين البعض منهم نقل وماولاوش يسكونو قدامنا ومانتلاقاوهمش بصح جامي ننساهم اجمل لحظات حياتي كانت في الابتدائي
انا عندي صحبتي ريمي القطة الجزائرية قريت معاها 6 ابتدائي وهي جارتي وصحبتي الانتيم وماقريتش معاها في سيام وقريت معاها في ثانوية بصح جامي نلقا افضل منها هي صديقة الطفولة


- واش رايكم في أصدقاء الطفولة ؟ هل مازلتم على علاقة بيهم والا الزمان كان قادر يفرق و ينسي العشرة نتاع زمان ؟
انا بصراحة نحب اصدقاء الطفولة وسبحان الله كي نتلاقاو واحد مانسا خوه مي والله ديفوا تتشوكاي كي تلقاي لعباد تبدلو :cra_zy:
-اذا تلقيت باصدقاء الطفولة نتاعك هل يتولد لديك الشعور القديم والا تتفادهم و تعتبرهم ماضي وفات ؟؟
اكيييييد يتولد وساعات الدموع يجيو وحدهم خاصة كي نتلاقاو الاساتذة تاعنا الي كنا نحبوهم
ديجا هاي بعد الدمعة حطيح
........مشكووووورة بزااااااااف على موضوعك الباهي والرائع:re_gards::re_gards:سلام

 

[homework]

أهلا بيك هومروك

والله عندي يومين حطيت صوري في الإبتدائي كي كنا نقراو صور تاع المدرسة في ركن الصور ثم حذفتهم وبلاك اليومين هذو نردهم
تلاقيت بزوج صحابي قراو معايا بكري وقاعدين نتفكرو ونحكيو على تلك ليامات وشكون قرا معانا وشكون ماقراش وو
والله الدموع يحبسهم الإنسان في عينيه ...
والله وقت النية صح ووقت البراءة ...
انا أغلب ألي قريت معاهم بكري كانو جيرانا يعني مازلت نشوف بزاف منهم
والبعض من هذاك الوقت ما شفتوش ...

كي نحط صوري نبعثهملك يا فاضلة ههههه​

مشكور الاخ مكانش على الرور الذي زاد الموضوع جمالا و روعة
كي تحطهم دير دويرة على مكانش باش نشوفوه كيما يديروا في الاشرطة و زدت فكرتني بالتصاور الجماعية تاع بكري يحسرها على النية والبراءة كنا نموت بالفرحة كي يصورونا راني في انتظار ذكرياتك الابتدائية

 

[°NeSriNe°]

هههههههـ
و الله انا مين فوت الامتحان
انا و القسم نتاعي كامل تفارقنا
باسكو المدرسة الابتدائية تحطنا في متوسطة واحدة
مي انا هاذيك المتوسطة جاتني بعيييييييد
ايا بابا بدلني
صافي كاااااااامل صديقاتي و اصدقائي فارقتهم
و الله غير النهار الاول كي دخلت للكلاصة حسيت بالوحدة
بلا بيهم و قاعدة نتفكر كيفاه كنا في الابتدائي
ههههه و الله غير غايا مين كنا نقروا في رحبا
انا صاحبتي لأنتيم نتاع الابتدائي اسمها (انصاف)
مام هي بدلت مي ماجاتش في المتوسطة نتاعي
دومااااااااااااج !!!!!!!!
و الله تمنيت نقرى مع كلاصتي مي الله غالب
هاذا هو و هاذي هي هههههههه
شكرا لك على الموضوع اختي

 

[homework]

وعليكم السلام ورحمة الله

بارك الله فيكِ أختي الفاضلة
صدقتِ في كل ما قلتِ، الطفولة من أجمل المراحل لي يعيشها الإنسان لأنها كانت مرحلة صافية، دون غِش ولا خِداع ولا مكر ولا شيء .. الواحد أوقات يقولك يا ريت لو بقيت صغير ..
عن نفسي كل لي درسو معايا في الإبتدائي مازلت نتفكرهم للآن فرد فرد وبأسمائهم وبألقابهم. حقيقة فرقتنا دُروب الحياة وما بقيناش نتلاقو، كل واحد راح في حال سبيلو وكل واحد كون حياة خاصة. رُبما صديقات المتوسط والثانوي هوما لي مازال عندي اتصال بيهم. أما اصدقاء الإبتدائي لا، لأن لما انتقلنا للمتوسط أنا بدلت المؤسسة فما درستش معاهم لهذا انقطع الإتصال. نتذكر مرة برك وحدة كانت من أقرب صديقاتي في الإبتدائي، من سنة 6 ابتدائي ما تلاقيتهاش تلاقيتها لما كنا عام الباك. فرحت ياااسر لما شفتها.
وكاين موقف أثر فيا ياااسر، كانت تدرس معانا وحدة في الابتدائي مسكينة ابتلاها الله بداء السكري وحنا نقراو سنة رابعة. نتذكر مرة تلاقيت أختها وكنت ندرس في الثانوي وقتها، أول ما شفتها قلتلها كيفها فلانة؟ قالت توفت. بففففف كانت صدمة كبيرة والله ونزلت دمعتي من غير ما نشعر. لأني كنت نشفق عليها بزااااف في الصغر لما نشوفها هكاك، حنا نجريو ونلعبو وعايشين حياة طبيعية وهي تمشي بلانسولين. ربي يرحمها.
طولت عليك أختي. بصح نحب مرحلة الطفولة بزاااف ولحد الآن مازال عندي صور الدراسة محتفظة بيهم.
ربي يحفظك أختي ..​

