مهزلة الأنترنت في الجزائر

الحالة
مغلق ولا يسمح بالمزيد من الردود.
قال chamma:
انا و الله كرهت من الانترنيت تاع دزاير تقلق و الله جبتها 15 يوم ما عنديش و من بعد كي رجعت عاد google نستنى ساعة باش يتحل و الله بلاد الميكي ههههههههه
إضغط للتوسيع...

أهلا بيك " chamma " نورتي
ربي يكون معاك اختي تصرالي
كيما درك رديت عليك سعا دارت الباج erreur
راحت كونيكسيو كتبت من جديد تعبت مرتين معاك ههههه
ما عليش اختي العزيزة تعبك راحة
بلاد تاع تيكي كلــش فو كلـش مفابريكي ههههه
مرسي على المـــــــــرور تهلاي في روحك :regards01:
​
 
قال LALICHKA:
مهزله برك انا الكونكسيو حتمرضني ساعه كاينه وعشرة تروح
إضغط للتوسيع...

أهلا بيك " LALICHKA " نورتي
مام عندي نفس problème
الله يكون فلعون اختي
مرسي على المـــــرور تهلاي في روحك :regards01:
​
 
قال nour mary:
المشكل ماشي غير فالانترنت
البلاد مهلوكة من كلش
وين تروح حنا متاخرين
غير فالحوايج لي ماتصلحش بيانسير تلقانا top فيهم
شكــــــــــــــــرا على الموضوع
إضغط للتوسيع...

اهلا بيك " nour mary " نورتي
رانا نبداو نقرعجو بشوي برك بلاك تتغير حاجة ما نعرف
قادر ربي يحيي الموتى
نحكو بلسان برك أضعف الايمان ههههه
الشكر ليــــك اختي نورتي تهلاي في روحك :regards01:
​
 
قال منولة ميمي:
واش بيكم يا الخاوة علابالكم واحد العام دخلو الشناوة الانترنيت 3 ميغا حتى الكونيكسيون كارحت في كل بلاصة مالا احمد ربي خليونا هكا خير من ما نزيدوش نحلمو نشوفوها
إضغط للتوسيع...

أهلا بيك " منولة ميمي " نورتي
هذا رايك انت اختي
أنا ما نفكرش كيما هاك
الشعب الجزايري كل ما يحب يهدر يفكروه فالعشرية السوداء
والشعب المسكين يخير الارهاب ولا يرضى بالميزرية
ياك بلادنا والخيــــر تاعنا وعلاه يحرمونا منو حابين التغيير اختي
مرسي على المرور نـــــورتي تهلاي في روحك
​
 
بلاد ميكي بلاد تع التيكي بلاد كلش فو كلش فاها مفبريكي بلاد لي ما فيهاش مشاكل مشها بلاد وحنا الحمد لله كيما قال وحد الدا.....
​
 
كمليها برك ههههههههههه
صحيتي خيتو على المرور
​
 
التخلف
 
توقيع عليلو 24
ههههههههههه راك فى الجزائر خوو كلش عادى عندنا
 
قال عليلو 24 والكحلة h3:
التخلف
إضغط للتوسيع...

أهلا بيك سي عليلو اي التخلف بعينه
كان راك ناقشتنا شوي فلموضوع ومنشرت شوي
ولا يعني تكفي كلمة وحدة ههههههه
مرسي خويو على المرور نورت
​
 
قال touffik:
ههههههههههه راك فى الجزائر خوو كلش عادى عندنا
إضغط للتوسيع...

أهلا بخويا توفيق
هههههههههه اي والله كلــــش عادي كلش ممكن
مرسي على المرور خويا نورت :regards01:
​
 
yah ya l5ou
7na mt5lfine fi klch
 
قال missoun:
yah ya l5ou
7na mt5lfine fi klch
إضغط للتوسيع...

اهلا بيك اختي ميسون
اي والله فـــــــــــي كلش دون استثناء
رانا نعانو ربي يصبرنا وخلاص
مرسي على المرور نورتي :regards01:
​
 
الحالة اللي راهي عليها بلادنا تغيض بزاااف
يا رب اصلح شأننا​
 
kolach normal
 
والله عندك حق واش راح تدير حالة لبلاد ربي يكون في العون
 
يآ خويا خليتــ صوآلح مهمة كتيرة و سوطيت للانترنيتــ ,
و الله ما تضر كيما اللي ما عندوش السكنة و العمل و وين يداوي و وين يعيش و القوت لعائلته ,
حنا رانا graaaaaaaaaaaave في كل شيء و في المرتبة الاخيرة ,
نسيت الغاز و الكهرباء اللي حنا نصدروهم لتونس و المغرب و غيرهم و في بلادنا ماكانش ,
بلاد البترول و مابان عليها والوآ , عايشين غير صحاب الشكارة و زوال يدفن روحوه و هو حي مي الحمد الله اللي خلق ما ضيع
كاين حاجات اهم من الانترنيت , حنا في هدي بلاد مستحيل نوصلوا لمجالات الترفيه مستحيييييل ,
و الانترنيت و بسسسسيف و الله , سرقونا في كل شيء حسبنا الله و نعم الوكيل ع كل فرد خدعنا ,


رآق لي موضوعكــ
مشكوووووور​
 
السلام عليكم ورحمة الله
واش راك خويا بيبرس؟؟؟
يعطيك الصحة على هذا الموضوع:

بصح الانترنت فاش راهي مستعملة في الجزائر؟؟؟
حسب إحصائياتي: 90 بالمائة شات وتعارف
وفي هذه الحالة : كل عطلة فيها خير :p
وشويييييييييييية بحوث ودراسات
مالا علاه نحكمو لادياسال عندنا خليها تروح عند لي محتاجينها :thumb_up02:
سلام خويا :regards01:​
 
ههههههه موضوع في محله و الأدهى و الأمر هو أنك كي تخلص يلوحوك ديرونجمو 30 يوم وممكن أكثر و ممكن أقل تولي كل يوم رايح جاي تحلل فيهم واحد يبعك لواحد و مايقضولك حتى صالحى و كي يخلاصلك زعما الديلي ينحولك لا لين و يعطوها لوحد اخر ههههه و يخلوك التيري لتعيد التحلال من جديد هههه
يعطيك الصحى خويا
 
الحالة
مغلق ولا يسمح بالمزيد من الردود.
العودة
Top Bottom