الزواجـ في الجزائر...علماء الاقتصاد قالو عليه

[بيكهام]

ايطاليا ايطاليا وانا منقعدش

ويا بحرى يا بحري اديني من هاذي لبلاد

ندير فيها ايطالية وتقووولى forza hossam


​

 

[chemssou007]

أهلا خويا
أهلا ختي
راك تقول منتزوجش ونروح نحوس بصح صدقني راني متأكدة كون تبالك نتا الأول و تحط مشي غير عشرة عشرين منعندك تقول زوجوني برك .
ما نحط لا عشرة لا عشرين كي نلقاو وحدا تستاهلـ ربي يجيب الخير أما لي رانا نشوفو فيهم ضرك تقول نقعد براسي خير
وعلاه زواج ماكلة برك ؟ كي تبقى وحدك و تلقى روحك زعفان واحد ما يسمعلك تقول ايه كون جيت متزوج نشكي لمرتي وحتى اذا كانت جاهلة واتفهمش على الأقل نخرج فيها زعافي .
وزيد حاجة خويا عشرة والله قليلة أحمد ربي.
ماناش نهدرو على عشرة و لا عشرين نهدرو على الغلاء بصفة عامة و انا معرفتي تقولي لمرا اذا ما حبهاش قلبك و هي ثاني نفس الشيء يعني غير ما كان لاه تقدم
والدين قال مهر المرأة يتقاس بمثيلاتها في نفس المنطقة فتخيل البنات عندكم يروحو بعشرة مثلا و أنت تطلب في أختك خمسة علاه؟
أنا أقيس بواش قال ربي مش واش قالو الناس راني قتلك كي يلحق ختي وقت الزواج كي نلقا راجل يجي يطبطب في الدار ناوي الخير نقولو اذا قادر تعيشها كيما راهي عايشة هنا اتكل على ربي
باسكو نتبعو في الناس الناس ضرك ولاو يبيعو في بناتهم و انا ما نرضاش نبيع ختي


يا خويا لعزيز زكاة الفطر كل عام راهي يزيدولها كفاه تحب ميزيدش المهر؟
هههههههههههههههههههههه
ختي ما نحكوش في الدين لانو هنا راكي غالطة زكاة الفطر فرض من عند ربي و عندها طريقة لحسابها يعني مش كيلو بطاطا اليوم يزيد غدوا ينقص و داخل في الصدقة كل ما تزيد كا ما تنفع الانسان أما المهور مع أنها واجبة الا ان الرسول قالك أكثرهن بركة أقلهن مهورا
خسارة ولينا نتبعو افعال الناس و نخلو هدرة النبي
"
لكن أنا معاك في حاجة المصاريف الزايدة تع شوفوني صح مكالاه بيها.
الزوخ و الفوخ و شيعة خير من شبعة و شوفوني راني هاذو تاع ناس مخلوعين لي شبعان جامي يدير الحاجة هاذي و المثل قالـ خاف من الجيعان اذا شبع مش من الشبعان اذا جاع
شكرا أخي على الموضوع

لا داع للشكر أختي ربي يحفظك

 

[chemssou007]

ايطاليا ايطاليا وانا منقعدش


ويا بحرى يا بحري اديني من هاذي لبلاد

ندير فيها ايطالية وتقووولى forza hossam


​

ربي يعطيك على حساب قلبك
آمين​

 

[chemssou007]

انا كيما تزوجت كان شرطي 3ملاين 2قناطر صوف وحاجة ذهب وهوجابهالي 6ملايين وعرس ان خيرت يكون نهار واحد وكلواحد يروح لدارو وصراح استقام عرس كامل 30مليون برك مي ولدرك مزالو يحكو بيه

الفايدة كي تعود حاجة صغيرة و متحوفة
مش حاجة كبيرة و بالكريديـ
و اذا واحد قادر على هذاك الشيء ربي يسهل
بصح يكون دارو باه يكبر في عين مرتو و عايلتو
مش باه يقولو الناس اوووه و الله العرس تاعو روعة​

 

[chemssou007]

