ظاهرة معاكسة البنات

[ĂÝǾΰb]

كنت قادر تغير العنوان بعض الشيء لاننا رانا نشوفا اليوم الحال النقلب بزاف البنات هوما اللي راهم يدوموندو ارقام هواتف الرجال’ ورانا كامل نشوفو الحال كيفاش راه صاري البنت هي اللي تطلع للولد لكاسيون باه ينشعها

أهلا وسهلا خويا الطيب نورت
صح بدات تنتاشر هذي الظاهرة لي حكيت عليها خويا
مي في حساب رايي حاجة قليلة وميش بزاف
وزيد الطفلة لي ديرها ما خلات لنفسها حتى كرامة
مرسي على المرور خويا لعزيز نورت :regards01:
​

 

[ĂÝǾΰb]

الدور الاول على لبستها لكن احيانا تكون مستورة وما تسلمش من المعاكسات
وثانيك هذيم يلي تقله اخطيني تشجع فيه باه يزيد
من المفروض انها تمشي وتخليه ماشي تهدر معاه مالامزش تفسحلو مجال اكبر للهدرة والمزايدة فيها
واخيرا كاين بنات هوما يتعداو على الذر ويعاكسوهم
انا نقول انو يلي يعاكس سواء طفل ولا طفلة مش متربيين ويلزمهم تربية من الاول

تقييم ع الموضوع يلي في الصميم

أهلا بالأخت ميسون نورتي
لما تكون مستورة وما تسلمش من المعاكسات
هذا يعني لي يعاكسها لحق لأعلى درات الوقاحة
هههههههههه ام يعرفو على من يتعداو
على الأنانيش و صحاب الدراهم ميش من والة
المتــــــــــربي من عند ربي وليد الأصل يحشم يديرها
مرسي على المرور الطيب والتقييم شرفتينا بمرورك خيتو :regards01:
​

 

[ĂÝǾΰb]

وش نكــــــــــره هاذي الظاهرة
وديجا ميرضاهاش لختو كيفاش يرضاها لبنات الناس
سببها نقص التربية
وكل طفل عندو سبب ديالوا
مانعرف
مام الطفلة لازم تكون لبستهها محترمة
والدراري يموتو على اللبسة المفضوححة

حاشا ولاد الفاميليا اللي مايستاهلوش​

اهلا بيك اختي سلمى نورتي
كلامك صحيح ما عندي ما نزيد عليه
الدراري يموتو على اللبسة المفضوحة ؟
نقلك كاين هذا النوع مي كاين لي راه يعاني من اللبسة هذي والله باسكو
سن الزواج تأخر والظروف المعيشية صعيبة صعيب الحال على الجان لي يخاف ربي في دزاير
وزيد البنت رح ترضي الخالق ميش المخلوق تستر روحها لي حب حب ولي كره كره
مرسي على المرور نورتي خيتو :regards01:
​

 

[ĂÝǾΰb]

بيان سور غادي يعاكسوها صحيبي ها تستر روحها قبل / وتتربا شوية

مكانش لي يوصل لعندها / شوف غير بنات لي مربين علاش ما يعاكسهومش ؟

مي صحيبي هذي العقلية كانت زمان والله

مي دركـ تعكست الحكاية هم راهم يعاكسو في الشباب هرررررمنا :down:
​

اهلا بيك خويا العزيـــــــر نورت

لالالالا أنا في رايي لي يعاكس وهذا عذرو هذا عذر اقبح من ذنب لازم على الشاب يتربى ما يعاكس حتى بنت حتى وتكون لابسة المفضوح

ولازم على البنت تتربى وتلبس المستور مي بنات اليوم الله المستعان رانا نعانو ربي يهدينا

ههههههههههه شفت ربي يستر برك خويو

مرسي على المرور نورتلي الموضوع :regards01:
​

 

[Ange de nuit]

rabii yahdihomm frèèt

 

[ĂÝǾΰb]

