وليد البلاد ولا ولد الخارج شكون فيهم رايحة نهبل

[ماكانش]

يا ختي خليك من حكايت يهبل هادي
وين يهبل هادا ، راهم يمثلو في الفيلمات برك
نعرفو ذكورة بلحكاية هادي دارو حالة في بنات الناس الله يخزيهم واش بيك هادا
وهل هاذا مالقاش بنات في بلادو الإسلامية ؟؟؟
وهل والديك يقبلو يزوجوك من واحد خارج بلادك ؟؟؟
وهل خممتي البعد والمسافااات ؟؟؟
وهل ماكانش في ولاد بلادك ولد أصل وفاميلة ؟؟؟
خليك من العواطف هيا ألي تخلي الطفلة
خممي بعقلك
ألي يخطبك وولد بلادك خلي والديك يسقسيو عليه اذا ولد اصل يقبلو واقبلي واتوكلي على ربي
هاذ الغريب حبسي معاه لحكاية وماتعطيهش وذنك ولا بصرك تقراي واش يكتب لنو راح يشعرلك حتى تشوفي في روحك بلي قتلتيلو يماه ووالديه وذبحتيه هوا وو
التخيبيسث نعرفوه
اخطاكي ونحي حكاية واحد غريب خارج بلادك من راسك
ونحي حكاية واحد يهبل على جالك ...
يهبل على جالك الي خطبك رسمي وفي الصح
​

 

[بنت الـ25]

السلام عليكم ورحمة الله وبركاته
حبيبتي القسنطينية تاعنا حبيت نعنفك شوية سع ونقلك
راكي غلطتي كي حكيتي مع 2 في وقت واحد

الواضح هنا ان علاقتك معهما تعدات الصداقة وهدا لي خلاهم في زوج يقرروا يخطبوك كيما راكي تقولي

من جهة اخرى انتي ترضايها على روحك واحد منهم يحكي معاك ومع طفلة اخرى في وقت واحد؟

الحاجة الثانية : العلاقات تع الانترنت نادرا ما تنجح لأنو فالغالب يتخللها الكدب والخداع ومبعد كي تنصدمي بالواقع المر انتي الوحيدة اللي تدفعي الثمن

الحاجة الاخيرة لو فرضنا ان هاد الزوج صادقين معاك وناويينك صح انا من رأيي تختاري أقربهم لقلبك والثاني حاولي تجبدي عليه بدون ما تجرحيه

ملاحظة برك: استشيري واحد ولا وحدة من عايلتك بارسكو هادو هوما اللي يتمناولك الخير تع الصح ويخافو عليك من الوقوع فالخطأ سيرتو انتي مزالكي صغيرة وغير وين حليتي عينيك على الدنيا

ما تتسرعي في حتى قرار وربي يوفقك
​

 

[fatima der]

اولا المعرفة تاعك بيهم خطا الطريقة خطا مشي غير برك يعني ذنب وباطل ومابني على باطل فهو باطل نصيحتي ان قبلتيها حبسي من الهدرة معاهم في زوج وربي يرزقك بولد الحلال بالطرق الحلال

استفسار هل الاول يعلم عن الثاني والعكس ولا لا

 

[βïģ βôşş]

نقلك انا تاني نحب وحدة فالنت ويدا كمل ربي راح نديها ونخطبها ونزوج بيها
الشي قالوه الي سبقوني راني معاهم لكن هل صباع يديكم تتشابه ؟ قلتو بلي تاع النت كامل لعابين ببنات الناس
نت شوفي للي تحبيه والي عجبك صح وهادي فيها زوح ماتدخلش للراس نت ادا تحبي واحد فيهم لاخر لازم عليه يتفهم الله غالب نتم النسا ربي حللكم فرد واحد ماشي كيا الرجال حللهم 4 ههههههههههههههه اااسف
الهم يقولو دارك تستر عارك ولد بلادك خير هو ادرى بعاداتك وتقاليدك وعقلية الجزائرين
انا نعرف وحدة داها واحد من قطر مع اللول يقلها وين تحبي باباك ومك نديك ليهم لكن ماشي كل شهر ولا كل سمانة مسكينة صدقاتو تزوجة بيه هاو داها ولا خبر عليها مسكينة غير ادا حكاو معاها فالسكايب وين تعرفت على هاد السيد

