سرقة والمجرم شكون؟

[السلطانة]

السلام عليكم
نتمنى التوفيق لناس السيزيام والبيام والباك ولي رايحين يتخرجو ولي تزوجو
نقوللهم مبروك
******************************************************
نضنا الصباح على واحد المهرجان
لعياط والصراخ وأحكم أحكم عندك يهرب
أحصر أحصر
****************
جيت نفتح التاقة نلقى جارتنا عجوزة تقول
أحكمو أحكمو اليوم ياخذها
ليوم نخرجلو روحو
ليوم تخرجلو عينيه
قلت خلاه هادا سير كاش سراق

هيا وولدها دارو باgار قد بن حملاوي عند الصباح
علاماه في رايكم؟

:um_sh:

لحكاية على جال حيوان على جال كلب
كلب بصح


سراق

سرقلهم 3 دجاجات
وكلاهم في الليل لقاو غير الريش تاعهم وتحلفو فيه
كي حكموه
لعجوزة تضرب فيه بالتماق
وولدها يضرب فيه بالعود
مسكين حتى غاضني هاداك الكلب وهو غير يعوg
:tears:
قالتلها جارتنا:يالحاجة سيبوه هادا حيوان واش يفهم
قاتلها وكي كلالي الدجاجات وخرج عينيه عجبو الحال
مالا ياخوذها
مبعد تلمو الجيران قالو لولدها
سيبو برك حرام عليك
قالهام راه ماكلنا حق 150ألف
كيفاه نطلقو
ناضو قالو هاك الدراهم واطلقو
قالهم اليوم نقتلو
وبقاو يضربو في هاداك الكلب مسكين
حتى قريب نطق
:blink:
بقيت داهشة في مغارب ربي أنا
هادا حيوان بهيم مايفهم والو
كسلوه بطريحة حتى قريب مات
وخطفو ولدها في الطوموبيل إلى وجهة
مجهولة
***********************************
واش رايكم هل حنا الجزايريين عندنا انسانية؟
هل نعاملو الحيوان برفق ؟
في البلدان المطورة جريمة كيما هادي يعاقب عليها القانون
وحنا يقتلو ويضربو عادي
طفل صغير يكون صغير ديجا يشوف قط
في الطريق
يجري وراه يحجرو مسكين
ماخلاو لا قط لا كلب لا بقر لا نعاج لا فراخ


توحشت هاد الركن بزاف
نتمنى يعجبكم الموضوع
تحياتي للجميع




​

 

[ماكانش]

أهلا بيك شوشو
يعطيك الصحة على موضوعك الباهي
انا تبالي هذا ويماه هوما الحيوانات ...
حيرة في الناس كيفاه تخمم
وعييت نعلق
يعطيك الصحة شوشو نورتي المنتدى ...
​

 

[secret de coeur]

نحكم بلاصة ممبعد نجي نقرا ونرد
​

 

[السلطانة]

أهلا بيك شوشو
يعطيك الصحة على موضوعك الباهي
انا تبالي هذا ويماه هوما الحيوانات ...
حيرة في الناس كيفاه تخمم
وعييت نعلق
يعطيك الصحة شوشو نورتي المنتدى ...
​

الله يعيشك سفيان
ايه والله لا شوكاوني حاكمينو مسكين ويضربو فيه تقول عبد

​

نحكم بلاصة ممبعد نجي نقرا ونرد
​

مرحبا بيك جيمي

​

 

[حالمة بالجنة]

السلام عليكم ورحمة الله وبركاته
عجبتني لما قلتي داه لمنطقة مجهولة ههههههههههههه تقولي بنادم
هادو 3 دجاجات دارواآ هاكا
يخي حالة يخي
تجي تفهمي تحيري..يخي وربي كتب ما تاآكلوهمش بسيف
سبحاآن الله
ربي يهديناآ برك
وشكرآ على الموضوع
​

 

[السلطانة]

دوك نولي بعد العشا ونرد =)
​

مرحبا بيك اختي
وصحا عشاك

 

[شوشونة]

السلام عليك
في هذا الوقت توقعي كل شي ما رحموش ابن ادم اللي من جنسهم يرحمو حيوان
الله يهدي ما خلق
قالك عيش تشوف و سمع و رانا لحقنا لهذا المثل
سلام​

 

[M3TaZ eLLMa]

أولا حبيت أشكرك على طرحك المميز

ثانية أعلق وأقووول هذا هو الجهل بعينه

لأنو لو كانوا يعرفوا دينهم مليح لما عملوا هذا الحيوان بهاذ الوحشية

لكن لوم ليس عليهم بل علينا جميعا لأنو الوعي معدوم ولازم نعلموا اطفلنا بالقيم الدينية مليح

مي لعجوز نقلك لن تعديها إلى طريق حتى يوموت الكلب باه ترقد متهنية

لماذا لأنها الله غالب عليها ما تعلمتش وعاشت في وقت فرنسا وقت الجهل

لازم نتعلموا من دينا الكثير والكثير لأنو أحنا مسلمين ونجهل كل شيء يا لأسف ..

