قدمي لنا نصيحة لاستقبال شهر رمضان

[السعيدة بربها سارة]

♥ عاجل♥ = فك قيدك = ((♥ حملة الاستعداد لرمضان ♥)) ارجو تثبيت الموضوع

خلونا كل يوم نصلي ونفل وندعي الله
من راح يكون معي ان شاااء الله
مشااركة في منتدى اخر ما شاااء الله
مع الدااعية الله يكرمووو
يا الله يا بنات الهمة
احبكم في الله ​

 

[السعيدة بربها سارة]

حبيبتي شكرا على الموضووع ولكن انا والله ما نوجد واالو كل شئ كاين واصلا ماكا بنة والله
ربي يباارك لكم ويحفظكم
وان شاااء الله يدخل علينا بالصحة والهنناااااء ودنب مغفوور يا رب​

 

[omalbatoul]

الله الله عليك يا شاطرة ها انت وانا مشي كيف كيف نت مولات بيت وانا بنت برك فالدار
لا طبخت لازم ماما عاسة فوق راسي و هادي ايه وهادي لالا راكي عارفة ومجربة
طياب بابا سنة يروح للعمرة يعني نص شهر رمضان نديرو فيه كل شي بقوصطونا مش قوصطوه كيما بكري ههههههههههههه
نفيض السمانة الجاية نبدا فيه لا كتب ربي لانو حتى بارح شرينا كونتيتي لاجافيل
واومو ودزانو هههههههه وزيدي لعراس هوما عطلوني
ايه عندك الحق تخدمي فريك فالدار كو جيتي جارتي نقولك ارسليلي شوي
حنا فالدار نوعو يعني شربة فريك+ لسان الطير+ شورة فارميسال كاما نديروهم
والله افكارك تجنن اذا حب ربي ونولي مولات بيت نقولك وريلي عفايس هاذو
راني قدمتلك رايي واش نزيدك
​

اولا قوليلي يا طاطا :$ انا متزوجة و انت عروس ان شاء الله :up:

ردي بالك تديريها و تقوليلي طاطا راني غير 29 سنة برك ههههههه زعمة 29 قليل :p

كلنا مرينا بالمرحلة نتاع تعلم الطبخ من امهاتنا الله يحفظهم و نحكيلك نكتة انا كانت ماما تطبخ و زوج خواتاتي كبار يطبخوا و مرت خويا تاني و انا المسكينة يمدولي لماعن نتاع لفطور و يوقولولي اتلهاي بقرايتك حتى نهار درت انقلاب و دخلت للكوزينة نطيب في رمضان و عملت شربة فريك معجنةو مالحة و قلت نبدل الروتين كرهت من لماعن من يومها خويا حرم عليا الكوزينة و قالي خصوصا رمضان و لكن عاودت درت انقلاب و دخلت ماما معايا و قلتلهم و اذا كتب ربي و جاني المخلوق نتزوج و ندير التبهديل ههه و يردني نروح لدارنا يومها ماما عطاتني الحق ههه

و اليوم يا حنونة بفضلها و بفضل كتب الطبخ و النت و برامج التلفزيون مع الموهبة الخارقة :s تاعي رني طباخة كبيرة :s:d

ربي يرزقك بولد لحلال و ربي يعين في النيتواياج و ربي يوفق الوالد و يرجعوا سالم ان شاء الله

بالنسبة للطبخ الي تحب تطبخ تطبخ ماهوش معادلات لوغاريتمية :-o و كل شيىء يجي مع الوقت

و راني كثرث الهدرة و خرجت على الموضوع

 

[omalbatoul]

شكرا على نصائحك ان شاء الله يكون لي الطبخ لعبة مسلية لابدع فيها انا نحب الطبخ ياسر لاني انحدر من عائلة تتفنن في الطبخ اتمنى اني اصبح مثلهم خاصة ماما