ربي ينورك حبيبتي
الصغر مرحلة جميلة في حياتنا كان همنا الوحيد هو اللعب و الدراسة و الاصدقاء كانو اصدقاء النية والصفا فرحمة الله على أصدقائنا لي ماتوا و ربي يلقينا بلي حي في ساعة الخير

 

[homework]

السلام و عليكم
أنا من النوع اللي يوالف تم تم , أصدقائي تاع الابتدائي تقريبا كلهم ما زلت على لقاء بيهم ما عدا اللي سافرو و الي رحلو و اللي ساءت سيرتهم و تغير طبعهم ، يعني ما نحسش بوحش كبير ليهم لأنو مازلت على اتصال معاهم ، لكن أشتاق لتلك الأيام الجميلة و قت كانت ماما مشطلي شعري كل يوم مشطة و البنات دايما يسقسوني عليها ، كي كانت البراءة ، فقط كان وحدة رحلت كنت نحبها بزآاف إسمها زينب كنت نحبها من نهار اللي رحلو ما زدتش شفتها نتمنى تكون بخير

مشكورة حبيبتي على المرور الجميل ربي يلقيك بصاحبتك زينب انشاء الله وراح تشوفي الفرحة لي تشعري بها

 

[homework]

سلالالالالالالام
والله ياختي نص الي قراو معايا في الابتدائي راهم معايا ضك كل يوم نتلاقاهم الحمد لله كلما نتلاقاو نبداو نحكيو على بكري كاين البعض منهم نقل وماولاوش يسكونو قدامنا ومانتلاقاوهمش بصح جامي ننساهم اجمل لحظات حياتي كانت في الابتدائي
انا عندي صحبتي ريمي القطة الجزائرية قريت معاها 6 ابتدائي وهي جارتي وصحبتي الانتيم وماقريتش معاها في سيام وقريت معاها في ثانوية بصح جامي نلقا افضل منها هي صديقة الطفولة


- واش رايكم في أصدقاء الطفولة ؟ هل مازلتم على علاقة بيهم والا الزمان كان قادر يفرق و ينسي العشرة نتاع زمان ؟
انا بصراحة نحب اصدقاء الطفولة وسبحان الله كي نتلاقاو واحد مانسا خوه مي والله ديفوا تتشوكاي كي تلقاي لعباد تبدلو :cra_zy:
-اذا تلقيت باصدقاء الطفولة نتاعك هل يتولد لديك الشعور القديم والا تتفادهم و تعتبرهم ماضي وفات ؟؟
اكيييييد يتولد وساعات الدموع يجيو وحدهم خاصة كي نتلاقاو الاساتذة تاعنا الي كنا نحبوهم
ديجا هاي بعد الدمعة حطيح
........مشكووووورة بزااااااااف على موضوعك الباهي والرائع:re_gards::re_gards:سلام

مشكورة حبيبتي وربي يخليلك القطة الجزائرية ومكانش كي الأصدقاء كي يكونوا ملاح و النية الصافية وتقبلي تحياتي ياختي

 

[إنسانة ما]

ربي ينورك حبيبتي
الصغر مرحلة جميلة في حياتنا كان همنا الوحيد هو اللعب و الدراسة و الاصدقاء كانو اصدقاء النية والصفا فرحمة الله على أصدقائنا لي ماتوا و ربي يلقينا بلي حي في ساعة الخير

آآآآميييين يارب .. ربي يبارك فيك أختي
تذكرت موقف الآن صرالي من أيام قليلة، تقرا معايا أخت في المسجد وهي الآن عروس جديدة، مالا جابت تصاور عرسها وأنا قاعدة نشوف فيهم حتى شفت زوجها قلتلها هذا مش فلان؟ قالت هيه وين تعرفيه. قلتلها درس معايا في الإبتدائي. قالتلي ماشاء الله ذاكرتك قوية :shiny:
والله أختي صح في الابتدائي كان همنا برك اللعب والتنافس النظيف من أجل الرُتبة الأولى والمعدل الكبير، حتى كي نتقابضو نتقابضو بنية. كانت تعجبني كي نتقابض مع وحدة وننقسمو على زوج فِرق، جماعة مع هاذ الفريق وجماعة مع لاخر وتبدا المنافسات وكل فريق يحب يغير لاخر. والله كانت أيامات مليحة صح.

