الجزائري (ة)و علاقته (ا) بالثقافة

[BLEU PEARL]

رد: الجزائري (ة)و علاقته (ا) بالثقافة

أختي موضوعك روعة الله يهدينا
نكملك عليك ولا لالا؟؟؟
معليش باه نبينلك المستوى وين راه
أنا أستاذة قراتني فاليسي زعم خريجة المدرسة العليا
كتبتلنا آية كريمة الناس كامل تعرفها كتبت قبلها قال رسول الله صلى الله عليه وسلم كاااااااارثة
ومرة كانت تكتبلنا في خلاصة من كراس تلميذة قرات عندها سابقا صدقيني التة المربوطة كامل مفتوحة والتء المفتوحة كامل مربوطة وكي نبهناها قالتلنا عذرا خطأمن التلميذة
واشنو؟؟؟؟
عذر أقبح من ذنب وأنت وين راكي
وكوارث بزااااف بزااااااف قراتنا فالتارمينال ضيعتلنا كامل لاباز ربي يسامحها
شكرا لك أستاذتي ربي يعيني مع تلامذتي المستقبليين​

 

[آمِيْرَتُه]

رد: الجزائري (ة)و علاقته (ا) بالثقافة

أختي موضوعك روعة الله يهدينا
نكملك عليك ولا لالا؟؟؟
معليش باه نبينلك المستوى وين راه
أنا أستاذة قراتني فاليسي زعم خريجة المدرسة العليا
كتبتلنا آية كريمة الناس كامل تعرفها كتبت قبلها قال رسول الله صلى الله عليه وسلم كاااااااارثة
ومرة كانت تكتبلنا في خلاصة من كراس تلميذة قرات عندها سابقا صدقيني التة المربوطة كامل مفتوحة والتء المفتوحة كامل مربوطة وكي نبهناها قالتلنا عذرا خطأمن التلميذة
واشنو؟؟؟؟
عذر أقبح من ذنب وأنت وين راكي
وكوارث بزااااف بزااااااف قراتنا فالتارمينال ضيعتلنا كامل لاباز ربي يسامحها
شكرا لك أستاذتي ربي يعيني مع تلامذتي المستقبليين​

أهلا أختي
يا والكوارث راهم بالجملة و ذلك راجع لنقص الثقافة
كون جينا نبحثو و نثقفو ميصراش هاك
ربي يعينا جميعا

 

[آمِيْرَتُه]

رد: الجزائري (ة)و علاقته (ا) بالثقافة

وعليكم السلام موضوعك قيّم يعطيك الصحة

صح حنا بالنسبة لبقية الشعوب رانا ناقصين بزاف

كون نتقارنو مع التوانسة والمصاروة برك من ناحية الثقافة كاين فارق

وزيد شعب يحب يضيّع وقتو في الخرطي

يعين قرايتو ماقراهاش ماخص يهتم يقرى كتاب ويثقف روحو :bravo01:

تقبلي مروري
:regards01:
​

أهلا شوشو
ايه كاين فرق و شاسع بزاف نضيعو الوقت كيما قلتي غير فالخرطي
فاتحين مجموعات غير باه تقولك شوفيني عندي لاطاي و لالا ؟ هههههههه

 

[آمِيْرَتُه]

رد: الجزائري (ة)و علاقته (ا) بالثقافة

السلام عليكم اخت منيني
موضوع هايل مين جبتيه ؟
بون التكنولوجيا هادي والله غير فسدت بزاف أمور
سيرتو عندنا احنا ،، فالغرب ولا الدول المتقدمة دارو التكنولوجيا هادي باش يستغلوها فالتطور
وداروهالنا لينا باش يلهيونا وما نتطوروش
وللأسف وصلو لمبتغاهم ،، الثورة الالكترونية قضات على الأساليب القديمة في التعلم كالكتاب وغيره
والطلبة ولاو يفتشو على الحاجة الساهلة ما يعيوش رواحهم ولا يروحو يفتشو فالمكاتب على المراجع
ولاو يجريو للنت أول باجة يخرجهالهم غوغل يديرو كوبي كولي ويروحو فرحانين قال قال درت بحث:d
فأمريكا يعطيوهم واجب منزلي والأستاذ تعهم يحط قدامو النت ويفيريفي الواجبات واحد بواحد
اللي يلقاه مجبود من النت يشكي بيه ويفصلو الطالب ديراكت:down:
احنا عندنا تقدري تقولي المستفيد الأكبر من البحوث هو مول السيبار:bravo01:
هو اللي يفتش فالنت ويعدل البحث ويستيكيه ويتثقف شوية :regards02:
أما التلميذ يهزو منا يديه للمعلم واجد وهذا الأخير ما يكلفش نفسو عناء قراءة البحوث كونها الكل تتشابه:-r

المهم خلاصة القول غياب المطالعة هو الشي اللي خلانا نوليو جهال رغم أننا متعلمين
واللي يحب يثقف نفسو هاد الشي بيدو وحدو:sport02:

انا لبارح جبدت 3 مجلدات وقاعدة نتصفح فيهم بالواحد جات ماما قاتلي اووو انتي اجبدي بالواحد واقراي:-r
قتلها اييييييييي ديجا ليلة نكمل واحد خخخخخخ انا من هواة المطالعة كثيراااااااااااااااا:bravo01:
​