قلة التربية تاع الشباب ؟
مخلوعين تgول عمرهم ماشافو شيرات مطلgو لا لي صاطرة روحا ولا لي مشي مصطورة بصح وحد البنات مهمش مقصرين الله يبارك يخرجو مل الدر لابسين لبسة حنا البنات كي نشوفوهم نحشمو

اهلا بيك اختي مينوشة نورتي
اي عندك الصح لازم غض البصر
لالا المسطورة تكون أقل ضرر على لي ميش مستورة ولا المتبرجة
الدين الاسلامي يقول بلي المرا لي تخرج من دارها متعطرة زانية
فمبالك تخرج بهذيك اللبسة والريحة أنواع والوان الوقت فسدت ربي يهدينا اختي
مرسي على المرور نورتي :regards01:
​

 

[Mr Brahim]

المشكل الاكبر يا صديقي انو القضية راهي بالعكس ضرك كلشي ولا بالمقلوب
​

 

[ĂÝǾΰb]

ماتلومش خويا هذوك جبورة
وزيد هو زعما يتمنى لاخت هكا
بالطبع لا
​

اهلا بالأخت ريـــــم نورتي
هههههههه اي جبورة
اي واحد ما يحب على اختو صح
مرسي على المرور خيتو نورتي :regards01:
​

 

[ĂÝǾΰb]

السـلام عليـكم ​

ممممم اي صح معاكسـة البنـات رجعــــــت موضـة العصـر تلقـاه ولد صغيــــر يهدر في وحد الهدرة والله غير تحشـــــــم ..ههههههه وهدا كي يكبر كيفاش يكــــــون :p
درك الطفلـة تخاف باش تخرج مع خوهــا ولامع باباهـــا او مايحشموش لولاد
قادر حتى يلحق الطفلـــة لدارهم وهو يهدر والله مايكــــــــــــــــره​

رانا شافيـــــــن اي قدام الليسي..وقدام الجـاميعـــــــــــة اووووووو نشوفو العجب اي كاين لبنات لي يحبـــــــو هذا الشي مي مش كامل لبنــــــــــات ..بصح لبنـــــــات راهم يلبسوا وحد اللبسة والله العظيم غير نحشـــــــــم في بلاصتهم:-o
بلا المكيــــــــــــــــــــاج اي واش نقـول واش نخـــــــــــلي:down:​

هدا يهدر ..وهداك داير لغنــــــــا فالطومبيل تقول رانـا فالعـــــرس وبلا الهدرة الزايدة ..بصح هدا الولد لي يدير هكـا والله مايحب على اختـــــــــــــو ولامرتــــــــو و بنات النـــــــــــــاس ............... ماعليش
والله العظيـــــــــــــــــم غير يقلقــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــوني​

كل شي من التــــــــــــــــــــــــــــــربية
التربيـة تلعب دور كبيـــــــــــــــــــــــــــــر
كون جا عندو النيف ومتربـي والله مايشوف فالطفـــــــــــــــــــــلة يحشم باش يهدر معهـا....​

ربي يهدي مــــــــــاخلق​

بـاركـ الله فيك خيـــــو على الموضـوع الرائـــــــــــــع
دائمــــــــــا مبدع ماشاء الله عـــــــــــــــــــــليك
تقبــــــــل مروري​

أهوووووووه شكون لي لهنـــــا أهلا وسهلا بالعزيــــو انا نقول الموضوع علاش راه منور

و عليكم السلام أهلا بالأخـــــــــــت :regards01:
اي وش تحبي هذي هي درك
ههههههه من شب على شيء شاب عليه
اي حب يقول اين يكون الجنس اللطيف بكثرة / اي كايني لي يحبو
شفتي اخدوج ربي يهدينا والله
ممممممممم من 2009 وانا نعرفك نعرفك متربية و حشامة :$
كما تدين تدان لي يدير الشر في بنات الناس يخلصها فدنيا قبــــــــل الآخرة والمتربي من عند ربي لي يكون وليد أصل ما يقدرش يدير هاك / آميــــــــــن آميـــــــن

