سلام لكل لي عرفني و لي معرفنيش

[مهديmido]

اولا حبيت انقولكم السلام عليكم و رحمة الله
تواحشتكم يا ناس اللمة واحد واحد و وحدة وحدة
انا مهديmido
منعرف انسيتوني ولا لا
عندي بزانف بكونيكتيتش وحد عامين ..حتى كي انكونكتي ندخل شوية و نحرج
بصح درك اللحمد لله راني هناااااااااااااااا
اولا حاجة حبيت انسقسيكم ...؟
كان هنا منتدى ايوقولولو
* هنا فرغ واش كاين في قلبك *
ودرك مالقيتوش وين هووو ؟؟؟؟؟؟؟؟؟؟؟
حبيت انفرغ قلبي وما لقيت غير اللمة لي تسمعني
بليييز بليييز
راني قريب نتفلق

​

 

[homework]

صحا ميدوا تفضل الدار تعرفها اهبط شوية راك تلقي المنتدي لي تحوس عليه و تفضل رانا نسمعوك

 

[مهديmido]

مرسي ختي و ربي يحفظك
والله شط و انا انحوس عليه


​

 

[hadda0425]

كاش ما جبت جديد حاب تفرغو
اهلا بيك اخي

 

[Moha le sage]

اهلا خويا مهدي

ما تتفلق ما والو


انا خوك محمد tarkan ... ولا Moha le sage ...كيما حبيت


المنتدى هذاك كثرت فيه قصص الحب و العلاقات الغير شرعية ... و تغير مكانو لهاذ المكان المخصص لتفريغ القلب في الامور اللي ترضي ربنا سبحانو طبعا ....


هاذي لي عندي قلتهالك ...



​

 

[مهديmido]

السلام عليكم
اول حاجة حبيت ليقرى قصتي..
يعذرني و ايلومني في نفس الوقت
باه
اندير القلب و نتربي و ندرح ندرح ندرح
على السوق الفارغ هدا لي قريب ضيعت روحي فيه
ماشي يقرى و ايفوت
***********************************************************
قصتي بدات في سنة تانية تاعي فالجامعة،كنت كاره لقراية و كل شيئ متعلق بالقراية،كان تخصص تاعي ادب عربي،واكبر مشكل في الادب العربي كان لي يقراو الكل امعايا بنات،انا فرات لي طفل في وسطتهم،كان خاطيني السوق هدا،كنت كيما انقولو نشتي *انزرطي*بالكور بالتيدي،عندي كلش كيفكيف،ولكان اقريت ديما ندخل بلاصتي في الاخير و ديما وحدي..
حتى وحد النهار جاتني طفلة تقرى امعايا،دخلتهالي وشبيك هكا ديما وحدك؟علاه متشبعناش هدرة؟ومع الوقت ولينا،تقدرو اتقولو اصدقاء..هذا في العام التاني في الجامعة كي عاودت البروميار،ومبعد طلعنا2eme..
نسيت انقولكم هي لي عاونتني في القراية باه انجحت2eme
في 2eme كانت هدرة اخرى زدنا اتعرفنا مع بعضانا مليح و ولفنا بعضانا..كنا ديما امعا بعضانا في الجامعة..،حتى من الجامعة كاملة حارت الزوج هادو،واش كاين ما بيناتهم ؟؟؟؟؟؟ وهي كانت العلاقة مجرد صداقة يا ناس كنا خاوة و اكتر من الخاوة،كانت كيما اتقولي هيا حتى الخو ميديرش لختو كيما هكا،بصح انا منعرف بلاك كي عاد معنديش خاوتي من يوما و بابا،كنت انعامل فيها كيما هكا...،
مانرفضلها حتى طلب..
كنت في مواقف اخرى انبجلها هي على روحي حتى في اتفه حاجة
نعطيكم مثال..
عندي 100دج و حاب نفليكسي ليا،و هي تاني معندهاش لزينتي انولي نفليكسيلها و انخلي روحي،و ماانقولهاش عيطيلي لا لا لا لا
انقولها عيطي لصحاباتك احكي امعاهم...
وخلي ادراهم منحكيلكومش خير،جامي درتالهم حساب،
قال ميدو خاصتي ثلاث مئة الف...... هاكي،
قال ميدو خاصتني دوصان...... هاكي،
ومبعد كملت دوزيام،وجاء الفاكونس جاني sms من عندها،قالتلي فيه بالحرف الواحد،*اتوحشتك..وحبيت انقولك راك اكتر من خويا...*
وانا فالايام هذيك بعد،كنت انشوف في روحي بلي اتحولت علاقتي امعاها للحب،منكدبش عليكم ابديت انحبها،
كي ابدات لقراية في 3eme اول يوم جابتلي photo تاعها في كادر،وانا تما شريت بورتابل جديد،قصدتني فيها والله ما رديتها كان عندي 3 ايام مني شريتوو،كنت منرفضلها حتى طلب الله غالب
تما صراحتها و قلتلها راني انحبك،اسمعو مليح مردتش عليا خلاتني نهدر،مقلتليش لا لا احنا خاوة و لا حاجة اخرى،وهكا امشات الايام،زدنا اتعلقنا مع بعضانا بزاف خلاص..
حتى اوصلنا لنهاية العام وجات memior تع التخرج يعني مذكرة التخرج،
زعما اتفهمنا نخدموها مع بعضانا،بصح خليوها لربي برك .:cra_zy:.:cra_zy:.:cra_zy:.:cra_zy:.
نتمنى اتكونو افهمتوني ....




