القراية ما بين البارح واليوم

[nour mary]

الســــــــــلام عليكم
​

مســـــــــاء الخير و الورد :sheer:​

*القراية*​

مابين بكري وضرك
.
.
​

نبداو بالبريمار
​

لبارح كنت نتفرج فالكتاب نتاع خويا هاد العام السانكيام​

( السيزيام نتاع بكري زعما)​

حوايج تافهة يقراو فيها ​

-احسب المسافة ​

-و عندهم كالكيلاتخيس يحسبو بيها ​

-جدول الضرب حاصلين فيه ​

-باش يحسبو الزمن برك تقول راهم يطلعو فساروخ​

ايــــــه حنا ​

هاد الحوايج كانو عدنا كي الماء :shiny:​

كنا جدول الضرب كل اليوم لازم ينوضنا الشيخ بالش نحفظوه​

ولي نسا اتفرت فييه تجيه مسعودة (العصا)​

و كنا ديماا نديرو المسائل وكينجيبو كامل صحيح كان يخرجنا​

نديرو سبووور (هاد واش كنت نحب)
.
.
.​

ايا نطلعو شويا لسيام
​

ولاو يطلعو صغار للسيام ​

و زيد ​

يدزو فيهم باش يطلعو ​

يجي عام البيام ​

تلقاهم يجريو عليهم يطلعولهم فلي موايان باش ادا ماداوهش​

يطلعو نورمل ​

اما حنا ​

بخاسك كيفهم :shay:​

مي برك كانو يزيروعلينا شوي كتر منهم
.
.
.
​

وصلنا لليسي
​

اييه يا الليسي العام اللول والتاني يفوتو كي والو ​

يجي عام الباك :scared:​

الناس كامل ولات تدي فيه ​

و وصلو يدو فيه ب 18 و 19 _o:​

ولينا بلاد العلماء الله يبارك ​

بكري هادي قبلنا ​

كانو لمخير لي يدي الباك ​

يديرولو عرس ​

الله يبارك على بن بوزيد متهالي فالشعب
.
.
.​

ضرك نروحو لآخر مرحلة دراسية كيما يقولو
​

الجامعة
​

لي طلع الجامعة سي بون راهو تهنا الديبلوم ماديه ماديه ​

مام يطول فينالومون يمدولو شهادة المتقف هاديك يفرح بيها ​

ايامات ​

بكري ​

كان يجومهم من افغانستان و الهند يقروهم :santa_1:​

هاكاك و كانو يقراو و يتعبو
.
.
.​

انتهت جولتنا بين البارح واليوم مع القراية ​

نشالله تكونو استمتعتو بيها ​

و ضرك كل واحد يقولنا رايو ​

ســـــلام :re_gards:​

 

[nour mary]

شكرا لقبول الموضوع​

 

[sin@me]

ههههههه

بصــــــح يادرنا وين راح تدينـا

بففف

 

[nour mary]

ههههههه

بصــــــح يادرنا وين راح تدينـا

بففف

هههه ماشكيتش نروحو بعيد مابقاش بزاف ونديرو stop

شكرا لمرورك الطيب​

 

[sin@me]

هههه ماشكيتش نروحو بعيد مابقاش بزاف ونديرو stop

شكرا لمرورك الطيب​

ههههه
ايه دوك يقولونا المعيشة بااااطــل باينة كرهوو منا

 

[chemssou007]

السلام عليكم
يرجى منك قراءة رديـ كاملـ هكذا تقدريـ تفهميني أحسـن
تحكمي واحد كبير تقوليلو وش من سنة حابس يقولك سنة سادسة نضحكو عليه
علاه ضرك رانا اذكياء عليه
بكريـ دوبلي ثلاث خطرات يبعثوك لداركم مش كيما جماعة دارو اللحية في الابتدائي ضرك
بكريـ واحد عندو شهادة التعليم الاساسي تلقايه يعرف يكتب رسالة رسمية و يعمر شيك و ما الى هنالك
ضرك تحكمي واحد جامعي ما يعرفش يعمر شاك و لا يدير طلب عمل
ولا Lettre De Motivation
و تلاقينا بيهم شحال من مرة في لابوست

