حصريــاً ... كرسي الاعتراف .. عبر اللمة الجزائرية !! (( المتجدد ))

[مروة 95]

يااااااااا أنا راني صح
hors champs
هادي نونوشتي هنا و أنا ندور بعيد
أيا تفضلي

- ممم عرفينا بنونوشتي - مالغي نعرفها ههه -
- بعد الباك نشالله وش حابة تقراي
- تعرفي تطيبي شوي ولا .. ؟؟
- وش أمنية حياتك لي تحققتلك ؟ و ادا مازال ربي يحققلك ماتتمناي

أيا كيما يقولو هنا
هادو شدي بيهم يديك و دوك نعاود نجيك ههه ​

 

[{مُدَلَّلَتُهُ}]

يااااااااا أنا راني صح
hors champs
هادي نونوشتي هنا و أنا ندور بعيد
أيا تفضلي

هههههههههههه الحمد الله لحقتي قبل ما تكمل مدة الإستضافة :p

- ممم عرفينا بنونوشتي - مالغي نعرفها ههه -

يا بنتي و كي تعرفيني شا نزيد نقولك ؟؟ حدديلي نيشان واش حابة تعرفي ما نعرفش نجاوب غي هاك :$

- بعد الباك نشالله وش حابة تقراي

طب ولا صيدلة ان شاء الله لا كتب ربي

- تعرفي تطيبي شوي ولا .. ؟؟

نعرف نطيب شوي برك مش بزاف بصح باغية نتعلم هاذ الصيف ان شاء الله


- وش أمنية حياتك لي تحققتلك ؟ و ادا مازال ربي يحققلك ماتتمناي

مازال ما تحققوليش

ربي يكملك ما تتمناي انت تاني ان شاء الله حبيبتي

أيا كيما يقولو هنا
هادو شدي بيهم يديك و دوك نعاود نجيك ههه ​

تنوري في كل وقت حبيييييبتي بانتظار عودتك

 

[مروة 95]

تنوري في كل وقت حبيييييبتي بانتظار عودتك [/color][/size]

أني جي مرة خلاف مع حقيبتي


- تحبي تديري relationship مع لبنات ؟
- تحطي مواصفات فالبنات لي تصاحبيهم ولا أكاك برك ؟
- موقف بايخ *مش مليح * تعرضتيلو ؟
- ادا غلطت معاك وحدة تبقاي حاكمتها ولا من النوع لي يسامح ؟
- تعرضتي لخسارة ؟
* نشالله ماتخسريش كامل *

شوي و نعاود نجي أك تعرفي فضولية ههه ​

 

[{مُدَلَّلَتُهُ}]

أني جي مرة خلاف مع حقيبتي

مرحبا بيك من جديد

- تحبي تديري relationship مع لبنات ؟

واه نبغي نعرف لبنات . بصح بنات من بنات '' راكي فاهمتني "

- تحطي مواصفات فالبنات لي تصاحبيهم ولا أكاك برك ؟

المهم تكون البنت متربيةpsk " الخلطة تردي و الجرب يعدي "

- موقف بايخ *مش مليح * تعرضتيلو ؟

يا حسراااااااه كاين مليار استري ما ستر ربي و خلاص هههههههههه
​

- ادا غلطت معاك وحدة تبقاي حاكمتها ولا من النوع لي يسامح ؟

اذا طلبت السماح نسمح ما نبغيش نشد الحقد في قلبي . بصح كاين شي حوايج حتى و تسامحي ما تقدريش تنسايهم

- تعرضتي لخسارة ؟

كن ما تخسري ما تتعلمي خسرت بزاف حوايج و تعلمت حوايج اكثر

* نشالله ماتخسريش كامل *

شوي و نعاود نجي أك تعرفي فضولية ههه ​

تنورني في كل لحظة حنونتي بانتظار أسئلتك
​

 

[مروة 95]

you're really perfect girl
ربي يكملك بعقلك و رزانتك
و ينولك لي تحبيه ​

 

[{مُدَلَّلَتُهُ}]

you're really perfect girl
ربي يكملك بعقلك و رزانتك
و ينولك لي تحبيه ​

ربي يخليك حنونتي حشمتيييييييييني :$:$:$ههههههههههه

ربي يعطيك ما تتمناي حبيبة قلبي
​

 

[Mr.Tahar]