​

 

[مهديmido]

كي كملنا 3eme و ميموار و انجحنا دينا ليسانس في زوج جاء الفاكونس،قلتلها انجيب يما و بابا و انجي نخطبك،قاتلي لا لا مهدي نشتيك بصح منحبكش
عييت امعاها،يا بنت الناس مكانش حاجة خير من حاجة ربي،قاتلي لا لا،منحبكش..نشتيك برك،وبقيت امعاها فاكونس كامل والوووو نفس الهدرة ....
ومبعد جاء العام جديد هي اعطاوها ماستر وانا لا،
خرجتلي خرجة اخرى قاتلي لازم نرجعو خاوة كيما كنا،قلتلها يا بنت الناس متصلحش،دبر راسك،نرجعو خاوة كيما كنا.
وليت انا قلتلها لكان هكا انا منقدرش كل واحد ايروح في حالو،و كيما اتعرفنا على خير نفرقوها على خير،
كي قلت الهدرة هادي وليت انا منيش تع عشرى،ومعقد،و خلي و خلي ......
كي قاتلي الهدرة هادي قلت لا لا خلي انتبعو رايها و انشوفوه وين ايوصل،اطلبت منها السماح،و قلت نورمال بلاك مع الوقت،اتولي هدرة اخرى،
ومع الوقت ولات فيها متدخلش في خصوصياتي،و كل واحد عندو خصوصياتو،وانا ايعيطولي اصدقائي وانت معندو مدخلك....
و المشكل الهدرات هادوو ظهروو غير كي كملنا ليسانس،وكملت انا اقرايتي.................!!!!!!
وانا معاملتي ليها مني الاول متبدلتش....
حتى امها و خاوتها ديما اايقولولها والله نحسدوك على مهدي هذاك،وهي لي دجي اتقولي الهدرة هادي...
دركا انا مفهمتش اعطيوني حل



​

 

[مهديmido]

خاوتي راني اول مرة نهدر في المواضيع هادي
خترماكش السوق هادي خاطيني
و معلبليش كيفاه احصلت فيه
اعطيوني الحل
واش اندير
!!!!