اما الباقي ربي يقويك على طاعتو اختي ربي يبارك في خدمتك
وشكرا

يعطيك الصحة يا حنونة و ان شاء الله نشوفوا اطباقك و صفاتك على النت في يوم من الايام

 

[الحياة كلمة]

لالا مازالت مازوزية الدار زواج مش وقتو حتى بعد الباك
ضحكتيني لا حتى بقصص دياولك ههههههه
هيه ياطاطا حتا انا وعيطولي طاطا مرة فلحمام جات وحد الصغيرة قاتلي اجبديلي طاطا الكابة ما صبت مانقول هههه
ايا نخلولك موضوعك نقي باه مايصكروهش كي تولي عضو متميز نتراسلو
تحياتي​

 

[omalbatoul]

ام لبتول موضوع هايل بارك الله فيك وجعله في ميزان حسناتك
اولا اللهم بلغنا رمضان
اولا حبيتك تفيدني بالتفصيل طريقة عمل الفريك من الف للياء من فضلك.....حبيت نعتمد على نفسي هذا العام
انا كاي ربة منزل نقي داري في الصيف نغسل الحيوط كاملين ونغسل الزور والكوات والزرابي ونخبي كلش حتان الشتاء القادم الا حيانا ربي بحكم الصيف الفرش يكون خفيف
كذلك نفرز الخزاين ونعطرها والحمام والمطبخ نخليه اخر شئ ننفضه ليزيلمو ونغسل علب التوابل وووو الكويزينار الثلاجة الارضية كلش نرتب خزانة الماعن نرمي الي مش بحاجتها
كذلك نحب نشري شوي ماعن جدد نستقبل بيهم رمضان
اما التحضيرات معنديش انا كل يوم بيومو
نوجد مسبقا ماعدا الجلبانة نكون نقيتها وكونجليتها كذلك العصائر مثلا مكونجليا عصير برتقال وكذلك مشماش
معجون فراز لانو زوجي يحب يتسحر بيه مع البريوش وكذلك خبيت شوي فراز نخدمه تحليات اوعصير
وكذلك مدتلي اخت فكرة هايلة للقارص انك تعصريه وتعبي العلب الخاصة بالاقلاس ولما يجمدو خبيه في بورت مونجي هكا كل ماتحتاجي تجبدي مربع
اما باقي الامور يااختي ممكن الا كانت عرضة او ماشابه نحضر في ليل او السحور
كذلك نخدم علبة كبيرة تاع الشابلير
كذلك التوابل نشريها كامل هي ورند وثوم اما الباقي كي نختص في حاجة نكلم زوجي يجيبلي:p
ربي يتقبل منا ومنكم صالح الاعمال​

الله يسلمك و مرحبا بيك و الله يوفقنا للصيام و القيام ان شاء الله

راني حسيتك تشبهيلي في حوايج بزاف خصوصا نظامك في البيت انا نعمل نفس الشيىء و حتى المطبخ و الحمام نخليهم اخر شيىء انا نحب النظام و الترتيب بزاف

بالنسبة للفريك انا نعملوا قبل 15 او 20 يوم من شهر رمضان و نحاول ان شاء الله نمدهولك في مشاركة منفصلة و اذا تصبري عليا حتى نشري القمح و نصورلك الخطوات بالتفصيل مع الشرح ان شاء الله

انا ايضا نصحتني اختي بالنسبة للقارص نفس الشيىء و ايضا الثوم تخزن بنفس الطريقة و راني خبيت ايضا كمية كبيرة من الجلبانة

و عملت ايضا معجون الفريز لكن حبيت نسالك كيفاش تخبي الفريز طازجة ماتضيفيلها والوا انا جامي خبيتها في الفريزر عند بالي تفسد و انا نحب نعمل بيها التحليات

انا رمضان اللي فات خبزت كمية كبيرة من الكسرة قبل رمضان بيومين و خبيتها في الفريزر باش مانخبزش في السخانة و نشري معاها خبز الدار و البريوش و ماخبزتش رمضان كامل و السنة راني تعلمت خبز الدار نتاع الفرينة هايل و خفيف ساعة على ساعة نعملوا للفطور ان شاء الله