هو صح البنات ولاو يتشرطو ويعاودو على هادي كثرة العنوسة في الجزائر

لكن من جهة اخرى الرجال فيهم وعليهم من المفروض اي رجل يروح يخطب يأمن على الاقل عمل مستقر وراتب مستقر خاطرش انا نظن ماكاين حتى اب يزوج بنتو لواحد ماشي خدام
وشوفها غير في روحك تزوج بنتك اي ياسيدي اختك لواحد ماشي خدام ما شكيتش تديرها​

لا هاذيـ طبعا ما نديرهاش
واحد مش خدام منين راح يصرفـ عليها و يصرف على روحو و ولادو يروح يسرقـ
و لا يضل راقد و الطفلة يخرجها تخدمـ
الخدمة ما نحكوشـ عليها
​

 

[chemssou007]

نسيت التقيمممممممم

++++++++
ردهالي بالاك تنسا راك غيظتني
​

و الله راني نغيظ بعد 8 ساعات في الخدمة
و ساعة رايح جايح من الخدمة للدار و من الدار للخدمة راني صح نغيط
نقلبوهالك نهار آخر مرسي​

 

[chemssou007]

وعليكم السلام أخ شمسو
أهلا الاخت وش لحوالـ هاذي غيبة؟؟؟ حقا أنا لي كنت غايب ههههه

بعدا نبدا باللول ندعيلك اني قريت الموضوع بالردود
الله يزوجك بوحدة عندها باسبور غوج :shiny:
كثر خيرك ختيـ بصح لالا عندي باسبور غوج، نحوسو وحدا العبد يقدر يكون معاها دار و لوكانـ نجيبها ما عندهاش الف فرنك في جيبها​

المهم نروحو للموضوع تاع زواج والمهر الي تحكي عليه
الدزاير معروفة بـ غلاء تكاليف الزواج فيها
ومرات البنت ماتشرطش مي عايلتها يقولك لازم نحافظو على التقاليد ونصدرو بنتنا بــ .. ووو
المهم هما يبغيو يقيموها مي ماعندهمش دراهم ( شعب متوسط الدخل)
عللى هاديك يشرط في بنتو 10 ملايين ( على الأقل) نقدا مدفوعا i-o:
هاذي لي كنت نحكي عليها و الحمد لله كي فهمتيني يا مرا
+يتناسى واش راح يصير في ولدو كي يروح يخطب (كما تدين تدان ) مام هو يعاود يدفع..
ياخي ليجان راهم يعنسو تاني خخ مش غي لبنات
ليجان مولا 50 يقدر يزوج و يجيب الذراريـ بصح النسا .....
:um_sh:مالا لازم الدولة الجزائرية تزيد قانون فالدستور تحددلهم سقف للمهر
ايه دارو حتى قانون تاع غلق المساجد و و و و ويعني حبست غير في موضوع غلاء المهور​

ايا مرسي عليك ++ ​

اني هدرت بزاااف
تشوفي انا عييت من صباح نرد عليكم هههههههههههه
سلااامو
GoodAfternoon lol​

 

[chemssou007]

السلام عليكم ,

ناس بكري يقولو سهلها تسهال ,,
ربي يكون فالعون ان شاء الله
تحياتي .
​

سهلها تسهالـ
حنا سهلناها قلنالكم ما جيبو والو ارواحو انتوما برك
سهلوها انتوما ثاني​

 

[مابقاش بزاف.Dz]

مانيش خوك يا الأخ راني طفلة علاش عليك بهدلتني فالرد ههههههههه

 

[chemssou007]

