اختلاف الهدرة في الدزاير مبين شكون الصح و شكون الغالط

[hiba14]

وهل هذه قاعدة تطبق على كل العاصميين؟​

لا يا اختي قلت هاد الطبع يكتر بزاف بزاف بارابور للولايات لخرين تم في العاصمة لكن بارتو كاين الاستتناءات

 

[خالدي]

شكرااااااااااا جزيلاااااااااااااااااااااا

 

[nina bonoise]

وعليكم السلام

شكرا اختي على الموضوع
انا تاني موالفين يضحكو على هدرتي ههه
يحبو يقرعجو برك ماش قصدهم يطيحو من قيمة اللهجة كاين كلمات ديفوا يضحكو حنا منقولوهمش ولايكونو يقصدو عندنا حاجة وعند وحايد خلاف حاجة
كيما حنا عندنا:
خلاه =خلاص
درك=ضروك
البشكير=منشفة اللي كي ندوشو نمسحو بيها ​

سمعتيني وكليتي وهدرتي ياراجل
هادي عندنا وعند لعنانبة
والولايات لوخرا كامل يكرهوها هه بصح حنا عندنا عادي​

يعني ديفوا حتى نضحك بصح ماش بقصد السخرية من اللهجات الاخرى لانو كاين كلمات يجيوني بيزار
تقبلي مروري​

صح ا شوشو نهدرو هك حنا
سورتو سمعتي و كليتي و هدرتي ا راجل
هما تجيهم كي شغل رانا قلبناه مؤنت ههه​

 

[السلطانة]

صح ا شوشو نهدرو هك حنا
سورتو سمعتي و كليتي و هدرتي ا راجل

هما تجيهم كي شغل رانا قلبناه مؤنت ههه​

هه ايه والله صح تجيهم بيزار هدرتنا خخخ
حتى النقمة تاعهم تجيني بيزار انا

 

[ماكانش]

ههههه
حنا نقولو ضرك ، ماشي درك
نقولو منشفة، وجماعة سطيف يقولو فوطة
نقولو خلاص، ونتوما خلاه، وسطايفية يقولو مرة ​

 

[nina bonoise]

هه ايه والله صح تجيهم بيزار هدرتنا خخخ
حتى النقمة تاعهم تجيني بيزار انا

و الله يا النقمة بيزار خلاه
حنا نقولوا اللقمة​

 

[nina bonoise]

ههههه

حنا نقولو ضرك ، ماشي درك
نقولو منشفة، وجماعة سطيف يقولو فوطة

نقولو خلاص، ونتوما خلاه، وسطايفية يقولو مرة ​

هههههههه
صح صح
مي خلاص تاعكم تجيني دقيلة في النطق
و ام كاين لي يقولو دروك = درك . ضرك​

 

[السلطانة]

و الله يا النقمة بيزار خلاه ​

حنا نقولوا اللقمة​

ايه اللقمة حتى حنا نقولوها
النقمة قمة التبيزير ​

بانتي غير قالمة وعنابة يقولو اللقمة ​

حتى سكيكدة ويقولو النقمة ​

 

[nina bonoise]

ايه اللقمة حتى حنا نقولوها

النقمة قمة التبيزير ​

بانتي غير قالمة وعنابة يقولو اللقمة ​

حتى سكيكدة ويقولو النقمة ​

بلاك غير حنا
النقمة هادي سمعتها فير في المنتدى
مكنتش عمبالي بيهم يقولو هك

 

[iman la brune]

انا تعجبني تاع العاصمة سيرتو كي يقولو بركا ما الطبع فيا

وتاني تاع العنابية والسكيكدية والتبسية

تجيني كللي راهم يغنيو هههه

وتاع بسكرة لما ينطقو الجيم

وتاع وهران مختلفة تماما تعجبني فيها واه شاولا

​

 

[ماكانش]

هههههههه

صح صح
مي خلاص تاعكم تجيني دقيلة في النطق

و ام كاين لي يقولو دروك = درك . ضرك​

ههههههه
حنا نقولو ضرك
جماعة الغرب ألي يقولو ضروك ...​

 

[أم راضية ~_]

السلام و عليكم
إييييه اختلاف اللهجات هادو يرجع لعدة عوامل مثلا اللي قراب من القبايل أخدين من القبايلية كلمات و اللي قراب للجنوب و لتونس و لمغرب تاني
و خلي الفرونسي اللي ما تخطيش و أكيد العربية اللي هي الأساس و زيديلها شوية تركية و اسبانية و بعض الاجتهادات من الأجداد .... إلخ
نلقاو روحنا عندنا لهجات مختلفة و متنوعة و كلها شآابة و حلوة
متلا بين العاصمة و البليدة كاين فرق و اختلاف في طريقة اللفظ و حتى في النغمة
يعني بين ماما وبابا كاين فرق في هدرتهم :shiny: :sheer:
وبالنسبة ليا نحب كل اللهجات و خااااصة لهجات الشرق
merci lik

 

[Jeune Sghir Mc]

السلام عليكم
لا يا اختي عادي جدا مع انني لا اكدب بعض اللهجات لا احبها لكن ما نزعقش عليهم خلاص اما اللهجة تاعي ما نحشمش بيها خلاص مع اني قعدت في العاصمة 4 سنين و ما نكدبش و بكل صراحة هاد الطبع تاع التمسخير على اللهجات قليل بزاف بزاف في الولايات االخرى و ما تزعفوش مني يا عاصميين هاد الطبع عندكم انتم

اسمحولنا على التدخل
حبيت نعلق على لافار تاع العاصميين
اختي ديري في بالك مليح مليح
بلي la plupart تاع ناس العاصمة
ماشي ناسها دوريجين
يعني الاغلبية هجرو من الوسط
مثلا وين نسكن انا البلاد فرغت بويسك بزاف ناس طلعو للعاصمة
مي وشنو تلقايهم ينكرو اصلهم ويتكبرو ويعايرو في اصلهم
حاشا الناس المأصلين
كاين ناس فالعاصمة الله يبارك

وهاذي ماشي غير هنا فالوسط
الشعب الجزائري كامل تخلط
مثلا انا عايش فالمدية وحياتي كاملة هنا وعقليتي تاع هنا
مي اصلي ماشي منا
وكامل نعرفو وقت العشرية السوداء وظروف بزاف خلاو ناس بزاف يهجرو لبلايص اخرين


ذوكا ولا لي يهدر اللغة العربية الي هي لغة القرآن شوي متخلف

​

 

[السلطانة]

اكتشفت انو معظم لي ردو تعجبهم لهجة الشرق
يزي علينا قوينالها
​

 

[hicham500]

السلام عليكم ورحمة الله

هذي ظاهرة غريبة عن المجتمع الجزائري المسلم
ظاهرة جاهلية بكل ما تحمله الكلمة من معنى ومن يعمل بها فعليه ان يراجع نفسه عاجلا لا آجلا

(... ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون ... ) صدق الله العظيم

الله تعالى ينهانا عن السخرية من الناس بصريح العبارة حتى ولو كان هؤلاء افضل منهم

ويحذرنا منها ويفرض التوبة عنها
نسأل الله ان يجنبنا ذلك ونعوذ به ان نكون من الجاهلين الظالمين ​

 

[nina bonoise]

اكتشفت انو معظم لي ردو تعجبهم لهجة الشرق

يزي علينا قوينالها ​

شفتي الكل تعجبهم اللهجة تاع الشرق :sheer:​

 

[وردة الروح]

الله غالب هذو ناس فارغين شغل ؟؟؟؟؟:shiny:
لو كان جاو فاهمين و واعيين ما يكونش عندهم الوقت باش يحكيو في هذا التوافه :cra_zy:
كما قال أحد الزملاء الناس الواعية طلعت للقمر و احنا نضحكوا على بعضانا ؟؟؟؟؟
ربي يهدي الجميع
و شكرا على الموضوع الجميل
جزاكي الله خيرا
​

 

[AWDIESL]

تبقى دائما قضية الجهوية مطروحة في أوساط الشعب الجزائري
.
.
.

​

 

[hiba14]

بلاك غير حنا
النقمة هادي سمعتها فير في المنتدى
مكنتش عمبالي بيهم يقولو هك

و احنا نقولو النكوة
و على الكوارط نقولو الكواعط
و دروك هي ضرك

 

[AnGeL*dZ]

كاين ناس بزاف يضحكو على اللهجات
وفي الصـح اي هدرــتنا كامل ماتشبهش للعربية الفصـحي ماعرف علاه يفوخو بهدرتهم
وبقاو اللخرين
هدرتنا مانحبهاش انا بزاف ^^خاطر خالوطة كبيرا
نسكنو زعما في الشرق عندنا كلمات زي ناس تلمسان وهدرات كيما ناس العاصمة
وكلمة زي ناس عنابة وكلمة زي لقسنطينية وكلمة من عند السطايفية وهدرا من الجيجيلية والقبايلية وهي ركبت ،اللي نفتخر فيها في لهجــتي تأنيث المذكر وتذكير المؤنث
​