ظاهرة معاكسة البنات

[ĂÝǾΰb]

السلام عليكم ورحمة الله وبركاته
كي راكم يا ناس اللمة ان شاء الله تكونو غاية

اليوم حبيت نحكيلم واحد الظاهرة انتشرت بزاف في مجتمعنا هي ظاهرة معاكسة البنات
مكانش يوم تمشي فطريق وما تلقاش واحد يهبل في وحدة يلحق فيها
كاين لي يقولك حبها صح ولي يحب يديرلها فيلم تركي فرود هههه ؟
تلقا الجان يتبع البنت يقولها يا الزينة الله يبارك خموس وجبريل كاينة حتى هي مشي شابة هههه
وكاين لي يلحق ويقولها راني سيريو وحكيت عليك ليما وانت هي المدام هههههه
وديما تلقى البنت اففففف اففففف اخطيني اخطيني ههههههه هو يقولها اعطيني النيميرو برك ممبعد نحكو هههههه
وكاينة لي تلقاه تفرح وتضحك من عينيها كي يعود يحكيلها يبانلها مجنون ليلى ( قيس ههه )
سيرتو فليام تاع القرايا نروحو على 8 نلقاوهم عند الليسي نخروج على 12 نلقاوهم والعشية نفس الشي هذيك هي خدمتهم يعسو بنات الناس ما يروحوش يتغداو هههه

مي أنا في رايي لي يديرها ناقص تربية - وانتم وش رايكم ؟ كاين لي يرضاها لأختو ؟
وش سبب هذي الظاهرة ؟ - قلة التربية تاع الشباب ؟ - ولا اللبسة الغير لائقة ولا محترمة تاع البنات ؟

سلامو اتهلاو في رواحكم
في انتظاركم ولاد و بنات بلادي :regards01:
​

 

[حفيد هواري بومدين]

كل واحد كيفماه تربى
و المشكلة كاملة في الطفلة كون ماتلبسش وماتتزينش ولا يعني تخرج بالمفضوح مايصرالهاش هكااااا ​

 

[الحياة كلمة]

عدنا والعود احمد
بسم الله الرحمن الرحيم والصلاة والسلام على اشرف المرسلين
نشكر اخ بيبرس على الموضوع الي طرحو ولو لم اكن احد المتضررات من هذه الافة لما اتيت
انت سالت ونحن الان نجيب:
وانتم وش رايكم ؟
انت ما ذكرته صحيح وهاك كاين لي تتافف ولي تضحك ويعجبها الحال مي انا نقولك شباب هذا الوقت مايحبش الساهلة لي تضحك بالعكس تلقاه ديما معين وحدا رافضاتو ويقعد بهاذيك الهدرة وتتبع والسماطة واعذروني لانها بتجربة يحوس يوقعها في الشرك ديالو بسيف و هي لا جات مراة تسكت وتخليه كي بوطو او حيط يحكي وحدو لانو مش راح يهزها ولو كان اثر عليها واذا سمط تستعين باحد اخوتها او باباها وهاك تتهنى منو
كاين لي يرضاها لأختو ؟
اكيد مانقبلهاش لعمري ومانقبلها لحتى بنت محترمة
وش سبب هذي الظاهرة ؟
والاسباب هي ثلاثة :
- التربية بالدرجة اولى
- طمع الشباب بكل الفتيات وخاصة لي يكونو هذا وين حلو عينيهم
- لباس الفتيات الغير المحتشم
وفي الاخير عندي ملاحظة لي مربي مربي سواء بنت او رجل
ها تلقاه كبير مي مايشوف فحتى بنت وغض من بصر ديالو
وحتى البنت تلقاها مايهزها لا زين لا دراهم عنندها اخلاقها وحياء في وجها ولبسها المحتشم

نتمنى نكون كفيت ووفيت ولكل من يريد مناقشة الموضوع معي راني هنا سلامو
​

 

[ماكانش]

كل واحد كيفماه تربى
و المشكلة كاملة في الطفلة كون ماتلبسش وماتتزينش ولا يعني تخرج بالمفضوح مايصرالهاش هكااااا ​

درك ماولاوش يفرقو يا عبدو بين المستورة والمفضوحة
بنات الجلباب ويتبلاوهم ...

