وليد البلاد ولا ولد الخارج شكون فيهم رايحة نهبل

[غربة حياة]

السلام عليكم

هادي اول مشاركة ليا بيناتكم
وانا راني حابة تورولي الطريق لي نروح ليها
خاطراش راني حاسة روحي ضايعة خلااااااااااص ونزيد شوية ونهبل

المشكلة تاعي انو انا تحطيت بين 2 اختيارات وماقدرتش نقرر برك باه مانجرحمش

القصة كيفاه

انا نهدر مع 2 دكور في النت واحد من دزاير ولاخر من الخارج وهو من بلاد اسلامية
هاد 2 تعلقوا بيا وحابين يخطبوني
لي من الخارج كون مانديهش عمبالي بلي راح يهبل خاطراش مايقدرش كامل بلا بيا وانا متاكدة كون نكون معاه راح يسعدني ويعطيلي قيمتي كيما يلزم واكثر
وهو حاب يجي هنا لدزاير باه يخطبني
وانا مانيش حابة نجرحوا ولا حاجة لانو غايضني بزااااف وهو يحبني ويموت عليا

ولاخر لي من دزاير تاني حاب يخطبني
وهو انسان رائع بكل معنى الكلمة متخلق وخدام وناس ملاح وكل شئ

بصح انا راني تايهة شكون نقبل بيه
تع الخارج لي كون مانديهش يهبل ولي ماحاباش نجرحوا كون مانقبلش بيه
ولا وليد بلادي الانسان لي نحترموا بزااااف

دبروا عليا
الله يخليكم

وادا نخير واحد فيهم كيفاه ندير باه مانجرحش لااااخر

والله تعبتتتتتتتتتت

عاونوني

 

[دعاء19]

اختي زواج حاجة مصيرية مافيهاش اللعب وحاجة تانية احنا منقدروش نعطوك راينا لانك انت لي كتعرفيهم مزيان وكتعرفي لي يصلح ليك جلسي مع راسك وفكري مزيان شكون لي بغياه خاطرك
والله اسهل عليك ويكمل عليك بالخير

 

[sara_k]

السلآم عليــكم
أولآ يآ أختــي يظهرلي مآزآلكـ صغيــرة على قرآر كيمآ هذآ
وخصووصـآ كي رآكي حآآبة تقرري وحدكـ من دون عآيلتكـ
ثآنيآآ عمركــ مآ تحكمـي على شآب من خلآل النـت ولآ التليفـون
بآسكو عمره مآ يوريكـ حآجة مآشي مليحــة فيــه
وثـآآلثآآ يا أخــتي وبكـل صرآآحة أنـآ مـآ نحبش هآذ العلآقآت
خصوصـآ
نتآآع النـــت ومآ نحسهآش مبنيـة على اسس شرعية
(من ترضون ديــنه وخلــقه)
أنـآ نصيحــتي استعآآني بوآلديــك وخليــهم هومآآ يتعرفو بيهــم
ومآدآم مآآذكرتيـش ميولــك لأي وآحد فيهــم
خــلي القرآآر لوالديـك
​

 

[miss A]

السلام عليكم
يعني يا اختي خليني نقلك حاجة اوحاجات
ممكن نتي تقولي بلي راهم حابيني وانهم رايحين يخطبوني
بصح لي علا بالي بيه انو مالازمش طفلة عاقلة تقبل من واحد هدر معاها في النت
علا جال ممكن يستغل فيك او حاب يعقب وقت
انا ننصحك اختي ممكن تكوني في مثل عمري يعني راكي صغيرة على هذه الامور لانه الخطبة او الزواج
مش حاجة ساهلة وثاني حاجة اذا هوما هدروا معاك في النت ووعدوك
يعني ممكن وعدوا اخريات
وكيما قالت الاخت انو واحد ما يوريلك حاجة مش مليحة
وانا نقولك انه الطفلة الفحلة لازمتها تفهم حاجة هي انو لازمك تاخذي بحديث الرسول (صلى الله عليه وسلم)
وارجو لك التوفيق وعذرا ان كان رايي قاسي واظن انه يجب ان تضعي والديك في الصورة
وشكرا لك وتقبلي مروري
​

 

[مابقاش بزاف.Dz]

ما تامنيـــــش الشباب تاع النت بزآآآآف لانو فالنت كل واحد يحب يكون راقي بنفسو ووو و يحاول يطهر غير الحواج الايابية فيـــــــه
يعني حب الانرنت تقدري تقولي عليه مليح و ماشي مليح بنسبة اكبتر و الخيار يبقى ليكـ انتي مع انك قلتي غير فالنت بركـــــ ؟ ما تنسايش تشاوري عائلتك لانو راح تحطي روحكــ في حاجة مصيرية زعما ادا كانت صــــــــــــح
ربي يوفقك و يهديك:ــــــ للصواب
سلامي

