ماذا ستطبخين اليوم سيدتي..انستي..../الجزء 16/

[السعيدة بربها سارة]

http://img04.**********/uploads/image/2012/06/09/0e33464f64f00c.jpg



الله يبااارك يا اختي مصحتكم
وااش الاتااي هادا رااهو مشحر الا شربتو ما يجيني نعاااس

جااك خطر البغرير شنو درتي فيه
ما شااء الله
نحبو بالقهوة ​

 

[ام سيف]

ابتسااااااااااااااااااااااام لغرايف نتاوعك روعة اعطيني الوصفة
راكي دايرة حالة بالعجين واش غاب القط العب يافار

 

[nada242008]

اوووووووه يا ابتسام جاك يهبل المسمن وهذوك لغرايف يهبلووو
يعطيك الصحة كي مانسيتيش واش وصيتك ههه:p
لا صافا سنيية هايلة اممممممم قايمة بالواجب وبزيادة:up:
السعيدة بربها طيابك تاع حراير الله يبارك
ومولات قلب اللوز روووووووووعة

 

[imen ahmad]

[/URL]


[/URL]


لوبيـــــــــــــــآآآآ مانشتو

 

[السعيدة بربها سارة]

السعيدة بربها طيابك تاع حراير الله يبارك


يعيشك يا اختي راكم انتوما اللي تخلو الانسااان منور والله​

 

[السعيدة بربها سارة]

[/url]


[/url]


لوبيـــــــــــــــآآآآ مانشتو

الله يباارك لوبيا هي والله
مع مرقة بيضاااء فكرتيني في الوالدة
وااش درتي فيهاا
انا ندديرها حمرااا​

 

[نور الرحمان]

يعطيك الصحة يابسومة على بغرير جاك روووووووووووعة

 

[imen ahmad]

الله يباارك لوبيا هي والله
مع مرقة بيضاااء فكرتيني في الوالدة
وااش درتي فيهاا

انا ندديرها حمرااا​

اهلا امون تقصدي لوبيا سوتي نقيها وخليها طويلة متقسميهاش

وغليها فالماء والملح حتى تطيب مليح

في بلاطو تع الكوشة ديري اللحم او الداند يكون شرائج و ديري شوية زيت وملح وفلفل اسود متكتريش خاطر اللوبيا تان تديريلها

منبعد فرشي اللوبيا وديريلها فلفل لكحل خاطر طابت فالماء مالح متزيديش الملح

و قطعي شوية زبدة ملفوق ودخليها للفور وغطيها بالايمنيوم

خلييها تطيب و مرة على مرة قلبيها

تكوني فورتي بطاطا مقطعة بالطول كي قريب تطيب اللوبيا تديري البطاطا معاها ونحي لاليمنيوم

وخليها تشرب الماء وتتحمر مليح هي والبطاطا وبصحتكم تجي بنينة بزااااف



انا اول مرة انطيبهااا جااات فور

 

[السعيدة بربها سارة]

اهلا امون تقصدي لوبيا سوتي نقيها وخليها طويلة متقسميهاش

وغليها فالماء والملح حتى تطيب مليح

في بلاطو تع الكوشة ديري اللحم او الداند يكون شرائج و ديري شوية زيت وملح وفلفل اسود متكتريش خاطر اللوبيا تان تديريلها

منبعد فرشي اللوبيا وديريلها فلفل لكحل خاطر طابت فالماء مالح متزيديش الملح

و قطعي شوية زبدة ملفوق ودخليها للفور وغطيها بالايمنيوم

خلييها تطيب و مرة على مرة قلبيها

تكوني فورتي بطاطا مقطعة بالطول كي قريب تطيب اللوبيا تديري البطاطا معاها ونحي لاليمنيوم

وخليها تشرب الماء وتتحمر مليح هي والبطاطا وبصحتكم تجي بنينة بزااااف



انا اول مرة انطيبهااا جااات فور

هادي انتي كتبتيهاا انا موش امون ولا اخت كتبتها ليك

شكرا ليك على الوصفة يعني فيها غير فلفل اكحل
ان شاااء الله نديرها نحبها بالدجاااج
ولكن اللوبيا هنا قليل يا اختي
نجرب نتاع ليبواات​

 

[imane27]

صح عشاكم لبنات كلش هايل يعطيكم الصحة راكم شاطرات كامل

 

[رآج ـية العفو]