 

[tayeb20]

كنت قادر تغير العنوان بعض الشيء لاننا رانا نشوفا اليوم الحال النقلب بزاف البنات هوما اللي راهم يدوموندو ارقام هواتف الرجال’ ورانا كامل نشوفو الحال كيفاش راه صاري البنت هي اللي تطلع للولد لكاسيون باه ينشعها

 

[Melia azedarach]

الدور الاول على لبستها لكن احيانا تكون مستورة وما تسلمش من المعاكسات
وثانيك هذيم يلي تقله اخطيني تشجع فيه باه يزيد
من المفروض انها تمشي وتخليه ماشي تهدر معاه مالامزش تفسحلو مجال اكبر للهدرة والمزايدة فيها
واخيرا كاين بنات هوما يتعداو على الذر ويعاكسوهم
انا نقول انو يلي يعاكس سواء طفل ولا طفلة مش متربيين ويلزمهم تربية من الاول

تقييم ع الموضوع يلي في الصميم

 

[Sẻl Mā]

وش نكــــــــــره هاذي الظاهرة
وديجا ميرضاهاش لختو كيفاش يرضاها لبنات الناس
سببها نقص التربية
وكل طفل عندو سبب ديالوا
مانعرف
مام الطفلة لازم تكون لبستهها محترمة
والدراري يموتو على اللبسة المفضوححة

حاشا ولاد الفاميليا اللي مايستاهلوش​

 

[sql]

مكانش يوم تمشي فطريق وما تلقاش واحد يهبل في وحدة يلحق فيها

بيان سور غادي يعاكسوها صحيبي ها تستر روحها قبل / وتتربا شوية

مكانش لي يوصل لعندها / شوف غير بنات لي مربين علاش ما يعاكسهومش ؟

مي صحيبي هذي العقلية كانت زمان والله

مي دركـ تعكست الحكاية هم راهم يعاكسو في الشباب هرررررمنا :down:
​

 

[ĂÝǾΰb]

كل واحد كيفماه تربى
و المشكلة كاملة في الطفلة كون ماتلبسش وماتتزينش ولا يعني تخرج بالمفضوح مايصرالهاش هكااااا ​

كلامك صحيــح يا خويا التربية واللبسة تاع البنت تلعب دوووور
ما عندي ما نزيد على كلامك كفيت و وفيت بارك الله فيك :regards01:
​

 

[minoucha dz]

قلة التربية تاع الشباب ؟
مخلوعين تgول عمرهم ماشافو شيرات مطلgو لا لي صاطرة روحا ولا لي مشي مصطورة بصح وحد البنات مهمش مقصرين الله يبارك يخرجو مل الدر لابسين لبسة حنا البنات كي نشوفوهم نحشمو

 

[ĂÝǾΰb]

عدنا والعود احمد
بسم الله الرحمن الرحيم والصلاة والسلام على اشرف المرسلين
نشكر اخ بيبرس على الموضوع الي طرحو ولو لم اكن احد المتضررات من هذه الافة لما اتيت
انت سالت ونحن الان نجيب:

أهلا بيك بيك خيتو و مرحبا بيــك نورتي
وانتم وش رايكم ؟
انت ما ذكرته صحيح وهاك كاين لي تتافف ولي تضحك ويعجبها الحال مي انا نقولك شباب هذا الوقت مايحبش الساهلة لي تضحك بالعكس تلقاه ديما معين وحدا رافضاتو ويقعد بهاذيك الهدرة وتتبع والسماطة واعذروني لانها بتجربة يحوس يوقعها في الشرك ديالو بسيف و هي لا جات مراة تسكت وتخليه كي بوطو او حيط يحكي وحدو لانو مش راح يهزها ولو كان اثر عليها واذا سمط تستعين باحد اخوتها او باباها وهاك تتهنى منو

الشباب تاع اليوم ما يخلف لا السامطة ولا لي تضحك يجيبو على التراب هههههههههه
​

كاين لي يرضاها لأختو ؟
اكيد مانقبلهاش لعمري ومانقبلها لحتى بنت محترمة
:up:

وش سبب هذي الظاهرة ؟
والاسباب هي ثلاثة :
- التربية بالدرجة اولى
- طمع الشباب بكل الفتيات وخاصة لي يكونو هذا وين حلو عينيهم
- لباس الفتيات الغير المحتشم