انا ايضا قبل رمضان بيوم نشوط الجاجة و نقسمها و نكونجيليها و ايضا اللحم و الكفتة نداويها و نقسمها في لي ساشي

و كي نتفكر حاجة اخرى نعاود نكتبها

الله يبلغنا رمضان و يقدرنا عليه و ننال الثواب و الاجر ان شاء الله

 

[omalbatoul]

حبيبتي شكرا على الموضووع ولكن انا والله ما نوجد واالو كل شئ كاين واصلا ماكا بنة والله
ربي يباارك لكم ويحفظكم
وان شاااء الله يدخل علينا بالصحة والهنناااااء ودنب مغفوور يا رب​

العفو و بركاي من التفنيين ماتوجدي والوا والوا :s:regards01:

 

[omalbatoul]

لالا مازالت مازوزية الدار زواج مش وقتو حتى بعد الباك
ضحكتيني لا حتى بقصص دياولك ههههههه
هيه ياطاطا حتا انا وعيطولي طاطا مرة فلحمام جات وحد الصغيرة قاتلي اجبديلي طاطا الكابة ما صبت مانقول هههه
ايا نخلولك موضوعك نقي باه مايصكروهش كي تولي عضو متميز نتراسلو
تحياتي​

:s :s :up:​

 

[روعة2005]

ربي يبارك في عمرك اختي ام البتول وشكرا للافادة موضوعك عجبني بزاف
بالنسبة للفريزة يااختي انا نقطعها طراف صغار بعد ماغسلتها ونشفتها مليح ونعمر في لي ساشي ونكونجلي بصح هي تصلح غير عصير او معجون او صوص عاقدة للتحلية لانو تولي مفشفشة هههه بصح بنتها تبقى هي هي
وان شاء الله نستناك تحطيلي طريقتك في القمح بالتفصيل

 

[فايزة1207]

مموضوع هايل ياريت يثبت ونستفيد منه

 

[omalbatoul]

ربي يبارك في عمرك اختي ام البتول وشكرا للافادة موضوعك عجبني بزاف
بالنسبة للفريزة يااختي انا نقطعها طراف صغار بعد ماغسلتها ونشفتها مليح ونعمر في لي ساشي ونكونجلي بصح هي تصلح غير عصير او معجون او صوص عاقدة للتحلية لانو تولي مفشفشة هههه بصح بنتها تبقى هي هي
وان شاء الله نستناك تحطيلي طريقتك في القمح بالتفصيل

و في عمرك حنونة الحمد لله انوا الموضوع افادك و عجبك وشكرا على كيفية تجميد الفراز برني ان شاء الله نشتري شوية و نعملها كيما قلتي المهم البنة نتاعها و العصير نتاعها ايضا هايل

اما كيفية عمل الفريك انا رايحة نوضحهالك بدون صور و لما نشتري القمح و نعمل تاعي نضيفلك الصور اذا مافهمتيش

 

[omalbatoul]

مموضوع هايل ياريت يثبت ونستفيد منه

شكرا و يا ريت حتى ينال اكثر مشاهدات و نستفيد من نصائح الاخوات و لما يحل الشهر الكريم يلغى التثبيث

و نستناو نصائحك اختي فايزة

 

[فايزة1207]

في سؤال في احد مواضيع ام خديجة1كيفاه تجمدي المعجنات في رمضان قبل الطهي ولا بعده
جاوبتني
اختي الحبيبة فايزة انا افضل نطيبهم ونجمدهم ووقت الحاجة نجبد قد الحاجة اللي نبغيها قبل تقديم الطعام بنصف ساعة او ساعة وراح تلقايهم كيما خبيتيهم روعة
نصيحتي في التجميد ضعي حبات معينة قد عدد الافراد في كل ساشي هكذا كي تجبدي ما يخسرولكش الاخرين
قلت نجربها ان شاء الله

