عالسلامة بالغايبات
اسومة طال غيابك يا غزالي, ضرك ما خلاصش العرس هذا , ولا كل يوم حلقة؟ هههههه
عفوفة يعطيك الصحة وربي يعاونك, ان شاء الله هذا المرة نطبق معاكم الدرس, يارب ما يكونش صعيب هههه, وسلمي بزاف على روز اذا زدتي هدرتي معاها, وقوليلها بلاصتها باينة بزاااف
فريدة عالسلامة, واش راهم لوليدات
احلامو فرحت كي شفت أطباقك, وزيد عجبتني بزاف السلاطة تاعك راني قاعدة نعاند فيك ههههه البطاطا راهي طيب, هذا واش يسلك مع السخانة
ابتسام يعطيك الصحة حتى انت السلاطة تاعك ماشاء الله بصح ماعنديش القرنون, نخليها لوقت اخر
لويزة طليتي علينا , يخي ضرك في داركم هوما يطيبو وانت صوري اتهلاي هههههه
شكون ثاني
سارة ربي يخليك, راني غير هنا مهما نغيب نعاود نرجع, يا ختي رانا كامل كيف كيف نحاجو ونفسرو, وهذاك الرقاق تاع هذاك النهار لوكان جيتي قريبة نبعثلك, نقولك راكي رايحة لدزاير جيبي معاك طاجين واتهناي, وشمي الريحة كيما يحب خاطرك
سامحوني يا المشرفات هدرت بزااااف, ما نزيدش نعاود:$
ضرك نروح نحوس كاش تصويرة قديمة نحطهالكم هههههههه
روعة, تسنيم, ميمي, اسيا, سيسي, حدة, سمية, شهرزاد...........مستحيل نذكر كل الاسماء سامحوني, سلامي ليكم كاااااامل
كاين البركوكس تاع هذاك النهار
والذيول اللي جربت, وجربت بيهم طريقة تاع بسيطلات على شكل وردة , شفتهم عند شميشة, لازم الورقة تكون طرية بزاف باه كي تلويها ما تتقطعش, انا الشكل خرجلي عيان
تحطي الحشو في وسط الورقة, وتلمي الجوانب كيما الرزمة, ثم تلوي نصف دورة برك وتحلي هذوك الجوانب تسقميهم بيدك وترديهم من تحت{ علابيها الورقة لازم تكون كبيرة ثاني} انا اللي درت في الدار جاوني قرصات صغار
هذا ماكان وتطيبيها في الكوشة, حبيت نجربها ثاني بالحشو تاع البوراك عادي لرمضان ان شاء الله
كاين ثاني سباقيتي بالحوت, ولاكرام تاع فوفة خلاص غني عن التعريف, انما صورتو برك خطراكش درت لونين مع بعض باه ما نكثرش لباطات في الكونجيلاتور ههههه فصلت بينهم بالسيلوفان:regards01:
اليوم ان شاء الله غير السلايط: عندي سلاطة مقرون من البارح, ونزيد سلاطة كيما تاع احلامو والبركة