مرحبا كيف الحال؟

ﺣـﻜﻤﺔ ﻓﺮﻧﺴـﻴﺔ ﺗﻘـﻮﻝ : ﺇﺫﺍ ﺃﺭﺩﺕ ﺃﻥ ﺗﻌـﺮﻑ ﻣﻦ ﺃﻧـﺎ !
ﻓﻌـﻠﻴﻚ ﺃﻭﻻ ﺃﻥ ﺗﻌـﺮﻑ ﻣﻦ ﻫـﻢ ﺃﻋـﺪﺍﺋﻲ ﻭﻣـﺎ ﻫـﻲ ﺃﺧﻼﻗـﻬﻢ ! ﻓـﺈﻥ
ﻛـﺎﻧﺖ ﺃﺧـﻼﻗـﻬﻢ ﻧﺒﻴـﻠﺔ ﻓـﺈﻧﻲ ﺣﻘـﻴﺮ ﻭ ﺇﻥ ﻛـﺎﻧﺖ ﺃﺧـﻼﻗﻬﻢ ﺣﻘـﻴﺮﺓ
ﻓﺄﻧﺎ ﻋﻈﻴـﻢ

ما تعليقك؟
​

 

[{مُدَلَّلَتُهُ}]

مرحبا كيف الحال؟

أهليين خيوو منور الموضوع كالعادة

راني بخير الحمد الله و نتا

ﺣـﻜﻤﺔ ﻓﺮﻧﺴـﻴﺔ ﺗﻘـﻮﻝ : ﺇﺫﺍ ﺃﺭﺩﺕ ﺃﻥ ﺗﻌـﺮﻑ ﻣﻦ ﺃﻧـﺎ !
ﻓﻌـﻠﻴﻚ ﺃﻭﻻ ﺃﻥ ﺗﻌـﺮﻑ ﻣﻦ ﻫـﻢ ﺃﻋـﺪﺍﺋﻲ ﻭﻣـﺎ ﻫـﻲ ﺃﺧﻼﻗـﻬﻢ ! ﻓـﺈﻥ
ﻛـﺎﻧﺖ ﺃﺧـﻼﻗـﻬﻢ ﻧﺒﻴـﻠﺔ ﻓـﺈﻧﻲ ﺣﻘـﻴﺮ ﻭ ﺇﻥ ﻛـﺎﻧﺖ ﺃﺧـﻼﻗﻬﻢ ﺣﻘـﻴﺮﺓ
ﻓﺄﻧﺎ ﻋﻈﻴـﻢ

ما تعليقك؟
​

اممممم ممكن يكون عندهم الحق في حالات مش ديما

مرات العبد يكرهك و يولي عدوك على خاطر ما يقدرش يولي كيفك و فهاذ الحالة الحكمة هاذي ما تاكلش !!!
​

 

[ايمان التلمسانية]

السلام عليكم جميعا ...
نور واقيلا راكي في ورطة وراكي تقولي واش داني .....
المهم انا نبدالك غير خفيف ظريف باش ما نقلقكش :d
واش هو القرار الي تخذتيه فيحياتك وندمتي عليه ؟
جاوبي بصراحة اها ....​

 

[{مُدَلَّلَتُهُ}]

السلام عليكم جميعا ...

و عليكم السلام و رحمة الله

نور واقيلا راكي في ورطة وراكي تقولي واش داني .....

هههههههههههه ورطوني انا خاطية

المهم انا نبدالك غير خفيف ظريف باش ما نقلقكش :d

يؤبرني الي بيفهمني أنا :p

واش هو القرار الي تخذتيه فيحياتك وندمتي عليه ؟

ها إيمو خيتي سؤالك وااااااااااااعر بزاف .

ما نقدرش نجاوب sorry :$ :$ :$

جاوبي بصراحة اها ....​

جيبيلي حاجة ساهلة يا بنتي هادا شوية خاص ما قدرتش نجاوب عليه dsl

 

[ايمان التلمسانية]

جيبيلي حاجة ساهلة يا بنتي هادا شوية خاص ما قدرتش نجاوب عليه dsl

ههههههههههههههههههههههه
زعما غير خفيف ظريف
المهم نبدلوه وهاد المرة لا للهروب
واش هي الحاجة الي راكي مفتقدتها بزاااااااااااااف من الليسي الي كنتي تقراي فيه ؟​

 

[{مُدَلَّلَتُهُ}]

ههههههههههههههههههههههه
زعما غير خفيف ظريف

ههههههههههه هاذا خفيف ظريف الله يستر ملي جاي :p

المهم نبدلوه وهاد المرة لا للهروب

أوك ما نهربش نجااااااااوبك

واش هي الحاجة الي راكي مفتقدتها بزاااااااااااااف من الليسي الي كنتي تقراي فيه ؟​

نهار نجمع انا وصحاباتي و نلعبو وحد ال jeu كيما كرسي الإعتراف هاذا و نبداو نكتشفو فالمستور هههههههههههههه

توحشت صحاباتي تاع الليسي بزاف ربي يفرحنااااا كامل بالباك '' نتي و سارة تاني داخلين في نااا تاع ربي يفرحنااا ههههه "

 

[طير الجنة]

