راني حاب نتزوج وحابها خدامة !؟

[أم الولدين]

السلام عليكم
رانا نشوفو في الوقت الأخير رجع ميول الشاب على عكس زمان في الزواج طبعا , للمرأة الخدامة
حتى ولو مايكون ضمن شروطه الجمال ولا السن يعني كبيرة عليه مايهمش
موضوعي هذا حابتكم تقولولي في رايكم واش هي أدق الأسباب ؟؟؟
أكيد الأغلبية فيكم تقول المعيشة رجعت غالية و السؤال زعمه باش المراة تصرف على روحها وولادها
وهنا يفتح عدة تساؤلات و إستفهامات أخرى هل تغير رجل الآن على رجل زمان الي كان الرجل يكافح و يخدم لوحده و يعيش حتى 6 و 7أفراد و قادر على شقاهم ؟؟؟
عكس ضرك قل الأنجاب ....الخ ولا واش رايك خويا ختي
نسنا مذاخلاتكم و آرائكم ​

 

[ماكانش]

أهلا بيك أم الولدين
يعطيك الصحة على موضوعك الباهي
هيا صح نقصت الرجولة ، وفي نفس الوقت الدنيا شوي صعابت
يقلك نديها خدامة ونتعاونون وكاين ألي يعول غير عليها هيا، وكاين ألي يطمع وهيا ماشية ...
​

 

[zagane]

السلام عليكم
باراك الله فيك
هذا راه تزوج المرأة على مالها كيفاش حابين يكونو أسرة سعيدة و المرة تولي تصرف على راجل أملا هو فاني يلبس طبلية و يسميها في لكوزينا يتعاون على المعيشة برا و الداخل

 

[07 _H@yThm]

تعاونو ع البر والتقوى
صحييييييييتي

 

[secret de coeur]

وعليكم السلام الأخت
انا من رايي المرأة اذا بغات تخدم برضاها
نورمال مافيها والو ...مي قبل مايديها يخبرها ويقولها عاونيني
باش تنبنى علاقتهم على صراحة
مي الا حتى يتزوجو ويبقى طمعلها في دراهمها ويديهملها مش من حقو
ويخلي روحو يبان ناقص رجولة
شكرآآ ع الموضوع
​

 

[JIJEL88]

وعليكم السلام الاخت
في الحق يقولك من الافضل الراجل ياكل من عمل يديه
لكن البعض يقولك بلي المعيشة غلاة وكلش زاد
ولهدا لا حرج تعمل المراة باش تعاونو
بشرط يكون اتفاق وتفاهم بيناتهم في هدي النقطة
ويكون عمل المراة شريف ومافيهش اختلاط بزاف
لكن في الاخير نقولو بلي اصل النفقة هو الرجل
وفي رايي من الاحسن هو اللي يجيب الخبزة​

 

[السلطانة]

وعليكم السلام
بارك الله فيك اختي على الموضوع الطيب
صراحة ويقولي راني متزوجك على جال خدمتك
راني نردو منين جا هو وعايلتو
لمرا تخدم باه تعاون روحها وتعاون راجلها وانما تخدم عليه وهو راقدة وتمونجي
ولا دراهم مخبيهم لهيه هادي ماكانش منها
تقبلي مروري​

 

[adelskikda]

علاش الراجل يحوس على الطفلة تخدم نديرو مقارنة بين شروط الطفلة لي تخدم والطفلة لي ماتخدمش
نلقاوهم كيف كيف نفس الشروط وبالتالي ماعليه غير يخير لي تخدم على الاقل تعاونو مايصرفش عليها

 

[محبة الورد]

اولا السلام عليكم
ثانيا اختي بخصوص سؤالك هل تغير الرجل عن زمان انا نقولك ايه ختي تغير 180 درجة ونقصت الرجولة ذركا ولا لوكان ميديهاش تخدم ميزوجهاش ولا شرط من شروط الزواج
لككن ماشي عيب اذا خدمت لمرا بيسك يقولك خدمة النهار ماافيها عاار
وخاصة ذركا حنونة لمعيشة غلات وكامل تلقاي الراجل ماذا بيه لمرا تعاونوا شوية في مصروف الدار
المهم ختي تقبلي مروري المتواضع وكانت معك محبة الورد من وراء ليكرون هههه ​

 

[largo19]

