مهزلة الأنترنت في الجزائر

[ĂÝǾΰb]

السلام عليكم ورحمة الله
كي راكم أعضاء / عضوات اللمة ؟
نتمنى تكونو بخيـــــــــر

ندخل فلموضوع اليوم قاعد نقرا فلجرايد الوطنية كي العادة لقيت في واحد الجريدة بلي الجزائر تحتل المرتبة السابعة افريقيا في انتشار الانترنت دخلت لتفاصيل حبيت نعرف شكون لي قبلنا لقيت تنزانيا و نجيريا وكينيا الحمد لله كي فتنا الصومال واثيوبيا
وممبعد حبيت نعرف الترتيب تاع التدفق تاع الانترنت لقيت بلي رانا في ذيل الترتيب العالمي 160 عالميا كان نقولكم شكون الدول لي قبلنا تبكيو خلي نبكيكم شوي
العراق فلسطين تونس المغرب في العالم العربي
ليهود لي حاكمين الفلسطينين فيهم الرحمة على لي يحكمو فينا هههههههههه
مثلا دولة المغرب السرعة الادنى 4 ميغا واحنا السرعة القسوى 1 ميغا ههههههه
واش من 1 ميغا تحب تدخل لغوغل حتى يشيب راسك مرات ما تقدرش دير تعليق فللمة خلي انقطاع الانترنت
الى متى سياسة البريكولاج ؟
و الى متى الانفراد والاحتكار ؟
رانا حابين منافسة كرهنا من انفصلات الجزائر
الشعب يريد جودة الانترنت من حقنا ولا لا ؟


كيفاش ميحبسش راسك يا خويا احنا بلاد البترول والغاز تدني الأجور ضعف القدرة الشرائية و الغلاء الفاحش فلمعيشة زيد تدهور الأنترنت

رغم ذلك الحمد لله كي عدنا خير من الصومال واثيوبيا و اوغندا :p

اتــــــــرك لكــــــــم التعليـــــــــــــــــــــــــق

​

 

[ماكانش]

أهلا بيك خويا
كاريثة صح نيجيريا خير منا
انا ماعنديش بزاف حبيت ندير العملة والصرف وو
المهم دخلت لواحد الموقع وبديت ندير في التحويلات ونشوف دراهم دزاير واش يسواو لقيت لمراركة والتوانسة وو خير منا
وألي ماصدقتهاش دراهم افغانستان غاليين علينا والله حرت وعيط لخويا يشوف دخت راسي حبس
مادام 70 بالمية ملي حاكمين الجزاير كثر من 80 سنة ماراحش ايجي الخير
​

 

[amel amoula]

ايه والله راك مليح كي راني قادرة نرد على الموضوع اتاعاك


وش دير هادي حالت لبلاد

 

[ĂÝǾΰb]

أهلا بيك خويا
كاريثة صح نيجيريا خير منا
انا ماعنديش بزاف حبيت ندير العملة والصرف وو
المهم دخلت لواحد الموقع وبديت ندير في التحويلات ونشوف دراهم دزاير واش يسواو لقيت لمراركة والتوانسة وو خير منا
وألي ماصدقتهاش دراهم افغانستان غاليين علينا والله حرت وعيط لخويا يشوف دخت راسي حبس
مادام 70 بالمية ملي حاكمين الجزاير كثر من 80 سنة ماراحش ايجي الخير
​

اهلا بيك يعيشك
هههههههههههههههه شفت يا خويا رانا نشفو
اي واش بيك لازم تشييب رجال السطة
مرسي على المرور خويا تهلا في روحك
​

 

[ĂÝǾΰb]

ايه والله راك مليح كي راني قادرة نرد على الموضوع اتاعاك


وش دير هادي حالت لبلاد

ها أمولة راكي لهنا هههههههههه :p
عاش من شافك :regards01:
اي ربي يجيب الخيـــــــــــــــر ان شاء الله
​