ولد الخارج غير اخطيك منو لانك راح تعاني تاع الصح يديك للخارج وتشوفي المرة تاع الصح
ولد بلاد على الاقل راكي في بلادك كاين الي بفهمك بغيتي تشوفي داركم احكي كاش بي وتوكلي على ربي

وربي يقدر الخير

 

[عاشقة رجاص]

السلآم عليكم أختي
صدقيني أختي أنا كي شفت العنوآن حسبتهم زوج جاو خطبوك
واحد من بلادنا ولاخر براني براني
كنت رايحة نقولك انتي أدرى واستخيري وربي يوريلك الطريق مي إذا تحبي رايي ماكانش ومستحيل تلقاي كيما وليد البلاد عقليتو قريبة من عقليتك ولهجتو قريبة من لهجتك وعاداتو وتقدري تسقسي عليه وتكوني في بلادك اللي زدتي وكبرتي وتربيتي فيها وقريبة من ناسك ديما
على خاطر يا أختي الزواج ماشي كلام مليح وشكل باهي ودراهم يقرقبو فالجيب
الزواج مسؤولية وحياة ومشاركة ممكن تقبلي الإختلاف فالاول مي مبعد تحسي باللي حاجة ناقصة واني نحكي هكذا ممكن البعض يشوفو باللي تعصب او قبلية مي والله لالا اني نحكي من منطلق خبرة ماشي شخصية مي عائلية
سواءا الطفلة داتو براني ولا العكس الراجل داها برانية صدقيني مع الوقت تحسي باللي درتي خطأ وباللي ناقصينك بزاااااااااف أمور
مي يا أختي كي قريت موضوعك وشفت باللي تعرفيهم عبر النت انا نقولك حلي عينيك مليح وتأكدي من كلمة تعرفيهم هذي على خاطر ماهيش ديما بمعناها الحقيقي المجرد من كل الشوائب النت فيه فيه وليس كل مايلمع ذهبا
والله اعلم
أنا ننصحك أتوكلي على ربي واستشيري شخص كبير من العائلة تاعك تقدري تحكيلو
وربي يهنيك
​

 

[crazy.girl]

نقلك حاجة أختي علاقات تع النات شوية صعيبة واحد ميعطيك الرسمي mais نعطيك نصيحة لكان حبيتي تخيري تع الخارج خير au moins هوما ميتقصش ليهم تريسيتي وأعرضيني للعرس​

 

[الشلفي02]

اختي صلي صلاة لاستخارة و شاوري والديك
و النت ما ديريش عليهة 100 % و بالاك ماهو مكتوبك حتى واحد فيهم
لا ندري مايخبِ لنا القدر

 

[بنت الـ25]

استفسار هل الاول يعلم عن الثاني والعكس ولا لا

ههههههههههه بيان سير معلابالهمش ودي عايزة كلام
:d:d:d
​

 

[nina usma]

ختيتي انا تان راني نشوف بلي مزااااالك صغيرة على فكرة الزواج هدي اولا

ثانيا نتي تامني نابوغت واحد من النت انا نموووووووووت و منامنش عبد من النت خاطر كامل و لا نقول جلهم باه منكونش ظالمة كذابين يجوزو وقت وخلاص

الله يهديك​

 

[ROMAISSA alg]

اختي تاخدي رايي انا مانامنش net

 

[amel amoula]

شوفى اختى نقولك حاجة

اولا صلاة الاستخارة متكونش على واحد فى النت تكون على واحد جا لداركم ولا صح راح يجى يعنى بقا غير الرسمى
هادى من جهة ومن جهة اخرى

اخطيك منهم فى زوج كيما نتى راكى تخيرى مابيناتهم هوما تان راهم يخيرو مابينك ومابين بنات تانيين

وكيما نتى راكى تهدرى هوما تان ديرى فى بالك راهم يهدرو مع اخريات

وانتى وش ياكدلك بلى صح يجو يخطبوك وكيما قالتلك الاخت قوليلهم يجو فى زوج وتما يبانلك الصح

ومازالك صغيرة وتخيرى بعقلك
والزواج مسؤولية وتان نسيتى بلى عندك اهل وهوما تانى عندهم راى

تقبلى مرورى وربى يوفقك

 

[ياقوتة الصحراء]

كيفاش قلبك يهزهم في زوج ؟​