أرواحوا تشوفوا واش داروا لي زالجيغيان

[barca.moha]

----------------------------------
أولا وعليكم السلام أختي نور
أيا مليح من راكي مليحة
كنت نرد غير على مواضيعك في هاد القسم
مش على جال وجهك علابال نشوف صحابي بيانسير هه
مواضيعك ديما بآهيين كيما انت
ربي يحفضك ويبعد عليك العين والعديان ويآرب أفتح لاميغي نتاع سكيكدة
أما عن موضوع إختراع سبيسيال للبنات احنى منحتاجوش هداك ومزية راكم تعترفو
+ عجبتني قصة برصاوية
تهلي في روحك وفي الوالدين
وسلميلي على ناس سكيكدة وناس رمضان جمــــــــآل
-----------------------------------
​

 

[ماكانش]

راني وليت الهامو وشاركت
ارجعي اقتابسي عليا دبري راسك هههههههه

 

[إنسانة ما]

أهلا بيك حبيبتي واش راكي . ؟ عاش من شافك تدوري هنايا
توحشت لحباب اللماويين ... نورتي الموضوع ... وعجبني الكود 'الآغ'
:sheer::sheer:
...
ربي يحفظك نوغ
ترحب بيك الجنَّة
مادام نهدرو معاك لازم نستعملو الآغ

ايه شفتي ديك العفسة تاع يطلبوا كلشي ... هذي باطاطا هذي طماطم ...
مرة جارتنا راحت عند جارنا تطبطب على صباح ربي فتح الباب لقاها ببغوس آ دون
قالتلو حطلي الدونتيفخيس نبغوسي سناني _o:
...
هاذي وحدها، قالتلهم اسكتوووو

كوارث
...
وجارتنا تخدم القاطو للناس تلقط لي كيسات من عند الجارات ... الفرينة
ولخرابيط هذي وتخدم وتبيع والناس تتوخد ههه ...
...
راني خرجت شوية على الموضوع ههه مي كي درتي المثال هذاك تفكرت الأمثلة
هذي ...
...
عندنا جيرانا لي يسكنو فوقنا فاملية الكل فاسدة وقرعاجة ... منين يطلعو في الدروج
يحبسو في كل أيطاج باش يسمعو واش يتحكى في الديار ... ولوكان يسمعو واحد طالع
وراهم يتعطلو في الطلعة باش يعرفو شكون ... ولوكان تفوت عليهم بقفة رقبتهم تتمد
باش يشفوفو واش كاين في القفة ... ومع هوما يسكنو في ليطاج 8 يعني أكثر من
نص الديار يتسمعو عليها ... نهار كامل وهوما في التاقة ولا الباب ... عجب ...
بالاك فارغين شغـــل ...
...
والله باطيمتكم هايلة .. بصحتكم هكذا جيران

لي عجبتك وتقرا بالسرقة على راجلها هي يما هههه
...
والله؟؟ حاذري لا يقرا باباك الموضوع تاعك ويفيق بيماك. وتعشي كي بورقيبة الله يرحمو تقولي: (قلنا كليمة بتنا في ظليمة) :shiny:

والكافية تاع التخونسبوغ اي بهدلتها صاحبتها قدام الشعب ...
PS: حتى أنا برصاوية :sheer:
...

مغــــسي حبيبة فرحتيني بردك ومرورك الظريف ... ربي يخليك
زيدي فاكري ... حقا شرفتينا في الاشراف في ركن فقه النساء
فرحت كي لقيتك معانا ... سلامو
​

الله يحفظك نوغ، النوغ نوغك ..
وأنا ثاني فرحت كي راني معاكم ..
ربي يخليك .. والله ضحكتيني من قلبي سـuــرتو تع البغوسادون

​

 

[الورد الأحمر]

