الوا.......راكم في الدار رانا جايين عندكم

[صفـاء و نقـاء]

والله عندك الحق خيتو

هذي هي عقلية الجزائري ومشكيتش يبدلها

واش راح يدير الواحد

موضوعك هايل بزاف

ربي يوفقك وتحياتى​

 

[zahira92]

كي وليتي هاك كل يوم راني عندك :like_1:
ههههه نتمسخر برك...انا راي من رايك صح لازم تكون هادي الثقافة عندنا خاطر والله عيب + تقييم:re_gards:
​

 

[شوشونة]

عنذك الحق
​

 

[Ice Queen]

والله عندك الحق
احنا تصرالنا بزاف الضياف ما يجوش عندنا وكي يجيو يجيو على غفلة والله تحيري واش تديري معاهم
هي نورمالمو كل واحد يسقسي قبل ما يروح عند الناس بالاك مايكونوش ولا عندهم ظرف ما يقدروش يستقبلو الضياف كل واحد والظروف تاعو والسؤال ماشي عيب
​

 

[samora20]

نشكرك على الموضوع عندك الحق اختي المشكل يجو قاع مع بعض وزيد على غفلة تاني

 

[dahbito]

شكرا على الموضوع

هههههههه حنا نحبو المفاجئة
شكرا اختي على الموضوع لكن هدي عقليةdz
على هدا لازم الواحد يكون كل وقت متهيأ لضياف على خاطر ماعندك معامن تهدر​

اهلا بيك
بصح مفاجاة من مفاجاة يا اختي
شكرا على المرور

 

[dahbito]

وعليكم السلام

راني معاك
لازم يسقسيو قبل ما يجو
الحمد لله كلش تطور كاين الفيكس البورطابل غير عيط برك هههه
مرسي ختي على الموضوع ​

اهلا اختي
ايه والله غير عندك الحق شكرا على المرور

 

[dahbito]

أهلا بيك ذهبية​

والله مانعرف شكون قبل الموضوع
جيت لقيتو ههه
لي رجعة نشارك

تعبان بزااااااااف​

وبيك سفيان
راني نسنى فيك

 

[الورد الأحمر]

الحق وربي نكره الضياف ولا بالأحرى نخيرهم
كاين نحبهم وكاين نكرههم ... كون نصيب دارنا ديما فارغة
والحق ديما فارغة والحمد لله ... نكره الحس ولماعن لي نغسلهم
والتسربانية والفوضى هذيك خاصة الضياف لي بولادهم نرجع نخدم
عليهم بوابة ... البيبان الكل نقفلهم ونخبي المفتاح تاعهم نخليلهم حاشاك
التوالات الدوش والبيت لي قاعدين فيها يضيفو وباقي الشي الكل مقفول
ما نحبش التروان ولعفيس والدري تجري في الكولواغ والندابات ... وكيما
قلتي يجيو من فوقها بلا يهدرو حتى تلقى ديك القافلة في وجهك بهذوك الأكراد
يرونولك الدنيا ... اوموان العبد كي يخبروه يستعد نفسيا للعاصفة لي جاية
عندي خالي عندو 3 بنات نكره كي يجينا كون نصيبو يتلف برك علينا كي نسمعو
بيه جاي نقولو التسونامي راه جاي يا ربي لكريم ما يخليو والو دوك لبنات تقول
هجوج ومجوج ولقاو الخرجة من عندنا يطبو على كلش وحاجة ما تبقى في لبلاصة
نولي خصني نبكي ... بالاك انا لي موالفة على الكالم المهم منين يجينا ضيف راني
في بيتي قافلة الباب بالمفتاح مع ميكرويا وهذا ماكان ... نكككككككره الضياف
ســـــلامي
​

 

[prncess fifi]

عندك الحق في هدي احنا كانت يمة تقولنا لوكان ايجي ضيف ويلقى الدار ماشي مليحة تعرفو ا واش يصرالكم
كنا حنا اربعة بنات كل واحدة تحكم حاجة ماتجي تلحق 12 يكون كل شيء في مكانو
ودوك ملي راني في كندا واحد ما يجيش عندي حتى نعرضهم والضياف ما تشوفيهمش اي نهار لازم بالويكاند
بصح والله غير سماطة خطرات نضيق خاطري مانلقى ماندير ماكن مع من نقسر​

