مادا تطبخين اليوم انستي سيدتي الجزء 15

[نجمة ساطعة]

ايه جديدد قاطو

 

[ام خديجة1]

الله يسلمك حبيبتي la safa وينورك اختي
رايحة اعمل زيارة على الشئ اللي فاتني ولي عودة

 

[ام اماني05]

الله يبارك يالبنات كل شيء بالطبع
اختي نجمة المادلان جاك هايل بصحتكم.ذ
عفاف الشطيطحة جاتك اممممم يعطيك الصحة
اختي خديجة بصحتك المحاجب والتارت .بالنسبة للجيلاتين عملت بيه مرة لاني كشريت قالي البايع حلال لان الجيلاتين مادة بروتينية يستخرجوها من جلود وعظام الحيوانات كاين نتاع الابقار وكاين النباتية نتاع الطحالب.
صفاء كل شيء هااايل بصحتكم
ام سيفو الخبز جاك رااائع يعطيك الصحة
http://
http://

 

[ibtesem]

بصحتكم يالبنات
امممممممممممممم ام امونة بصحتك اختي ياريت وصفة الحلوى
اكتبي اسمك اختي في الصورة

الجيلتين يستخرج من الخنزير اعودو بالله
قليل مايتوفر الحلال
تاني الواحد مايضمنش انو حلال

 

[ibtesem]

ام خديجة جاتك هايلة الكيكة بصحتهم الاولاد

 

[imane27]

سلام لبنات صح فطوركم كلش هايل راكم شهيتونى مع صباح

 

[hadda0425]

مساء الخير عليكم كيفكم يا لحراير يعطيكم الصحة على الاطباق اللذيذة والحلويات الشهية
كوثر الوهرانية..بنت الجسور المعلقة..ايمان 27 ..ابتسام.. روعة2005 .. ام اماني..
سمية.. ام ندى
الله يسلمكم ويبارك فيكم والعقوبة لولادكم واولاد اخوانكم
بارك الله فيكم
​

 

[hadda0425]

السلام عليكم
واش راكم وصح غداكم
حدة يا حدة قتلتينا بالمواكل فكرتيني في العراس ههههههههههه بصحتكم ربي يهنيهم ان شاء الله بصح هادي ختانة ولا عرس عادي بويسك شفتك درتي نهار الجمعة ودرتي الرفيس حنا نديروه غير للغداء نتاع العروسة فهميني برك ههههههههه

واش راك بيبيا تسلمي حبيبتي
لالا هادي ختانة بصح حنا نهار الجمعة يعني نهار ختانة الطفل نديرو الرفيس يعني عادة
ولعروسة تاني نديرو الرفيس نهار الجمعة

​

 

[hadda0425]

الله الله ياحدة عندك الحق كي تغيبي علينا على كل حال خليتي بلاصتك
مبروك مبروك عليكم بزيان السعد للعروسين
مرحبا بيك معانا من جديد

ربي يخليك ابتسام والله في العرس ونفكر فيكم:$
ونقول الفحلات راهم فاتوني وخلاوني
يعطيك الصحة ربي يهنيك
​

 

[كوثر الوهرانية]

مساء الخير
الله بارك ام سيف خبز العربي ام بصحتكم
ندوشة شطيطحة تشطح في روحها هه بصحتك جاتك فوووور
ام خديجة التشيز كيك هااااايل الله يبارك
لاصافا كل شيء من يديك روعة اطلعي بوصفة الحميص نتاعك كيفاش تخدميها راهي شهاتني
نجمة الساطعة الحلوى هايلة بصحتكم
ام اماني الجلبان هايل و الحلوى تسخف بصح مفهمتش واش هي
اليوم سخنت واش بقى ن البارح و زدت حميص
و خدمت كيكة الدنات تاع اختي ام اماني
بسومة كاش طياب ولا والوا
عفوفتي راكي كيفي تحبي الحنة نمةت فيها و في ريحتها
اسومتي كاش جديد على السيربرايز
روعة بصحت غداك يا اختي
سلام حار لباقي لبنات

 

[كوثر الوهرانية]

حدة الف مبروك ختانة العريس والله عوايدكم شابين بزاف و طيابكم باهي نتاع الصح عقبال منفرحوا بي بالممتحنين يا رب

 

[imane27]

لبنات وراكم مطيبتوش فطور بدات سخانة

 

