فقدت عدريتي

[الورد الأحمر]

17 سنة راكي قاصر اختي
تشكي بيه تباصيه نوغمال ... قلتي اغتصبك ؟
يعني رغما عنك مالا ما تخافي لا من صور لا
من أي شيء آخر ... خلي يتزوج في الحبــس
قولي لماماك ... هذي الغلطة تاع لبنات كي
يسكتو الراجل يروح يتزوج وهي تبقى تخبي
في لفضيحـة ... الله لا يربحو
​

 

[أمازيغي]

لا حول ولا قوة إلا بالله.
آسف ولكن يداكي أوكتا وفوكي نفخ. وهذا هو الجزاء من جنس العمل.
أسرعي بالتّوبة لله واعلمي أن ما أصابك ما كان ليخطئك.
واستغلي ما بقي لك من حياة في التّقرب إلى الله وإني سائله أن يعافينا والمسلمين ممّا أصابك ويتقبلك في التّوابين.
وما دام أننا في شرعة لا تقيم حدود الله بل تحرابها وتنشر الفساد عمدا.....شرعة غاب....فارفعي على هذا الذئب دعوى اعتداء على قاصر وتحريض على الفسق وتصوير دون علم. وأنت وشطارة المحامي.
أما في ما يخص والديك فكما تدين تدان.
الحمد لله الذي عافانا مما ابتلاكم وجعلنا مسلمين.

 

[آمِيْرَتُه]

17 سنة راكي قاصر اختي
تشكي بيه تباصيه نوغمال ... قلتي اغتصبك ؟
يعني رغما عنك مالا ما تخافي لا من صور لا
من أي شيء آخر ... خلي يتزوج في الحبــس
قولي لماماك ... هذي الغلطة تاع لبنات كي
يسكتو الراجل يروح يتزوج وهي تبقى تخبي
في لفضيحـة ... الله لا يربحو
​

عندك الحق في هذي لازم متسكتش على حقها

 

[AnGeL*dZ]

ربي يسترك أختي ويهديك ويغفرلك
تقربي لربي
ومدام كيما هدرتي احكي لأمك قبل ماتزيد تكبر لحكايـة
.....................
​

 

[صفـاء و نقـاء]

انا حائررررررررررررررة ماعرفتش واش ندير اي شيئ الا اهلي اخاف والله بابا واعر يضربني ويحبسني من القراية

شوفي أختى توقعى أي شيئ

أنتى معندكش حل أخر غير تخبري عائلتك

وبما أن ماماك مريضة بالضغط ربي يشفيها شوفي واحد من العائلة الكبيرة

سوى عمتك ولا خالتك ولاعمك المهم واحد ولا واحدة متفهمة معاها باه توقف معاك وبلا مايلحق الخبر لباباك

ونصيحة برك تستري على موضوعك يعنى متحكيش لصحاباتك

وانتى أولا لازم تزوري طبيبة نسائية حتى تتأكدى اذا كنتى فاقدة عذريتك ولا لالا

وفي النهاية لازم هذا الشخص يتعاقب قبل فوات الأوان خاصة أنه عندو أدلة بزاف عليك مثل الصور وأشرطة الفيديو

وربي يكون في عونك ويفرج همك

وحنا مانقدرو نديرو لك والو غير الدعاء لك

​

 

[عمار صادق]

ينقل إلى: منتدى الإستشارات الخاصة [ الأخصائي يجيب ]​

 

[nesrine17]

مشكورين

 

[هداية الروح]

ربي معاك الاغلبية نصحوك انك تحكي لامك ولا زم تكونى مستعدة لاى ردة فعل
مهما كانت

 

[منايا الجنة]

اختي انتي روحي قولي ليماك واش صرالك و بلي عندو فيديو راهو يهدد فيك بيه ولازم تورحي للطبيبة على الاقل جيبي دليل بلي راكي مغتصبة
كاينة واحدة صرالها تقريبا كيما انت باباها بوليسي راح لهادك السيد قالو يا تتزوج بيها يا تدخل للحبس والسيد ماكان عندو الحل غير زوجها و هوما صغار مالقا واش راح يدير
وربي يكون في عونك اختي

 

[homework]

ربي يسترنا بستروا
اختي انت غلطي ولازم تصحي الغلطة نتاعك مادام جديدة مع الوقت تقدام يقدر يزليك فيها عادي خبري ماماك تديك لطبيبة نساء و خرجي شهادة واذا صدق انكي غير عذراء روحي لطبيب الشرعي وخرجي شهادة وروحي للمحكمة و قيدي شكوى ضد هذا الشخص مادام غلطي لازم تتشجعي ودافعي على نفسك خير ما تبقي وحدك تتعذبي ربي يغفرلنا اخطأنا وراكي صغيرة واش داك لللأشخاص لكبار

 

[صفية الروح]