​

 

[فطومة]

انا نقول لخويا حاجة وماتتغشش مني ماعجبتنيش حاجة مع الاول انك طحت بقلبك بزاف يعني كيفاه تصرف عليها تمد في صواردك كيما قلت وتمد بورطابل جديد كيما قلت انا الحق هذا يسموه شوي بروفيتاج مانحبش هك حتى لوكان ماعنديش مانقولش ومانقدرش نحكم حتى دورو .اما قصتك ياخويا راني نشك بالي هي حباتك وندمت شوي يمكن عندها شكون تحب او عندها اللي في بالها ورجعلها انت كيما قلت ماكنتش تعرف عليها حتى حاجة .نصيحة من اخت لخوها حاول تنسى هذا الحب مدامك قتلها خليني فالحلال وماحبتش غير نقولك اخطاك ياخويا وشوف حياتك روح تخدم ممكن تنسى وممكن ينوب عليك ربي ببنت الحلال وتزوج وتنسى كلش.اسمحلي اذا كلامي شوي قاسي مي هذا المعقول

 

[Črâżŷ Båd Gîrl]

يااااااااااااااااااااااااااه و الله غير تفكرتك خويااا

مين كنت دير هاديك لافوتو نتاع بيبي لابس الغوز هههه

اهلا اهلا اهلاااااا بيييييييك زارتنا البركة

ما ظنيتش كان تعرفني و ادا قتلك شكون انا ما عمباليش تتفكرني و الا لالا

المهم الحمد لله على السلامة ^^
​

 

[Črâżŷ Båd Gîrl]

الغلطة نتاعك من الاول

نورمالمو كي شفتها من الاول تبروفيتي منك و تديلك في دراهمك

اعرفها بلي ماشي ناوية على خير

و الحمد لله كي صارحاتك من درك خير ما تزيد تتعلق بيها كتر و كتر تكره حياتك

انت دير ليها رايها و بعد عليها اعفس على قلبك

امبعد تجيبها رجليها كي تحتاجك
​

 

[مهديmido]

انا نقول لخويا حاجة وماتتغشش مني ماعجبتنيش حاجة مع الاول انك طحت بقلبك بزاف يعني كيفاه تصرف عليها تمد في صواردك كيما قلت وتمد بورطابل جديد كيما قلت انا الحق هذا يسموه شوي بروفيتاج مانحبش هك حتى لوكان ماعنديش مانقولش ومانقدرش نحكم حتى دورو .اما قصتك ياخويا راني نشك بالي هي حباتك وندمت شوي يمكن عندها شكون تحب او عندها اللي في بالها ورجعلها انت كيما قلت ماكنتش تعرف عليها حتى حاجة .نصيحة من اخت لخوها حاول تنسى هذا الحب مدامك قتلها خليني فالحلال وماحبتش غير نقولك اخطاك ياخويا وشوف حياتك روح تخدم ممكن تنسى وممكن ينوب عليك ربي ببنت الحلال وتزوج وتنسى كلش.اسمحلي اذا كلامي شوي قاسي مي هذا المعقول

اول حاجة حبيت نشكرك اختي فطومة على اهتمامك و وقتك
وانزيد انقولك ما نتغشش ما والوو،خترماكش انا كي حبيت نهدر،حبيت نلقى ليسمعني،و اللحمد لله لقيت خاوتي فاللمة،مرسي ختي،وربي يحفظك ان شاء الله
ختي انا كي وصلت القصة هكا،قلتلها كل واحد ايروح في طريقوو،وكيما اتعرفنا على خير،ربي يفرقنا على خير ان شاء،
قاتلي لا لا لا،لازم نبقاو اصدقاء..اتعيطلي و انعيطلك،و نتلقاو كيما كنا،بصح كل واحد عندو خصوصياتو،و حياتو الخاصة ..
انا الهدرة هدي ختي فطومة مدخلتش لراسي،منقدرش و الله منقدر،غير لكان خرجتها من حياتي خلاص
​

 

[مهديmido]

