ظاهرة في الفايس بوك

[The_PunIsheRr]

السلام عليكم ورحمة الله

واش راكم خاوتي اعضاء اللمة؟؟

هذا اول موضوع ليا في هذا القسم..و ان شاء الله ما يكونش الاخير هه

المهم..موضوع اليوم يدور على وحد الظاهرة تدور في الفايس بوك..و نظن الناس اللي تدور في الفايس كامل شافوها ولاحظوها

هذي الظاهرة تتمثل في البنات اللي يديرو تصاورهم في الفايس..تضيفك وحدة في الفايس..كي تدخل للبروفيل تاعها تلقاها دايرة تصاورها..تحير والله..و تقولك انا بنت فاميليا..قولولي برحمة الوالدين كون جات بيت فاميليا تدير تصاورها...!!!
و المليحة كي تقولك..داولي تصاوري و دك يصراولي مشاكل مع الدار و و و..و الخطأ تاعها من الاول..

حبيت نشوف رأي اعضاء اللمة حول هذه الظاهرة

و السلام عليكم
​

 

[Jeune Sghir Mc]

ايــــــــــــه يا شريكي
يجيبوها لرواحهم من بعد تقولك الرجال عيانين وكامل كيف كيف
تلقاهم يحطولها 100 جام و 321 كومونتار
تحكملها وتقولك راني شابة وعجبتهم
مسكينات بنات بلادي
الله يهدي
ماتنساليش الحلابين لي غير يجاميو ويكومونتيو للمادامات
عيينا عيينا


صحيــــــــــت
​

 

[07 _H@yThm]

الفايس بوك الراعى الرسمي للحلابين مع العلم انا الحلابين تنطبق ع الجنسين

 

[ghali17]

مابقات تربية

 

[marouane el parisien]

ايــــــــــــه يا شريكي
يجيبوها لرواحهم من بعد تقولك الرجال عيانين وكامل كيف كيف
تلقاهم يحطولها 100 جام و 321 كومونتار
تحكملها وتقولك راني شابة وعجبتهم
مسكينات بنات بلادي
الله يهدي
ماتنساليش الحلابين لي غير يجاميو ويكومونتيو للمادامات
عيينا عيينا


صحيــــــــــت
​

aaaaaaah ya khoya 3la el halaba madro fina wallah garave
telgah hal boite ta3 tafla ghir bah itayeh hadik el tafla pfff badit nakreh el fcb 3la jal el halbine

 

[مابقاش بزاف.Dz]

الي حابـة تيvيفي المشاكل على روحها تستخدم الفايس بوك ما داروه الناس
علاه تحط ليفوتو تاعها و لا تاع غيرها و ممبعد يولوا يندموا و تقولك مشاك و غيرها
الي يعملوا هكدا قع حلابيـــــن و هادي قلة تربية
مشكور على الموضوع

 

[MANEL10]

c vraiiiiiiiiiiiiiiiiiiiiiiiiiiiiiiiiii khayou 3andak lhak normalement malazamch tafla that tsawarha f l facebook.

 

[*/نهال/*]

خويا معانا بنات يقراو معايا 16 سنة
دير تصويرتها و هي حاشا خليقة ربي ماتليقش و يزيدو التفاخر

علاه حتى دير تصويرتها حابة تتعرف على عباد ولا تستفاد منو

الحقيقة راهم يمشيو و يرجعو للورا

 

[حفيد هواري بومدين]

النية راحة والتربية مقطوعة

 

[simou11]

والله مام انا نحير فيها
يعني حاطة لي توف تاعها و تحب الناس مايهزوهمش ولا كيفاه ؟!
كان جات خايفة على روحها من اللول ماتديرش لي فوطو تاعها في الفايس
و زيد كون جاو اوموا لقطات متادبين شوية
وحد العفايس يديروا فيهم ربي لا يشوفكم !
مشكووووور خيي
سلآآآآآآمو

