لولاد اعلاه عليكم هادوا خواتاتكم ؟؟؟؟

[ميسومة الدلوعة]

السلام عليكم و رحمة الله و بركاته


واش راكم يا ناس اللمة ان شاء الله كامل تكونوا بخير و بكامل صحتكم
والله توحشت لمتي الحبيبة وداري التانية
وراهي ماشيا وتكبار ونشوفو في وجوه جديدة
بصح قاعدة هي هي
المهم ندخل في الموضوع
كيما رانا نشوفو في مجتمعنا الجزائري علاقة الاخوة بين الدكر و الانثى شوية غريبة
و تقلق شوية خاصة البنات
تلقاه يدخل لدار ما يحكيش مع ختوا ما يقيمهاش خلاص
لا ضحكة حتى باش يبتاسم معاها ماكانش
ياك الابتسامة في وجه اخيك صدقة
و لا هي مسكينة تجرب تحكي معاه ولا تقصدر وجها بكاش كلما
sur يندبلها
يعرف غير لعياط و ما يحبش يحكي معاها
يقول كون نقيمها تدخاص خلاص
بصح برا مدايرلها لحرما و ششوا لي يجرب يحكي معاها
بصح هي العكس كون تقعد مع اختك و تحكي معاها و تحسسها بلي راك خوها
و تسمعها و تعرفوا بعضاكم كثر تضحك معاها ما تضربهاش هكا تخليها تحس بحنانتك و بلي راك تحبها
و تخاف عليها
هك باش تكون تعرف كلشي على اختك و ما تخليهاش تحوس على لحنانة هادي في بلاصة خلافة
ولا تحكي مع لولاد برة
خاطر كون انت مشبعها هدرة ما تحتاج حتى واحد تحكي معاه
كونك انت الصديق الاختك وانصحها ما ديريش و ما دريش
و كون مش انت لي تنصحا شكون لي ينصحا و مبعد كي تغلط عوجها و انت اك عمرك ما سمعت بيها تعرف غير لعياط و ضرب

سؤالي لشباب
واش هيا علاقتك بختك ؟
و اعلاش ما تحبش تدخصها عليك ؟
و واش فيها كون تحط اختك قدامك و تحكي معاها و تدخاصوا على بعضاكم ؟
و نتمنى منكم توعدوني تتقربو من خواتاتكم خاطر والله بتقرب هدا رايح تخلي اختك احسن وحدة
سؤالي للبنات

واش هيا علاقتك بخوك ؟
و تتمناي يكون خوك يفهمك ويحكي معاك كصديق او لا ؟
و بيناتنا يضربك ولا لا ؟ انا لولا نضل ندي فطرايح بلا سبة نحكي معاه برك ندي طريحة و عندي خويا واحد و صغير عليا بصح قاتلني ربي يصبرني و يصبركم

اليكم الخط

 

[عليلو 24]

اك غالطة (بالنسبة ليا)
​

 

[miss A]

موضوع رائع
والله غير صح وش قلتي انا عندي صحباتي ديما يحكولي وش دارو فيهم خاوتهم
هذا النوع من الخاوة ممكن شايف روحو هو احسن من اختو وممكن تكون تطياحة ليه باش يهدر معاها:down:

بصح كاين خاوة هايلين وتلقايهم مفضلين خواتاتهم على نفوسهم يهدرو معاها يناقشوها يتمسخروا معاها ويلعبوا مع بعض وانا نقلك والله غير شفتهم كيفاش يتعاملو مع بعض:up:

وانا كيفك عندي خويا اصغر مني بياسر بصح السؤال واش هي علاقتي بيه:$
انا الحق مسكين دايرة فيه حالة بصح نحاول اني نثبت وجودو علاجال هو الوحيد طفل بيناتنا
موضوعك رائع يخلي الواحد يعبرعلى رايو مشكورة اختي :regards01:

 

[بيكهام]

سلام عليكم

كيما قالت الاخت كل واحد وراي تاعو

بنسبة ليا معنديش الاخت انا وخويا صغير برك

شكرا لك
​

 

[{مُدَلَّلَتُهُ}]

