تحضيراتكم للمولد النبوي الشريف

[anissa 13]

رد: تحضيراتكم للمولد النبوي الشريف

اللهم صل وسلم على سيدنا وحبيبنا محمد وآله وصحبه أجمعين
ياجماعة حبيت نفهم قالو بلي الاحتفال حرام دخلو لغوغل وشوفو الفتاوى
مانحبش نفوت مناسبات كيما هادو نموت على المناسبات الدينية بصح خفت
اللي عندها شي فتوى بلي حلال تقولنا يارييييييت
​

 

[ام ريهام]

رد: تحضيراتكم للمولد النبوي الشريف

من بكري ي لقينا جدودنا واهلنا يحتفلو في وقتهم مكاش هذا حرام ودوك كل من هب ودب يفتي ولا افتي وانما اقول ان هذه فكرة مليحة هكذا باش نرسخو في اولادنا اننا نعيش في نعمة الاسلام من نبينا الكريم محمد صلى الله عليه وسلم
قادر واحد ولا واحدة ترد وتقول بلي ما تسناوش مناسبة هاذيباش نتفكرو رسولنا نقولو نعم حنا الرسول عليه الصلاة والسلام نتفكروه في كل زمان ومكان ولكن ان نحتفل بيوم عظيم كهذا الذي ولد فيه ولانه يوم عظيم في تاريخ البشرية وتاريخ الامةالاسلامية ..............باذن الله احتفل وسيحتفل ابنائي بعدي الى اخر يوم في حياتنا
كاش نهار تخرج فتوى تقةل مكاش العيد وكاش الذبيحة ومكاش عاشوراء الله يهدي ماخلق

 

[انريس]

رد: تحضيراتكم للمولد النبوي الشريف

صح مولودكم سامحوني يا لبنات انا راهو دارها بيا البورتابل حبس جبت نتاع اختي البارح صورت بيه الحفلة نتاع المدرسة و العشا و السهرة بصح الميكرو مالقاهليش خلاص تعرفو حكمتني واحد القلقة المهم ضرك نشوف كيفاه ندير نعقبهملكم نعقبهملكم لي فوتو تشوفوهم بالاك نبعث الميكرو يتخدم وخلاص
نعيمة راني نشوف فيك غير انت اللي درتي المولد اين البقية؟؟؟؟؟
يعطيك الصحة اجواء رائعة راهي عندك ربي يخليلك لبنات ياااااااا رب

 

[anissa 13]

رد: تحضيراتكم للمولد النبوي الشريف

من بكري ي لقينا جدودنا واهلنا يحتفلو في وقتهم مكاش هذا حرام ودوك كل من هب ودب يفتي ولا افتي وانما اقول ان هذه فكرة مليحة هكذا باش نرسخو في اولادنا اننا نعيش في نعمة الاسلام من نبينا الكريم محمد صلى الله عليه وسلم
قادر واحد ولا واحدة ترد وتقول بلي ما تسناوش مناسبة هاذيباش نتفكرو رسولنا نقولو نعم حنا الرسول عليه الصلاة والسلام نتفكروه في كل زمان ومكان ولكن ان نحتفل بيوم عظيم كهذا الذي ولد فيه ولانه يوم عظيم في تاريخ البشرية وتاريخ الامةالاسلامية ..............باذن الله احتفل وسيحتفل ابنائي بعدي الى اخر يوم في حياتنا
كاش نهار تخرج فتوى تقةل مكاش العيد وكاش الذبيحة ومكاش عاشوراء الله يهدي ماخلق

يامخلوقة قاعدة تخلطي فالهدرة انا قتلك ماتحتافليش؟ وين عندي اصلا الوقت باه نسمع بيك احتافلي على راسك
انا هدرت حاجة ونتي قلبتي كامل حاجة اخرى وليت قريت سؤالي حسبت كاش ماقلت
واقيلا عيب كي يسقسي الواحد على حاجة تخص دينو
اللهم اهدي ماخلقت
​

 

[روز]

رد: تحضيراتكم للمولد النبوي الشريف

اللهم صل وسلم على سيدنا وحبيبنا محمد وآله وصحبه أجمعين
ياجماعة حبيت نفهم قالو بلي الاحتفال حرام دخلو لغوغل وشوفو الفتاوى
مانحبش نفوت مناسبات كيما هادو نموت على المناسبات الدينية بصح خفت
اللي عندها شي فتوى بلي حلال تقولنا يارييييييت
​

للاسف ماهوش حلال
تفضلي هنا

حكم الاحتفال بالمولد النبوي

 

[حاملـة المسك]

رد: تحضيراتكم للمولد النبوي الشريف

السلام عليكم
غدا اليوم لكان من المفروض يكون عشا....كنت مريضة
اليوم صححت روحي و نضت طيبت

كش تزان أنريس..؟​

 

[om mimi.mili]