Miss Simou ^^​

 

[chemssou007]

كاينين بزافـ
+
بزاف ذر يدورو في الفايسبوك
الحضارة دخلتهم بشكل معكوسـ
يا اخي لاكان الـgــاورية دير تصاورها حاجا عادية عندها و عند باباها
و انت علاه زعما باه نقولو راكي متفتحة
المهم
كل واحد الله يسهل عليه
​

 

[نجاة40]

كيما كتبو فالفايس بوك:
قالت الشابة خيرة حيولي بنات الفاميلا لي سهرانين معانا الليلة
ربي يسترنا خويا ويبعد بلانا على بلاهم​

 

[The_PunIsheRr]

ربي يهدينا و يهديهم..الواحد ولى يكره يدخل للفايس يخاف كشما يصراولو مشاكل ولا..
شكرا لكل من رد على الموضوع
جزاكم الله خيرا

 

[مرام التيبازية]

السلام عليكم موضوع بزاف شباب ربي يسترك ياصاحب الموضوع..
ايه خويا احنا نصف الشعب اتاعنا متخلف حاشا البعض غير يسمعك تقول عندي فايس بوك يقول هادي فلانة دايرة وعاملة لانهم عندهم نقص الفهامة يفهموا كل شيئ بالنقص بطبيعة الحال...
اما على الصور اللي يديروهم البنات في الفايس بوك تقدر تقول ملاح وتقدر تقول ماشي ملاح:
1/بما ان الطفلة مقتنعة باه ادير تصاورها في الفايس بوك اتاعها بالاك باغية اناس اشوفها المهم هي راهي عارفة علاه راهي دايرتهم..
2/المجتمع والشباب اتاعنا اللي فارغ الشغل معندهش حاجة يقعد يقارع في الناس والبنات اللي راهي دايرة تصويرتها وزيد يبغي ويحب يسرق ويموديفيي الصور تع الناس...لوكان كل واحد يلتهى قدامه ماشي خير..
---على كل حال الحمد لله كي انا مرانيش دايرة صوري على الفايس بوك لان المجتمع بزاف متخلف واللي دار الصور اتاعه ربي يسهل وربي معاه---.....
اسفة يااخي بصح هدا مجرد رايي....

 

[mahwossat crochet]

ربي يهديهم و صح الي تخاف ما تحطش تصويرتها حتى الصورة عورة و انتوما شباب تعاونوا معانا باه نصلحوا الاخطاء حتا واحد ما يتمناها لاخته و ربي يستركم يوم القيامة ويجعلكم من اصحاب الجنة

 

[Nina's]

انا على جال هاذ المشاكل فاتحا 2
واحد كيما قلت للحلابين و تجواز الوقت

و واحد تاع الفاميليا تاعي و صحاباتي لي نعرفهم بيان بيان
​

 

[اللـــ فراشةـــمة]

كلامك جا في محلو خويا، أنا راني مشاركة في الفايس بصح والله ماني حاطة ولا صورة ليا، رانا في عالم آخر وممكن أي حد ياخدها ويعمل عليها تغييرات، المشكل راجع لعقلية البنت، كاينة البنت اللي تأمن بسهولة وتحط تصاويرها، وكاينة اللي تحب تتباهى بنفسها باه يشوفوها الغير، ومانعرف كل وحدة وكيفاش تفكر، وعلى العموم خطأ كبير تحط الطفلة صورتها في الفايس.​

 

[الزنبقة السوداء]

والله صحبتي تخاف على روحها زعما واحد ميصورها زمبعد في الفايس بوك
تنحي خيمارها وتغطي وجها بيدها زعما واحد ميعرفها

 

[zahira92]

ايه صح والله تحير راهي زادت هادي الظاهرة يعني شحال وحدة حاطة لا فوتو تاعها و بديجيست ماش ملاح يحشمو والله تبهديلة
​