وربي يسترنا من هاذ الجيل

وربي يحفظ كل مسلم يقول إله إلا الله محمد رسول الله


وشكرا​

 

[السلطانة]

السلام عليك
في هذا الوقت توقعي كل شي ما رحموش ابن ادم اللي من جنسهم يرحمو حيوان
الله يهدي ما خلق
قالك عيش تشوف و سمع و رانا لحقنا لهذا المثل
سلام​

وعليك السلام
الرحمة قريب تنقرض ربي يسترنا
الله يهدي من خلق كيما قلتي
شكرا على المرور

​

 

[السلطانة]

أولا حبيت أشكرك على طرحك المميز
أهلا أخي منور الموضوع


ثانية أعلق وأقووول هذا هو الجهل بعينه

لأنو لو كانوا يعرفوا دينهم مليح لما عملوا هذا الحيوان بهاذ الوحشية
فعلا هذا جهل وأكثر من ذلك


لكن لوم ليس عليهم بل علينا جميعا لأنو الوعي معدوم ولازم نعلموا اطفلنا بالقيم الدينية مليح
معك في هذه النقطة
الطفل كيما يتربى يكبر
ولي يتربى معندوش انسانية يبقى هاكداك والعكس
مي لعجوز نقلك لن تعديها إلى طريق حتى يوموت الكلب باه ترقد متهنية
ايه والله راها دارت حرب كبيرة ولي يحكي معاها من الجيران تعاود ترويلو لحكاية من قلبها تقول سرقولها كنز


لماذا لأنها الله غالب عليها ما تعلمتش وعاشت في وقت فرنسا وقت الجهل
صح كيما قلت عاشت وقت الجهل مرفوع عليها القلم
تحير في اللي عارف ويغلط كيما هك
لازم نتعلموا من دينا الكثير والكثير لأنو أحنا مسلمين ونجهل كل شيء يا لأسف ..
للأسف هادا لي ناقصنا منعرفوش ديينا وحتى لا عرفنا منطبقوش
وربي يسترنا من هاذ الجيل

آآآآآآمين

وربي يحفظ كل مسلم يقول إله إلا الله محمد رسول الله
آمين أخي
لا إله إلا الله محمد رسول الله

وشكرا​

شكرا على النقاش الطيب
بوركت
سلامي

​

 

[الورد الأحمر]

أهــلآ شوشو نورتي المنتدى هذا توحشنا تخربيشاتك هنا
...
في اللول حبيت نعلق على قد بن حملاوي خخخ هذي تاع بابا
هو لي يقولها ... أما لحكاية ههه والله لا هرج كبير على كلب
جيعان مسكين طار ب3 جاجات والله يستاهل هههه ...
أما لعباد لي دارو قصة لعجوزة ما نلومهاش الله غالب عليها
جاهلة أما ولدها نقول عليه بهيم والكلب حاشاك خير منو ...
ربي يهدي الشعب تاعنا باقي غير يرجع اللورا راكي تشوفي
حطو راسهم براس كلب ربحت الجزاير واش بقـــى ,,,
المغبون غاضني غيزوه بطريحة خخخ درك يتربى هذا إذا
بقى حي ... تفكرت القطة تاعي لي مرة ذبحوهالي الأكراد
تاع ولاد الكاغتي لي بحدانا بدون سبب هكذا طلعتلهم جابوها
من الوريد إلى الشريان وطيشوهالي في البوبالة حاشك ...
موضوع باقي خفيف ظريف عند التسعة تا الليل ^_^
اتهــــلاي ... ســـلامي
​

 

[السلطانة]

أهــلآ شوشو نورتي المنتدى هذا توحشنا تخربيشاتك هنا
...
في اللول حبيت نعلق على قد بن حملاوي خخخ هذي تاع بابا
هو لي يقولها ... أما لحكاية ههه والله لا هرج كبير على كلب
جيعان مسكين طار ب3 جاجات والله يستاهل هههه ...
أما لعباد لي دارو قصة لعجوزة ما نلومهاش الله غالب عليها
جاهلة أما ولدها نقول عليه بهيم والكلب حاشاك خير منو ...
ربي يهدي الشعب تاعنا باقي غير يرجع اللورا راكي تشوفي
حطو راسهم براس كلب ربحت الجزاير واش بقـــى ,,,
المغبون غاضني غيزوه بطريحة خخخ درك يتربى هذا إذا
بقى حي ... تفكرت القطة تاعي لي مرة ذبحوهالي الأكراد
تاع ولاد الكاغتي لي بحدانا بدون سبب هكذا طلعتلهم جابوها
من الوريد إلى الشريان وطيشوهالي في البوبالة حاشك ...
موضوع باقي خفيف ظريف عند التسعة تا الليل ^_^
اتهــــلاي ... ســـلامي
​