اليوم ما جيتش نطرح عليك أسئلة
جيب برك باش نقولك نتمنالك ضيافة ممتعة ف كرسي التقرعيج
و راني راح نغيب ما علاباليش شحال من نهار مي
ربي ينجحك حبيبتي و يوفقك
و كل ما نصلي راني ندعيلك من قلبي ربي يوفقك و تحققي gاع أمنياتك
تشرفت بمعريفتك يا أحلى و أجمل و أطيب صديقة في العالم
و ما تنسايش تفرحيني معااك كي تخرج الres
تحياتي ليك
سلاااام
​

 

[ايمان التلمسانية]

نهار نجمع انا وصحاباتي و نلعبو وحد ال jeu كيما كرسي الإعتراف هاذا و نبداو نكتشفو فالمستور هههههههههههههه

توحشت صحاباتي تاع الليسي بزاف ربي يفرحنااااا كامل بالباك '' نتي و سارة تاني داخلين في نااا تاع ربي يفرحنااا ههههه "

ان شاء الله نكونوا من الناجحين
وسارة راها جاية للموضوع راني قلتلها نور راها في ورطة ​

 

[{مُدَلَّلَتُهُ}]

اليوم ما جيتش نطرح عليك أسئلة
جيب برك باش نقولك نتمنالك ضيافة ممتعة ف كرسي التقرعيج

ربي يخليك حنونتي

و راني راح نغيب ما علاباليش شحال من نهار

تروحي و ترجعيلنا بالسلامة حبيبتي

مي
ربي ينجحك حبيبتي و يوفقك

آآمين يا ربي و ربي يكملك ما تتمناي انت ثاني

و كل ما نصلي راني ندعيلك من قلبي ربي يوفقك و تحققي gاع أمنياتك

الله يحفظك ربي يخليك ليا و لكامل الناس الي يبغوك

تشرفت بمعريفتك يا أحلى و أجمل و أطيب صديقة في العالم

الشرف ليا حنونتي ربي يهنيك

و ما تنسايش تفرحيني معااك كي تخرج الres
تحياتي ليك
سلاااام
​

ان شاء الله يا ربي راح تكوني نتي أول وحدة نبشرها هنا في اللمة تهلاي بزاف في روحك و ما طوليش علينا رح نتوحشك بزاااااااااف
​

 

[{مُدَلَّلَتُهُ}]

ان شاء الله نكونوا من الناجحين
وسارة راها جاية للموضوع راني قلتلها نور راها في ورطة ​

ان شااااااااء الله يا ربي
​

مرحبا بيها اسيدي أخييييييرا طل علينا نورها وين كانت طولت الغيبة هاد المرة
​

 

[ملكة جمال اللمة]

نوووووووووووووور راكي هنا توحشتك نسيتيني ههه
المهم راني جيت خفيفة هههه
_ ما ردة فعلك عندما يقول لك حبيبك : أحبك نعم أتزوجك لا ؟
اذا اردت ان تبكي الان , فعلى من تبكي؟
ماهو تقييمك لهذا المنتدى بصراحه ؟
أسوأ خبر سمعته؟
شفتي وحده من صديقاتك لابسه لبسة ماعجباتكش و قلتي :أستغفرالله و إختها وراااك ماذا تفعلين؟
كم مرة تنازلتي عن مبادئك من اجل رجل !!
لتهاي بهادو من بعد نرجعلك
​

​

​

​

 

[Rochdi.dz]

ملكة جمال اللمة

وقتاش دارو المسابقة هدي؟

:p
​

 

[Rochdi.dz]

نور نعطيك سعال واحد

قوليلي برك البارا الي هازها هدا المخلوق :sport02: شحال توزن؟

​

 

[{مُدَلَّلَتُهُ}]

نوووووووووووووور راكي هنا توحشتك نسيتيني ههه

أهليييييييين بالأنوشة تاعنا توحشتااااااااك بزاف حبيبتي

كيفاه ننساك الي كيفاه jamais يتنسى

المهم راني جيت خفيفة هههه

تنورينا يا قمر

_ ما ردة فعلك عندما يقول لك حبيبك : أحبك نعم أتزوجك لا ؟

نقوله حبك شده عندك ما عندي ما ندير بيه

اذا اردت ان تبكي الان , فعلى من تبكي؟

نبكي على روحي برك .

ماهو تقييمك لهذا المنتدى بصراحه ؟

دارنا الزاوجة منتدى أكثر من راائع

أسوأ خبر سمعته؟

نهار مات جدي الله يرحمو

شفتي وحده من صديقاتك لابسه لبسة ماعجباتكش و قلتي :أستغفرالله و إختها وراااك ماذا تفعلين؟

هههههههه واش ندييييير على الأغلب نحشم و نسكت ما نزيدش ننطق :p

كم مرة تنازلتي عن مبادئك من اجل رجل !!

jamais و ان شاء الله ما نتنازلش

لتهاي بهادو من بعد نرجعلك



​

تنوري بأي وقت حنونتي بانتظاااااااااااااارك
​