الســلام عليــكم
و عليكم السلام


اممم موضوعكـ فالصميم كما يقولو
"كيما يقولو الكلمة الافتتاحية التي عجز علماء اللغة عن فك شفرتها"
وعجبني التشبيه تاعكـ لعقد الزواج رجع كما عقود ماقبل التشغيــل
"و الله في زوج كيف كيف هاذي محتمة و هاذي محتمة"
والله غير صح رنا لحقنا لزمان رجع فيه الزواج عقد بيع ، والطفلة سلعة فيـه
الراجل حياتو كامــل وهو يخدم ويصدر ، تجي عروســة المستقبل زعمة في نهار تقطيهم ـ وغير كون جات من البنات الي يستاهلوو ـ
على هدي رنا نشوفو في شباب لحقو 40 ومازالو مالحقوش حق العرس
كلشي راهم يشوفو فيه دراهمـ نساو اهم حاجــة وهو التفاهم والهنا، والله مايتقدر بالملايير
يعني الواحد كي مايطلب من الراجل والو غير أساسيــات ، ويقولو مانسحق والو غير تكون بنتي هانيـة وتكون صح راجل معها ، واش يصرى يعني ، ولا كفاه تزوجو والدينــا والحمد الله رباو نسا ورجال
ياو القناعة هي كلشي ، واش تحب ربي يرحم بركـ

قلناها حصلنا قالو راك تتبلى فينا و ماكاش منها الحكاية هاذيـ
+
ميرسي على الموضوع الباهي خويــا والي على قد ماتهدر فيه تبانلك ماهدرت والوو
تستاهل تقييم عليه
ربي يعيشك أختي ان شاء الله نقلبولك تقييم في القريب العاجل​

 

[chemssou007]

مانيش خوك يا الأخ راني طفلة علاش عليك بهدلتني فالرد ههههههههه

سامحيني ختي و الله ما شفت مليح
قلت ما بقاش بزاف يكون غير راجلـ
أيا سماح
+
تقييم على الغلطة الشنيعة​

 

[zomoroda]

خويا شمسو
إذا كنت صح سطايفي أنا نموت على ناس سطيف هذي وحدة
زوج مفهمتنيش أنا قصدت بزكاة الفطر وراهي تطلع معناه المعيشة راهي غير وتزيد تغلا و كيما قلت الزكاة عندها حسباتها مالا في رايك على أي أساس يحسبوها ؟ مالا خويا عشر ملاين والله مراهم يديرو حاجة
وفي لفان يحليلكم و يحليلنا من وقت راهو جاي.
كاين حاجة ثالثة راني متأكدة ماكش ملي يبيعو خوتاتهم حاشا
ربي يخليك خويا
+++++++++++++تقييم

 

[مابقاش بزاف.Dz]

كي عاد فيها تقييم معليش

 

[أم راضية ~_]

سلآآآم
تعرف نتوما ليجان مشكلتكم تشوفو غير اللي يطلبو هادي و هاديك و الدهب و الدار و اللبسة
أماّ اللي كيما حالتي و كيما يسموني "جايحة و ما نعرفش صلاحي" اللي مانحب الذهوبات و اللبسات و ما نشرط وآآلو (غير الباتنجال و التاي و البقلاوة) كيما أنا
تقولو عليهم كاش ما بيهم , :sad: غير اليوم قاعدين جماعة تاع بنات نقصرو زوج منهم تخطبو و قاعدين يحكيو واش راهي تجهز و شرات حوايج الحمام و لوخرا راهي تخيط قفطان ولا نسيت واش و غيرهم
و هادو كآامل بالدراهم و 50 مليون ماتكفيهمش
و كي قلتتلهم أنا ما نتصدر ما ندير عرس اللي حب يهنئني يجي للدار يشوفني بلآ ما نشقي الغاشي و نفسد الدراهم يآاو طارو فييا :scared: أووآآه لالا لا نتي ماكيش نورمال و لوكان ديري هكدا طيحي من عينينن أهل راجلك _o: و خلعوني بوحد الحجج ما فهمت فيها والو :cra_zy:
خلاصة القول مازال كاين بنات ما تهمهمش الشكليات هادو
ما تقطعوش لياس و يبقى كل واحد و زهرو
:re_gards:

 

[chemssou007]