​

 

[homework]

هههههههـ
و الله انا مين فوت الامتحان
انا و القسم نتاعي كامل تفارقنا
باسكو المدرسة الابتدائية تحطنا في متوسطة واحدة
مي انا هاذيك المتوسطة جاتني بعيييييييد
ايا بابا بدلني
صافي كاااااااامل صديقاتي و اصدقائي فارقتهم
و الله غير النهار الاول كي دخلت للكلاصة حسيت بالوحدة
بلا بيهم و قاعدة نتفكر كيفاه كنا في الابتدائي
ههههه و الله غير غايا مين كنا نقروا في رحبا
انا صاحبتي لأنتيم نتاع الابتدائي اسمها (انصاف)
مام هي بدلت مي ماجاتش في المتوسطة نتاعي
دومااااااااااااج !!!!!!!!
و الله تمنيت نقرى مع كلاصتي مي الله غالب
هاذا هو و هاذي هي هههههههه
شكرا لك على الموضوع اختي

مشكورة على المرور اختي الحبيبة و المهم في قرايتك كي تكوني مليحة ومرتاحة و لازم تكوني دقيقة باختيار الاصدقاء في المتوسط لان الدنيا صعيبة تهلاي في روحك

 

[homework]

آآآآميييين يارب .. ربي يبارك فيك أختي
تذكرت موقف الآن صرالي من أيام قليلة، تقرا معايا أخت في المسجد وهي الآن عروس جديدة، مالا جابت تصاور عرسها وأنا قاعدة نشوف فيهم حتى شفت زوجها قلتلها هذا مش فلان؟ قالت هيه وين تعرفيه. قلتلها درس معايا في الإبتدائي. قالتلي ماشاء الله ذاكرتك قوية :shiny:
والله أختي صح في الابتدائي كان همنا برك اللعب والتنافس النظيف من أجل الرُتبة الأولى والمعدل الكبير، حتى كي نتقابضو نتقابضو بنية. كانت تعجبني كي نتقابض مع وحدة وننقسمو على زوج فِرق، جماعة مع هاذ الفريق وجماعة مع لاخر وتبدا المنافسات وكل فريق يحب يغير لاخر. والله كانت أيامات مليحة صح.​

والله فكرتيني في يمات زمان كنا حالة نتفاشاو مع بعضنا و نوليوا لبعضنا عادي ماكانش مشكل
وذورك هذوك ليام نسمع بنات في سيام يحكيوا غير على الحب و فلان وفلانة قتلهم لوكان تعيشوا حياتكم مرحلة بمرحلة خير ماتسوطيوا المراحل و قتلهم تقدروا تنتاقلوا من السنة الاولي متوسط لسنة الثالثة قالولي لالا قتلهم مام الحياة هكذاك عيشوا الصغر نتاعكم راكم تكبروا تندموا يحسراه على ليمات نتاعنا نشوفوا المعلم نبدلوا الطريق

 

[إنسانة ما]

والله فكرتيني في يمات زمان كنا حالة نتفاشاو مع بعضنا و نوليوا لبعضنا عادي ماكانش مشكل
وذورك هذوك ليام نسمع بنات في سيام يحكيوا غير على الحب و فلان وفلانة قتلهم لوكان تعيشوا حياتكم مرحلة بمرحلة خير ماتسوطيوا المراحل و قتلهم تقدروا تنتاقلوا من السنة الاولي متوسط لسنة الثالثة قالولي لالا قتلهم مام الحياة هكذاك عيشوا الصغر نتاعكم راكم تكبروا تندموا يحسراه على ليمات نتاعنا نشوفوا المعلم نبدلوا الطريق

لله درّكِ أختي .. لا فضّ فوكِ ..
صدقتِ وربي، والله أختي أوقات نقول في نفسي الحمد لله لي عشت شوي في الوقت هذاك لمليح وين كانت النية. التسعينات كانت مليحة ياسر مقارنة بما هو الحال الآن.
كنا ما نعرفو والو وما ننتبهو لوالو غير اللعب والرسوم المتحركة ونرقدو بكري ونوضو بكري وخلاص، لا مسلسلات ولا والو. كانت قمة السعادة كي نتفرجو النمر المقنع ولا سالي ولا الكابت ماجد.
ما أبعد جيلنا على هاذ الجيل ..