[رآج ـية العفو]

http://
بصحتكم حبيباتي وكيفكن بالواحدة وكان غدائي محجوبة جاتني بيها جارتي البسكرية حارة وسخونة ما شاء الله تحفة
خدمت تشيز كيك ولكن بدون جيلاتين يتكل بعد ما يخرج من الثلاجة ما نعرف كاينة اللي تخدمو هاك او لا
لا يتوفر الجيلاتين الحلال عندنا راني نضل نخترع هههههههههههههه

ممممم يالغآآلية دآآيمآ هآآيلة كي العآدة يعطيك
الصحة حبيبتي ومذآبيك تحطيلنآ الوصفة :-r​

أهلآ بنآس الريآل .. الله يسلمكـ يآ غآلية
ربي يخليكـ أسوم .. و بالصحة عليكم لغدآ حبوبة
... ْ~|
​

أهلين فيكي يالمدريدية :-h
ويخليك خيتو يسلمك حبوبة

ايه جديدد قاطو

وآش رآكي تستنآي خيتو طلعي الوصفة

و خدمت كيكة الدنات تاع اختي ام اماني
اسومتي كاش جديد على السيربرايز

بصحتك الكيكة حبيبتي فريدة مذآبيك تكتبيلي الوصفة
بآسكو مآ كتبتهآش ذيك المرة طلعي الفوق تقرآي وآش كتبت
لفوفة ظرف أخرنآ برك وان شـآء الله قريب ​

 

[imen ahmad]

بصحتــــــــــــــــكم يالبنآآآآآآآآآآآآآآآآآآآآآآآآآآآت

 

[la_safa]

مساء الخير
لاصافا كل شيء من يديك روعة اطلعي بوصفة الحميص نتاعك كيفاش تخدميها راهي شهاتني
سلام حار لباقي لبنات

الله يسلمكـ خيتو ربي يخليكـ
امممم شوفي اختي انا حكمت الفلفل تنقيه و تغسليه
و تحطيه يفور في الكسكاس حتى يذبآل خلآص
كي تهزيه القشرة تطيح وحدهآ و تقصيه رقيق
ترآبي الطمآطم و تحطيهآ في المقلة مع البهآرآتــ و الثوم
و مبعد تزيدي تحطي معاها الفلفل على نار هآدية
و مبعد في لخر تزينيهآ برك بالمعدنوس و البيض
أول مرة نديرو هاكا و جآ بنين كثر و كثر

​

 

[كوثر الوهرانية]

الف شكر اختي لا صافا على الوصفة طريقتك جيجة عليا اكيد راح نجربها مرسي
هاني جبتلكم الكيكة تشوفوه و تعطوني رايكم و الف شكر لام اماني على الوصة
اسومة من بعد نكتبهالك اختي اوكي

 

[ŚσÚмĨÁ.Ďz]

مسآء الخير
النجمة السآطعة القاطو يبآآن هآيل بصحتكم
أم خديجة اممممممم روعة × رووعة تبآرك الله
أم أماني.. متألقة .. طيآبك هآيل بصحتكم
ام كوثر يمممممم الكيكة هآآيلة مآشآءالله
ايمان اولآدكـ يهبلوا الله يبآرك ربي يخليهملك
والبآقي كآمل بصحتكم وآش طيبتوا
​

 

[كوثر الوهرانية]

يا عمري على اسلا م و ريما كي كبروا مشاء الله عليهم ربي يحفضهم من كل شر

 

[la_safa]

يمممممم أختي كوثر جآآآآتكــ مآ شآء الله يعني بالصح
بالصحة ختيتوو .. يسلموووو

تقدري تحطيلنآ الوصفة ؟؟
​

 

[ibtesem]

نداء الى اخواتي في اللمة
البارح دخلت الى منتدى للاسف كان جزائري
عندهم موضوع اسمو مادا تطبخين اليوم
يدخلو الى اللمة يسرقو صور اعاودو اصغروها
وينسبوها الى انفسهم والله من اجلهم اشتركت في المنتدى رايحا نعمل لهم رد
طبعا العضوات راهم الان زائرات يتربصوا كشما ينسبو الى انفسهم كاش اطباق
ارجو كتابة الصورة في الوسط ياربي نسلكو من السرقة
عيب عيب كبير انو الواحد يسرق جهد غيرو
لاداعي اني ادكر اسم العضوتين لراهم يسرقو ههه
اكيد الان عرفو رواحهم ​

صور لي شوفتهم راهم لي روعة 2005
وراجية العفو
وام سيف
ويمكن ام اماني
:love01:​