و عليكم السلام

ربي يصبرك حنونة مع خوك و ربي يهديه

انا الصح ما عنديش خويا كبير بصح علاقتي مع خويا الصغير مليحة

اما العباد لخرين كاين و كاين . عدنا وليد جارنا خواتاتو كبار عليه يضربهم بسبة و بلا سبة ، وحد اخرين لالا تلقايه يحكي مع خواتاتو نورمال و مصاحبهم *- مشي داير الرجلة غي عليهم هوما مساكين :down:*-

موضوعك هايل يعطيك الصحة اختي
​

 

[RINAR]

انا الحمد لله و الله جامي خويا رفد يدوا عليا انا ماندير حاجة تخليه يضربني و هو ماش من الجماعة هدوك اللي يدخلو في كلشي و نحكي معاه عادي نقصروا نضحكوا و نحكيلوا كلشي ما فهمتش انا كيفاش اخ مايحكيش معى اختوا ههه و عايشين مع بعض دار وحدة :s و لو كان ما نحكيش مع خويا مع من نحكي !!!!!!!!

 

[wafa peace 2011]

sujet hayel rabi yahfadelena khiyatena ga3
++++++++

 

[aidouch]

و عليكم السلام اختي...
ان شاء الله تكوني بخير
و الله موضوعك هايل و يدخل في القلب كيما العادة
اما بعد...
انا عندي 2 خاوتي كبار عليا مي الحمد الله علاقتي بيهم هايلة و ربي يخلينا لبعضنا
يفششوني و يقلشوني و مداسراتهم بصح في وقت السيريو و كيشوفو حاجة متعجبهمش ينصحوني و يهدرو معايا
و انا نتقبل الامر بقلب صافي لانهم هما خاوتي و يخافو عليا و يحبولي الخير
و هما علابلهم بكل شيئ اكثر مني
مشكورة اختي مرة ثانية موضوعك في القمة​

 

[طير الجنة]

أنا عندي خويا واحد صغير
مي علاقتي بيه أنتيك الحمد لله
شكراا ليك ختيتي على الموضوووع
​

 

[خوليتا]

السلام عليكم
أهلا بيك ميسومة ... واش راكـ مع هاذ السخانة ؟؟؟؟
الموضوع نتاعك شباب و عجبني بزااااف .... أنا الحمد لله ماعنديش خوتي دراري كبار عليا مزية
ـمت بخصوص الأسئلة تاعك هاهي الأجوبة
واش هيا علاقتك بخوك ؟
الدراري صغاااار لازم تتعلم الكونغفو شويا للدفاع عن النفس
و تتمناي يكون خوك يفهمك ويحكي معاك كصديق او لا ؟ بيان سور نحب mais عندي زوج واحد كبر منو بـ 10 سنين وواحد صغر مني ب 4 سنين

 

[ĂÝǾΰb]

الموضوع عجبني بزاااااااااف
لي عودة ان شاء الله
​

 

[مفخرة الجزائر]

عندي خويا واحد انا اكتر منو ب11سنة يعني مزالو صغير

 

[lima-bell]

طرح مميز مشكورة

 

[07 _H@yThm]

واش هيا علاقتك بختك ؟ صافا بيان معدناش هدره بزاف بويسك صغيره عليا
و اعلاش ما تحبش تدخصها عليك ؟ ياودي داخصها تخلا عليك خليها في حدودها خير
و واش فيها كون تحط اختك قدامك و تحكي معاها و تدخاصوا على بعضاكم ؟ كي تعودو نفس لاج ونفس نيفو ماعليش
و نتمنى منكم توعدوني تتقربو من خواتاتكم خاطر والله بتقرب هدا رايح تخلي اختك احسن وحدة نشالهه اذا كتب ربي
يعطيك الصحه يالفحله

 

[iméne09]

واش هيا علاقتك بخوك ؟
بزااااف فور انا مع خويا كبير متفاهمة توجور نقصرو ونضحكو وعندي خويا صغير عليا كيشغل صاحبي بزاف قريب ليا ندلو نتمصخرو يحكيلي ونحكيلو كلش
و تتمناي يكون خوك يفهمك ويحكي معاك كصديق او لا تاع الصح قد ما يتقرب ليك خوك قدما تحسي راجل في كتافك ويسقسي عليك وينصحك ويخاف عليك وتولي دايرتلو حساب وماتحوسيش على وحدوخر لي يشبعك حنانة لي مالقيتيهاش في دار
و بيناتنا يضربك ولا لا ؟
والله جامي ضربني مام انا الحمد الله مانوصلش روحي باش نغلط ونخسرها مع خويا لي مانلقاش واحد يخاف عليا كتر منو
عندك الحق خيتو كاينوحد عيباد لا رحمة لا شفقة مايتفاهمش كامل مع خياتهم يدخلو يضربو ويخرجو يضربو مكاش معاهم تمصخير الحمد الله ربي عطاني على حساب قلبي
يطيك الصحة خيتو وربي يكون في عونك مع خوك ​