وينـ راه كتاب قراءة تاع بابا في البستان و امي دور في السوقـ
ضك بليكور و الكتابات الملونة و الانترنت و يا ربي يطلعو معدلـ 10
ضرك يقولو دير بحث يروح يحوس عليه في الانترنت كوبي كولي و الحكاية خلاصت

الملخص أنو لي عندو شهادة ضرك يروح يبخر بيها
كيفاه تعرفو قاريـ مش من نتائج تاع مراقبة مستمرة لي كامل يدو فيها 20
كي يهدر و يناقش و تشوف راسو وش فيه اذا صح معمر فهامة و لا فيه كلاكيت تاع بلاستيك
سلام
​

 

[Jeune Sghir Mc]

شوفي هذاك لي راه حاطو
فلاديمير بوتين في البلاصة ذيك
راه يمد فالباك ولي ديبلوم نورمال
باش واش
يقولو زوارة التربية راها تخدم مليح


صحيتووو
​

 

[nour mary]

السلام عليكم

يرجى منك قراءة رديـ كاملـ هكذا تقدريـ تفهميني أحسـن
تحكمي واحد كبير تقوليلو وش من سنة حابس يقولك سنة سادسة نضحكو عليه
علاه ضرك رانا اذكياء عليه

بكريـ دوبلي ثلاث خطرات يبعثوك لداركم مش كيما جماعة دارو اللحية في الابتدائي ضرك
بكريـ واحد عندو شهادة التعليم الاساسي تلقايه يعرف يكتب رسالة رسمية و يعمر شيك و ما الى هنالك
ضرك تحكمي واحد جامعي ما يعرفش يعمر شاك و لا يدير طلب عمل
ولا Lettre De Motivation
و تلاقينا بيهم شحال من مرة في لابوست​

وينـ راه كتاب قراءة تاع بابا في البستان و امي دور في السوقـ
ضك بليكور و الكتابات الملونة و الانترنت و يا ربي يطلعو معدلـ 10
ضرك يقولو دير بحث يروح يحوس عليه في الانترنت كوبي كولي و الحكاية خلاصت​

الملخص أنو لي عندو شهادة ضرك يروح يبخر بيها
كيفاه تعرفو قاريـ مش من نتائج تاع مراقبة مستمرة لي كامل يدو فيها 20
كي يهدر و يناقش و تشوف راسو وش فيه اذا صح معمر فهامة و لا فيه كلاكيت تاع بلاستيك
سلام​

و عليكم السلام خويا
عندك الحق في كلشي
حنا ضرك بالي نوت لي مدو فيهم و حاصلين
راهم ما خلاوش مام الامتحانات و يمدولهم فيهم كي والو
دي فوا تلقاهم كبار و اسمو مايعرفش يكتبو بالفرونسي
معرف وين راه المشكل ضرك فالدولة و الشعب لي جاح و عجباتو القعدة
يعطيك الصحة خويا نورت الموضوع :shiny:​

 

[nour mary]

شوفي هذاك لي راه حاطو

فلاديمير بوتين في البلاصة ذيك
راه يمد فالباك ولي ديبلوم نورمال
باش واش
يقولو زوارة التربية راها تخدم مليح​

صحيتووو​

و فينالمون متفرة غير فينا حنا
نفرحو مع اللول و مباعد باش نفيقو كي فوت الوقت
مغسي خويا الصغير ​

 

[07 _H@yThm]

اهلا بنت لبلاد
كــــــلش صــــــحيح واش حــــكيتي مي ماتقولي لاهوما خير لاحنا خير واحد فينا مايصبح كلنا رانا فلهاويه ...ابسط حاجه
ضرك واحد فلجامعه تقولو اكتب ض يقلك هديك لي فيها لعصى ولا ؟؟؟؟؟؟؟؟؟؟
ايا سلااااام​

 

[nour mary]

اهلا بنت لبلاد​

كــــــلش صــــــحيح واش حــــكيتي مي ماتقولي لاهوما خير لاحنا خير واحد فينا مايصبح كلنا رانا فلهاويه ...ابسط حاجه
ضرك واحد فلجامعه تقولو اكتب ض يقلك هديك لي فيها لعصى ولا ؟؟؟؟؟؟؟؟؟؟

ايا سلااااام​

اهلا خويا هيتم
نتاع ضرك بانولي مهلوكين كتر من نتاع بكري اوموان هادوك عندهم عدرهم
مغسي نورت الموضوع خويا :sheer:
سلام​