آهلا مينات
مليح العبد يطالع و يعمر راسه
من قبل كنت نقرا كتب متنوعة و مؤخرا راني في مجال اختصاصي و كون يشوفوني رافدة كتاب و نقرا دقولي منعرف واش دارت كامل يقولولي منك بصح تقري
و علاه دارو الكتاب باه نتفرجو منه
حنا وين و هما مين
هذي الفكرة ديرها وحدة البروف تقرينا لي تلقاه من النت تعطيه أقل من 5
و تبان ليا فكرة مليحة تخلي العبد يبحث

 

[آمِيْرَتُه]

رد: الجزائري (ة)و علاقته (ا) بالثقافة

موضوع يجب الوقوف عليه مطوّلا
كيف لا وأول كلمة نزلت من القرآن الكريم ( إقرأ )
وللأسف أصبحنا
أمة لا تقرأ، وإن قرأت لا تفهم، وإن فهمت لا تفعل

علاش مانقلدوهمش في الامور اللي تفيدنا .. يتثقفون في الشواطئ في الحافلات في الهواتف العمومية في الحدائق في الغابات .... الكتاب في كل مكان

أما حنا يا خسارة حتى طبقتنا المثقفة ولا تجيد صياغة جملة
​

أهلا عبد الرؤوف
غير سكت هذيك الطبقة وحدها منعرف كي وصول لهذاك المستوى
حنا نمشوا بالمقلوب يعني ندو التفهات و نخلو الصح

 

[بثيــــنة 19]

رد: الجزائري (ة)و علاقته (ا) بالثقافة

يآ ختي منيني طليتي على قلبي
آآه يآ الثقافة والشعب الجزايري
هديك لخطرة الأستاذ كآن يحكي على الدكتور الملقب بشيخ المؤرخين أبو القاسم سعد الله رحمه الله
تبهديييييلة الجماعة قعدوآ حايرين شكون هو الإنسآن هذآ !!
يآ إلـــــهي !!
إيييه كون جآ مغني ولآ ممثل كون عرفوه بصح وش يجيك من شعب يخآف من كتآب
مآيحبوش يتعبوآ روآحهم ويروحو للمكتبة كآين غوغل و مآيهمهمش المعلومة صحيحة ولآ غآلطة المهم ورقة فيهآ حروف وخلآص
و أول حاجة تجي في بالهم منين يسمعو كلمة ثقافة الشطيح والغنآ
يخمموآ برجليهم مش بعقولهم
والكآرثة تلقآيهم يقرآو ماستر وكي تسقسيهم وش هو آخر كتآب قريتوه
يقولولك هبلت أنآ نقرآ كتآب ؟ قريت سيدتي والجميلة و....إلخ
يضيعو الوقت في حوآيج معندهآش معنى ويقولولك قتلنآ الديقوتآج
كون ينسى مغني كلمة يفكروه فيهآ ويغنيو معآه بصح كون ينسى أستآذ مقولة ولآ إسم مؤلف ولآ حتى يقول آية ولآ حديث ويستنى منهم يكملوه الجمآعة يقطعوآ الحس
إييييييييه و صفحآت الفايسبوكـ حديث ولآ حرج
شعب لآ علآقة بالثقآفة
تقبلي مروري :regards01:
​

 

[آمِيْرَتُه]

رد: الجزائري (ة)و علاقته (ا) بالثقافة

يآ ختي منيني طليتي على قلبي
آآه يآ الثقافة والشعب الجزايري
هديك لخطرة الأستاذ كآن يحكي على الدكتور الملقب بشيخ المؤرخين أبو القاسم سعد الله رحمه الله
تبهديييييلة الجماعة قعدوآ حايرين شكون هو الإنسآن هذآ !!
يآ إلـــــهي !!
إيييه كون جآ مغني ولآ ممثل كون عرفوه بصح وش يجيك من شعب يخآف من كتآب
مآيحبوش يتعبوآ روآحهم ويروحو للمكتبة كآين غوغل و مآيهمهمش المعلومة صحيحة ولآ غآلطة المهم ورقة فيهآ حروف وخلآص
و أول حاجة تجي في بالهم منين يسمعو كلمة ثقافة الشطيح والغنآ
يخمموآ برجليهم مش بعقولهم
والكآرثة تلقآيهم يقرآو ماستر وكي تسقسيهم وش هو آخر كتآب قريتوه
يقولولك هبلت أنآ نقرآ كتآب ؟ قريت سيدتي والجميلة و....إلخ
يضيعو الوقت في حوآيج معندهآش معنى ويقولولك قتلنآ الديقوتآج
كون ينسى مغني كلمة يفكروه فيهآ ويغنيو معآه بصح كون ينسى أستآذ مقولة ولآ إسم مؤلف ولآ حتى يقول آية ولآ حديث ويستنى منهم يكملوه الجمآعة يقطعوآ الحس
إييييييييه و صفحآت الفايسبوكـ حديث ولآ حرج
شعب لآ علآقة بالثقآفة
تقبلي مروري :regards01:
​

أهلا حبيبتي
تبهديلة و كارثة و يقولك حنا مثقفين الثقافة في جهة و هما في جهة