الجزائريات و الفايس بوك

[lemia23]

رد: الجزائريات و الفايس بوك

و عليكم السلام
لالا منحقك أختي
نقولك علاه عندي حساب
اولا كي كنت نقرا في الجامعة الاستاذ كان يحطنا محاضرات في حسابه و لازم يكون عندك حساب باه تقدري تشوفي المحاضرة
ثانيا كنا دايرين مجموعات للمراجعة و الدراسة
ثالثا مكنتش نقدر نمد سكايب قلت للازم فايس و خلاص كي نكمل قرايتي نحبسه
و ضرك تقوليلي علاه حالته نفس الشي راني خلصت ليسانس و راني نكمل داخلة في مجموعات نتاع دكتوراة و ماجيستار و ماستر و ليسانس للاستفادة و الافادة + مجموعات عرايس و مخطوبات ( هذو لي نشوف فيهم العجب :d) كاش منستفادو عشيت نشوف العجب
عندك حق فلي قولتيه لامية اختي
مشكورة على المرور

هههههههه اوكي ربي يوفقك اختي في مشوارك الدراسي
معليش نقولك حاجة وخلاه
هاذوك لي يديو هكاك ويحطو لي فوطو على اتفه حاجة
حبيت نقولك نوغمالمو عندهم نقص كبير وغيرة مفرطة
علابيها يثبتوا في وجودهم بالطريقة هايك . ادا ماكان
من عندي متحطيش تعليق عليهم باسكو الشي لي فيهم يقلبوه فيك
هاذا الواقع اختي ربي يبعدهم علينا برك
سلام
عجبني حوارك الراقي :up:

 

[حكاية قمر]

رد: الجزائريات و الفايس بوك

شر البيلة ما يضحك
ياك بالنسبة ليهم تحضر وفهامة مي والله غي عقلية بزاف روتار
انا تاني راسي يحبس كي نشوف وحدة مصورة روحها وحاطة صورتها شا راك باغية توصلي
ليك هاد الموقف يا سيدي هادي استادة وفاهمة تقبض تخبي الوجه وتخلي غي دوك العينين يبانو وتحط فوتو في الفيس بوك
كان ليها واحد تعليق صاعق قالها ماذا يعني هذا الشيء
علبالك بلي ما قدرتش تجاوب انا في بلاصتها حشمت
والله غي ربي يهدي ناس كما هادو ويثبت عليهم العقل والدين
موضعك توب ويستحق التقييم
شكرا ع الطرح بويسك مام انا قلبي ضرني منهم وليت ما ندخل حتى لgروب باه​

 

[آمِيْرَتُه]

رد: الجزائريات و الفايس بوك

شر البيلة ما يضحك
ياك بالنسبة ليهم تحضر وفهامة مي والله غي عقلية بزاف روتار
انا تاني راسي يحبس كي نشوف وحدة مصورة روحها وحاطة صورتها شا راك باغية توصلي
ليك هاد الموقف يا سيدي هادي استادة وفاهمة تقبض تخبي الوجه وتخلي غي دوك العينين يبانو وتحط فوتو في الفيس بوك
كان ليها واحد تعليق صاعق قالها ماذا يعني هذا الشيء
علبالك بلي ما قدرتش تجاوب انا في بلاصتها حشمت
والله غي ربي يهدي ناس كما هادو ويثبت عليهم العقل والدين
موضعك توب ويستحق التقييم
شكرا ع الطرح بويسك مام انا قلبي ضرني منهم وليت ما ندخل حتى لgروب باه​

آهلا قمروتنا
منورة الموضوع
فكرتيني بوحدة حاطة فمها شاربها و قالتلهم واش رايكم في ضحكتي هنا موصيبة كبيرة
تبهديلة نتاع الصح بقى غير ضحكتها نعكوها راينا فيها مهابيل الفيد يدير بزاف صوالح ههه
ربي يهدي برك
مشكورة على المرور حبيبتي

 

[آمِيْرَتُه]

رد: الجزائريات و الفايس بوك

''حيطها"
"طوبسي"
"وحدين" ؟؟؟؟؟


كاين وحدوخرين يعطوها رآيهم نورمال و كل واحد و رايو


سلآم​

جاتك غريبة لهجتي آختي ؟
طوبسي الصحن
وحدين : ناس كيما تقولو وحدخرين
حيطها : هذي لمفهمتيهاش معنتها خطيك الفايس ههه
القروب ندار لتبادل الافكار ماشي للخرطي نتاعهم
سلام

 

[آمِيْرَتُه]

رد: الجزائريات و الفايس بوك

لا حول ولا قوة إلا بالله
هادوا مهمش بشر
دايما نشوف كما هادي امور وناس ديرتها عادي