:regards01:
مسمنآت وبغريرآت وقلب اللوزآت ههههههه
الله يبآرك عليكم رآكم فوور يعطيكم الصحة كآآآمل وبصحتكم وآش عملتوا
رآني جبتلكم تطبيقي لحلوة المربعآت نتآع أم أمآني الله يعطيهآ الصحة
والله ننصحكم تجربوهآ أنآ درت فيهآ بعض التغيير ان شـآء الله نحطهآ
موضوع ونقول للحبوبة أم أمآآني ربي يخلييييييييك ويعطيك الصحة خيتو

​

 

[ibtesem]

الله اسلمكم يالبنيات كل شئ اشهي
الى سارة المسرارة هههههههههههههه
بغرير انا عملت كيلة سميد مع 2 كيلات فرينة مع مغيرفة سكر وشوية ملح حبة بيض مع خميرة الحلوى
خلط في البلاندر خليها ترتاح 10 الى ان تسخني مقلاة
ابداي في طياب

 

[السعيدة بربها سارة]

:regards01:
مسمنآت وبغريرآت وقلب اللوزآت ههههههه
الله يبآرك عليكم رآكم فوور يعطيكم الصحة كآآآمل وبصحتكم وآش عملتوا
رآني جبتلكم تطبيقي لحلوة المربعآت نتآع أم أمآني الله يعطيهآ الصحة
والله ننصحكم تجربوهآ أنآ درت فيهآ بعض التغيير ان شـآء الله نحطهآ
موضوع ونقول للحبوبة أم أمآآني ربي يخلييييييييك ويعطيك الصحة خيتو​

الله يبااارك يا الله قولينااا الوصفة رانا نوجدو للعراااس الله يبااارك وقولينا بالتفصيييييل
بالشكلاطة والزوااااق​

 

[السعيدة بربها سارة]

الله اسلمكم يالبنيات كل شئ اشهي
الى سارة المسرارة هههههههههههههه
بغرير انا عملت كيلة سميد مع 2 كيلات فرينة مع مغيرفة سكر وشوية ملح حبة بيض مع خميرة الحلوى
خلط في البلاندر خليها ترتاح 10 الى ان تسخني مقلاة
ابداي في طياب

اها بحاالي ايوا هانا كليتو وكرشي توجع
كون حطيتي غير 2 في الطوبسي
شكرا ليك يا عمري
​

 

[imane27]

اسومة جاتك هايلة يعطيك الصحة

 

[ملكة جمال اللمة]

واش لبنات سافا راكم فحلات كانش عشاوات

 

[prncess fifi]

واش من العجين واش من حلويات واش من اطباق الله يبارك على بنات بلادي ربي يحفظكم
بسومة المسمن جاك روعة يا اختي
انا خدمت الخبز العربي كي نقعد انحطو الويكاند مايصحليش الميكرو
بسومة واش تقصدي بالسميد تاع قلب اللوز ولا الرقيق​

 

[chehbik]

ختي السعيدة بربها سارة هاكي الكيفية باش تامني
السلام عليكم جبتلكم وصفة سهلة......اقتصادية ..............بنينة........... ..وكيمن ليتباع اترككم مع الوصفة
3كؤوس سميد احرش(تع مقروط)+2كاس سكر+كاس ماء زهر
افتليهم مليح ثم ضعيهم في سني تع كوشة ماهوش مدهون تسوي فيه الخليط ثم تزوقيه باللوز (مش ضروري)
واطهيه في الفرن 200-240د حتى يحمار مليح مليح
في هذه الاثناء حضري الشربات 4 كؤوس ماء+كاس سكر واتركيه فوق النار ....رايح ينقص (يتبخر)حوالي كاس ...طفي النار واضيفي كاس ماء زهر
اسقي قلب الوز حامي بالشربات دافئة
انتظر ردودكم

الصور المصغرة للصور المرفقة

 

[ibtesem]

واش من العجين واش من حلويات واش من اطباق الله يبارك على بنات بلادي ربي يحفظكم

بسومة المسمن جاك روعة يا اختي
انا خدمت الخبز العربي كي نقعد انحطو الويكاند مايصحليش الميكرو

بسومة واش تقصدي بالسميد تاع قلب اللوز ولا الرقيق​

فيفي الله اسلمك اختي بصحتك تاني الخبو العربي
السميد تاع لعجين فيفي هو لنقصدو

 

[السعيدة بربها سارة]

ختي السعيدة بربها سارة هاكي الكيفية باش تامني


ما قلت غير الخير واشبيك انا مامناااك كاشما قلت ليك


​