 

[•мϊѕŝ Šрέсǐάł•]

موضوع جمييل ينطبق على المجتمع الجزاائري تمااما
بالنسبة لي عندي خاوتي الكبار عليا اساسا انا الصغيرة
بصح لحد الان يعاملونني مليح ,, ويحكو معايا ويقصرو نورمال
مي كي يجيو مقلقين ولا ماش نورمال انا وحدي نجبد روحي عليهم
علاقتي باخي عادية كاخ واخت على ما اظن ,, الدخس فيها ماش يااسر ههه
يعني في بعض الامور كل واحد في حدو ,, ما نتناقشوش فيهم
والعفايس تاع براا ساااعااات يلعبوها عليا بصح ما يضربونيش

​

 

[ميسومة الدلوعة]

اك غالطة (بالنسبة ليا)
​

شكرا اخي
كل واحد ورايوا
نورتني

موضوع رائع
والله غير صح وش قلتي انا عندي صحباتي ديما يحكولي وش دارو فيهم خاوتهم
هذا النوع من الخاوة ممكن شايف روحو هو احسن من اختو وممكن تكون تطياحة ليه باش يهدر معاها:down:

بصح كاين خاوة هايلين وتلقايهم مفضلين خواتاتهم على نفوسهم يهدرو معاها يناقشوها يتمسخروا معاها ويلعبوا مع بعض وانا نقلك والله غير شفتهم كيفاش يتعاملو مع بعض:up:

وانا كيفك عندي خويا اصغر مني بياسر بصح السؤال واش هي علاقتي بيه:$
انا الحق مسكين دايرة فيه حالة بصح نحاول اني نثبت وجودو علاجال هو الوحيد طفل بيناتنا
موضوعك رائع يخلي الواحد يعبرعلى رايو مشكورة اختي :regards01:

سلام عليكم

كيما قالت الاخت كل واحد وراي تاعو

بنسبة ليا معنديش الاخت انا وخويا صغير برك

شكرا لك
​

ايه خويا
معليش ان شاء الله نتوما 2 دكورة ما تكنوش مهبلين يماكم برك و تكونو تعاونوها
نورتني خويا لعزيز

 

[sara 4ever the best]

موضوع رائع وهذ الظاهرة منتشرة بزاف في مجتمعنا الولد يحكي مع وحدة غريبة ويقولها راكي كي ختي وعلاه تخلي ختك وتروح لبنات الناس ....حتى الاسرة كي تكون مترابطة وكاين دايما تواصل ميكونش كاين مشاكل وحتى اذا كان كاين يقدروا يتجاوزوه....اما انا فخاوتي الحمد لله متفاهمين نزعقوا نضحكوا نحكيو لبعضنا ......شكرا مرة اخرى على الموضوع​

 

[مابقاش بزاف.Dz]

الحمد لله غير انا و خويـا متفاهمين و علاقتنا طيبة
مشكورة على طرح الموضوع

 

[زهور الشوق]

واش هيا علاقتك بخوك ؟
3andi 5 khawti akbar mini w3alakti bihom haylaaaaaaaaa w elhamdo lilah
kaml 3akliyathom hayla ydal3oni.ynashoni yla3bo m3aya 7ta w ana kbira.3omri makhasatni 7aja m3ahom w fadlhom kbir mankdarch nwafihom 7akhom mahma kolt w fa3alt rabi yahfadhom kamlin
و تتمناي يكون خوك يفهمك ويحكي معاك كصديق او لا ؟
omniyti m7akaka el hamdo lilah 3ndi akhi 4 aktar wa7ad n7kilo w ya7kili
ect.............
و بيناتنا يضربك ولا لا ؟
lala hamdolah


ellah ybareeeeek

khalis wodiii w ta7iyati
:regards01:​