 

[joumane]

نقولك جاجه قوليلهم في زوج يجو يخطبوك
وادا جاك واحد فيهم قولي لوخر راك روطار
وهكا تبان

 

[امورة المنتدى]

اختي صلي صلاة الاستخارة واللي فيه الخير ربي يجيبهولك​

 

[wafa peace 2011]

صلي صلاة الاستخارة وانا في رايي وليد بلادك احسن هو اللي يفهمك بصح صلي صلاة الاستخارة بالتوفيق ان شاءا لله

 

[sahiko hamza]

و علايكم السلام

اختي الكريمة ردي صريح وخشين نوعا ما .... لكن حبيتي نعاونوك مالا اني مانبخلش


من رأيي بلادك خير
علاه قلو الرجالى حتى تروحي للبرا ؟؟
ديري فحسابك بلادنا مشي كيما اي بلاد ...
هاذا رأيي الخاص
وانسيها بلي يهبل كون مايديكش خاطر فيها شويا زيادة
لأنو قد ماتكوني مليحة كاين لي خير منك ....


اما عنكي انتي لا مالقيتيش روحك كيما قالت لي قبلي امورة المنتدى
ماعليكي إلا بصلاة إستخارة ....

ربي يصلح الحال ....
​

 

[شجـ الروح ـون]

السلام عليكم اختي
الزواج كيما ذكرو اللي قبلي راه حياة والقرار قرار مصيري
وانت جاية هنا تسالي كي شغل راكي تسالي فينا بن زوج ماركات شكون خير
الراجل بدينو وباخلاقو
ماش باصلو ومنين هو ....
مرانيش راح نغلطك ونقولك انتي الي حطيتي روحك فهاد الموقف
لانو وقع اللي وقع مع انو عندي تحفظ انك علقتي بيك شابين في نفس الوقت....
على كل انت وحدك اللي تقدري تحكمي شكون خيرلك
لانك انتي اللي حكيتي معاهم وتعرفيهم
وحطي ثلاث اسطر على تعرفيهم....
ان شاء الله تكوني فهمتي قصدي
واستشيري اهلك وخاصة الوالدة
واستخيري راح ربي ينورلك طريق الصواب ان شاء الله
من قلبي ربي يهنيك ويزين سعدك اختي
تحية طيبة
​

 

[hiba14]

نقولك جاجه قوليلهم في زوج يجو يخطبوك
وادا جاك واحد فيهم قولي لوخر راك روطار
وهكا تبان

الله يبارك بلميز زعمة ما قريتيش تسيير هههههههه
في رايي الخت هادي رايها هو القريب من الصواب

 

[حكاية حلم]

يآ أختي والله ربي يهديك إنت حآطة الزوآج سآهل ؟

شكون إللي قآلك أصلا بللي راه جاي يخطب وبللي نيتوا صادقة !!!

مالا زمش تصدقي بسرعة يا اختي مهمآ كنت معاملتهم ليك قد يكون ذلك جزء من التمثيلية
وإنت مازلتي مراهقة ومن الطبيعي إنه قلبك يتعلق باي شخص وتعجبين به والدليل إنه قاعدة تتعرفي بأولآد عن طريق النت وهذآ الشيء دليل على الفراغ العاطفي و هو مجرد أوهام
خاصة وإنك قلتي الشاب من الجزائر يمكن لو كان من الخارج بالاك رآيحة تروح عليه لكن هو من البلد يعني يعرف العقلية ومستحيل يدي وحدة تعرف باها في الانترنت لأنه راح يقول كيما حكات معايا راح تكون حكات مع الف قبلي
زيآدة على ذلك قادر يكون الشخص اللي تعرف عليك من الخارج هو في الحقيقة ليس من الخارج ، قال هكذاك غير باه يجذبك ليه ويغرك لآ أكثر

وبالنسبة للأخلاق اللي تقولي عليها هذا شيء طبيعي إنهم يحترفون صفة الأخلاق والأدب

سؤال فقط

لو كآنوآ يظهرون لكي عكس ذلك هل كنت ستصدقين أقوآلهم وإذعآئآتهم ؟!! أكيد لآ

المهم أختي الخلاصة لازم تفكري مليح مليح ولا تفتحين الباب عن كل من هب ودب لأنه الثمن رآح يكون غآلي
خآصة في سنك

موفقة وربي يهديك للطريق الصوآب

 