السلام عليكم
السلام عليكم
غي باغي نسقسيكم هاديك العشر ملايين و قليل اللي راهم يشرطوها احنا في تيارت 15 و طلع ههههههههه المهم شاباغي دير يرحم اللي خلقكم الصالو ن التالي 5 ملايين و لي كوفرولي الرخيص 2800 و يليق تدي كاش 4 و الي الكوفيرطات 4000 الرخيصة قاع و ما يلزمش قل من 6 و اللحوف الواحد ب 1800 و يليق 8 و لا اكتر و لي دررا الرخيص ب 2700 و يليق كاش 4 و لي كوات الرخيصة ب 1500 و يليق كاش 6 و لي تابي 2 و لا 3 ب 4000 و المخايد ب 400 بلا لي كوفار تاوعهم اللي ب 400 تاني و يليق 20 مخدة على الاقل ايا وين راه جهازها غي الشورة تاع الحمام 2 ملايين و الحوايج تاع التبراز الزوالية يتقامولها ب 10 ملايين و حوايج الدار تاع الشتا و تاع الصيف و لي بارفان و دهبها مع انو سايي راحت علينا و زيد حنتها و زيد غي لاكوافير ب 7000 و كاين تاع مليون و مليون و لي كادو اللي تديهم اللفاميلت الراجل م زيد و زيد بلا هاداك التفتيف

شوفي نقولك حاجا ديجا الهدرة تاعك هذيـ بينت كلش و علاه على المرا و لا الراجل يشرو هاذو كاملـ يبداو باللي كتب ربي و يعمرو دارهم بالعقل مي ضرك راح زمن التضحية لازم كلش ضرك
هدرتك لي يشوفها يشبع ما عندي ما نزيد​

و ماكاش اللي يقولي انا جيني هاكاك كل شي نديرو انا ياو الهدرة في ليتساع ساهلة نهار اللي يصح الصحيح تم كل شي يبان

لالا رجالة في وقت الصح يبان الراجل من التافه
هاذو لي قلتيهم الفوقـ ما قال عليهم ني ربي ني شرع
انا نعرف كي تتزوج تديـ المرا و على حساب جيبك تشريـ بالعقلـ
ترقد في الفراش و مبعد تشري سرير و مبعد تجيب و تجيب هكذا نعرف
اذا كنا حنا نعرفو المشاعر و الحب و حبي و حبيبتي
بصح راني نشوف كلش ولا هدرة صوارد و ماتريال
لي عندو يتزوج و الخدام الشهار يبقا يتفرج انا هكذا تبانلي البنات راهم يبيعو فيهم صراحة​

ايا و تاع لا انت ما ديري و انا و طاقتي ماعنديش و ما فيها والو لا يا حبيبي عربنا فامهم كبااااااااااااااااار و الله يعايروها و ماشي غي الناس تاع برا حتى اهل العريس يقولك طلق بنتو هكاك تحسب عطاولها بونكة

شوفي عاودي اقراي هدرتك و لاحظي حاجة
ولاو الغاشي ما يهمهش الهنا
يهمهم هدرة الناس وش يقولو وش يعملو
أنا نتزوج بمرتو بين ربع حيوط انا و مرتي و بس
واحد ما يدخل بيناتنا
و اللي مازال في العقلية تاع يعاير مرا و لا واحد متزوج باسكو ما عندوش و حاب يدير دارو بالعقل نسميه متخلفـ و مازال ما لحقاتوش الحضارة​

 

[chemssou007]

و نسيت و لاغوب و الشدة التلمسانية اللي كرا تاعهم تاع الزوالية ب مليون شوفو انا راني مشوكية و راني غي نخمم نشرط كاش 50 مليون و نديرها غي دهب
نقولكم و الله غي صح من نيتي كيما بزاف على الشيرة بزاف على الشير بصح هادي هي ماكاش اللي يغيضو الحال كيما انا طفلة تاني خويا شير و يليق يشرطو عليه باغي نبدلو الدعوة هاماجاياش

راني قتلك هدرتك يعاودو يقراو الموضوع و الرد تاعك يفهمو وش كنت حاب نقول
سلام​

 

[chemssou007]