أهلا بيك إلهامو
ههههه
عاش من شافكم
والله فرحت كي لقيت مواضيعكم في زوج نتي وشوشو
فكرتوني بليامات الباهيين ...
والله موضوعك قتلني بالضحك ههههههه
صح هذي النسا كامل يديروها، حنا ماعندناش العين السحرية، بصح كاين البارسيان تاع الطاقة هههههه
ساعات نكون قاعد في الدار نسمع ختي ولا يما اجري اجري أجري ياخي انا انوض معاهم هههههه نلقاها تقلها شوفي فلانة واش لابسة، وشوفي فلانة واش مدايرة في روحها وهكذا ههههههه
الله غالب فارغين شغل يا نور

يعطيك الصحة نور
[/center]

أهلا أهلا سفيان الله يفرحك خويا
قلنا اليوم نطلوا عليكم تعرف رانا كي لقمر نطلوا في المناسبات برك :shay:
يا حسراه على الباغسيان هههه حكايتو بعد حكاية نشفى كنت صغيرة شوية نتمسخر
بالغاشي كان جارنا صغير يلعب برا أنا نهبلو نتخبى ورا الباغسيان ونعيط عليه كيما
تعيطلو ماماه : شمس الديييييينااااا ههههه وهو يطلع راسو يحسب ماماه تعيط نهبلو
حتى يطلع للدار ... ولا جارتنا ما عندهاش بزاف نتمسخر بيها بعد : فدوة ، فدوة
هي تطلع راسها تحسب صاحبتها ، آخرتها ناضت تعيط قالتلها: أوووو سارة يزينا من
اللعب هذا هذي اللعبة أو لعبناها في قديم الزمان خخخخ ... وديك النشعة لي جاتني
دراري نشعتني وانا نلعب في لعب الدراري خخخ ... من تم توبة ليومنا هذا :sad:
...
ايه الفراغ يا سفيان قتل الجزائريين ... ربي يستر ...
ما نلقاش عندك فيش فاميليال ؟
خخخ
مغسي على المرور وسلاموووو
​

 

[الورد الأحمر]

هههههه
l'œil de boeuf
غير قبيل وحنا نهدرو على السكانار والتبرقيق
تلقاي واحدة قاعدة في الدار ملمة باخبار الشارد والوارد وحاجة ما تخفاها
ربما الفراغ يخلق هذا العادة السينة ويتحول مولاها الى جاسوس متحسس لعيوب الناس
وهذا العين راه جديدة العهد على خاطر زمان كانوا الناس يفتحوا الباب للطارق ايا كان وما يهابوش من الضيف وما يتخلعوش من القادم ,الآن كاين لي دايرها يطل اذا عجبوا الطارق يفتح سي نو بهدوء ما يفتحش
ظرك السيستام سيكيريتي تتطور عادت الناس تحط كاميرا وتناليزي الغاشي
ان شاء الله تخرجلك الفيش فاميليال ومنا على عام تروحي تسنيي على عقد الزواج وما تطليش على لالوب تعسي الطالع والهابط خخخخخ
تحيتي

​

أهلا طمطم وأخيرا بطلتي الماسكي ههه بعد مناوشات كادت تؤدي بنا الى الهلاك خخخ
... نورتي الموضوع حبوبة ... وعاش من شافك ... سقساوني عليك : فاطمة الزهراء
ما تبانش خرجت من المنتدى ولا كيفاش ... قلتلهم اي بدلت الاسم برك ... ما عرفوكش
بالنيو لووووك ...
...
ايه شفتي تلقايهم بطالات ماكثات بالمنزل مي يعرفو الناس الكل !!! كيفاش ؟
أكيد من التقرعيج هذي تاقة هذي باب هذا بالكون وأنواع التقرعيج كثيرة
--- في سكيكدة نقولو يسرح مش يقرعج ... على خاطر صح كي السارح
السارح يسرح بلغنم وهذو يسرحو بلعباد يتبعوهم كي التابعات ...
...
شفتي بهدلوني على الفيش فاميليال قطعولي الرزق :cra_zy: ومعرف واش من فامي
لي عندي حتى يهلكوني على لا فيش هذي ... هبلوني تاع الصح 3 أشهر ماكانش !!
...
ايه ان شاء الله نسنييو عقد الزواج كيف كيف ... وما نعسوش الطالع والنازل ههه
...
مغسي على المرور والرد الأمور ... سلامو
​