رد: تحضيراتكم للمولد النبوي الشريف

صباح الانوار اللهم صلي وسلم على سيدنا محمد ///نعيمة اجواء روعة زهيتي بوسعادة يا الحنونة///حاملة المسك طهورا حبيبتي الرشتة امممممممممممممممم تشهي بصحتك حبيبتي ///اسما نحن في انتضار الصور//البارح درت الرشتة واليوم الصباح الطمينة حطيتهم في كوزينة نعيمة بصح لعيون حبيبتي اسما نحطهم مع تصاور مريم وملاك بالنوالات ديتلهم تصويرة واحدة برك والله ما قعدت البارح المهم هامليك التصاور

 

[انريس]

رد: تحضيراتكم للمولد النبوي الشريف

كاين تيزان يا الفحلة نتاعنا الشي الكبير جبتيه و التيزان مكانش؟ يخي راكي تقصدي التيزان اللي نشربوه ولا غلطت؟ هههههه ايلا غلطت صححيلي و يعطيك الصحة على الرشتة منعرف كيفاه كفاتك واحنا خملنل لي ساشي كامل اديناهم ههههه وقيلا درقتي علينا وحدة ولا زوج
روز حبيبتي تعيشي كي نديرو الشخشوخة في الميكسور ما تتفتتلناش بزاف؟ ايييييييه يا حنونة كن تصلحلي نعود كل منلوح شويا في الميكسور بدعوة ليك ههههه يعني تلمي من الدعاوي حتان تقوليلي حبسي ههههههه نقلك حاجة روحي ربي يفتحلك بيبان الخير حتى قبل منجرب و ربي يعطيك ما تتمناي
يا انيسة و نعيمة انا راني نعرفكم في زوج شوفي يا انيسة انا على حساب معريفتي بنعيمة و راني متاكدة من وش رايحة نقول ما كانتش قاصداتك انت بالهدرة راهي قاصدة اللي حرمو المولد والله ماهي عليك انوسة يعني حبت تقلك بلي حنا من بكري واحنا نحتفلو وتم تم دخلولنا هذي نتاع بدعة مكانتش قاصداتك انت اصلا هدرتك باينة انت راكي تحوسي غير على كاشي واحد حللها باه تحتافلي بيها هدرتك باينة و مفهومة و واحد ما لامك ههههه حقا وقيلا سمعت بلبلة في المدلرسة بلي الشيخ شمس الدين اجازها هذي الهدرة راني سمعتها في المدرسة والله اعلم ياو الواحد عاد يحوس غير على سبة باه يفرح ربي يفرحنا كامل

 

[انريس]

رد: تحضيراتكم للمولد النبوي الشريف

اممممممممم مليكة راني نشوف الرشتة عاملة عمايلها هنا يم يم م سخفتوني
الطمينة انا والله مادرت بالعربية حشمت نقلكم منعرفش نديرها
ونقلك ماهذا الجمال ميمي و ميلي يهبلوووو والله يا العينين الله يبارك عندهم عينين ماشاء الله مليكة عينيك؟؟؟ ولا باباهم

 

[روز]

رد: تحضيراتكم للمولد النبوي الشريف

والو انرييس مايصرالو والو
انا كي قالوهالي قتلهم مستحيل يخرج مليح
حسبتو يتعجن ويفسد ايا كي جربتو خلعت في النتيجة
الحاجة المليحة انو يخرج كامل على حبة وحدة تقول قطعتيهم بطابع

هاهي صورة ليه الفتات ولا مش عارفة وش تسموه حنا نطيبوه كي المسمن برك المهم يكون رقيق
وكي يبرد تماما قطعيه على ربعة بايديك ولا على خمسة وحطيه في الميكسور
هاهي صورة ليه مطحون بالميكسور
بصح هنا مادرتوش شخشوخة درتو رفيس نخدموه بالعسل والمكسرات
شوفي كفاش يخرج مفتتت ومسوي راه معمر عسل مايخلعكش ههه

 

[نور الحبوبة]

رد: تحضيراتكم للمولد النبوي الشريف

صحا مولودكم ربي اهنيكم وافرحكم ان شاء الله احنا محتفلنا ماوالو قالك قلهم الشيخ في المسجد متحتفلوش قالك منحتفلوش امال لبنات خاضهم الحال قتلهم معليش منكسروش كلام باباكم مدام محبش مافيها والو كان عندي الجاج في المجمد درتلهم تريدة بالجاج جات اممممممممممممممممم تهبل عجبتهم نساتهم في الحفلة وسمحيلي اسما مصورتهاش النت كانت مقطكوعة عندي البارح كامل كنت مقلقة نسيت مصورة والو حتى كليناها قالتلي بثينة ماما مصورتيش قولتلها ايه درك فات الحالة

 

[ام ريهام]

رد: تحضيراتكم للمولد النبوي الشريف

شكرا انريس راكي واجبتي في بلاصتي كل الاحترام ليك حنونة

 

[كوثر الوهرانية]