زيدي كاينة لي تحب تلفت الانتباه تمشي دير لي جاست تهدر بصوت عالي ولا تضحك بصوت عالي

وفي الاخير عندي ملاحظة لي مربي مربي سواء بنت او رجل
ها تلقاه كبير مي مايشوف فحتى بنت وغض من بصر ديالو
وحتى البنت تلقاها مايهزها لا زين لا دراهم عنندها اخلاقها وحياء في وجها ولبسها المحتشم

المتربي من عند ربي
وهذو البنات لي تحكي عليهم مزالو كاينين ؟؟

نتمنى نكون كفيت ووفيت ولكل من يريد مناقشة الموضوع معي راني هنا سلامو
​

بارك الله فيك اختي كفيتي و وفيتي
ابقاي معانا برك ما تبعديش و عليكم السلام :regards01:
​

 

[ĂÝǾΰb]

مرحبا خاوتي وخوتاتي
ممبعد ان شاء الله نرجع نرد على البقية في انتظار المزيد من التفاعل وطرح الآرآآء
نزيد نذكر بلي هذي الظاهرة ما تشملش الشباب ولا الفولونطية برك
كاين حتى المتزوجين يروحو بلماتريال لليسي وحتى لسيام
و واحد المرة واحد متزوج بنتو قدي فلعمر
واحد اليوم جا لليسي يلحق في طفلة ومنعرف واش يقلها دور ليه وتصرفقو بكف ههههه شافو معاهم الناس ولا هو شاف روحو بلي الناس كامل شافت معاه قالها ايا روحي لا نزيدلك واحد هياااااااا هههههههه
ممكن تكون قصة طريفة شوي مي راهي مأسااااة

​

 

[ريم الشرق]

ماتلومش خويا هذوك جبورة
وزيد هو زعما يتمنى لاخت هكا
بالطبع لا
​

 

[✿أسيـل✿]

السـلام عليـكم ​

ممممم اي صح معاكسـة البنـات رجعــــــت موضـة العصـر تلقـاه ولد صغيــــر يهدر في وحد الهدرة والله غير تحشـــــــم ..ههههههه وهدا كي يكبر كيفاش يكــــــون :p
درك الطفلـة تخاف باش تخرج مع خوهــا ولامع باباهـــا او مايحشموش لولاد
قادر حتى يلحق الطفلـــة لدارهم وهو يهدر والله مايكــــــــــــــــره​

رانا شافيـــــــن اي قدام الليسي..وقدام الجـاميعـــــــــــة اووووووو نشوفو العجب اي كاين لبنات لي يحبـــــــو هذا الشي مي مش كامل لبنــــــــــات ..بصح لبنـــــــات راهم يلبسوا وحد اللبسة والله العظيم غير نحشـــــــــم في بلاصتهم:-o
بلا المكيــــــــــــــــــــاج اي واش نقـول واش نخـــــــــــلي:down:​

هدا يهدر ..وهداك داير لغنــــــــا فالطومبيل تقول رانـا فالعـــــرس وبلا الهدرة الزايدة ..بصح هدا الولد لي يدير هكـا والله مايحب على اختـــــــــــــو ولامرتــــــــو و بنات النـــــــــــــاس ............... ماعليش
والله العظيـــــــــــــــــم غير يقلقــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــوني​

كل شي من التــــــــــــــــــــــــــــــربية
التربيـة تلعب دور كبيـــــــــــــــــــــــــــــر
كون جا عندو النيف ومتربـي والله مايشوف فالطفـــــــــــــــــــــلة يحشم باش يهدر معهـا....​

ربي يهدي مــــــــــاخلق​

بـاركـ الله فيك خيـــــو على الموضـوع الرائـــــــــــــع
دائمــــــــــا مبدع ماشاء الله عـــــــــــــــــــــليك
تقبــــــــل مروري​

 

[amel amoula]

المشكل فى اى جان يصيبها شابا ماشى شابا يتبعها


واللبسة تاع لبنات ماهيش دافع باه يتبعها كون كان متربى معلابالوش كامل بلبنات ماشى يقول هوما تان يلبسو ويشبحو وحبونا منتبعوهمش

هادى ماهيش سبة



هوما كى عادو ناقصين غير يتبعو برك ومعلابالهمش بلى لبنات يتقلقو منهم و كون غير يفهمو رواحهم