ماتقولش هكذا كاينين بنات اللي مايحوسوش على الدراهم ويحوسو على الهنا
وهادو البنات مالقاوش شكون يخطبهم بويسك البنات نتوما الرجالة تخطبو غير الزين و العين الخضرا وخدامة +كون يعود عندها طوموبيل يا محلاها ولا أبوها عضو في البرلمان تكمل الحطة!!!!!!!!! وتجريو على يديكم قبل رجليكم
نتوما ثاني ماتشرطوش بزااااااااااف لاه العين الخضرا ادير الدار العقلية والدين هوما أكل
و ربي يفتح عليك بواحدة ناس ملاح وعينيها ماشي خوضر ههههههههههههه
+ تقويم
موضوعك فور عجبني

شوفي نهدرلك صراحة
تقدريـ تقولي عليا قديم مي انا تربيت هكذا
المرا ما نقولهاش روحي تخدمي اذا حبت تخدم مصروفها و شهريتها ما يتصرفوش على الدار
باسكو أنا لي نصرف عليها
و مع كل احتراماتو لي مرتو تصرف عليه و هوا راقد غير يروح يلقا حل لعمرو
و يقولك المثل الزين ما بنا دار
و الرسولـ راهو قالك تنكح المرأة لأربع خصال راكي عارفتهم وش هوما
من بينها الجمالـ و اضفر بذات الديت تربت يداك
+
ربي يخليك ختي مرسي​

 

[عاصفة الورود]

سهلها تسهالـ
حنا سهلناها قلنالكم ما جيبو والو ارواحو انتوما برك
سهلوها انتوما ثاني[/center]

هههه نو راني عليك يا أخي
شفت من الردود تبان مقلق وكذا :cra_zy:
قتلك سهلها تسهال الناس أكل تزوجو, ضرك نتا تاني دير كيفهم وهي فارية ههه, ما تتقلق ماوالو ,,
سلام
​

 

[chemssou007]

سلآآآم
تعرف نتوما ليجان مشكلتكم تشوفو غير اللي يطلبو هادي و هاديك و الدهب و الدار و اللبسة
أماّ اللي كيما حالتي و كيما يسموني "جايحة و ما نعرفش صلاحي" اللي مانحب الذهوبات و اللبسات و ما نشرط وآآلو (غير الباتنجال و التاي و البقلاوة) كيما أنا
تقولو عليهم كاش ما بيهم , :sad: غير اليوم قاعدين جماعة تاع بنات نقصرو زوج منهم تخطبو و قاعدين يحكيو واش راهي تجهز و شرات حوايج الحمام و لوخرا راهي تخيط قفطان ولا نسيت واش و غيرهم
و هادو كآامل بالدراهم و 50 مليون ماتكفيهمش
و كي قلتتلهم أنا ما نتصدر ما ندير عرس اللي حب يهنئني يجي للدار يشوفني بلآ ما نشقي الغاشي و نفسد الدراهم يآاو طارو فييا :scared: أووآآه لالا لا نتي ماكيش نورمال و لوكان ديري هكدا طيحي من عينينن أهل راجلك _o: و خلعوني بوحد الحجج ما فهمت فيها والو :cra_zy:
خلاصة القول مازال كاين بنات ما تهمهمش الشكليات هادو
ما تقطعوش لياس و يبقى كل واحد و زهرو
:re_gards:

ختي صراحة بارك الله فيك كلامك معبر جدا
و أنا أشد صنف من البنات لي نكرهم زوج المنافقات و لي ماترياليست
و ربي يمد على حساب القلوب
نعرف نوع من البنات ثاني قاتلي بالحرف الواحد
''كون ما يكونش الطفل عندو فيلا و طوموبيل غير ماكاله يقدم و يكون باباه عندو'
انتهى الاقتباس

و الطفلة تجاوزت 30 و قريب تدخل لـ 40
مي ربي يسهل على كل واحد

و مرسي ختي و ربي يهنيك و يجيبلك مكتوبك دعوة صادقة
تحيـاتي​

 

[chemssou007]

كي عاد فيها تقييم معليش

قوليلي ما زيدش تعاود
هههههههههههههههه​