تحضيراتكم للمولد النبوي الشريف

[ώᾄƒᾄA ħBᾄⱢ]

رد: تحضيراتكم للمولد النبوي الشريف

ودي تييييييييgي يالهوي يا لهوي كن ننسى الحنة تنسيني انريس النهار اللي زدت فيه راهي غير تستنا فيها بفاااااااااارغ الصبر:yahoo01:

ههههههههه
تبارك الله عليها ربي يخليهالك حنونتي
بصحتكم:up:
يا خو حنا كلش راه سامط في الدار:down::cray02:

 

[حكيك]

رد: تحضيراتكم للمولد النبوي الشريف


اللهم صل و سلم على الحبيب المصطفى
يعطك الصحة على الموضوع انريس
تم التثثبيت

 

[ام رحاب]

رد: تحضيراتكم للمولد النبوي الشريف

اللهم صلي على الحبيب علية اقضل الصلاة والتسليم

 

[ام رحاب]

رد: تحضيراتكم للمولد النبوي الشريف

اسما وين راكي عايشة هنا كنت نحوس عليك في المطبخ

خلاص فرقتيي صبتي دويرة ليك
هههههههههههههههههههه

 

[ام رحاب]

رد: تحضيراتكم للمولد النبوي الشريف

حالياً الأعضاء النشيطين الذين يشاهدون هذا الموضوع : 21 (12 عضو و 9 ضيف) ‏ام رحاب, ‏إسراء بنت الجزائر, ‏chahrazed.hasan, ‏ام نوسه, ‏ام ريهام, ‏انريس, ‏بنت الجسور المعلقة, ‏حكيك, ‏JAWHARA25, ‏melissa lola, ‏samora68, ‏
تهلاو ترجعو نهار الاثنين نديرلكم شوية حنة اوكييي

 

[انريس]

رد: تحضيراتكم للمولد النبوي الشريف

راني كنت برا خرجني راجلي ضربت دورة و صورتلكم عين الفوارة بصح اصبروني شويا راه الكابل نتاع التليفون رجعو لمولاه غدوا نشري واحد ونوافيكم بالاحداث ههههه

 

[oumsif]

رد: تحضيراتكم للمولد النبوي الشريف

عليه افضل الصلاة والسلام
الله يبارك علي انريس تهبل بهداك الماسك ربي يعيشهالك اهنا في فرنسا مكانش هداك لمبيونص انتاع البلاد دير لعشاء ونشعل الشمع علي المسنون وخلاص وفي الويكاند نروحو لجامع يدرونا دروس علي مولد الرسول صلى الله عليه وسلم ونشأته وكل واحد يجيب من داروا الحلوة والقاطو ويديروا لبنات الصغار انا شيد دينية ومن بعد كل واحد يروح لداروا

 

[أمــ وليــد الجزائرية]

رد: تحضيراتكم للمولد النبوي الشريف

عليه الصلاة و السلام

موضوع هايل

اسمعو متنساااااااااااااااااوش تصورولنا يدين وليداتكم المحننية ماتطسحوش غير على الماكلة


حنا نديرو الطمينة و الطعام ماشي حاجة كبيرة يعني ان شاء الله نقدر نوافيكم بالاجواء

نحاول انا ندير جو لانو دارنا كبرو ههههه ولاو ميحوسو على حتى حاجة غيير كول و رقد​

 

[SaRa QuEeN]

رد: تحضيراتكم للمولد النبوي الشريف

ههههه اسما انا دخلت نشوفك رحتي ولا مزلتي بحجابك تسناي توال الباب ايا مليح كي رحتي وصورتي
انا راني بعيدة شوية ع البلاد سخفتيني نشوف الاجواء . الصراحة مرة مولدنا عند خوالي فدزاير ايييييه هاداك نهار محال ننساه اومبيونس ولا اروعع
بالنسبة لتحضيرتنا كي كنا صغار صح كنا لاااازم نشريو الشمع و المحارق و نديرو الحنة اييييه يامات والله
مي درك كي كبرنا و ماعندناش لولاد صغار ناقصة لومبيونس شوية مي نديرو مفرمسة ولا شخشوخة تاع الظفر و انا ندير شوية حنة بويسك انا برك طفلة فالدار . تبانلي هادا ماكان اكيد راح نصور التحضيرات ان شاء الله
و ممكن نرجع يامات زمان و نقولهم يجيبولنا شوية شمع ومحيرقات ههههه:d روتور داج خخخ

 

[SaRa QuEeN]

رد: تحضيراتكم للمولد النبوي الشريف

ايييييه وش نسيت البنبونة انريس تهببببل ربي يحفظها بوقوصة باينة خرجت لماماها ^_^
ربي يخليهالك اسما و يخليلك ريناد تاني ♡♡♥

 

[AmiR@RoRo]

رد: تحضيراتكم للمولد النبوي الشريف

يعطيك الصحة

والله عندك الحق ولات عادة نحييو بها مولد الرسول عليه الصلاة والسلام وباش ما ينتساش عند الاجيال القادمة

وسلميلي على انريس بزاااااااااااف بزاف وما تنسايش تصوريلنا الحنة تع انريس (القويلبات :d)

