السؤال هو وين راحوا الجماعة الكبيرة في المنتدى اللي راكم تحكـوا عليهم ؟
انا سجلت قبلك في المنتدى حبيبي Jagwar وكنت ديما نشوف في المواضيع والاعضاء والجماعة هنـا وشفت ناس الله يبارك وناس ربي يهدي في المنتدى حتى في تلك الاوقات
بصح الجماعة وين راحت ؟ والاقلام كيفاه تكسرت ؟
تحكوا على تدخل فتحي ومحمد الشيخ، هذا ان دل على شيء فانه يدل على ان الإدارة كانت متابعة للمواضيع، والجميع كان يخدم .. كان قسم النقاش فعـلا للنقاش، والالعاب محصورة في منتدى اسفل اللمة من اجل "تطلاع المورال".
المشرفين كانوا الله يبارك، نستعرف باحداث صراتلي هنا، في مرات كثيرة كنت نحب الاحتكاك بالمشرفين ونحاول نخرج عن القانـون والدخول في مناقشات ومسامرات ونستفزهم، بصح يعلم ربي وشحال حبيتهم وحبيت طريقة الرد تاعهم .. للاسف هذوك المشرفين راحــوا وراحت معاهم العلاقة بين الاعضاء والمشرفيــن اللي كانت عماد اللمة في يوم من الايام
شوفوا رد الاخ Jocker اللي كان مشرف يومها على القسم ..
منذ حوالي شهر، شفت موضوع مشابه في نفس القسم، ثم عرفت وشنهي الفرق بين اللمة واللمة....
هل هي مسؤوليـة الإدارة ؟ أم انها مسؤولية المشرفيـن ؟ أم أنها مسؤوليـة الأعضـاء ؟ ( أم أنه الزمن تغيــر ؟ والوقت غدار ؟ )
اسمحولي على هذه الكلمات : الناس الكبيرة والفاهمـة راهي رايحة تبقى تكسر في الكاوكاو وتبرز عضلاتهــا في الخفـاء بركـ .. وبعدها ترجع الامور الى طبيعاتهـا ويمشي الحـال ونتم تبقـاو في ذاك الركــن البعيد تستنــاو في كاش موضوع يفكركم بأيـام زمــان وبشخصيــات واعضاء هربوا من المنتــدى طردنــاه حنــا منــوا ..
بمعنــى آخــر : اذا كنتـم قادرين على المسؤوليــة، خلونـا نخدمـوا ونطلعــوا بعضاتنــا ولمنتنـا، وما نحقروا حتــى شخــص.. اذا مش قادرين خلونا من هذي المواضيـع الجديـة وخلونـا كامل نضحكــوا ونرجعــوا منتـدى واش راك تهـدر إلى كيفاش راك تضحــك
ممكـن لو ما تغيبتش نتـا، لنورت المنتدى بمواضيعك المميزة، وخليت الجميـع يشـارك... ممكن كي غابت مواضيعك شخص اخر ماحبش يشارك لان (ما يحدث فى قسم واش راك تهدر) بعدوا ثانــي
شخصيـا، وشحال من مرة فكرت نكتب مواضيع في هذا القسم او في قسم النقاش الجـاد ... بصح ديما نشوف باللي هذي مضيعة للوقــت فقط، على خاطر مانيش رايح نحكي على العاطفة تاعي ولا على الحب ومانيش رايح نضحك الناس .. وبالتالي مش رايح يستفيد اي شخص من مواضيعي هذي، وبالتالي خسارة برك في الوقت وتتعمر الداتاباز تاع المنتدى بلا فايدة .. وبعد نهارات نشوف اعضاء شاركوا بمواضيع مشابهة لواش حبيت نكتب، وما كاين حتى مشاركـة حية
فقط لازم تعرفوا باللي اذا واصل المنتدى على هذه المنهاجية رايح يكون مثل ستارتايمز، اللي راحت منوا الناس الفاهمة اللي طلعاتوا، بعد نهارات جوجل تشري هذا المنتدى وتزيد خدمة Jokes
على كل حـال، انا شخصيا لمست حالة حياة مع الادارة الجديدة - مع الشكر الكامل للادارة السابقة - وان شاء الله نرجعوا المنتدى كيما كان او افضل بصح بالعمل ماشي الحديث
واسمحولي خاوتـي كي قاطعت الجلسـة، بصح لقيت الفرصـة باش نفوت واش حاب نقول لامثالكــم - من خيرة اعضاء المنتـدى - وان شاء الله يكون ردي مقبـول.
ملاحظة : معندي حتى مسالة شخصية مع واحد منكم، وحتى اني ما شفتش اصحاب الردود، بصح هذا الكلام خاوتي واحبابي لازم يتقال.. وحبيت نقولوا برك
اذا راني صحيح فالحمد لله .. واذا راني غالط فمني ومن الشيطـان
وربي يجيب الخير
تحياتــي
i-o:
