علاه هاد الظلم

[ملكة الدلع]

السلام عليكم اعضاء اللمة
هادا اول موضوع لي معاكم و ان شاء الله تصبروني شويا قلبي راهو معمر
انا فتاة عادية نقرى و نخرج كل يوم كيما كامل البنات و نتعرض للمضايقات كيما كامل البنات و بصراحة كاين لي مقبولة عادي يعني تفوتها لكن في بعض الاحيان نتعرض لمضايقات تلعبلي على نفسيتي و نبقى قداه يوم و انا مقلقة منها و هي الالفاظ اللي يقصدو بيها كلام كبير يضر بكرامتك و شرفك علاه هاد الظلم في حق البنات لهاد الدرجة الناس ماتقدرش تميز بين المليح و القبيح بين اللي يمشي و ماراهو عايش حتى لواحد و الغاشي باغي ينطقو بالسيف .الهدرة هادي راهي كبيرة بزاااف و تضر بزاف .علابالي تقولولي ماديريش على الناس نتاع الطريق مي صعيبة بزاف واحد يتبلى عليك و يطيشلك هدرة ماشي مليحة و ماشي فيك و انت راكي خايطاتو وزيد ماكي عايشة حتى لواحد والمشكل ماتقدريش تردي عليه. علاه وصلنا لهاد المستوى من الاخلاق و الاحترام انعدم في وقتنا هادا .كيما راك تقيس في بنات الناس كاين اللي يجي يقيس اختك امك او اي واحدة قريبة عليك و عزيزة عليك.

انا مارانيش نجمع كاين اولاد الله يبارك يحترموك و كاين اخرين يا لطيف
انا مانسمح حتى لواحد قاسني في كلمة ماشي مليحة و هو ما يعرف حتى حاجة عليا يعني اي واحد تبلى عليا بكلمة نوكل عليه ربي
نتمنى تعطيوني رايكم و اسمحولي ماقدرتش نعبر مليح
شكرا شكرا شكرا

 

[ماكانش]

أهلا بيك ملكة
يعطيك الصحة على موضوعك الباهي
إن شاء اللخ رسالتك وصلت
ولكن باش ترتاحي مليح ديري في بالك بلي هذا هوا الواقع ألي وصلنا ليه وللأسف الشديد
أنا رجل وأحياننا نسمع كلام يقولوه للبنات بزااااااف
ولكن الله غالب هذا هو النيvو ألي وصلنالو
مالا ديري في بالك هكذا، ومادامك صافية راكي صافية قدام ربي وعبادو
يعطيك الصحة
وتستاهلي تقييم​

 

[nawal 88]

ياختي هذو لي لاخدمة لا زدمة الخدام جامي تلقايه شاد لحيوط ويكابتي في بنات الناس​

 

[ملكة الدلع]

شكرا على الردود و خاصة العضو ماكانش راك من باتنة على ما اظن و راك تشوف و تعيش في الحالة على كل حال ربي يستر و خلاص
وشكراااااااااا بزاف على التقييم

 

[أبو هريرة موسى المسيلي]

اختي الفاضل لاتحزني فاان الله يفرج لكي كربتك بااذن الله
+
اولا ذرراري هذوك لضايقوك المصطلح العربي يقال عنهم الذئاب والذئاب دائما مايترصدون بالضحية البارز يعني ليلفت النظر اختي ملكة هل انت متحجب "حجاب فضفاض ليس له الوان اي لايجلب النظر " + اي يعني بالغة اخرى لاتلبسين شيئ يجلب النظر من لباس ونعال فاان التزمتي بهذا فااعلمي ان الله يحميك







http://www.google.com/url?sa=t&rct=...OefTie4vy_C8GC22Q&sig2=TbLe97q0ziZojt71kqo9rw

 

[ماكانش]

شكرا على الردود و خاصة العضو ماكانش راك من باتنة على ما اظن و راك تشوف و تعيش في الحالة على كل حال ربي يستر و خلاص
وشكراااااااااا بزاف على التقييم

اييييييييييييه علابالي وراني نسمع ونشوف
بصح يعجبوني لبنات كي مايعيشولهمش ويحقروهم

 

[أبو هريرة موسى المسيلي]

+
ايضا اختي نقطة اخرى وهي رفيقات السؤ احذريهم ماذبيك تبعديهم لان مينفعك حتى واحد في هذي الدنيا غير سنن الرسول
{ يوم يعض الظالم على يديه يقول ياليتني اتخذت مع الرسول سبيلاً ياويلتى ليتني لم اتخذ فلاناً خليلاً }

 

[adel-mz]

سلام
اختي والله في هدا الوقت كترو الصعاليك ني حشمة ني احترام ني والو همهم الوحيد البلوات على الناس وخاصة البنات ونزيدك والله ناس الله يهديهم يتبلاو حتى اشخاص عقال ماشيين طريقهم ميعرف كيفاش يطيح في هادو العلوج ، وانت وكلي ربي عليهم وان شاء الله يهنيك ربي من وجوه الشر هادو​

 

[عبد الله خليلي]

هذا هو حال المتجمع والفراغ وعدم السكن والعمل

هناك حل السفر الى باقي انحاء الوطن
تندوف ادرار تمنرست اي الصحراء

لما تقول جمي نسمح واحد قاسني بكلمة ماشيء مليحة

المسامحة افضل شيء ان الله غفور رحيم
لا تتقلقي اختي فالله موجود اصبري​

 

[homework]

اختي الكريمة مادمتي واثقة في روحك و طايعة ربي و تمشي في طريق الحقو الدين مايهمك والوا
القافلة تسير و الكلاب تنبحوا وديري روحك كلي ماسمعتيش وخلاص لأن لوكان نحاولوا ندافعوا على نفسنا والا تردي الهدرة تحصلي وتولي في مشكل كبير
امالا وكلي ربي و امشي في طريقك و اسعي باش ديري الحاجة لي قاصدتها و خلاص

 

[Ayoub Napoli]

نقولك هاد الحكاية كاثرال غير عندنا هنا في باتنة

هاجوا علينا الناس تع الدواور عيينا فرقوا المليح من الحاير


ليسونسيال ماديريش عليهم انا نقولك ليجان هادوا اللي يهدروا هدرة كيما هادي والله العظيم ماو قادر يدير وحدة يمشي معاها ولا وحدة تحكي معاه على أساس أنو هو إنسان

المهم ماديريش عليهم...​

 

[أبو هريرة موسى المسيلي]

تتعراو وتزيرو وتقولو ولاد الحرام
المشكلة فيكم

سما راك تقل بلي كي تعقب عليكم طفلة متبرج تتلاح فيه وتقلها كلامات خاطيين

المشكل ان اغلب شباب الجزائري ناقص وازع ديني في تسعينات كان دخان "قارو" يتكيفوه في خلاء في مساحة مايشوفك حتى واحد ضرك مفماش حشما مفماش الخوف من ربي مسامي ربي وعبادوا يشرك يضرب الكيف ومعلابلو بحتى واحد

 

[دروب الرحمة]

كاشما شفتي وحده لابسه جلباب ولا حجاب شرعي بمواصفاتو الكامله طيحولها الكلام؟؟؟
الحديث قياس
مارسي عليك​

 

[nawal 88]

سما راك تقل بلي كي تعقب عليكم طفلة متبرج تتلاح فيه وتقلها كلامات خاطيين

المشكل ان اغلب شباب الجزائري ناقص وازع ديني في تسعينات كان دخان "قارو" يتكيفوه في خلاء في مساحة مايشوفك حتى واحد ضرك مفماش حشما مفماش الخوف من ربي مسامي ربي وعبادوا يشرك يضرب الكيف ومعلابلو بحتى واحد

أوافقك الرأي أخي
ولكن حتى لبنات راهم يلبسو في ألبسة والله أنا طفلة نحشم نخزر فيهم

 

[أبو هريرة موسى المسيلي]

أوافقك الرأي أخي
ولكن حتى لبنات راهم يلبسو في ألبسة والله أنا طفلة نحشم نخزر فيهم

لان لاتعلم باان جزاء كل من يخالف امر الله هو " جهنم " والعياذ بالله

 

[hiba14]

شوفي اختي هو كي يقولك كلمة طايحة معناها راكي هكاك و لا يقولك كلمة مليحة معناها راكي هكاك رانا كبار و كل واحد و علابالو في روحو مالا ما تقيمي حتى واحد لاخاطر كون جا راجل و عندو شا يلهيه كون راه لها بصح مينو ماشي راجل يقعد يعس غي في الشيرات و علابالك ياك شكون اللي خدمتو العسة الكلب حاشاك و حاشا ربي خلقو بنادم و هو رجع روحو بسيف كلب السماح على هاد اللفظ بصح هادا هو الصح
و بالنسبة للخوة اللي قالك راكم تتعراو حتى دوك ماشي اللي رانا نهدرو عليهم لاخاطر غي الكلبة اللي تعري روحها و هنا رانا على الكلاب اللي يقيسو الشيرات ماشي الرجال و لا الكلبات فهمتوني و السماح على الالفاظ قلبي خرج راني نصوني وحدي لاخاطر عيينا ما نفهمو و ما بغاوش يفهمو
و انت يا اختي ما تعمريش راسك راه نباح برك و السماح ادا طولت

 

[لا أبالي بكم]

السلام عليكم
الموضوع شباب بزاف يحكي على هموم الشابات الي يعانيو من معاكسة الشباب هي في الحقيقة كل بنت علبالها واش تسوي علبالها هل هي بنت عايلة ولا لا .
ننصح الاخت صاحبت الموضوع نقولها عاودي راجعني نفسك ربما الخطئ فيك ختي .
ونقول ثاني للبنات اتوقو الله في شبابنا راكم تتحرشو بيهم في كل وقت وتتبلاوهم .الشاب مسكين قاعد في امان الله تمر عليه بنت والله اخوتي الكرام منيش عارف هل راهي لبسة و لا لا .
بتصرفكم يالبنات و عدم احترامكم لانفسكم من حيث الهندام راح يتبلاو عليكم الشباب الطائش و و.... وراكم تقراو في الجرائد .
- اختي الشابة ديري قيمة لنفسك المجتمع راح يقيمك ويحتارمك
​

نقولك هاد الحكاية كاثرال غير عندنا هنا في باتنة

هاجوا علينا الناس تع الدواور عيينا فرقوا المليح من الحاير


ليسونسيال ماديريش عليهم انا نقولك ليجان هادوا اللي يهدروا هدرة كيما هادي والله العظيم ماو قادر يدير وحدة يمشي معاها ولا وحدة تحكي معاه على أساس أنو هو إنسان

المهم ماديريش عليهم...​

والله يا اخي النابولي امرك عجيب تتكلم عن اصحاب الدواوين وتتناسة ان باتنة هي في الاصل دوار ولا يوجد فيها انسان واحد لا ينتمي الي دوار او عرش ليس له دوار و الشيء الامر انك كل متردية ونطيحة منكم ياأصحاب المدينة تنسبونها الي اصحاب الدوار .
كفي ياأخي الكريم تزمتا وتكبرا على ابناء الريف ابناء الكرم والرجلة و النيف وفي اي مكان يوجد هناك انسان صالح وانسان غير صالح كما نقول (وكل شات تتعلق من رجلها )
و إذا كانو اصحاب الدواوير هاجواا عليكم كما تقول فعلم انهم قد تعلمو هذه الامور من اصحاب المدن .



شكرا لك اخي الكريم وتقبل مداخلتي بصدر رحب
السلام عليكم
​

 

[اعيش راضية]

السلام عليكم
يا اختي المشكل تاعك راهي تعاني منه كل فتاة مثلك متخلقة و تخاف ربي و انا مثلك نوكل عليهم الله
هاد النوع من الصبيان و ما نقولهومش رجال لانها كلمة ماشي من حقهم خلطوا الزين مع الشين و داروونا قاع كيف كيف اما نقولك حاجة يجي نهار يندموا
حبيبتي ديري كيفي خدمي لربي و اللي جرحك بكلمة وكلي عليه ربي و مدامك نتي صافية ما ديري على حتى واحد
سلام​

 

[ghali17]

سوتري روحك مكانش لي يقدملك

 

[أبو هريرة موسى المسيلي]

السلام عليكم

الموضوع شباب بزاف يحكي على هموم الشابات الي يعانيو من معاكسة الشباب هي في الحقيقة كل بنت علبالها واش تسوي علبالها هل هي بنت عايلة ولا لا .
ننصح الاخت صاحبت الموضوع نقولها عاودي راجعني نفسك ربما الخطئ فيك ختي .
ونقول ثاني للبنات اتوقو الله في شبابنا راكم تتحرشو بيهم في كل وقت وتتبلاوهم .الشاب مسكين قاعد في امان الله تمر عليه بنت والله اخوتي الكرام منيش عارف هل راهي لبسة و لا لا .
بتصرفكم يالبنات و عدم احترامكم لانفسكم من حيث الهندام راح يتبلاو عليكم الشباب الطائش و و.... وراكم تقراو في الجرائد .
- اختي الشابة ديري قيمة لنفسك المجتمع راح يقيمك ويحتارمك ​

والله يا اخي النابولي امرك عجيب تتكلم عن اصحاب الدواوين وتتناسة ان باتنة هي في الاصل دوار ولا يوجد فيها انسان واحد لا ينتمي الي دوار او عرش ليس له دوار و الشيء الامر انك كل متردية ونطيحة منكم ياأصحاب المدينة تنسبونها الي اصحاب الدوار .
كفي ياأخي الكريم تزمتا وتكبرا على ابناء الريف ابناء الكرم والرجلة و النيف وفي اي مكان يوجد هناك انسان صالح وانسان غير صالح كما نقول (وكل شات تتعلق من رجلها )
و إذا كانو اصحاب الدواوير هاجواا عليكم كما تقول فعلم انهم قد تعلمو هذه الامور من اصحاب المدن .​

شكرا لك اخي الكريم وتقبل مداخلتي بصدر رحب
السلام عليكم ​

لااوفقك الراي يااخي نت كشما شفت كما هذو الشباب ينوض صباح يقومنها "يدير الجال " والريحة والحالات باش يشوف ذاك الطفلة برك ويتحرش بيه والله عيب ​

كن جاتلوا امه تنوضوا صباح تقولوا روح جيب مصروف لدار يقولك عيان راني منيش راقد كاين منها ولا لا
+
مهما تكون المرأة متبرج لازم يكون الرجل ثاني يغض البصر لان الرسول الله صلى الله عليه سلم امرنا بغض البصر + هي ملي لبست حويجها دات اثم ​

+
شوف هذا الرجل لصح يخاف ربي​

http://www.youtube.com/watch?v=g-j2mvxdq8q