 

[ABDOU 94]

ملييييييييييييح

 

[بنـ MaPa ـت]

الموضوع هذا ... مُهدى
...
للأمورة شوشو والفلوسة مروة
وللسيد النورس العائد من بعيد

...

​

اهلا نونو
:blushing: وعلاش تحشمي فيا صار انا فلوسة ههه
مرسي بزاف على الاهداء مخلوفة كي العادة :shiny:

كامل ليزالجيغيان عندهم سحارة في بابهم
بصح كاين لي مايستعملوهاش كيما حنا i-o:
كيما قلتي غير كي تكون طبطيبة تع واحد براني لي نطل منها هههه
بصح نبصملك بالـ10 لي مقابلينا h24 شغالة هههه ربي يعطيهم سكنة في لرض نتهناو منهم شوية :shiny:

بصح من رايي العين ولا كلمة شكوووووون _o: ههه

=====
راني نصورلكم سحارتنا ونحطها باش تشوفو ليماج تاعها شحال مليحة HD خخخخ

سلآمو حبيبة

:re_gards:
​

 

[الورد الأحمر]

----------------------------------
أولا وعليكم السلام أختي نور
أيا مليح من راكي مليحة
كنت نرد غير على مواضيعك في هاد القسم
مش على جال وجهك علابال نشوف صحابي بيانسير هه
مواضيعك ديما بآهيين كيما انت
ربي يحفضك ويبعد عليك العين والعديان ويآرب أفتح لاميغي نتاع سكيكدة
أما عن موضوع إختراع سبيسيال للبنات احنى منحتاجوش هداك ومزية راكم تعترفو
+ عجبتني قصة برصاوية
تهلي في روحك وفي الوالدين
وسلميلي على ناس سكيكدة وناس رمضان جمــــــــآل
-----------------------------------
​

أهلا موحا نورتني ... علابالي توحشت صحابك علابيها حطيتك في الاهداء
وبعثتلك الرابط ... :shiny: ... تشفى داك الوقت منين كنا دايرين حالة هنا ...
واقيل نسترجعوه راه ركن المنتدى نديرو شوية أومبيونص هههه
...
وي الاختراع هذا يستعملوه النسا في معظمهم وقليل من الرجال ...
الحق وربي ما شفتش راجل يستعملو ... ايه نستعرفو حنا ...
...
البرصاوية حرقتها صاحبتها في البيس خخخ ... وانا برصاوية ونفرح :sheer:
اتهلا في روحك ... وأهلا بيك ويبلغ سوالك بالخير
سلامو
​

 

[ماكانش]

أهلا أهلا سفيان الله يفرحك خويا

قلنا اليوم نطلوا عليكم تعرف رانا كي لقمر نطلوا في المناسبات برك :shay:
يا حسراه على الباغسيان هههه حكايتو بعد حكاية نشفى كنت صغيرة شوية نتمسخر
بالغاشي كان جارنا صغير يلعب برا أنا نهبلو نتخبى ورا الباغسيان ونعيط عليه كيما
تعيطلو ماماه : شمس الديييييينااااا ههههه وهو يطلع راسو يحسب ماماه تعيط نهبلو
حتى يطلع للدار ... ولا جارتنا ما عندهاش بزاف نتمسخر بيها بعد : فدوة ، فدوة
هي تطلع راسها تحسب صاحبتها ، آخرتها ناضت تعيط قالتلها: أوووو سارة يزينا من
اللعب هذا هذي اللعبة أو لعبناها في قديم الزمان خخخخ ... وديك النشعة لي جاتني
دراري نشعتني وانا نلعب في لعب الدراري خخخ ... من تم توبة ليومنا هذا :sad:
...
ايه الفراغ يا سفيان قتل الجزائريين ... ربي يستر ...
ما نلقاش عندك فيش فاميليال ؟
خخخ
مغسي على المرور وسلاموووو​