رد: تحضيراتكم للمولد النبوي الشريف

كل عام و الامة الاسلامية تحتفل و تحي دكرى المولد النبوي الشريف هكدا ولادنا يعرفوا و تكون فرحة عامة في جميع الدول الاسلامية
البارح ولادي داروا حالة خرجوا و طرطقوا المحارق بصح انا مخرجتش كنت شويا تعبانة و مريضة معرفت مالي وكي دخلوا خلطتلهم الناير و قسمته عليهم و خبيت حق امي
و الصباح نضت درتلهم فطيرة و خلطت الطيمنة بالعسل وجدتلهم القهوة و رحت ديراكت للغداء درت بركوكس حامي يرقص و حااااااااااااااار
سامحوني مصورتش كل شيء غي هدوا برك

[/url][/IMG]

[/url][/IMG]

[/url][/IMG]
ينعاد علينا بالصحة و الهناء
لاالله الا الله سيدنا محمد رسول الله صلى الله عليه و سلم

 

[انريس]

رد: تحضيراتكم للمولد النبوي الشريف

اممممم فريدة يعطيك الصحة بصح فهميني وشنهي هذوك الدوائر اللي في العيش مفهمتهمش
صح مولودك وينعاد علينا كامل بالصحة و الهنا

 

[انريس]

رد: تحضيراتكم للمولد النبوي الشريف

والو انرييس مايصرالو والو
انا كي قالوهالي قتلهم مستحيل يخرج مليح
حسبتو يتعجن ويفسد ايا كي جربتو خلعت في النتيجة
الحاجة المليحة انو يخرج كامل على حبة وحدة تقول قطعتيهم بطابع

هاهي صورة ليه الفتات ولا مش عارفة وش تسموه حنا نطيبوه كي المسمن برك المهم يكون رقيق
وكي يبرد تماما قطعيه على ربعة بايديك ولا على خمسة وحطيه في الميكسور
هاهي صورة ليه مطحون بالميكسور
بصح هنا مادرتوش شخشوخة درتو رفيس نخدموه بالعسل والمكسرات
شوفي كفاش يخرج مفتتت ومسوي راه معمر عسل مايخلعكش ههه

والله يا روز امنتك قبل متجيبيلي هذاك الرفيس الباهي خرجلك روعة انا تاني نطيبو كيما لمسمن وشنهي نديرو شويا خشين عليه برك شفتي العلم واش تطور نحى علينا بزاااااااااااااف تعب ربي يخليك وشكرا على الفكرة الرائعة

 

[انريس]

رد: تحضيراتكم للمولد النبوي الشريف

صحا مولودكم ربي اهنيكم وافرحكم ان شاء الله احنا محتفلنا ماوالو قالك قلهم الشيخ في المسجد متحتفلوش قالك منحتفلوش امال لبنات خاضهم الحال قتلهم معليش منكسروش كلام باباكم مدام محبش مافيها والو كان عندي الجاج في المجمد درتلهم تريدة بالجاج جات اممممممممممممممممم تهبل عجبتهم نساتهم في الحفلة وسمحيلي اسما مصورتهاش النت كانت مقطكوعة عندي البارح كامل كنت مقلقة نسيت مصورة والو حتى كليناها قالتلي بثينة ماما مصورتيش قولتلها ايه درك فات الحالة

معليهش نعيمة المهم كي فرحو لبنات وخلاص هاني انا صورت و ممحونة ونحيت لختي بورتابلها باه نجيبلكمالصور فينالمن مقراهليش الميكرو ماهيش كاتبة اليوم البورتابل رجعتولها قالي راجلي هزي منو لي فوتو بالكارت ميموار نتاع بورتابلو علابالك بورتابلو يقراهلي الميكرو قلت غدوا كي نروح للدار ندير هكذاك وخلاص

 

[ibtesem]

رد: تحضيراتكم للمولد النبوي الشريف

هد تاع البارح​

الرفيس​

على هدي شوي قدت نهار كامل
بنتي عملتها بيا مخلتنيش
قلت فريدة شدهالي قالتلي راني لاهية نطرطق في المحارق
ياتبرادي لمرا رجعت غريانة هههههههههههههه:d​

 

[nada242008]

رد: تحضيراتكم للمولد النبوي الشريف

السلام عليكم وكل عام وانتم بخير
اللهم صل وسلم على اشرف الخلق شفيعنا وحبيبنا محمد
صلى الله وعلى اله وصحبه وسلم

نبداو بسراق الرشتة هههه وهي نية :d

يعطيكم الصحة كااااااااااااااامل
​

​

 

[om mimi.mili]

رد: تحضيراتكم للمولد النبوي الشريف

اسما روحي لكوزينة نعيمة راني حطيتلك الطمينة

 

[tistissa dj-tissou]

رد: تحضيراتكم للمولد النبوي الشريف

جميل جدا
انا بصراحة تفرجت فيلم الرسالة وصلينا على نبينا محمد والحمد لله
اللهم صل على سيدنا محمد وعلى اصحابه
​