أهلا
ههه مالا حتى باباك يقول بن حملاوي خخخ
والله دارو فيلم عند وش الصبح لاقالاش المصري
اجري اجري على جال بهيم مسكين مافاهم والو واش راه صاري على جالو
قريب قالهم سيبوني برك درك ننتحر وحدي
بشعو بيه ههه
غدروك في القطة تاعك ياه ربي لا رحمة لاشفاقة من صغرهم سفاحين
صحيتي على المرور الطيب
سلامي

​

 

[مرام التيبازية]

سلام اختي على الموضوع الرائع..
ايه اختي الناس تقول والله متخمم بعقلها الله يهدي ماخلق،وربي يجيب الشفاء لهاذ الطفل وامه ههه..
تحياتي للاخت شوشونة صاحبة الموضوع+ربي يسترك ويخليك لينا انشاء الله...

 

[السلطانة]

سلام اختي على الموضوع الرائع..
ايه اختي الناس تقول والله متخمم بعقلها الله يهدي ماخلق،وربي يجيب الشفاء لهاذ الطفل وامه ههه..
تحياتي للاخت شوشونة صاحبة الموضوع+ربي يسترك ويخليك لينا انشاء الله...

وعليكم السلام اهلا مرام منورة
ههه الطفل هادا وامو واقيلا يديرو جرائم منا وهك ربي يستر
الله يشفيهم كيما قلتي
صحيتي على المرور الطيب
تحياتي

​

 

[sahiko hamza]

واش رايكم هل حنا الجزايريين عندنا انسانية؟


لا ماعدناش انسانية
على حساب ماراني نشوف

هل نعاملو الحيوان برفق ؟


ياو العبد كيفك كيفو وماتعاملوش برفق خلي يا حيوان .....
عباد كيما هذو ليهم الكف على جيهة وحدة .

​

 

[دنيا البسمة]

يا ودي يا اختي راكي فالجزاير لا حول ولا قوة الا بالله
الانسان وما طلقوهش يخلو الحيوان
ربي يهدي

 

[محبة الهدوء]

يااختي موضوعك هدا عجبني على خاطر حنا في الجزاير الرافة بالحيوان تكاد تكون منعدمة راهو صاري لعجب ماكانش قطة يشوفوها تعدي ولا كلب الا وضربوه ولعجوزه هدي لي تحكي عليها راهي قدوة لولدها لي هرب بالكلب المسكين لوجهة غير معلومة هههههههه
واليوم برك صراتلي مع بنت خويا الصغيرة حكمت العصفور تاعها مسكين وتلعب بيه ريشو طيرتهولو بصح انا فكرتها بالحديث :"دخلت امراة النار في هرة حبستها فلم تطعمها ولم تدعها تأكل من خشاش الارض"
وصدقيني اختي تاثرت بالقصة ووعدتني ماتعاودش تدير السلوك هدا
وتبقى التربية هي التي تلعب دور كبير ومن شب على شىء شاب عليه

 

[secret de coeur]

سلــآمو شوشو
بون هاني وليت ههه دك ليا قوسطو نرد ع مواضيع الهدرة خخخ
ياو مسكين الكلب هذا دا طريحة ملكبار ندماتو ع النهار الي كلا فيه الدجاجات
يخي عباد ماعندهمش رحمة
+ همج ..اني نتخيل فيهم تعاونو فيه ههه
وزادو اونفان نفاوهــ
ربي يهديهم ..ياك ربي وصانا بالرفق بالحيوان
هيا مرسي زينة
ع الموضوع البآهي كيما تقولي
​

 

[يونس الصديق]

لدي في منطقتي عبد اسمه عبد القادر الملقب ب : { الرايما }
محب للحيوانات له قصة مشهورة كنت حاضر
كلب من الكلاب اغضب الرايما فلحقه
الكلب يجري والرايما عبد القادر يجري ورائه والغريب في وسط ارض محروثة يعني تعب كبير فيها
صدقوني والله العظيم حتي الكلب تعب ولما أحس انه لا محالة وان عبد القادر سيلحق به توقف الكلب وانبطح وبدأ يعوق { خوفا من القادم ......^^

..........

بخصوص هذا الموقف هو وارد وقابل للوقوع في الجزائر اكثر من مرة
وذلك لغياب الوعي



​

 

[لاجودان شاف]

السلام عليكم ورحمة الله وبركاته
شكرا لك عائشة على الموضوع
بفففف ناس ماتقرش بالخير خلاص
هوي يبات يعس فيهم ويعسلهم في مالهم وسخسرو في 3 جاجات
والله لو جا كلبي نزيد نجيبلو قرعة قازوز فرنساوية:scared: هههه باه يكمل عشاه
المهم ناس عقليات
معا من أجل مجتمع يحترم مال عقون
شكرا
:re_gards:

​