مساعدة ضرورية

[naGam]

السلام عليكم

من فضلكم ياعضوات المنتدى حبيت مساعدة منكم
انا اهل خطيبي وخطيبي جايين نهار الجمعة زيارة
وماعرفتش واش نحطلهم ولا واش نطيبلهم
وياريت تقولولي واش هي الانواع نتاع قاطو تكون خفيفة ونقدر نحضرها في سع وتكون مليحة
وربي يجازيكم كل خير
​

 

[أم أشواق]

صباح النور اختي
اما عن الطبخ طيبي شوروالمعدنوسمتنسايش الطبق التقليدى تاعكم
والعشية مع القهوة ديري بسبوسة خفيفةوهاهي مقاديرها

 

[أم أشواق]

طيبي شوربة فريك مع كفتة بيضاء بالمعدنوس والقارصومتنسايش الطبق التقليدي تاعكم
واسمحيلي على التخليطة الاولى راهي لكلافي خلصولها لبيل

 

[naGam]

طيبي شوربة فريك مع كفتة بيضاء بالمعدنوس والقارصومتنسايش الطبق التقليدي تاعكم
واسمحيلي على التخليطة الاولى راهي لكلافي خلصولها لبيل

صباح الورد والفل والياسمين
شكرا ليك اختي ام اشواق وباركالله فيك على مساعدتك
وربي يجازيك كل خير
​

 

[أم أشواق]

ايمان رديلي واش الاخبار تاع العزومة
وانا تاني عندي غدا عزومة راني نحطلك واش درت الغدا والقهوة​

 

[naGam]

ايمان رديلي واش الاخبار تاع العزومة
وانا تاني عندي غدا عزومة راني نحطلك واش درت الغدا والقهوة​

اوكي حبيبتي
​

 

[naGam]

اختي جاونا البارحة
على الدخلة قدمنالهم صحن بطيخ بارد

ومن بعد حطينالهم صينية انتاع عصير وسلطة فواكه

وفي الغذاء درت شوربة فريك ومثوم وقراتان انتاع بطاطا ولحم مرحي
وفواكه وعصير و.........
وفي المساء






الصور منقولة على فكرة
​

 

[أم أشواق]

مرا ونص
الله يبارك هكا يعرفو بلي راح يديو امراة تشرفهم في كل شئ
يعطيك الصحة​

 

[naGam]

وانتي اختي ام اشواق واش قدمتيلهم
​

 

[أم أشواق]

مساء الخير حبيبتي انا كي وصلو حطيت طبق فاكهة باردة واللي هي الخوخ مع عصير مشري لكن وضعته في طقم مع طمينة اللوز
والغداء طبت شوربة فريك مع كفتة بالدجاج والطبق الرئيسي درت كسكسي بلحم الخوف طيبتو بمرق احمر
والديسار تفاح وبنان وعين بقرا وحب لملوك وفي المساء درت قهوة مع المقروض التقليدي تاعنا وتاني صحن بسيسة وهي اللي يحضروها في الزيادة تاع الاولاد وتاني طيبت حليب للاولاد راهم بزااااااف وخلاص وبقيتهم بالسلامة وليت للكوزينة مالقيت منين نبدا ومنين نخلص لكن نقولك حاجة والو ماتكل غير الماءبرك كلش كيما راه اللي كونجليتو واللي عشيتهم بيه البارح

 

[naGam]

مساء الخير حبيبتي انا كي وصلو حطيت طبق فاكهة باردة واللي هي الخوخ مع عصير مشري لكن وضعته في طقم مع طمينة اللوز
والغداء طبت شوربة فريك مع كفتة بالدجاج والطبق الرئيسي درت كسكسي بلحم الخوف طيبتو بمرق احمر
والديسار تفاح وبنان وعين بقرا وحب لملوك وفي المساء درت قهوة مع المقروض التقليدي تاعنا وتاني صحن بسيسة وهي اللي يحضروها في الزيادة تاع الاولاد وتاني طيبت حليب للاولاد راهم بزااااااف وخلاص وبقيتهم بالسلامة وليت للكوزينة مالقيت منين نبدا ومنين نخلص لكن نقولك حاجة والو ماتكل غير الماءبرك كلش كيما راه اللي كونجليتو واللي عشيتهم بيه البارح

ربي يباركلك اختي ام اشواق راكي ساجية يتسمى تقريبا الضيافة تتشبه لبعضاها والحمدلله خلصت على خير
وصحيح الكوزينة ماتلقاي بواش تبداي كي يروحوا الضياف تقضيلك نص نهار وانتي فيها
وبارك الله فيك على مساعدتك مرة اخرى
​