العجب و المعجب في داك الفايس ربي يهدينا برك
ناس فاتحين باه يتفاهموا و يثقفوا و حنا للكوراث
مشكور على المرور

شي مخلوقات تشوفي منهم العجـب يحطوا أي حاجة تجي قدامهم
مشكورة اختي على طرح الموضوع

العفو و مشكورة على المرور

 

[Nina's]

رد: الجزائريات و الفايس بوك

جاتك غريبة لهجتي آختي ؟
طوبسي الصحن
وحدين : ناس كيما تقولو وحدخرين
حيطها : هذي لمفهمتيهاش معنتها خطيك الفايس ههه
القروب ندار لتبادل الافكار ماشي للخرطي نتاعهم
سلام

nn fhamt tkt pas mais ajtni bizard okhorji meno tethanay' slm​

 

[red rose]

رد: الجزائريات و الفايس بوك

pour moi koul wa7ad w 7ajtou
+kayan 7aja wasmha "tmas5iiir"
machi koulach ta9albouh jidya
ma3ajbakch al9roup a5arji makalah twaj3i 9albak kima t9ouli
+++++++++++++++++++++++
7anouna koul wa7ad wkifmah y5amam
mada5louch rwa7koum fi
7wayaj 5atyounkooum

slm

 

[¬Đỉaмơŋđ ✿]

رد: الجزائريات و الفايس بوك

وعَليكُم السَلآم ورَحمَة اللهِ وبرَكآتُه

نحيتْ الفيسْ بوكْ عنْدي 6 أشهُر ومنْ أيآم بركْ وينْ زدتْ فتَحت حسآبْ جديدْ بعد إلحآح من حبآبآتي وصَديقآت العملْ ..
صرآحَة تشُوف العجبْ العُجآبْ،اللِي مصَورَة رجْليهآ"أكرمَكم الله"،اللي تحطْ منكِير تصورْ صبآعتيهآ،اللِي تصبغْ شعرهآ تصوروُا وتقولكْ أعطوني رأيكم ... شحلْ نهبلْ كي نشوفهمْ أنآ .. !
تبآنلِي جيآحَة ومآعندهآ حتَى معنَى غيرْ أنو ينفخُو في روآحهمْ زعمآ شوفونِي ههههه
حنآ ديمآ هكذآ نستعْملو التقنيآتْ غير فالحوآيجْ اللي مآتصْلحشْ ..

موْضوع شبآبْ
يعطيكْ الصحَه أختِي ~​

 

[السلطانة]

رد: الجزائريات و الفايس بوك

وعليكم السلام


منمن تشفاي على مولات الصاشية الزرقا ههههههههه

والله تافهين بزاف

دايرين دي قروب قد الصخط على جال التفاهات

علابيها يحبو الفايس بووك ويهربو من المنتديات

لأنو الفايس بووك قد تفكيرهم التافه المحدود بعد

لي تصور في رجلها تصور ولي تصور في عينها تصور

ولي تصور نملة تصور ولي تصور في تقشير تصور !!
كيما قالو : بهدلتونا قدام الناس يامحاينك

كاين ناس دايرين الفايس بووك شغل دارهم هك

وقاريين لامان


حمبوكم سقمو روحكم خخخخ

(تعجبني كلمة حمبوك تاعكم )


صحيتي منمن شكرا

 

[آمِيْرَتُه]

رد: الجزائريات و الفايس بوك

pour moi koul wa7ad w 7ajtou
+kayan 7aja wasmha "tmas5iiir"
machi koulach ta9albouh jidya
ma3ajbakch al9roup a5arji makalah twaj3i 9albak kima t9ouli
+++++++++++++++++++++++
7anouna koul wa7ad wkifmah y5amam
mada5louch rwa7koum fi
7wayaj 5atyounkooum

slm

اهلا اختي
نستنى تكمل قرايتي و نخرج من جده قاع ههه
يعطيك الصحة

 

[آمِيْرَتُه]

رد: الجزائريات و الفايس بوك

وعَليكُم السَلآم ورَحمَة اللهِ وبرَكآتُه

نحيتْ الفيسْ بوكْ عنْدي 6 أشهُر ومنْ أيآم بركْ وينْ زدتْ فتَحت حسآبْ جديدْ بعد إلحآح من حبآبآتي وصَديقآت العملْ ..
صرآحَة تشُوف العجبْ العُجآبْ،اللِي مصَورَة رجْليهآ"أكرمَكم الله"،اللي تحطْ منكِير تصورْ صبآعتيهآ،اللِي تصبغْ شعرهآ تصوروُا وتقولكْ أعطوني رأيكم ... شحلْ نهبلْ كي نشوفهمْ أنآ .. !
تبآنلِي جيآحَة ومآعندهآ حتَى معنَى غيرْ أنو ينفخُو في روآحهمْ زعمآ شوفونِي ههههه
حنآ ديمآ هكذآ نستعْملو التقنيآتْ غير فالحوآيجْ اللي مآتصْلحشْ ..

