ماذا ستطبخين اليوم سيدتي الجزء ال 14

[imen ahmad]

ايمان احمد المقروظ جاك منقوش يهبل ...قوليلي مقروظ الفرينة يتعسل ؟ ولا يتكل ناشف

https://www.4algeria.com/vb/showthread.php?p=4153442#post4153442


هاي الرابطة ندوش

 

[روز]

ايمان تم لقيتيني نخمم وش ينحهملي ههه
كوثر ديريه وماتحطيش صورتو
أسومة شوفي الادارة سقسيهم يمكن مشكل في الاي بي يعطوك حل
ولا كاش حاجة بسكو راهي تمشي عندنا نورمال

 

[imen ahmad]

شكرا فيفي و ايمانو و نوور الرخمان راني درتو موضوع مستقل المقروط

 

[la_safa]

السلآم بنـآآآآآآتــــ و المرآوآتـــ هههـ ..
اليوم درنآ غرآتآن جلبآنة و زعمآ جيت نحمل الكونيكسيون ثقيلة مآقدرتش ..
بالصحة ليكم لعشآ كآآآآآآآآآآآآآآآآمل
و أختي روز رآهي مآزآلت في قلبي هههـ قوليلي وش معنى هالزقليش
يآ بن عمي غوغل و مآعرفوش هههههـ
​

 

[كوثر الوهرانية]

بصحت عشاكم لبنات
بصحتك القرتان بالجلبانة اختي لاصافا بالصحة و الهناء
انا درت روز ابيض و لي بولات نتاع السردينة بصوص الطماطم بصح عجزت نصور

 

[رآج ـية العفو]

لبنآت والله مآني قآدرة نتصفح في اللمة رسلت للإدآرة
ونستنى في ردهم المهم مآ قدرتش نشوف كل شي نقولكم بلآ
مآ نشوف هههه يعطيكم الصحة وبصحتكم كآآمل وآش طيبتو
واللي هدرت معآيآ ومآ شفشت نقولهآ غدوآ نشوف ههههه
وصح عشآوآتكم ​

 

[la_safa]

الله يسلمكـ اختي كوثر
يممم سير جآو ملآح كون شفنآ رآنآ سخفنآ هههـ
بصحتكم اختي على قلوبكم .. ~​

 

[ألاء الرحمـــن]

بصحتكم طاجين الزيتون والمدلوك والمقروض والقريوش
ياخي مانسيت حتى واحد ؟
بصحتك روز الصحن هذاك راكي توكلي زوج
واش بيها بسومة وفوفة وخيرة مابانوش اليوم
ياسمين كلحتنا بالغدا والكيكة وضربت النح وين غاطسة
​

:shiny: راني جيت وجبت معايا لبار نتاع القهوة لناس الماريكان راه وقتها اتفضلو

شوشو راني من المزرعة للكوزينة درت لعشا بسيف ههههههه سكنت فدمي الحصيد والزريع

​

 

[رآج ـية العفو]

هههههههه قدرت نشوف كيكة يآسمينو يعطيك الصحة
وأخيرآ يآ مرآ هدآك ربي ههه اني نشوف فيط رح تطلقي
على هآذ المزرعة هههه

شفت اقتبآسك أم منصف تسقسي على بسوووم
قآلت انهآ مآرحش تدخل ​

 

[ألاء الرحمـــن]

مصبت مين نبدا ولا شكون نقولها يعطيك الصحة راكم الله يبارك شاطرات تطيرو طيران ههههه هذا كامل وحش للمة مشاء الله أطباق وحلويا روعة روعة ويعطيكم الصحة كل وحدة باسها
والله يا الكوبياج داير حالة ههههه من حملة البيتزا لحملة طاجين زيتون
انا عشايا كان خفيف حميص + سلاطة + معقودة

صحا عشاكم كل وحدة باسمها


​

 

[ام سيف]

تبارك الله عليكم
روز الطبسي قريب ينطق ومطرح مايسري يمري
ياسمين صح ليك التحويسة عندنا ويعطيك الصحة كلش يشهي

 

[ام سيف]

ايا انا رايحة نرقد احلام سعيدة

 

[كوثر الوهرانية]

