منكلش البربوشة جيبولي مرقة باللحم

[dahbito]

السلام عليكم​

شفتي التمسخير نتاع لعباد​

مين الطبيب منع عليها الطعام لوكان دارت الواجب و شورت لدارها تتغدى ​

وعليكم السلام اهلا اختى
ههههه والله غير عندك الحق كون راحت دارت الريجيم في دارها ماشي عند الناس
شكرا على المرور​

 

[dahbito]

انا سمعت وحدة قاتلهم اعطوني ندي معايا لدار براكة بيت فلان ههههههههههه
ارواحي تسمعي​

انا مات عمي ربي يرحمو في رمضان روحت لدارنا وفطرت الله غالب تجيني حاجة كبيرة ناكل

وهي تتشرط وتزيد تقول طرف لحم ​

اهلا اختي
والله غير تسمعي العجب شفتي انتي من العائلة وجاتك بزار تفطري تما
وهوما لا حشمة لا حياء ربي يهدينا
شكرا على المرور​

 

[dahbito]

السلام عليكم

عظم الله أجركم حنونة
والله هاد الناس ما يحشمو ماوالوا
انا والله حتى وادا ما ناكلش الطعام نبلعها ونسكت
سبحان الله الناس حالتهم حالا وانا نزيد نتشرط
لوكان جيت في بلاصتك لوكان طرطقت =)
واما على القصرة والله حدث ولا حرج
ربي يهدينا يا رب

وينتا نوليو نحسو باخواتنا...عييت من هاد العباد

​

ربي يهدي ما خلق​

وشوكرن على الموضوع حنونة...تستاهلي تقييم​

وعليكم السلام
امين يارب شكراليك
كيما قلتي هنا دايما نتفهموا اوضاع الناس والناس متفهمش الله غالب
شكرا على المرور​

 

[simou11]

هههههههه
حتى في عزاء بابا شفت لي عمري ماشفتو
كوم معندناش خلاه اقارب انا و خويا لي درنا كلش
يا سيدي النساء تضحك نورمال
و يتشرطو على الماكلة
في ديارهم يوكلو كلش
مي عند الناس يظهر كلش منعوا عليهم الطبيب
انا هاداك النهار تعاركت مع جارتنا
قلتلها عينك توكلي روحي لدارك
انا قريب نطيح ندوخ و هما ولا علبالهم
مي والله ديسيديت
كان يزيد يموتلنا واحد والله ما نحط حاجة
فنجال قهوة و نطبق
نقعد نجري عليهم انا !
العبد حاصل في الموت و مش قادر يهز روحو و لوخر يتشرط عليه !
سلآآآآآامو
Miss Simou​

 

[Ice Queen]

اولا الله يرحم جدتك ويصبركم عليها
ثانيا هاد العادة راهي كاينة في الجزائر كامل الناس تروح تعزي وهوما يروحو يعمرو القرع وكروشهم برك حتى احترام الميت والعائلة تاعو ماكاش الله غالب الناس ولات ماتحشمش وجههم صحيحة
انا لوكان جيت في بلاصتك والله نبهدلها نقولها روحي لدارك وشرطي الناس راهي تموت ونتيا تحوسي على كرشك ياخي وجه المزيرية ياخي
وبالنسبة لاهل الشرق صح عندهم العقلية تاع الماكلة تكون كيما الفرح كيما الحزن
مرة عجوزة خالتي قبايلية جات لعندنا تعزي في موت وليد خالي مع العلم انو انا اصلي من الشرق تخلعت مسكينة قالتنا هادا صح موت انا راهو يبانلي عرس قالولها هاد هو الموت تاعنا نوكلو فيه

​

 

[دعاء الحق]

ربي يهدي ما خلق

 

[النورس]

عندك الحق أختي ذهبية الناس ولات متحشمش
الناس مفجوعة في جنازة و ناس جاية تشبع

مي هادو البشرية راهي تحلتلهم العين من التقاليد تعنا
نورمالمو جنازة يحطو قهوة كضيافة للمعزين و خلاص

مي هوما ولاو يقلبوها عرضات تقول راك في عرس
​

 

[FATIMA 19]

والله عندك الحق واش قلتي
أنا من الشرق وعلابالي بهاذي الطبيعة تلقايها عايمة في البلاد أكل
سبحان الله وين رايحين يفسدو في طبوعهم
نورمالمون هوما اللي يجيبو الماكلة ماشي أهل الميت
عادت الدنيا بالمقلوب ربي يهدي ماخلق

 

[homework]

مشكورة اختي على الفكرة الباهية
صح الشعب الجزائري ولى يستنى الولائم في العزاء والا الأعراس باش يشبع كرشوا ذورك ولينا نخسروا في الموت كي الاعراس ولوا يطيبوا الماكلة نتاع لعراس و يحطوا القاطو و حلوة الترك و غيرها
الناس تدي في الاجر والا تروح تاكول