 

[omalbatoul]

كيفية عمل الفريك بالتفصيل

كيفية عمل الفريك بالتفصيل

هذا الرد مخصوص لاختي روعة2005

كيفاش تحولي القمح الى فريك نتاع شربة رمضان

اول شىء تشتري كمية من القمح من النوعية الجيدة

القمح الجيد لونوا اخضر و ليس اصفر و ريحتوا تفوح لما يتخدم

انا دائما اشتري 5 كيلو يكفيوني و يفضالوا لانه عيلتي صغيرة انا و زوجي فقط و اولادي صغار مايكلوش الشربة و انتى اذا عندك عايلة اشتري 7الى 8 كيلوا

هذا القمح بطبيعتوا يكون فيه قمح محروق بعد الحصاد انت قومي بتنقيته من القمح المحروق جدا و من الاعشاب و حتى الحجر حطيه في سنية و نقيه بكميات قليلة و حاولي تسيريه بسيار رقيق جدا حتى يهبط الغبار و التراب بلاما يهبط القمح

ثم قومي بغسله حطيه في بسينة و كثريلوا الماء تلقاي حبات تطفوا على الماء و اعشاب حاولي تتخلصي منها بالسيار و كرري الغسل اكثر من مرة حتى يصفى الماء و بعدها صفيه في سيار و خليه يقطر مليح و ملحيه كمية ماش كبيرة بزاف من الملح

و بعدها فرشيلوا قماش و حطيه في الشمس يوم او يومين حتى ييبس

و لما ييبس زيدي طلي عليه مرة خفيفة و نقيه كاش مايتخلف

و ابعتيه ارحيه لما ترجعيه سيريه بالسقاط و حاولي تعلي يدك شوية بشكل عالي و تحركي السيار بشكل دائري و تسوطي فيه اي تنفخي فيه باش
تروح منوا النخالة و طبعا وجهك و شعرك كلوا يصبح نخالة ههههههه و كرري العملية مرة او اثنين حتى تروح منوا النخالة و يصير مايطلعش منوا غبار اللي يطيح من السيار راهو فريك و لما تنسفي و تلقاي باعلى الفريك اللي في السيار النخالة تجمعت حاولي تلميها بيدك و ترميها و كرري العملية حتى تنتهي منوا النخالة بين قوسين لازم تتخلصي من النخالة و انتي تغربلي فيه و يطلعلك شوية فريك خشين حوزيه و عاودي ارحيه و اخدميه بنفس الطريقة

و لما تتنحى النخالة حجموا ينقص بطبيعة الحال

و بعدها تطلعلك كمية نتاع فريك خشينة في السيار عاودي ارحيها و عاودي نفس العملية

اخر شيىء جيبي الدقاقة سيار رقيق جدا و دققيه و الغبرة اللي تطلع منوا خبيها تستعملي منها مغرف قهوة مع الفريك العادي باش يجي خاتر و ممكن تستعمليها ايضا لما تلمي الكفتة كي تكون جارية او في مؤكولات اخرى

و كمية الفريك رايحة تنقص بطبيعة الحال لانوا فقد النخالة و الغبرة و حتى القمح المنقى يعني ممكن نخسر منوا كيلوا او اكثر

و هذا شكلوا لما تعمليه

و حطيه في بلارة و اقفلي عليه باش ماتروحش ريحتوا و نسمتوا

و بالصحة و الهنا و اي حاجة مافهمتيهاش راني هنا هه

نتمنى نكون وضحتلك بما فيه الكفاية راني حكيتلك بالتفصيل الممل

و نهار ندير تاعي ان شاء الله نحطلك الصور اذا كتب ربي و كنا من الحيين
​

 

[omalbatoul]