ااااااااااااه ما اقرا واسمع
غلطة كبيرة بزاف على عمرك اختي
عاجزة عن الكلام الله يكون بعونك وبعون اهلك على هذا العار
لا تلومي هذا الشخص ولومي نفسك التي اوقعتكي في الهلاك
يااااااااااارب استرنا
​

 

[حكاية احاسيس]

مانكذبش عليك مي مازالت في الشوك كون نأنبك راني نزيد عليك و انت راكي جيتي طالبة العون
و الله مازلت مخلوعة راكي عرفت الدرس لكن بعد واش بعدما فقدتي اعز ما تملكين
يالاخت انا نقولك روخي خبري يماك اليوم قبل غدوا و اللي راح يصير يصير يعني انت فكرتي في الفضيحة بعدما زبلتيها وانسيت كي كنت رايحة اديريها كلمة وسمها الفضيحة
المهم لازم تروحي تقولي ليماك و ازم تقوليلوا بلي انت راكي رايحة تفضحيه ناس كيف هذا اللي ما يتسماش لازم يتعاقبوا على فعايلهم اصلا البنت اللي راه رايح يزوجها ما يستهلهاش لأنها شريفة عليه بزاف
و هو كي قالك تقضحيني نفضحك ما يديرهاش parcequeراه غير يخوف فيك و هو اصلا كون يفضحك راه يفضح في روحوا تاني
لا حول ولا قوة الا بالله ادعي ربي يغفرلك

 

[miriama]

لا ادري لماذا ارتابني الشك في موضوعك
ولم اصدقك
الله سبحانه وتعالى يأمرنا بالستر
كيف لك ان تفضحي نفسك؟؟
ومادام قلت احبه وعندي فيديوهات وصور معه
فهو لم يغتصبك بل انت من سلمت له نفسك
17 سنة = حب وصور وفيديوهات وفقدان للعذرية
سؤال حيرني : في اي سن بدأت هذه العلاقة ؟؟
الله يهديك ويهدينا

(آسفة )​

 

[الأفق الجميل]

اختي نصيحة ليك قبل كل شيئ هيئي الوالدة لتقبل الامر
متخلعيهاش من الاول , هكذا تجنبي روحك واهلك الصدمة
الحاجة الثانية بلغوا الشرطة والا يكون يكون تفاهم على زواج وطلاق
لحفظ ما تبقى لك و هكدا مرة الجاية تكون مسالة الزواج سهلة بالنسبة ليك
اما التستر على الامر يضرك بزاف اختي
انت صارحي اهلك ويتفاهموا مع هذ الحيوان على زواج وطلاق
واذا رفض بلغوا الشرطة السجن احسنه من ان يبقى حر
قلة الرجولة هي من تدفع شخص لفعل هذا
وقلة حياء هي من تدفع البنت لفعل هذا
انا هنا لا اعاتبك بل اعاتب مجتمع كامل
ربي يفرج همك اختي مي تحلي بالشجاعة
وديري شا قتلك
ربي يوفقك في حياتك دنيا متكملش هنا كل واح كاتبلوا ربي حاجة مليحة
وحاجة مشي مليحة اقبلي بلي تجي من عند الله

 

[ندى الورود]

أولا اختي يبدو انكي انتي من في الصورة الرمزية انصحكي بنزعها
انتي تشهرين بنفسك اكثر وتعرضين نفسكي للفضايح
ماذا لو تعرف احدهم على صورتكي ممن يعرفكي وانتشرت قصتكي بين الناس
ستكون صدمة والديكي اكبر
قلتي بانه اغتصبكي طيب اختي اسمحلي لي انا احملكي كل المسؤولية لماذا سمحتي لنفسكي بالاختلاء معه
وجودكي معه في مكان بعيد عن الناس هو من جعله يفعل ذلك قال رسول الله صلى الله عليه وسلم " ما خلا رجل بامرأة إلا كان الشيطانُ ثالثَهما
لا اريد ان اكثر من الكلام قلتي القصة حدثت منذ شهر وانه خطب اخرى
يجب ان تتحركي بسرعة قبل ان يتزوج بها اخبري والديكي وهما من يستطيعا اجبار هذا الشخص بالزواج بكي
وتاخركي في اخبار والديكي ليس في صالحكي


​

 

[souma z]

يا اختي حالتك حالة بنات بزاف داروا الثقة قي الي مايستاهلهاش مانيش رايحة نلومك لانه كل واحد قادر يغلط malgréالغلطة نتاعك كبيرة بزاف .قولي ليماك والله يعينك ويعينها وتوبي لربي هو اللي قادر يحفظك من الجاي puisque راكي تعرفي صلاحك مليح.......