ورانا نسناو فاطباقك :d​

 

[ام سيف]

رد: تحضيراتكم للمولد النبوي الشريف

عليه افضل الصلاة والسلام
ربي يبارك على انريس وحوايجها يهبلو
حنا مازلنا ماشرينا والو اليوم نشاء الله ناوية على المفرمسة الا قدرت راني وعدتهم بيها
حنا مالفين نديرو عشا ونفرقو لبعضانا
نشاء الله تجينا ليلة مليحة مش باردة باه نطلعو ونطرطقو المحريق
نشفى عام لول صب الثلج ليلة المولد هكداك وخرجنا
جيبنا تصاور سطيف نموت عليها في الليل سورتو في رمضان ماشاء الله
ونشاء الله نوافيكم بالصور من عندي​

 

[om mimi.mili]

رد: تحضيراتكم للمولد النبوي الشريف

صباح الخير اسما صبحت عليك :p:p:d بصحتك الخرجة فكرتينا في يامات زمان سطيف في الليل غير شكل بصحتكم رانا نسناو في التصاور

 

[samah06]

رد: تحضيراتكم للمولد النبوي الشريف

يعطيك الصحة اسماء للتطرق لهذا الموضوع
اللي راهم الكثير رجعو يعارضو ويقولو بدعة وحرام ومعلباليش
لكن انا في داري ندير العادة اللي تربيت عليها عند والديا بالشخشوخة والجاج وتاويل العشاء وندير صبحة المولد الطمينة ونشعل الشموع وفرحة الاولاد بالمفرقعات والقشقشة ونكملوها بالصلاة على النبي واسيحضار سيرته العطرة باه تترسخ في اذهان اولادنا مع انو انا اولادي كبار وراهم يعرفو صلاحهم اما اشواق تخلص اخر محرايقة ترقد
وانا هاذ العيد معولا ندير العادة كيما مالفة ندير شخشوخة النعمة لكن راني مريضة في حالة راح نبدلهالهم بالثريدة
وادام الله عليكم الافراح وجميع العائلة
وثاني رانا درنا راس السنة الامازيغية البارح ودرت فيها ايضا العادة درت كسكسي بالخضرة تاع الموسم ثاني مع قشقشة وكل شيء معلباليش اذا اديروها يا اسما في سطيف

 

[ام ريهام]

رد: تحضيراتكم للمولد النبوي الشريف

صباح الخير يا اسما جيت نطل على موضوعك الجميل كجمالك ولقيتك خرجتي في الليل وما دتينيش معاك بصحتك حنونة وراني نستنى في صور عين الفوارة في الليل شوقتيني كون راكي قريبة ليا كون عطيتك كابل راهم عندي بلقرو كل الانواع

انا قلتلو يشريلنا محارق ما حبش قالي انا نحارب في لي يبعوهم وحبيتيني نروح نشريهم رجال واقفون هههههههههههههه ايا راح شرا هاذ الحلويات والمكسرات ومن بعد نوافيكم بالصور اخرى

 

[ام ريهام]

رد: تحضيراتكم للمولد النبوي الشريف

هذه الحلويات لي شراها ابو البنات للناير والمولد النبوي الشريف في بلاصت المحارق رانا موراه باش يشريلنا شوية اذا هداه ربي

وساوافيكم بمزيد من الصور ريثما تصلني الاشياء

انا راني خارجة نشري ونولي

 

[ام نوسه]

رد: تحضيراتكم للمولد النبوي الشريف

ام ريهام اعطيني شويه حنا ما شرينا والوا ههه

 

[ام خديجة1]

رد: تحضيراتكم للمولد النبوي الشريف

ما شاء الله على انروسة الزينة ربي يحفظها وبصحتها اللوازم والمشتريات جاوها روعة وبصحتكم الاحتفال بالمولد
عندي انا راه صامط كالعادة الاحتفالات في بلاد الغربة دائما ناقصة وخاصتها ريحة البلاد واما عن التحضيرات والله المورال هابط وما كاينة حتى حاجة وجدتها بلاك غدا يتغير المورال ونديرلهم حاجة
اما عن ذكر مسيرة الرسول محمد صلى الله عليه وسلم اكيد كاينة
حبيت موضوعك راح يخلينا نعيشو اجواء العيد بيكم وبارك الله فيك اختي

 

[ام سراج الدين وملك]

رد: تحضيراتكم للمولد النبوي الشريف

مساكم بالخير يابنات لبلاد والله سخفتوني بالمولد فالبلاد بنتو غير نتفكر منين كنا صغار لكن للاسف احنا فالغربة مكان بنة غير فالدار لا محارق لا والو ولادنا قد ماهدرنالهم عليه مايعرفوش كيما لي راهم عايشينو بصحتك كامل
ومولد نبوي شريف اعاده الله علينا بالخير ان شاء الله

 

[ام سراج الدين وملك]

رد: تحضيراتكم للمولد النبوي الشريف

ام ريهام بصحتكم المكسرات والحلوى وهاذ الاشياء كامل لي صورتيلكن احنا هاذو نديروهم في عاشوراء