ههههههههههههههه
حنا البارسيان غير لتوقاب هههههه
---
واشي هوا الفيش فاميليال هذا جامي خرجتو هههههههه
واش ماعندهمش لوراقي ولا ماهمش يخرجو فيهم ؟؟؟
مرحبا بيك فباتنة عندي معريفة في النقامي برك وشهادات الزواج هههه
ديجا غدوة نروح نضيع شوي وقت نخرج نقامي 2012 مرحبا بيك ونفريولك كلش ههههه​

 

[الورد الأحمر]

راني وليت الهامو وشاركت
ارجعي اقتابسي عليا دبري راسك هههههههه

ههه راك تديرلي كيما ندير انا ...
راني اقتبستلك قبل ما تقول ... شوف برك تلقى الاقتباس
​

 

[الورد الأحمر]

الله يحفظك نوغ، النوغ نوغك ..
وأنا ثاني فرحت كي راني معاكم ..
ربي يخليك .. والله ضحكتيني من قلبي سـuــرتو تع البغوسادون

​

هههه الله يدومها حبيبتي ... ان شاء الله ديما ضاحكة ...
ايه لبغوسادون وحدها ... جيران ولا أورع ... ربي يرزقك بمثلهم خخخخ
الله يبعدهم هاذ الكاليتي هذي ...
مغسي على المرور لثاني ... زيدي الثالث وجيبي في يدك حاجة ههه
سلامو
​

 

[القطة الزهرية]

وي لازم تحكمي بلاصة انت تاني ههه
راهي مزالت بلاصة لبوسعادة ادا تركبي خخخ :shiny:

خخخخخخخخخخ اواه حابة نروح لوهران كاين الكار ولا لالا
نشفالك للنهار لي سجلتي فيهi-o:
​

ااااااااو _o:_o:

 

[الورد الأحمر]

ملييييييييييييح

مليح ...
​

 

[القطة الزهرية]

.. ولا جارتنا ما عندهاش بزاف نتمسخر بيها بعد : فدوة ، فدوة
هي تطلع راسها تحسب صاحبتها ، آخرتها ناضت تعيط قالتلها: أوووو سارة يزينا من
اللعب هذا هذي اللعبة أو لعبناها في قديم الزمان خخخخ ... وديك النشعة لي جاتني
دراري نشعتني وانا نلعب في لعب الدراري خخخ ... من تم توبة ليومنا هذا :sad:
...

​

اسمها فدوى يااااااااااااه كيما انا وعلاه تمصخرتي بيها وعلاه

 

[الورد الأحمر]

اهلا نونو
:blushing: وعلاش تحشمي فيا صار انا فلوسة ههه
مرسي بزاف على الاهداء مخلوفة كي العادة :shiny:

كامل ليزالجيغيان عندهم سحارة في بابهم
بصح كاين لي مايستعملوهاش كيما حنا i-o:
كيما قلتي غير كي تكون طبطيبة تع واحد براني لي نطل منها هههه
بصح نبصملك بالـ10 لي مقابلينا h24 شغالة هههه ربي يعطيهم سكنة في لرض نتهناو منهم شوية :shiny:

بصح من رايي العين ولا كلمة شكوووووون _o: ههه

=====
راني نصورلكم سحارتنا ونحطها باش تشوفو ليماج تاعها شحال مليحة HD خخخخ

سلآمو حبيبة

:re_gards:
​

أهلا حبوبة يخي تفاهمنا نعيطلك لفليلسة من نهار فقت بلي انتي صغيرة عليا ههه
...
احم زعمة ما تستعمليهاش i-o: خخخ ... وي خير من شكون ويقولك أنا
كي شغل أنا تعريف بنفسه خخخخ
...
أووو غير صوريها نشوفو الـ HD هذا اختراع جديد واقيل
...
ومنها نشوفو السحارة تاع جيرانكم مادام HD اي تظهر ههه
...
أهلا حبيبتي ... نورتيني ... والتم الشمل من جديد ...
رد جميل من بنت أجمل ... سلامو :re_gards:
​

 

[بنـ MaPa ـت]

حالياً الأعضاء النشيطين الذين يشاهدون هذا الموضوع : 13 (10 عضو و 3 ضيف) ‏بنـ MaPa ـت, ‏AWDIESL, ‏BRAHIM.BARçA211, ‏النورس, ‏الخيزران, ‏القطة الزهرية+, ‏اعيش راضية, ‏تاج الجزائر, ‏NOUR_light+, ‏

راكي مشهووورة يا نونو الله يبارك هههه

فوطو سوفونير :shiny:

نسيت ++++
​

 

[الورد الأحمر]

ههههههههههههههه
حنا البارسيان غير لتوقاب هههههه
---
واشي هوا الفيش فاميليال هذا جامي خرجتو هههههههه
واش ماعندهمش لوراقي ولا ماهمش يخرجو فيهم ؟؟؟
مرحبا بيك فباتنة عندي معريفة في النقامي برك وشهادات الزواج هههه
ديجا غدوة نروح نضيع شوي وقت نخرج نقامي 2012 مرحبا بيك ونفريولك كلش ههههه​

هههه ايه التوقاب داير حالة
...
الفيش فاميليال زعمة اسمي وفيها من لورا اسماء ولادي لي ما عنديش خخخخ
نوغمالمو فيش آنديفيديال تكفي مي نون يحبو لورق في الدزاير وما فهمتش علاش
ماكانش ... زعمة ورق ما يتقطعوش i-o: والله لا عجب ... تعرف يا سفيان المشكل أنو
أنا نوجد في الدوسيي هذا باش نخدم في لاميغي وبلاصتي راهي تسنى فيا مي لاميغي
بعد لي عكستني ههه ... أو يفرج ربي نخرجها معرفة وخلاص ... زعمة قلت نخلي
المعرفة كخيار أخيــر ... الله يعيشك كون نحصل نجي تم نديرها ... خخخ روح ضيع وقت
واش وراك خخخ ... مغسي عالمرور ... سلامو
​

 

[القطة الزهرية]

ههه شفتي ... خايفين تروحلهم لبلاصة وانا خايفة لا ما يرجعوش خخخ
أم توحشو وجودي هنا راني فاهمة عليهم هههه :sheer:
سلامو
​

هههه اسمعي ايا مكانش لكريدي معايا روحي لموضوعي لجديد لوجه ربي واااااااااع ردولي عليه هاتو شوي من نوركم ليه :sad::sad::sad:

 

[pixau_dz]

ana dfa3t m3ahom 100 000 w madakrounich f tbri7a lkhra !!

 

[الورد الأحمر]

حالياً الأعضاء النشيطين الذين يشاهدون هذا الموضوع : 15 (13 عضو و 2 ضيف) ‏NOUR_light, ‏. The Prince ., ‏AWDIESL, ‏BARCA232, ‏BRAHIM.BARçA211, ‏النورس+, ‏الخيزران, ‏القطة الزهرية, ‏اعيش راضية, ‏بنـ MaPa ـت+, ‏تاج الجزائر, ‏pixau_dz, ‏princess*dreams

الله يبارك أهلا بيكم نورتو الموضوع ... مرحبا بلي جا وجاب وأهلا بلي جا فارغ اليدين
^_^
​