بمناسبة المولد النبوي الشريف "للمخطوبات"

[بنت اليم]

السلام عيكم و رحمة الله وبركاته

​

بمناسبة المولد النبوي الشريف إلي هو على الأبواب ​

* ***
***
**
*​

كل وحدة رايحين يجيبولها المولد (عندنا نقولو هكا) "العشاء" ​

درك كل وحدة ​

تقولنا واش رياحة تلبس و واش رايحة توجد للضياف وهكا نديو أفكار من عند بعضانا.​

هيا يا فحلات
أنا ريحة نبدا الأولة
حطيت قندورة تتخيط راهي عند الخياطة
(شوية عاطلة درك تجيبهالي عشية المولد إن شاء الله)
مين تكمل نحطهالكم
و كي يجيوني الضياف رايحة نبدا بـJUS مع les éclaire و من بعد القهوة مع شوية مقروض و 2 قاطو وبعد القهوة ندير la mousse au chocolat يروحو شبعانين هههههههههههههههه
من بعد نحطلك الصور ان شاء الله​

أيا درك كل وحدة تقولنا واش ؤاه programme نتاعها ​

تقبلوا تحياتي ​

- موضوع يثبت مؤقتا
بمناسبة المولد النبوي الشريف -

رقابة الاشراف
​

 

[ميناتة]

السلام
انا la famille تاع خطيبي بعاد علية هو وحده هنا !!!! واش ندير ؟؟

 

[joumane]

راني نستنا تصاور surtou تاع القندورة
انا ماراحش يجيوني :sad: ظروف بنتهم حتزيد ولازم يكونو معاها
mais لي مصبرني حيعرضني :shay: ...... هداك اليوم للغدا برا و تحواس
mlgri wejet kolchi chrit gandora b500alf wsabo b200alf mais lahralb
ih wmat,saych tgolilna wech jabolak

 

[السلطانة]

وعليكم السلام
فكرة رائعة عزيزتي
ان شاء الله كل عروسة تتفاعل مع الموضوع وتحط افكار تستفادو منها كامل مع الصور
تقبلي مروري
​

 

[شوشونة]

موضوع رائع بالتوفيق للمخطوبات

 

[بنت اليم]

السلام
انا la famille تاع خطيبي بعاد علية هو وحده هنا !!!! واش ندير ؟؟

السلام عليكم
ما دام
la famille تاع زوجك بعيدة أعرضي خطيبك للعساء عندكم في داركم .
​

 

[بنت اليم]

راني نستنا تصاور surtou تاع القندورة
انا ماراحش يجيوني :sad: ظروف بنتهم حتزيد ولازم يكونو معاها
mais لي مصبرني حيعرضني :shay: ...... هداك اليوم للغدا برا و تحواس
mlgri wejet kolchi chrit gandora b500alf wsabo b200alf mais lahralb
ih wmat,saych tgolilna wech jabolak

b1 sur nhotelkom wech jabouli

 

[nina bonoise]

مانيش مخطوبة نشوف وش تحطوا برك

 

[بنت اليم]

مانيش مخطوبة نشوف وش تحطوا برك

هههههههههههه
تسمى قاعدة تقرعجي برك

​

 

[آمِيْرَتُه]

السلام عليك
موضوع مليح بالتوفيق للمخطوبات مطفرة غير الي دار راجلها بعاد
​

 

[M!ss D!or]

فكرة هااايلة اختي
خسااارة هو بعيد و داارهم بعاد
الله يقربنا ان شاء الله

شكرا حبيبتي
راني نتفرج برك ههه
​

 

[سمية25]

سلاام
احنا عاداتنا يبعثو للكنة العشاء انتاعها
انا ناسي قراب لينا يبعثولي عشايا واجد يعني طايب
العم اللي فات بعثولي طبسي كبير نتاع كسكس والجاج والبيض و طبسي نتاع مثوم و قرعة نتاع عصير البرتقال هذا مكان ..........
وهو اللي جابهوملي للدار مي جابلي حلويات وشيكولاطة بكل انواعها وزوج قرعات ريحة وواحدة ديودوغو .........وكل واحد على حسب مقدورو
هذي هي عادتنا في المولد ما يجيبولناش حقنا نتاع الالبسة يجيبو فقط الاكلات
شكراااااااااااااااااا

 

[أم الولدين]

بصح ماننساوش أخواتي أنه الإحتفال بالمولد النبي هو الإقتداء بسيد الخلق صلوات ربي عليه
و البحث بسنن المصطفى و الأكثار من الصلاة و السلام عليه و و و
وليس أكل و شرب وحفلات ......................

 

[rahmasabrina]

للاسف انا ما راح تجيني لا ماكلة لا لبسة حتى هو و ما نقدرش نشوفو راه بعيد و مايقدرش يجي. المهم بصحتها لي جايينها واللي حالها كيما حالي نقولها الصحة و لهنا برك.

 

[سندريلا نور]

سلام mouse au chocolat فكرة هايلة (مممممممممم)
بصحتك نهار الأحد أغيروا من عيد تاعك

(قرعجتك عكلش)
ههههههههههههههههه

ربي هني كل المخطوبات وعاقبة لينا
​

 

[nina bonoise]

هههههههههههه
تسمى قاعدة تقرعجي برك

​

ههههههههه
راني حتى انا قلت نشوف برك محبيتش نقول نقرعج
ابان راكي فهمتاها سوا سوا ههههههه
​

 

[بنت اليم]

سلام mouse au chocolat فكرة هايلة (مممممممممم)
بصحتك نهار الأحد أغيروا من عيد تاعك

(قرعجتك عكلش)
ههههههههههههههههه

ربي هني كل المخطوبات وعاقبة لينا
​

دخلتي تقرعجي أحلوفة بطلت مانيش عاملة والو
ولا نقولك درك نبدل حوايج

​

 

[fati 2016]

فكرة هايلة أنا ماشي مخطوبة دخلت نتفرج برك .الله يهني كل المخطوبات ..........

 

[ميديآ]

انا دارهم بعاد مش رايحين يجيوني بصح عطاني دراهم و بيانسسير هو يخدم قريب لينا يتسمى يجي يتعشى

 

[ميديآ]

رانا نستناو غي القندورة يا حنونة و مرسي ع الفكرة شااابة
​