السلام عليكم و رحمة الله
​

كلامك فيه شوية مبالغة ... نسبة الشباب الذين يريدون المرأة العاملة ليست كبيرة كما ذكرتي... و الدّليل هو طرحك للمسألة على أساس أنها (ظاهرة!!!!). و (الظاهرة) هي الشيء الجديد الشاذ في الجتمع ... و الصحيح أن الأغلبيّة الساحقة من الشباب يفضّلون أن تقوم المرأة بأعمال البيت-حتى لو كانت متعلّمة- بينما يتولون هم العمل و توفير مصاريف المعيشة... أمّا عن سبب تفضيل فئة من الرجال أن تكون زوجاتهم عاملات فراجع لعدّة أسباب :
-فمنهم من يتحجّج بغلاء المعيشة و صعوبة الحياة
-و منهم من تربّى تربية ليّنة . فلم ينشأ رجلا بكل ما تحمله الكلمة من معنى .. تغلب عليه الإنهزاميّة و عدم القدرة على الكفاح و إيجاد الحلول. لذا يلجأ إلى أسهل الطّرق
- و منهم الإنتهازيّون -للأسف- . حيث أن كثير منهم ستغل علاق الزواج ليسرق أموال زوجته ثمّ يتخلّى عنها و يتركها عاني خاصّة إذا كان لهم أولاد... و أعرف كثيرا من مرضى القلوب الذين استغلّوا زوجاتهم العاملات ف شراء سيّارة و سكن تساهمي . ثمّ طلّقوهنّ
- هناك من كانت نياتهم صادقة و أرادوا التعاون على مصاعب الحياة ..
شكرا على طرح الموضوع الجيّد

 

[أم الولدين]

وفيكم بارك المولى إخواني أخواتي و كل الشكر لكل من مر و ترك رداا هنا
أخي لارgو بارك الله فيك وفهمت من كلامك أنك ترشح الكفه لفئة الشباب الذين يفضول مكوت المرأة بالبت

و الصحيح أن الأغلبيّة الساحقة من الشباب يفضّلون أن تقوم المرأة بأعمال البيت-حتى لو كانت متعلّمة- بينما يتولون هم العمل و توفير مصاريف المعيشة...

ممكن رايك الشخصي ولكن الواقع عكس ماذكرت و أسباب ماذكرت في إختيار الشاب للمراة العاملة
كفيلة ولكل شاب و تفكيره ونيته
جزاك الله كل خير

 

[largo19]

وفيكم بارك المولى إخواني أخواتي و كل الشكر لكل من مر و ترك رداا هنا
أخي لارgو بارك الله فيك وفهمت من كلامك أنك ترشح الكفه لفئة الشباب الذين يفضول مكوت المرأة بالبت

ممكن رايك الشخصي ولكن الواقع عكس ماذكرت و أسباب ماذكرت في إختيار الشاب للمراة العاملة
كفيلة ولكل شاب و تفكيره ونيته
جزاك الله كل خير

أنا قلت رأيي بكل موضوعيّة .. وقارنت في الواقع بين الناس الذين أعرفهم و ألتقيهم فوجدت أغلب الشباب يفضّلون مكوث المرأة في البيت... على العموم شكرا

 

[سامية المطبولية]

اكيد المراة لازملها باش تخدم وهادا باش ما تطلبش من الزوج نتاعها الدراهم لانو الزوج ما يقدرش يلبيلها كل طلباتها و المراة احتياجاتها كتير .وشكرا

 

[hiba14]

السلام عليكم
اختي انا معك انو ظاهرة تفضيل المراة العاملة تزداد لكن مازال كاين شباب بزاف يفضلوها ماكتة بالبيت من جهة الحرمة
وما نكدبش انا راني نعمل لكن انشاء الله نقعد بعد الزواج و لا تحتمت عليا الخدمة لظروف انشاء الله كي نعرف صح راني مع راجل و يستاهل باش نبكر عليه في الجليد تاع الصباح لكن ما نفضلش بعد الانجاب خااصة

 

[اميليا]

السلام عليكم ويعطيك الصحة على الموضوع وكيما يقولو الوقت الي وصلنا ليه المراة تخدم والراجل قاعد mais كاين رجال مايحبوش المرا تخدم يعني ماشي كامل كيف بعض

 

[Jeune Sghir Mc]

عن نفسي
ماشي شرط تكون خدامة
تحكم الدار خيرلها

انا الحاجة لي مافهمتهاش
بنات بلادي
لوكان يقوللها ماتخدميش تقولو علاه حقي ومانعرف واش
ولكان يشرطلها تكون خدامة تقولك علاش طامع في دراهمي
كي تفهمونا في هاذي
بالاك رانا نتفاهمو ونلقاو تفسير


صحيتووو
​

 

[iman la brune]

لم ارى هذا الميول عندنا

ولكن اعتبر

هذا ظلم للمراة تخدم في الخارج وفي الداخل بزاف عليها



​

 

[homework]

الزواج اختيار ولكل واحد مذاقه و السعي وراء المال والمال مايجيبش العشرة و المحبة علاه ولدينا بكري الاختيار كان مبني على النية كلشي حط فيه ربي البركة مي ذورك كلش تهز من النية لي ماشي صافية الراجل يخمم في المراة مشروع استثماري

 

[أمينة بشار]

العائلة السعيدة هي لي يسودها التفاهم و يكونوا متفاهمين قبل ما يتزوجو باش هكذا مايوقعوش في مشاكل مبعد .

 

[أمير الجمال]

لي عودة إلى موضوعك القيم​