 

[الورد الأحمر]

سلام بداية اشكر كل من رد ولو برد بسيط ويا بنات نصيحة مني ماديرو الامان في حتى واحد وماجاوبتش على رسائلكم لاني لا املك صلحية ارسال رسالة قصتي واحد مايقدر يحس بيها خاصة كل مانجي نرقد نموت الف موت باش نرقد غاب عليا كل شيئ ولحد الان مالقيتش حل ماما مريضة الضغط وخايفة كاش مايصرالها انا رخيصة غبية وعلااااااااااااش درت الامان وتقت فيه وهاد الايام راني نحس بزاف بدوخة ساعات نقول كي ماكليتش ونحب نرقد لساعات كثيرة مالقيتش مع من نحكي صحابات يروحو يقولو السر وتنتشر الهدرة علابالكم المجتمع لا يرحم وانا الوحيدة عند اهلي ليس عندي اخوة عاونوني تعيشو حابة نروح عند طبيبة نسائية بصح ماعلاباليش ادا تقبلني وحدي والا مع شخص راشد معايا

معلومــة :
اذا رحتي عند طبيبة نسائية رايحة تبلغ بيك الشـرطة ديريها هذي في
بالك وعاوديها ... أي وحدة مش عذراء ومش متزوجة يبلغو بيها
وتتعامل معاها الــشرطة يعني لازم تقولــي لماماك ...
سؤال :
انتي تحوسي تتستري ولا تتفضحـي ؟
أنا ما فهمتش حاجة واسمحيلي كان غلطت فيك مي صراحة لوكان
أنا صراتلي حاجة كيما هذي أولا ندير الموضوع بالعضوية المخفية
sos
+ محال نحط الصورة تاعي ونزيد نفضح روحي بيها ونديرها في
التوقيع مكبرة باش الكل يعرفوني بلي أنا فلانـة بنت فــلان
...
اسمحيلي مي نشوف فيك مش حايبة تتستــري وهنا ما دخلتش
لحكاية في راسـي وربي يهديك اخــتي نحير في الناس لي ربي
يسترهم وهوما يفضحو رواحهم ... كنتي متخفية باسم العـضوية
ودرك توريلنا في صورتك تديري في الاشهار ؟ وتحطي في السكايب
تاعك للغــاشي الكل ولي في قلبو مرض راح يجي ليك راكي
ساهلة اذا كنت صح مغتصبة والكل راح يفكرو فيك بنفس
الطريقــة ...
عذرا أظن أن الحكاية ليست صحــيحـة ...
ســـلآمي
​

 

[الورد الأحمر]

عذرا ســلامي
​

 

[white heart87]

السلام عليكم
أختي أنا حقا أسفة لما حصل لك...بصح هاذا مش انسان وحيوان ومافيهش ذرة من الرجولة..
ننصحك خبري كاش وحدة من العائلة خالتك ولا عمتك..وهي تعرف كيفاه تخبر أمك..وتقدري تشكي بيه لأنك قاصر
وخبري الشرطة بلي راه قام بتهديدك بالصور وهما يعرفو كيفاه يديرو معاه باه مايفضحكش

بصح اسمحيلي نلومك انت ايضا لأنك انجرفت وراء عواطفك...وقدمتيلو أغلى مافي المرأة على طبق من ذهب
راني نقولك هاك برك باه ماتزيديش تغلطي وباه البنات يدو العبرة
ربي يوفقك ان شاء الله ويغفرلك ويغفرلنا أجمعين​

 

[*Reem24*]

لا حول ولا قوة الا بالله

علابالي اختي اني متاخرة شوية في الرد تاعي على موضوعك
الحقيقة حسيت بيك اختي وبمصيبتك

انا حبيت ننصحك واش ديري اذا كان مازلتي ماحكيتيش لماماك
اختي مادام قلتي ماماك عندها الضغط انا ننصحك اياكي واياكي تقوليلها لانو لا قدر الله من تولي في مصيبة وحدة يوليو مصيبتين لهذا اختي انا ننصحك تقولي لانسان كبير من العايلة تاعك حبذا لو تكون عمتك ولا خالتك ولا اي واحد من لافامي المهم تكوني ثايقة فيها وعمبالك بللي تساعك وماتخبرش ماماك,انتي روحي معاها لطبيبة نسائية باش تحكيلها وهيا تتاكد انو فقدتي عذريتك صح ولا لا ربما لا المهم انتي تاكدي قبل ماتكبار القصة وتولي في مشكل اكبر انتي في غنى عنه

تاني حاجه انتي حاولي تلقاي حل ليك ماشي الهربة من الدار لانو اكي تزيدي الطين بلة اكي تزيدي تعقديها مالا ماتسكتيش على حقك لانو انسان كيما هادا ماعندو مايديرلك ومادام هددك كون تفضحيه ينشر صورك باين بللي خاف انو تفضحييييييه مالا خلي الحكاية تكون في صالحك ماش ضدك وافضحيه واكيد راح يدخل الحبس لانك انتي قاصررررر 17 سنة وتاني ماراحش يتزوج بالبنت هادي لانو واحد مايقبل بنتو تتزوج من زاني

اسمحيلي راني طولت
المهم ربي يكون في عووووونك