 

[iktimel]

راك تشوف يا خويا ولله كرهنا من الانترنيت هادي
انا رايحة تهبلني هاد ليامات كل 5دقايق تروححح .. وساعات تروحلي نهار كاامل ..وكي يهديها ربي و ماتروحش تجي كيما قلت نتا google بسيف باه يتفتح ...ربي يصلح لحوال واش تحب ههه
هادي هي بلادنا
مشكوور على الموضووع +تقييم

 

[ĂÝǾΰb]

راك تشوف يا خويا ولله كرهنا من الانترنيت هادي
انا رايحة تهبلني هاد ليامات كل 5دقايق تروححح .. وساعات تروحلي نهار كاامل ..وكي يهديها ربي و ماتروحش تجي كيما قلت نتا google بسيف باه يتفتح ...ربي يصلح لحوال واش تحب ههه
هادي هي بلادنا
مشكوور على الموضووع +تقييم

وش راح ديري اختي العزيزة رانا نعانو كامل
هذو ولادنا واش دارو فينا وفي بلادنا فوتو عليا لمستقبل أفضل ههههههههههههههه
ربي يحفظك اختي :regards01:

​

 

[Black heart]

ايه خويا الحمد لله كي عدنا خير من الصومال واثيوبيا و اوغندا
واش نزيـدو وكــون تهدر يكسرولـك راسك
الانترنت عندنا دايرينلو فوتوشوب برك هه ماهوش طبيــــعي كــــــامل .
وزيـد بزيـادة google هاداك والله des fois يجهـل الواحــــــد
مــــوضوع قمـــــــة
مـارســـــــي
**

​

 

[امورة المنتدى]

بلاصتي محكوووومة لي عودة​

 

[SAMIRA25]

كون غير حبست فى الانترنت...............

 

[بنـ MaPa ـت]

وعليكم السلآم

ههههه كيما قالو اتصالات الجزائر والكل يتالم
مانا لا من تطور في الزراعة ولا في الصناعة ولا في الانترنت ولا في التكنولوجيا ولا حتى في اللبسة يآو الماكلة وراهي جينا من الخآرج ؟؟؟؟؟
ربي يعطينا جلية للخليج العيشة في دبي والامارات ولا قيس
القلاليل تاوعهم حوالهم من حوالنا تبااااا

مرسي خويا على الموضوع سلآم
​

 

[خوليتا]

السلام عليكم ...
و الله عجبني الموضوع parce que هاذوا ليامات سوفرينا صح معاها تيجي زعما تضرب طلة يسمطوهالك

 

[نسيــم البرج]

السّلام عليكم ورحمة الله تعالى وبركاته
صلّوا على الحبيب محمد.
مع تحطيم الجزائر للأرقام القياسية تباعا، من حيث تكريس الرّداء واستفحال الفساد،
يبدو الأمر بدءا متوقّع.
ملاحظة: الجامعة الجزائرية تأتي بعد الجامعة الصّومالية في الترتيب حيث احتلت
جامعات سعد دحلب وبسكرة ووهران وعنابة، مؤخرة ترتيب الدول الإفريقية من حيث الأداء
الأكاديمي والعلمي.وشمل التصنيف الذي قامت به إحدى المنظمات الدولية المختصة أكثـر
من 150 بلد، تصنيف2011.
نزيد نقول لخويا حوايج خرين:
1-الجزائر تتحصّل على الأنترنات مجّانا، وما عليها إلاّ ربط الكوابل، ليست
أنترنات تدفّق بواسطة الأقمار.
2-ثمن الأنرنات أغلى حتّى من فرنسا. فبمقابل 19 يورو تحصل على تدفّق
تحميل يصل إلى 5 ميgا، وبثّ تلفزيوني tnt، أي ما يعادل سعة إشتراك
شهري 20ميgا. وهذا إشتراك المنزل، وليس الإحترافي ولا التّجاري.
3- الرّبط الجهوي للإشتراك، يعني كيما حنا يطيح الدّيبي في قسنطينة
يكوبيو على سطيف، وسطيف يكوبيو علينا.
4- الانقطاعات ليس تعويضية، الحملة الإنتخابية نتاع "بن حمّادي"
وزير الأنترنات دارها بــلابونمو نتاع المشتركين -كوباو علينا- وكي
تروح تشكي يgولك من الفوg.
5-بعد الإنتخابات عادت ولاية البرج إلى استعمال الحمام الزّاجل لأنّو
لازم يكوبيو حق ما كوباو في الحملة، يعني سلّكنا حق الكوباج
(تعويض نفقات الحملة).
وخلّي وخلّي.
جزاك الله خيرا.
​