وفيك بارك الله / الله يبارك فيــــك خدو نورتي وعطرتي الموضوع بتواجدك الله لا يحرمنا منك تهلاي في روحك اختي العزيـــــــزة

​

 

[ĂÝǾΰb]

ممبعد ان شاء الله نرد على
البقية في انتظار المزيد من النقاش والأراء سلامو
​

 

[ĂÝǾΰb]

انتظرت ولا رد ولا رأي جديد
​

 

[ĂÝǾΰb]

المشكل فى اى جان يصيبها شابا ماشى شابا يتبعها

أي كاينة منها اختي أمولة ما يخلفو والو
​

واللبسة تاع لبنات ماهيش دافع باه يتبعها كون كان متربى معلابالوش كامل بلبنات ماشى يقول هوما تان يلبسو ويشبحو وحبونا منتبعوهمش

هادى ماهيش سبة

عندك الصـــــــح عذر أقبح من ذنب
​

هوما كى عادو ناقصين غير يتبعو برك ومعلابالهمش بلى لبنات يتقلقو منهم و كون غير يفهمو رواحهم

لالا أمولة كاين لي يتقلقو وكاين لي يعجبهم الحال
​

ويبطلو هادى العادة السيئة باه الوحدة كى تمشى تكون الاز ويعجبك تاع المارشى كى يلسقو تقول سيبرقلو مايخطيكش يسمطلك الخرجة وكون غير تصيبو شباب ولا لبس مليح غير الخردة ويزيد يتبع اوووووووووووووووف

صار تحوسي على لي شباب ويلبس مليح هههههههه الطيور على أشكالها تقع
لا تربية تصلح ولا لبسة تصلح
​

يقلقو ................... ماتعرفو الا سارق ولا يعاكس ؟؟؟؟؟؟؟؟؟؟؟؟؟؟

لزوووووج غير مرغوب فيهم
​

شكرا على الطرح

شكرا لك على المرور نورتي اختي العزيزة :regards01:
​

 

[ĂÝǾΰb]

المشكل اصبح العكس

أهلا بيك خويا عليلو نورت
مزال ما انتشرش بكثـــرة
مي ربي يهدي ما خلق
مرسي على المرور :regards01:
​

 

[ĂÝǾΰb]

خويااا عرفت وين طيح ههه
و الله صح ظاهرة و مش غير انتشرت
كيف قلت في اليسي كل يوم مام انا نحير فيهم
على 8 تلقاهم باه يصبح راقد والووو يروح يحكم الحيط يعس البنات
و انا نشوف في هد الجاست انوو هد لي يدير فيهاا مشو متادب
بسكوو كون متادب مرحش يديرهاا و رح يحط اختوو في نفس موقف هديك الطفلة
طبععااا نحناا شعب شوياا ç v pas تلقاه كل يوم داير حالة ببنات الناس
و النهار توصلو هدرة على ختوو الدنياا يقلبهاااا
مدام ميحبش في ختوو نورمالمو يحترم بنات الناس
و ثاني نقلك كاين بنااااات قع الادب ميسمعوش بيه بسكوو كون متادبين و محافظيمن على انفسهم و ميتكسلوش في الطريق
كون هد الشيء الكل ميكونش
المهم ربي يهديهمممم و خلاص
و انشاء الله لي رح يدير هد العملة غير يحط اختوو في مكان هديك الطفلة من بعد يسهل هههههه
سلامووووووو و شكرا
​

اهلا بيك نازلي نورتي
كان جيت أنا ما نقراش
نصبح راقد ياو خير من طريق اليسي يا دلالي بيها بلي غناها ههههههه
كما تدين تدان اليوم يدير الشر غدوا تجي فيه ولا في اختو
لالا بلاك تكون اختو ناس ملاح كيفك ههههه ما صلحاش يحطها في موقف كيف هذا