ويبطلو هادى العادة السيئة باه الوحدة كى تمشى تكون الاز ويعجبك تاع المارشى كى يلسقو تقول سيبرقلو مايخطيكش يسمطلك الخرجة وكون غير تصيبو شباب ولا لبس مليح غير الخردة ويزيد يتبع اوووووووووووووووف

يقلقو ................... ماتعرفو الا سارق ولا يعاكس ؟؟؟؟؟؟؟؟؟؟؟؟؟؟


شكرا على الطرح

 

[عليلو 24]

المشكل اصبح العكس

 

[لؤلؤة القرآن]

خويااا عرفت وين طيح ههه
و الله صح ظاهرة و مش غير انتشرت
كيف قلت في اليسي كل يوم مام انا نحير فيهم
على 8 تلقاهم باه يصبح راقد والووو يروح يحكم الحيط يعس البنات
و انا نشوف في هد الجاست انوو هد لي يدير فيهاا مشو متادب
بسكوو كون متادب مرحش يديرهاا و رح يحط اختوو في نفس موقف هديك الطفلة
طبععااا نحناا شعب شوياا ç v pas تلقاه كل يوم داير حالة ببنات الناس
و النهار توصلو هدرة على ختوو الدنياا يقلبهاااا
مدام ميحبش في ختوو نورمالمو يحترم بنات الناس
و ثاني نقلك كاين بنااااات قع الادب ميسمعوش بيه بسكوو كون متادبين و محافظيمن على انفسهم و ميتكسلوش في الطريق
كون هد الشيء الكل ميكونش
المهم ربي يهديهمممم و خلاص
و انشاء الله لي رح يدير هد العملة غير يحط اختوو في مكان هديك الطفلة من بعد يسهل هههههه
سلامووووووو و شكرا
​

 

[دنيا البسمة]

شكرا على الموضوع الشباب
انت قلت سبب الظاهرة قلة التربية ولا المظهر نتاع البنت
يا خويا انا مرات كي نشوف شي بنات نقول عندهم الحق لي جان كي يخلطو فيهم
لاخاطر هوما ما خلاوش الاحترام لرواحهم
تلبس لبسة كاين اللي يروحو بيها للعرس وتمشي فالزنقة المخلوق كي ما يكونش رايح ينطق تنطقو
وكاين اللي يديرها زكارة كي يشوفها هكذاكيحب يجيب بيها الوقت

 

[ميسومة الدلوعة]

السلام عليكم
شكرا اخي على الموضوع عجبني بزاف
المهم

مي أنا في رايي لي يديرها ناقص تربية - وانتم وش رايكم ؟
انا اني معاك بلي او ناقص تربية
انا وحدة من الناس طفل كي نشوفوا يعاكس في طفلة في الشارع يطيح من عيني
طفل معروف برجولتوا و شهامتوا ماشي يطيح بروحوا عند لبنات و كون غير تقيموا ترخصوا
هدا عندي يعتبر رخيص خاطر خلا لي يسوى ولي ما يسواش يطيحلوا قدروا
يعجبني طفل الرزين لي جميع لبنات يستناو منوا خزرة وحدة ولا كلمة ههههههههههههههههههههههههه
كاين لي يرضاها لأختو ؟
على ما اضن واحد ما يرضاها لختوا
بصح كاين حبيبات رخاص
وش سبب هذي الظاهرة ؟
- قلة التربية تاع الشباب ؟
هي اي هك
- ولا اللبسة الغير لائقة ولا محترمة تاع البنات ؟
و تااااااااااااااااااااااااني شوية هك
بصح تجي تشوف والله تلقاها مدايرة جلباب و يشوفو معاها
و ماكالاه يحصلوا فلبنات خاطر ماكانش طفلة درك ما تلبسش
و كون مداير شوية قيمة روحوا او ما يحكي مع حتى وحدة

 

[ĂÝǾΰb]

درك ماولاوش يفرقو يا عبدو بين المستورة والمفضوحة
بنات الجلباب ويتبلاوهم ...

اهلا سي مكانش
لالا أنا في رايي المستورة ما يتبلاوهاش
ولي يتبلاها لحق لأعلى درجات الوقاحة
مرسي على المرور سلام خويا لعزيز :regards01:
​