الكيكة هايلة ياسمينوا وعشاك باينب بنين شحال نحب المعقودة ام بصحتكم
لبنات اليوم الاخة فوفة مبانتش خير ما عطلها علينا
ام سيفوا و انتي م اهل الخير حبيبتي احلام سعيدة

 

[ألاء الرحمـــن]

بصحتك كي شفتيها اسكتي برك راني غاشعة معاها مين داك هو يزرعلي ولا يوكلهم كي يصيبهم جيعانين هههههه قالي خلاص هبلتي رسمي
============
الله يسلمك أم سيف قولي بصحتي البرد ألي قهرني وانا كي شاطرة ديت غير حوايج صيف رجعت نترعد وحدي هههههه تقول راني في جانفي
تصبحي بخير وأحلام سعيدة انا هذا وين سطاليت وحلات السهرة:sheer:
==========
الله يسلمك كوكو مام أنا نموت على المعقودة وكثرتها نديرها في رمضان على خفتها وبنتها

​

 

[ألاء الرحمـــن]

حالياً الأعضاء النشيطين الذين يشاهدون هذا الموضوع : 26 (9 عضو و 17 ضيف) ‏ألاء الرحمـــن, ‏Ahlem&mou, ‏Djazaire-El-Ghalia, ‏بلادي نبغيك, ‏fatima_19, ‏hadda0425, ‏mimi53, ‏prncess fifi, ‏كوثر الوهرانية

أطلعي يا لالة اليوم غاب حسك وين راكي غاطسة علينا ولا اعتزلتي الكوزينة كي رجعت اللمة هههههه
​

 

[blida2008]

درنا مشي راح انديرووو ... لوبيا مشطووو جواز مع طماطيش و بصل حمرا

بالاضافة للسلطة كالعادة

شكرا لكم خواتي

 

[بنت الجسور المعلقة]

يويويويويووييييييييييييييييييييييييييييييييييي مبروك على لمتنا رجعت لينا والله متصوروش كيفاش طرت من لفرحة
مسيتكم بلخير يا لحراير بصحتكم واش طيبتووووووووو
درتلهم اليوم المحور المشهور في قسنطينة يديره بزاف في لعراااااااس يجي كي مرقة تليتلي ولا الرشتة مقاديرو هوما قطع لحم على حساب الرغبة بصلة مفرومة فلفل لكحل شويا زيت وملح خلو كلش يتقلى على نار هادية أمرقو بلما وزيدو الحمص كي يطيب كلش زيدو وجدو لحم مرحي كوروه وطيبوه ! فورو النعمة (البربوشة ’ الطعام ) ويلا تحبو أنصبوه بجاج مكانش مشكل وشرشمو لعظام (البيض) وقدموه والبنة معندي منقلكم
هاي ليكم الصوووووورة

​

 

[imane27]

ياسمين عشاك يشهى وخفيف نحبها معقودة
بنت الجسور هداك تبسي دوخنى يعطيك الصحة وبصحتكم

 

[ibtesem]

السلام عليكم يالبنات
الله الله عملت حالة في غيابي الحمد لله ماحضرتش
ولا اليوم راني مع البرابش وطاجين الزيتون والمدلوك
والبدنجال والمقروض وكيكة واش حطت ياسمينو
لكملت وختمت الحسبة بنت قسنطينة الحق الحق vivi الرجيم هههههههه
الحمد لله كي هربت هههههه
الله اخليك شرفو كي تفكرتيني يالحبوبة

راكي تعرفي سوفية واش تحب هههه
الله اسلمكم يالبنات على كل شي
روز امممممممممم على سنمن رول جاك هايل
تحياتي
​

 

[omarwa]

مساء الخير
ياسمين طاجين الزيتون يسخف و الكيكة روعة بصحتكم يا الشطورة
ندى القرتان جاك يسخف و اكيد بنة التونة زادت فيه نكهة خاصة بصحتكم
ايمان احمد اممم على هداك الطياب المعرر بصحتم يا لحبيبة
ام منصف طعام و عليه الكلام الله يبارك و يزيد
العشية درت المدلوك

بصحتك ام كوثر يسخف اممممم