و عليكم السلام الشكر ليك اختي :regards01:
​

 

[مابقاش بزاف.Dz]

يعطيك الصحـة على طرح الموضوع
ما نلوموش الشباب و نخلوا البنات و العكس كدلك اللوم يقع على البنات و الدراري في زو و انا نشوفها قلة التربية هادا ماكان
ديفوا بنات حاكمين قدرهم ليهم و هوما يتبلاوهـــــــــم تجي تفهم تحيـــر

 

[ĂÝǾΰb]

شكرا على الموضوع الشباب
انت قلت سبب الظاهرة قلة التربية ولا المظهر نتاع البنت
يا خويا انا مرات كي نشوف شي بنات نقول عندهم الحق لي جان كي يخلطو فيهم
لاخاطر هوما ما خلاوش الاحترام لرواحهم
تلبس لبسة كاين اللي يروحو بيها للعرس وتمشي فالزنقة المخلوق كي ما يكونش رايح ينطق تنطقو
وكاين اللي يديرها زكارة كي يشوفها هكذاكيحب يجيب بيها الوقت

اهلا بيك اهتي نورتي
الشكر ليك تكرم عيونك :$
لزوج عندهم دور في انتشار هذي الظاهرة
اي والله لي تحتارم نفسها اناس تحتارمها ولي يعاكسها ما يليقش
ههههه شفتي مي لازم على الشاب يحافظ على اخلاقو لي بغات تتعرى الله يسهل
كل واحد يرقد في قبرو وهي تاني لازم تستر روحها
مرسي اختي العزيـــــــــزة على المرور الجميل :regards01:
​

 

[khouloud07]

ربي يهدينا . هذا الشي كامل السبب نتاعو اللبسة نتاع لبنات يعني كون جات الطفلة تلبس لبسة محترمة واحد مايقيسها ولا يظلمها

 

[ĂÝǾΰb]

راني راح نخرج درك ممبعد ان شاء الله نرد على البقية
في انتظار المزيــــــــــد من الأراء
كي جهنم هل من مزيد برك ههههههههههههه
رايكم يهمني بزاف سلاااااااموووووووو
​

 

[07 _H@yThm]

درك هوما لي ولاو يتبلاونااااااا​

 

[يسرى 2008]

وانتم وش رايكم ؟
من راي هدا لفيد ونقص التربية تاع ليجان كان جاو مربيين ميديروش هك للبنات الناس tant que ميرداوهاش للخواتهم
كاين لي يرضاها لأختو ؟
جامييي ماكاين حتى طفل يرضاها للاختو ولا قريبتو سواء من بعيد ولا من قريب ولي يرضاها هداك يتسما ناقص عقليا
وش سبب هذي الظاهرة ؟
لحق منحوطوش الاتهامات الكل للدراري باسكو اللبسة تاع فئة من البنات هي لي خلاتهم يديرو هك بلا رحمة ولا خوف على سمعتهم والله اللبسات لي نشوفوها درك شخصيا انا نحشم في بلاصتها ونشوف بلي الفئة هادي هي لي تعيط للدراري وتقولهم مرديوني في الطريق وعرضولي بلبستها .. بصح كاين فئة اخرى من البنات المحتشمين و مسلموش منهم تلقاها لابسة سابل وراسها هابط اكاك ويمرديوها على خاطر كاين نوع من الدراري يحبو يجريو ورا العاقلين سورتو ادا كانو صغار وناقصين خبرة
- قلة التربية تاع الشباب ؟
بيانسير قلة تربية كان جا متربي ميديرهاش
- ولا اللبسة الغير لائقة ولا محترمة تاع البنات ؟
اللبسة الغير لائقة تاني دافع من دوافع انتشار الظاهرة هادي مي كيما قلت قبيلة كاين بنات عاقلين ومسلموش وربي يحمينا ويستر البنات كامل ويبعد عليهم ولاد لحرام
تسلمي على موضوعك حنونة