الغلطة نتاعك من الاول
نورمالمو كي شفتها من الاول تبروفيتي منك و تديلك في دراهمك
اعرفها بلي ماشي ناوية على خير
و الحمد لله كي صارحاتك من درك خير ما تزيد تتعلق بيها كتر و كتر تكره حياتك
انت دير ليها رايها و بعد عليها اعفس على قلبك
امبعد تجيبها رجليها كي تحتاجك
​

ختي Črâżŷ Båd Gîrl انا من الاول الشيئ لكانت الدير فيه
مشفتوش بروفيتاج منعرف علاه،
و المشكل لحد الان مشفتوش بروفيتاج،
خترماكش،قلتلكم فالاول كنا خاوة و اصحاب ومعنديش
باه انزيد نوصفلك ربي هو ليعلم كيفاه كنا،
وانا تاني راني حاب نبدأ حياة جديدة ختيČrâżŷ Båd Gîrl ،وقلتلها نتفارقو هكا على خير خير،
تعرفي واش قاتلي،قاتلي لا لا نبقاو اصدقاء،نهدروا مع بعضانا و نتلقاو،بصح كل واحد عندو خوصوصياتو،وحياتو الخاصة،
وانا ختي فات الحال حبيتها،منقدرش نرجع امعاها صديق كيما كنا

​

 

[مهديmido]

يااااااااااااااااااااااااااه و الله غير تفكرتك خويااا

مين كنت دير هاديك لافوتو نتاع بيبي لابس الغوز هههه

اهلا اهلا اهلاااااا بيييييييك زارتنا البركة

ما ظنيتش كان تعرفني و ادا قتلك شكون انا ما عمباليش تتفكرني و الا لالا

المهم الحمد لله على السلامة ^^
​

الله ايسلمك،والله فرحتني ختي Črâżŷ Båd Gîrl،
كي قلتي اتفكرتك،
صح كنت دير الفوتو نتاع البيبي لابس الغوز
راني درك انرجعها ههههههههههه
بصح لازم اتقوليلي شكون انتي،راني عندي بزاف مدخلتش المنتدى،و بربي ان شاء الله نتفكرك
ربي يحفظك ختي،كلامك والله زاد فرحني صح صح
كي رجعت المنتدى
تحياتي اخوكي
مهديmido
​

 

[Črâżŷ Båd Gîrl]

ختي Črâżŷ båd gîrl انا من الاول الشيئ لكانت الدير فيه
مشفتوش بروفيتاج منعرف علاه،
و المشكل لحد الان مشفتوش بروفيتاج،
خترماكش،قلتلكم فالاول كنا خاوة و اصحاب ومعنديش
باه انزيد نوصفلك ربي هو ليعلم كيفاه كنا،
وانا تاني راني حاب نبدأ حياة جديدة ختيČrâżŷ båd gîrl ،وقلتلها نتفارقو هكا على خير خير،
تعرفي واش قاتلي،قاتلي لا لا نبقاو اصدقاء،نهدروا مع بعضانا و نتلقاو،بصح كل واحد عندو خوصوصياتو،وحياتو الخاصة،
وانا ختي فات الحال حبيتها،منقدرش نرجع امعاها صديق كيما كنا

​

ماعليش يا خويا انت جرب بكل الطرق دير ليها رايها

و ماعاديش تهتم بيها بزاف و خليهاا على راحتها

و ربي يجيب ليك الخييييير
​

 

[Črâżŷ Båd Gîrl]

الله ايسلمك،والله فرحتني ختي Črâżŷ Båd Gîrl،
كي قلتي اتفكرتك،
صح كنت دير الفوتو نتاع البيبي لابس الغوز
راني درك انرجعها ههههههههههه
بصح لازم اتقوليلي شكون انتي،راني عندي بزاف مدخلتش المنتدى،و بربي ان شاء الله نتفكرك
ربي يحفظك ختي،كلامك والله زاد فرحني صح صح
كي رجعت المنتدى
تحياتي اخوكي
مهديmido
​

هه اني قتلك مازال عليك تتفكرني برك ههه

الله يسلمك .. و مرحبا بييييك :re_gards:
​