ماذا ستطبخين سيدتي انستي .........الجزء الثالث عشر ‏

[ام سيف]

تبارك الله عليكم لبنات
ام خديجة هبلتيني لتارت ماشاء الله

 

[نور الرحمان]

بصحتكم يالبننات
ام سيف بصحتكم لعشا
هذا عشايا​

 

[أم صبري]

مساء الانوار صح عشاواتكم كامل

اليوم درت للغدا زيتون و مطلوع

والعشا حاجة خفيفة بيري ولحم و سلاطة و مطلوع

و هذا ليكم بصحتكم

:re_gards::re_gards:سلام
ليلة سعيدة

 

[أم صبري]

 

[imane27]

اممممممممممممم ام صبري عشاك يشهى بصحتكم

 

[نور الحبوبة]

عشاك هايل ام صبري يعطيك الصحة والطابلة انتاعك منسقة كي انتاع الفنادق صح عشاكم انا نحب نقدم واش طيبت ولكن منقدرش اندير الصور خاطر الموبيال انتاعي مفيهش كاميرا

 

[أم صبري]

اممممممممممممم ام صبري عشاك يشهى بصحتكم

الله يسلمك تفضلي مرحبا بيك في كوزينتي :sheer::sheer::sheer:
نتوما تعشيتو ولامزال؟؟؟ اذا مازال نبعثلك الطابلة complé بلا ما تعبي روحك و تطيبي:shiny:
سلام:re_gards::re_gards:

 

[أم صبري]

عشاك هايل ام صبري يعطيك الصحة والطابلة انتاعك منسقة كي انتاع الفنادق صح عشاكم انا نحب نقدم واش طيبت ولكن منقدرش اندير الصور خاطر الموبيال انتاعي مفيهش كاميرا

الله يسلمك اختي هذا تنسيق بنتي هي المختصة فتزيين الطاولة وانا عليا نطيب
ان شاء الله تشري كاميرا و تشاركينا ابداعاتك

 

[نور الحبوبة]

انا عملت هاد لعشيا كيكة بالجبن وكرام كرامال ان شاء الله تعجبكم هي هايلة جربوها وردولي بالخبر
المقادير
8بيضات

كاس سكر
كاس زيت
كاس حليب
علبة ونصف قاطو بيمو
2بكيات خميرة الحلوة
الطلية
8حبات فرماج لفاش كيري
2علب كرام كرامال
الطريقة
ترحي القاطو في اروبو اكون حشن ونخليه على جهة
نضربو البيص مليح +السكر +الزيت +الحليب حتى اذوب السكر +القاطو +الحميرة
تدهني المول انتاعك وتحطي فيه الكيكة وتخليها اطيب على درجة 180 درجة مدة 15 الى 20 دقيقة
تخليها تبرد
نرجع لطلية تحكمي الفرماج والكرامال وتخلطيهم مع بعض في اروبو حت يتجانسو مع بعض وتحطيه فوق الكيكة بعد تبرد وتخليها في الثلاجة تحكم روحها وشهية طيبة

 

[نور الحبوبة]

امين يا ربي العالمين ربي يحظلك بنتك ويجعلك اولادك من الذرية الصالحة

 

[imane27]

الله يسلمك ام صبري كاش نهار نزدم عليك نحب ليتحف الطابلة تفتح النفس

 

[أم صبري]

الله يسلمك ام صبري كاش نهار نزدم عليك نحب ليتحف الطابلة تفتح النفس

هههه ازدمي و ما تخميش اختي مرحبا بيك
شكرا

 

[أم صبري]

امين يا ربي العالمين ربي يحظلك بنتك ويجعلك اولادك من الذرية الصالحة

امين ربي يحفظك اختي

 

[imane27]

سلام لبنات واش راكم وينو فطوركم

 

[merieme hassi]

السلام عليكم
معرفت من نبدي من نكمل تبارك الله عليكم يا الفحلات بالصحة و الهنا
ام صبري عجبني الخبز يعطيك الصحة الوصفة من فضلك
فطوري كان طاجين الحمص بالبطاطا الله يدومها نعمة في طاعتو

 

[أم صبري]

السلام عليكم
معرفت من نبدي من نكمل تبارك الله عليكم يا الفحلات بالصحة و الهنا
ام صبري عجبني الخبز يعطيك الصحة الوصفة من فضلك
فطوري كان طاجين الحمص بالبطاطا الله يدومها نعمة في طاعتو

الله يسلمك اختي
بصحتك الطاجين
بالنسبة للمطلوع على حساب افراد العائلة يعني تقريبا 1كيلو دقيق متوسط+3مغارف صغيرة خميرة فورية +ملعقة كبيرة ملح+ملعقة ص سكر+ 2 ملاعق كبار زيت + 1/2 مغرف صغيرة محسن الخبز améliorant pour pain VANOISE و اعجنيها مليح بالما دافي حتى تولي عجينة رطبة ما تكونش طرية بزاف وماشي يابسة خليها تخمر 1ساعة و قرصيها و خليها ترتاح 10 دقائق بينما يسخن طاجين تاع الطين
هيا ديريه للعشا و وريلنا النتيجة
بصحتكم نتمنى نكون شرحتلك مليح

بالنسبة للدقيق الافضل يكون دقيق عمر بن عمر متواجد في كل المحلات هادا الدقيق ممتاز و يصلح لكل شي (مسمن , خبز الدار , مطلوع كلشي)

 

[l'algeroise]

مساء الخير عليكم
الحمدلله كي رجعت اللمة
بصحتكم كااامل واش طيبتو
أم خديجة لاتورت تسخف أفيدينا بالوصفة تعيشي
أم صبري طابلة تشهي الله يبارك
أنا درت لغدا فطير مبعد نحط الصور ​

 

[l'algeroise]

مريم بصحتك الطاجين ​

 

[نور الرحمان]

بصحتكم مريومة الله يبارك​

 

[ألاء الرحمـــن]

السلام عليكم ومساء الانوار عليكم يا الغاليات توحشتكم جيت نطل
يم يم واش هدا أطباق متنوعة ما عندي ما نقول جوعتوني هههههه
بصحتكم كامل واش طيبتو كل وحدة باسمها
سلامووووو
​