[Sẻl Mā]

لي من الخارج قلتي ماكيش حابة تجرررحيه
خايفة تجرحــــيه ؟
و هو ليي يهبل ماشي نتي
امممم
في رايي ولد بلادك احسن​

 

[la_safa]

استخيري ,, و الله الموفق ~
​

 

[سوفية حرة]

اختي انا نعطي رايي ولد بلادك تعرفيه خير واحد متعرفيش

انا هاد رايي

 

[jojo bisk]

ولد بلادك خير اختي خير من يلي متعرفيهش

 

[ramiusma]

كيفاه تسمحي لنفسك تهدري مع 2 في وقت واحد راكي تلعبي بيهم لزوج

 

[MAN1850]

أختي اسمحيلي نقولك انتي خلاطة و نيتك ماشي صافية و حرام عليك لي درتيه
نورمالمو كي تتعرفي على واحد و تخليه يفهم بلي انتي تحبيه و علاقتك معاه تاع حبيبان مش صداقة
كان لازم خلاص ما تزيديش تحوسي تعرفي ولا تديري علاقة اخرى

بصراحة اذا بقيتي بهاذ العقلية انتي الخاسرة في لافير
​

 

[بنـ MaPa ـت]

وعليكم السلام......اختي راكي تسمعي بزاف حكايات بداو هكدا كيفك وعاقبتهم وخيمة ولي صراولها بزاف مشاكل وخسرت حياتها عمرك ماديريش كونفيونص في ليجان لي تتعرفي عليهم في النت مهما يكونو طبايعهم ملاح ولا العكس....كيما قالت الاخت قبلي عمرو مايبينلك عيوبو يحكيلك ديما على الحاجات لي ملاح فيه غير باش يوقعك ويخليك تحبيه ويلعبلك بمشاعرك.....اختي لا محسيتيش بالتجربة لي عاشوها قبلك هكدا عمرو ماراح يبانلك الطريق الصحيح وعلابالي مهما نقولولك ونوجهوك وننصحوك ماراحش ديري علينا وتقولي انا راني عارفة كيفاش نمشي وانا لي نعرفهم مليح كيفاش عاملين....صدقيني حبسي منهم واخطي جرتهم ماتعرفي الكلام لي يقولوهولك راهم قايلينو لـ10 بنات قبلك ولا بعدك تاني +علاقات النت والزواج والخطوبة عمرهم مايتمو كيما يقول الشيخ شمس الدين الجزائري (بديتيها بالحرام وحابة تكمليها بالحلال؟؟؟)
صدقيني يا ختي ليجان تع دوك حاشا لي مايستاهلوش غير تع مصالحهم وغير تع تمسخير ولابلوبار مايرحموش الطفلة لي جي في طريقهم يلعبولها بمشاعرها كيما يحبو....وتاني ياختي تميزي راجل يخير وحدة من النت تكون شريكة حياتو والام لي تربيلو ولادو يخيرها من النت لي مايعرفش واش راهي دير في غيبو ايدا راهي تهدر مع غيرو ولا تحكي معاه كيما تحكي مع لخرين ولا كتر...نفيق فيك يا ختي كيفاش راهي تمشي الناس في العالم الخيالي هادا
ثبتي عقلك في الواقع وصفي روحك واعرفي كيفاش تلقاي الطريق الصحيح لي عمرك ماراح تندمي كي خديتيه لوكان لقاوك في الطريق وجا واحد فيهم قالك عجبتيني وحاب نخطبك بالاك على الاقل مايعرفكش وحاب يتقرب ليك ويبني حياتو معاك في الحلال وكيما يحب ربي

افهمتي يا ختي والله تاخدي رايي اخطيك من العلاقات هادو شحال من واحد سلك الطريق هادا وندم عليه وعمرو ماتمتلو حاجة كيما حبها راح يوقفلك ربي في الطريق ويعاود يوجهك للصواب هادا لانك مسلمة ونفس المسلم عزيزة عند الله وعمرو مايخلي عبدو يضيع بين يديه ارجعي لله اختي وماخلاصوش الرجال باش تدي واحد فيهم وكان عينك ماتقبليش بيهم وماتجرحيهمش قوليلهم نورمال حتى حاجة ماتوقفك اعرفي كيفاش تحطي كلامك معاهم وهوما ان شاء الله راح يفهموك وبالعقل تجدي روحك منهم ومن غيرهم وربي يهديك ويهدينا كامل
وان شاء الله يجيك وليد الحلال لي يستاهلك وتستاهليه ويبارلك ربي فيه

سلآم​

 

[الحياة كلمة]

عليك بصلاة الاستخارة
​