​

 

[homework]

لله درّكِ أختي .. لا فضّ فوكِ ..
صدقتِ وربي، والله أختي أوقات نقول في نفسي الحمد لله لي عشت شوي في الوقت هذاك لمليح وين كانت النية. التسعينات كانت مليحة ياسر مقارنة بما هو الحال الآن.
كنا ما نعرفو والو وما ننتبهو لوالو غير اللعب والرسوم المتحركة ونرقدو بكري ونوضو بكري وخلاص، لا مسلسلات ولا والو. كانت قمة السعادة كي نتفرجو النمر المقنع ولا سالي ولا الكابت ماجد.
ما أبعد جيلنا على هاذ الجيل ..​

[/quote
ربي يخلينا على قيس حشمتنا و معريفتنا يختي يقولوا عصر السرعة مي الناس راهي تمشي نحول الانحلال الخلقي و التربية مكانش و يقولوا التطور كي تلقاي مرأة تتفرج مع بنتها مسلسل و تلبسلها كي البطلة كيفاش حبيتي الطفلة تتربي
مرسي حنونتي على الأراء التي زادت الموضوع روعة

 

[light.]

مرسي بزاف على الموضوع ختي عجبني بزاف و خليتيني نتفكر شوية حوايج

سي فري الصحبة تاع الصحبة تاع الصغر و الله الحمد لله مازلت نقرا مع واحد

صحبي بديت معاه مالتحضيري و درك انا فالليسي و الباقي كل واحد وين

راهو سي غار مين نتلاقا بيهم و شحال من مرة نجيب تصاورنا

في الابتدائي و ندحكو شوية و الله نتوحش بزاف اليامات كي كنت صغير مي

الله غالب هذي هي الدنيا

مرسي مرة اخرى ع الموضوع
​

 

[homework]

مرسي بزاف على الموضوع ختي عجبني بزاف و خليتيني نتفكر شوية حوايج​

سي فري الصحبة تاع الصحبة تاع الصغر و الله الحمد لله مازلت نقرا مع واحد ​

صحبي بديت معاه مالتحضيري و درك انا فالليسي و الباقي كل واحد وين ​

راهو سي غار مين نتلاقا بيهم و شحال من مرة نجيب تصاورنا ​

في الابتدائي و ندحكو شوية و الله نتوحش بزاف اليامات كي كنت صغير مي ​

الله غالب هذي هي الدنيا​

مرسي مرة اخرى ع الموضوع​

مرسي خويا انت على المرور نتاعك لي اسعدني وزاد الموضوع جمالا و أصدقاء الطفولة سي دفيسيل دورك تلقى الصدق نتاعهم تهلا في ؤروحك وقرايتك وبالتوفيق

 

[°NeSriNe°]

مشكورة على المرور اختي الحبيبة و المهم في قرايتك كي تكوني مليحة ومرتاحة و لازم تكوني دقيقة باختيار الاصدقاء في المتوسط لان الدنيا صعيبة تهلاي في روحك

امممممم شكرا لك على النصيحة اختي الكريمة
و الله صح الدنيا صغيبة و غدارة
مرسي

 

[ملكًة الاحسآس]

اهلا أختي
والله صح واش قلتي ، انا تاني نعتبــر الصداقة تاع الصح أيــام الطفولة ، على خاطر كنـا الي نحبوه نحبوه صح ، بلا خدع ولا حوايج أخرى
كي قريــت تاع صديقتكـ لقيتيها بعد 16 سنــة ، غرت منكـ هه ، ثالموو انا صديقتي الانتيـم تاع الابتدائي والي كنت نقعد معهــا نقسموو كلش مع بعضنــا وجامي ضاربنــا وقسمنا الطاولة كما كانوو يديرو الي قدامنــا ههه
رحلوو كي طلعنا للسيــام ، وتكذبي شحــال متوحشتهــا ، بصــح مازلت نتأمــل نلقاها كاش نهــار كما لقيتي انتي صاحبتكـ .
ومن جهــة اخرى مازلت نلقى صحاباتي الاخريــن الحمد الله ، و كي نكون معهم غير نضحكوو ونتفكروو في ايامات زمــان ، وايامات العيوود كي كنا نروحو عند معلمتي ومعلمي ههه
اووووووه والله يعطيكـ الصحــة خليتيني نتفكــر ، ايـــام من أجمـل ايام حياتي
ميرسي على الموضوع


​

 

[nina usma]

ana nafra7 ki nal9a kach tfal wala tafla kount nal3ab m3ahum ki kount sghira:shiny::shay: mi kayan bzf li houma li may7alboukch!!!!! wa3lah mana3raf!!!:schmoll: mi yab9a l 7anin la tofola:re_gards: salam