موْضوع شبآبْ
يعطيكْ الصحَه أختِي ~​

اهلا
عندك حق ديما نستعملوه في السلبيات قروب نتاع خياطة تدخل تلقيه قروب تافه ههه
مشكورة على الرد

 

[آمِيْرَتُه]

رد: الجزائريات و الفايس بوك

وعليكم السلام


منمن تشفاي على مولات الصاشية الزرقا ههههههههه

والله تافهين بزاف

دايرين دي قروب قد الصخط على جال التفاهات

علابيها يحبو الفايس بووك ويهربو من المنتديات

لأنو الفايس بووك قد تفكيرهم التافه المحدود بعد

لي تصور في رجلها تصور ولي تصور في عينها تصور

ولي تصور نملة تصور ولي تصور في تقشير تصور !!
كيما قالو : بهدلتونا قدام الناس يامحاينك

كاين ناس دايرين الفايس بووك شغل دارهم هك

وقاريين لامان


حمبوكم سقمو روحكم خخخخ

(تعجبني كلمة حمبوك تاعكم )


صحيتي منمن شكرا

اهلا شوشو هذيك مولات الساشية وحدها ههههه
عندك حق كل شي صوروه
حمبوكم حمبوكم هههه
شكرا على المرور

 

[Hakan]

رد: الجزائريات و الفايس بوك

هههههه
موضوع مليح مي ماشي غير النساء اللي يعانيو
والله مام الرجالة دوخ فيهم
واحد يصورلك اشياء فضيعة
والله غير يحشم الواحد يصورها ومن بعد يقلك
التفتح يخي حالة
والله هادو الناس هوما الناس اللي ما شافوش ومن بعدحلو عينيهم لقاو رواحتيهم في عالم النت
ربي يهدي ما خلق امين...​

 

[بنت الصحراء08]

رد: الجزائريات و الفايس بوك

صح اختي
هادا علاش مبغيتش نحل حساب بالفيسبوك

 

[ثَسْكُورْثْ نَثْدُوكْلِي]

رد: الجزائريات و الفايس بوك

سلام عليكم
ههههه والله ضحكتني العفة تع القطوط يا الله

ايه عندك الحق اختي كاين منشورات في مجموعات لا علاقة

وكيما قلتي يحيرو تع الصح

والفيس بوك هذا كل واحد وشطارتو كاين ليستنفع بيه وكاين ليجوز برك وقتو ويضيع فيه الوقت

على كل شكراا اختي على السوجي

تحياتي
تقبلي مروري

 

[بنقابي افتخر]

رد: الجزائريات و الفايس بوك

بصراحة حنا اخر شخص يهدرو عل التفتح ههههههه
حسبللهم التفتح كي يقلدو بنات اصلهم خبث و تفاهه
ولكن جاو يكحلولها عماوها هههههههه
انا العنوان لي حبسلي راسي
باىعة الزطلة
زعما باىعة الورود ههههههههه
ايا حلل وناقش

 

[آمِيْرَتُه]

رد: الجزائريات و الفايس بوك

و الله العجب رانا نشوفو فيه في داك الفايس بوك
شكرا على المرور

 

[Perle Blanche]

رد: الجزائريات و الفايس بوك

درتي موضوع راه في قلبي
كيما قلتي اختي صح رانا كامل عندنا حسابات في الفايس بوك
ول انا عندي مشكل في هاذ المنشورات تقريباا كي ندخل مجموعة ديماا نحوس نلقاا تفكيرهم شوية راقي
نلقاا منشورات كيما راكي تقولي و ديمااا منسكتش يعني نعلق واش فايدة المنشور مثلاا
هههههه نلقاا رد ديماا بلاك تاع الا مش عاجبك مترديش فوتي مي تاني هوماا منشوراتهم كامل معندهاا قيمة
قداه عمرك_لون بشرتك_من اي ولاية_يعني قليل و لا مكانش منشور تستفيدي منووو
و في الاخير نلقاا روحي خرجت من الجموعة و لا الا كانت بنت لي فاتحة المجموعة تبلوكيني مباشرة هههه
المعذرة على هاذي مي نبقااو شعب ميقدرش قيمة واش راه يديرو وتبقى التفاهة حاجة عايشين بيهااا
مشكورة على الموضوع وتقبلي مروري
​

 

[ARCHICAD2016]

رد: الجزائريات و الفايس بوك

يصوروا رجليهم ومبعد يديهم و مبعد اجسادهم ..... ظهر الفساد في البر والبحر = علامات الساعة

 

[الرومنسي الجاد]

رد: الجزائريات و الفايس بوك

ايه يعيو + يبهدلو + يبهللو /:​