في سؤال في احد مواضيع ام خديجة1كيفاه تجمدي المعجنات في رمضان قبل الطهي ولا بعده
جاوبتني
اختي الحبيبة فايزة انا افضل نطيبهم ونجمدهم ووقت الحاجة نجبد قد الحاجة اللي نبغيها قبل تقديم الطعام بنصف ساعة او ساعة وراح تلقايهم كيما خبيتيهم روعة
نصيحتي في التجميد ضعي حبات معينة قد عدد الافراد في كل ساشي هكذا كي تجبدي ما يخسرولكش الاخرين
قلت نجربها ان شاء الله

يعطيك الصحة اختي فايزة انا فعلا كنت نجمد المعجنات يعني التليتلي روز شخشوخة مجمرة اللي تبقالي من العشاء لما نعمل كمية كبيرة و نهار مانقعدش نجبدهم نلقاهم روعة

لكن النصيحة الرائعة هي اني نخبي قد عدد افراد العائلة الصراحة هاذي ماتولهتلهاش يعطيك الصحة على النصيحة انت و ام خديجة

 

[روعة2005]

صباح الخير اختي ام البتول نهارك مبروك
ربي يجازيك كل خير ياغالية راني فهمتك ملييييييييييييييييح مليح ومش محتاجة صور لانو كنت ساعات نشوف الوالدة وهي تعمل فيه العام هذا قلت نهنيها مني هههههه
انا كذلك عايلتي صغيرة انا وزوجي وبنت/ ولد صغار بس ربي يقدرنا واياكم

 

[lima-bell]

شكرا على الموضوع المتالق
سبقتني في كتابته
كنت بدوري سأتطرق له
أنا حضرت برنامجي لرمضان و هو سهل
لكن و راءه اجر كبير باذن اله
في المساء لي عودة و سانشره ان شاء الله
بوركت اختاه
​

 

[حكيك]

موضوع هايل ام الباتول

راني تبثت الموضوع لتمنى يلقى التفاعل مع الاخوات

 

[omalbatoul]

صباح الخير اختي ام البتول نهارك مبروك
ربي يجازيك كل خير ياغالية راني فهمتك ملييييييييييييييييح مليح ومش محتاجة صور لانو كنت ساعات نشوف الوالدة وهي تعمل فيه العام هذا قلت نهنيها مني هههههه
انا كذلك عايلتي صغيرة انا وزوجي وبنت/ ولد صغار بس ربي يقدرنا واياكم

صباح النور على عيونك عزيزتي

و الحمد لله انوا الشرح كان وافي و كافي راني تعمدت نحكي بالتفصيل الممل حتى اذا قراتوا اي وحدة مبتدئة تفهم الحكاية

الصور المرفقة دورت عليها في النت و كنت ناوية نصورلك و مادام عفيتيني شكرا

و اي وحدة شافت من قبل الطريقة تقدر تطبقها بسهولة و الله يخيلنا الوالدات الكريمات هما علمونا كل شيىء اذا حبيتي تشكريني ادعي لوالدتي بالصحة و الشفاء و طول العمر

ربي يحفضلك العائلة المصونة انا ايضا عندي بنت و ولد و ربي يعينا اجمعين ان شاء الله

و كنت قد وضعتلك الموضوع منفصل حتى تعم الفائدة على كل العضوات اللاتي يبحثن عن كيفية عمل الفريك

و الموضوع بالرابط

https://www.4algeria.com/vb/showthread.php?t=340933

 

[omalbatoul]

شكرا على الموضوع المتالق
سبقتني في كتابته
كنت بدوري سأتطرق له
أنا حضرت برنامجي لرمضان و هو سهل
لكن و راءه اجر كبير باذن اله
في المساء لي عودة و سانشره ان شاء الله
بوركت اختاه
​

العفو عزيزتي

و القلوب عند بعضها و احنا اخوات و ليس مهم من تكتب الموضوع المهم الفائدة التي تعم علينا كلنا و المحبة و الاخوة التي نكتسبها من مثل هيك مواضيع

متشوقة لمعرفة برنامجك و انا بانتظارك غاليتي