مآذآ ستطبــخين سيدتــي/آنستــي ,,, { الجزء 17 }

الحالة
مغلق ولا يسمح بالمزيد من الردود.
مساكم بالخير لبنات
بصحتكم واش طيبتوا
ايمان احمد بصحتك السندويتشات والصورة
ام منصه تسلم ايدك كبة وعليها لكلام تأكلوها بالصحة مع الحميص انتاع لوخية يعطيها الصحة
سلامي لكل الغاليات
عشانا اليوم فريث وسكالوب وسلاطة مع السخانة هدي​
 
السلام عليكم بنات
واش راكم ان شاء الله بخير
بصحتكم واش طيبتو
ما شاء الله اطباقكم كلها رائعة
اليوم كان عندنا حب الروس نتاع خالتي (الزيارة الاولى للعروس لدار باها )
فات مليح
طبيو الزيتون مع الدجاج مشوي والكفتة
والبرقوق مع اللحم
سلاطة بالروز
الحريرة
والفلفل
والديسار دارو ليموناد والدليع
ما قدرتش نصورهم كلهم
راكم عارفين الفتنة نتاع الضياف
ان شاء الله ما نكونش طولت عليكم
في امان الله ​
 
قال oumniati:
3la slama shahrazad wine kounti ghayba :-r
إضغط للتوسيع...
سلااااااام
مساء النوور
الله يسلمك ختي امنياتي
والله توحشتكم وتوحشت قعدتكم وطيابكم
راني شفت قااع واش فاتني
يعطيكم الصحة لبنات الي سقساو عليا ابتسام ميمي ام منصف والاخريات علابالي المعزة فالقلب ان شاء الله تكونو بخير

رحت للجامعة يعني كنت فالاقامة علابيها غبت حتى اليوم باه جيت
رحت ندفع واحد الاوراق ونجيب ديبلوم تاعي
قالولي حتى السمانة الجاية باه تديه :(
/////
المهم يا لغاليات يعطيكم الصحة على الاطباق
وذهبية مبروك مرة ثانية وعظم الله اجركم وبسلامة حنونة


​
 
قال emily mimi:
1338586138301.jpg

​
إضغط للتوسيع...
هادي تقتل هههههههههه
مليحة رانا كامل هاك
​
 
سمورة بصحتكم واش تعشيتو
خيرة الله يسلمك يا عمري
اهلاام ايناس
وام منصف بصحتك الاطباق الشهية
اااااااااه يا ايمانو كل شي يشهي
بصح عوجتيلي رقبتي مع الفوطو تاعك بصحتك التصويرة الباهية;)

​
 
ابتسام واش راك حبيبتي
ان شاء الله تكوني بخير
انا راني مع الميناج نديرلهم حاجة خفيفة برك ونروح نباطي:-o
​
 
قال hadda0425:
سمورة بصحتكم واش تعشيتو​

خيرة الله يسلمك يا عمري
اهلاام ايناس
وام منصف بصحتك الاطباق الشهية
اااااااااه يا ايمانو كل شي يشهي
بصح عوجتيلي رقبتي مع الفوطو تاعك بصحتك التصويرة الباهية;)​
إضغط للتوسيع...


هههههههههههههه ربي يخليك حبيبتي حدة
 
السلام عليكم ونهاركم مبروك: سمية, ايمان التلمسانية,مريومة مريومة, عفوفة و وردة02

ان شاء الله راكم بخير وعلى خير

حدة راكي مع الميناج ربي يعاونك

شهرزاد معليش كل عطلة فيها خير;), شفتي شحال يجريوكم , يسمى مزال في طبايعهم ههههه

يا درى واش طيبتو اليوم؟ يا حراير اعطونا شوية افكار° صحاب لمحاجب راهم باينين هههههه°
 
‏ibtesem, ‏ŚσÚмĨÁ.Ďz+, ‏mayameryouma, ‏samora68, ‏عفاف الجزائرية, ‏WARDA02

صباح الخيرات عليكم واش راكم
خيرو راكي مبكرة لحقتي شربتي قهوتك وتخمي على لغدى
 
صباح الخير عليكم
كيفاش صبحتو ان شاء الله بخير
انا والله لراني نستنا في النتائج نتاع الباك ومازال ما هداهمش ربي
الله يستر ​
 
بالتوفيق ايمان مابقاش بزاف على جويلية:up:

بسوم بكرت باه نشرب قهوتي في عقليو كي نشربها معاهم مانشفاش عليها ما نعرف وين تهبط ههههههه, ايه والله لغداء والعشاء راهم دوخوني
 
على السلامة ماموكة هاذي غيبة واش راكي واش احوالك, واقيلا اول مرة نشوفك اليوم, اسمحيلي اذا كنتي دخلتي من قبل ما نتبهتش
 
وين راهي سارة مابانتش, ماشي تفاهمنا رايحة تحطي موضوع هذاك الروز ؟ انا قلت ندخل نلقاه, اذا دخلتي اليوم اكتبيه معليش غير هنا وبلا صور باه ما نتعبكش معايا, ربي يخليك
 
يمان التلمسااانية راهم خرجو في النت انا شفت للجيران و لافااامي الحمد الله كامل جابوه
 
وليد السيدة حكيك راه ربح الباك لعقوبة ليكم كاااامل ياللي راكم تستناو
 
السلام عليكم وحمة الله وبركاته
واش راكم
مبروك على الي جابو الباك
واللي ماجابوهش العاقبة لمرة اخرى
150767273.jpg


645987656.jpg


495036796.jpg


571817432.jpg
​
 
السلام عليكم لبنات وشراكم كاااااااااااامل
يعطيكم الصحة وش طيبتو الله يبارك كلشي يشهيييييي وروعة
وينكم الدعوة راااااااااااقدة باين السخانة غلبتكم ههههههه
انا راني فرحانة اختي جابت الباك عقوبة لوليداتكم انشاء الله
​
 
الف الف مبرووووووووووووك لاختنا حكيك وكامل الناجحين
​
 
مساء الانوار عليكم اولا الف الف مبروك لابن اختنا حكيك والف الف مبروك لاختك تسنيم
ايمان انشاء الله نفرحو بيك انتي تاني
وسلاااااااااااااااااااااااااااااااااااااااااااااااااااااااااامي للجميع
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top