 

[OUM RYM]

السلام عليكم بارك اللله فيكي اختي موضوع مميز
والله الضياف تاع دوك مادابيهم كي يلحقو لوكان يزدمو عليك بلا مايدقدقو هوما اللي يفتحو البا باش يقبضو عليك متلبسة بواش راكي تديري لوكان تطولي عليهم غير شوية قيس ماتخبي حاجة ماتحبيش اي واحد يشوفها او ترمي عليك كاش حاجة اذا كنت تلبسي ملابس لاتصلح لاستقبال الضياف تلاحظين نظرات اللوم والعتاب وممكن تتلقين بعض الرسائل المشفرة كمحاولة للاستجواب عن سر التاخير وفي النهاية قد يطلبون منكي الدوبل تاع ال****** باش المرة الجاية مايديرونجوكش(زعما يخممو عليك)
والكارثة العظمى هادوك اللي يجيبو اولادهم ويخليوهم يعيثون فسادا في الارض دون ادنى مجهود لثنيهم عن عمليات المداهمة والتخريب تقول داوهم في نزهة للماناج باش يديفوليو والا كيفاش نسموها خرجة اذا اذا الدراري مانحاوش على خاطرهم

 

[عصام ابو عماد]

استثناؤكي الاخير كان رائعا
شكرا
اما عن الضيوف راهي ولات عادي انا راني فرحان كي راهم المطاعم موجودين في الحال كلش يكون واجد اما عن بكري كانت صعيبة عندها علاقة بالقضيان
اما عن الحالة نتاع الدار راني هاز فكرة عن الوالدة الله يحفظها تقولنا نوضو ممكن اليوم يجيونا ضياف
شكرا لازم نوجدو رواحنا

 

[زئبق]

وصلة الرسالة دك واحد ميزيد ايجي ليكم قبل ميعيتلكم
عندك الحق لازم واحد يعيت قبل ميروح يزور حتى لو كان يكون رايح لدارهم

 

[Jeune Sghir Mc]

ناس تحب ادير الزكارة
تبا
هكا ولوكان ماعنديش الـpـتي فور فالدار بواش نقهويهم
يعيو صح
ونورمالمو من الأداب الاستئذان


صحيتووو
​

 

[sql]

نورمالمو ما فيها والو هذي / كي يجي الزائر او الضيف بدون موعد هكذا باش تحلا شوية

بصح علاه الشعب نتاعنا ميرفدش البورطابل ويسقسي يا سيدي

ناس بكير كانو عايشين بالبورتابل ؟

ماشي عقلية انو لازم الضيف يتصل باش يروح لعند واحد

يملا تاني كي يكون واحد مريض واحبين يروح ليه لدراهم يزروه لازم يكلموه باش يستيكي شوية !


​

 

[أمير الجمال]

الضيف لا طوّل 3 ساعات
​

 

[*/نهال/*]

عندك الحق حنا خالتي نهار من العطلة رحنا لباتنة عيطتلي ختي قاتلنا راهي جات خالتي و راحت

 

[مابقاش بزاف.Dz]

مالين هكدا توجور يجوا بلا ما يقولوا حتى حاجة
ربي يهدي العباد تاعنا
صحيتي عى الموضوع ختيتو

 

[أم عبد الله]

السلام عليكم

ههههههه ضياف ربي :shiny:ندخل ولا تخليني عند الباب i-o:هههه
حليتي الباب راني دخلت انجاوب :shay:ههه




فكرتيني في جماعة جات تخطب:scared: صباح ربي كي قالتلهم ماما علاه ماقلتوش راكم جايين قالو حبيناها سوربريز :cra_zy:ايا من الزهر الطفلة لي جاو ليها ماكنتش في الدار :shay:
والله ماعندك ماتفهمي يلزم اتوسعي خاطرك برك

سلامي واحترامي