 

[✿أسيـل✿]

ممممممم صحيت خـويا ايـوب هدا الموضـوع الرائــــــــع

اي صح رانــــا في مزريــــة واش نقـلك تحب طلع فيديــــــو والله مايطلع حتى لغدوة وفي شك ادا طلعـلك

تحــب طــــلع قـوقـــــل وانت تستنــــــــــــــــــــــــــــى بعد عنـــــــــاء طويـل وادا طـلعت قوقل
احنـا رانا متخلفيـــــــــن في كل شـي فلسطيـــــــــن والعراق راهم خير منــــــــــــــــــــــــــــــا..

الله غـالب هدي هــــــــــــــــــــــــــــــــــــي لحياة في بـــــــــلادنـا لازم نصبرو

بـاركـ الله فيك خـــــــــــــــــــــــــــــــوياا

 

[ĂÝǾΰb]

ايه خويا الحمد لله كي عدنا خير من الصومال واثيوبيا و اوغندا
واش نزيـدو وكــون تهدر يكسرولـك راسك
الانترنت عندنا دايرينلو فوتوشوب برك هه ماهوش طبيــــعي كــــــامل .
وزيـد بزيـادة google هاداك والله des fois يجهـل الواحــــــد
مــــوضوع قمـــــــة
مـارســـــــي
**

​

اهلا بيك خيتي نورتي
كان تهدر يكسرولك راسك ؟؟
راني خايف ما تلقايش شكون يسمعلك باش تهدريلو هههههههه
بلاد ميكي ربي يكون فلعون ان شاء
اختي نورتي تهلاي في روحك :regards01:
​

 

[ĂÝǾΰb]

بلاصتي محكوووومة لي عودة​

اهلا بلأمورة
في انتظارك اختي الغالية تنوريلنا الموضوع
​

 

[ĂÝǾΰb]

كون غير حبست فى الانترنت...............

اهلا سميرة نورتي
شفتي ههههه
رانا نمشرو ونقرعجو وحدة وحدة برك
احنا نخلصو والعوج ما يخلصش ربي يستر
​

 

[ĂÝǾΰb]

أنا نروح نتفرج الماتش ونجي نرد على الباقي ان شاء الله
في انتظار المزيـــــــــــــد
سلااااااااااااااامو خاوتي وخواتاتي
​

 

[imen ahmad]

ههههههههههههههه {واش من 1 ميغا تحب تدخل لغوغل حتى يشيب راسك مرات ما تقدرش دير تعليق فللمة خلي انقطاع الانترنت}

يا اخي ماتنساش انو احنا دايمن نقعدو متخلفين بسبب سنوات العشرة الدموية الي مرت بيها الجزااااائر لانو الناس كانت تطور و احنا كنا نحارب من اجل البقاء

 

[مابقاش بزاف.Dz]

السلام عليكم
يعطيك الصحة خيو على الموضوع
الانترنت عندنا و كان قطعوها و وقفوها مرة وحده خير معاناة و كارتة كبيرة كي يجي واحد يكونيكتي يكره حياتو
ربي يجيب الخير